醉藥雞 (福榮街)

營業中

休息中

上星期五同同事經過福榮街都只係見到得車仔麵要排隊，有望過下依間新開嘅醉藥雞，但無幫襯到，因為已經食完晏。過兩日見到網上有片介紹喎，好似幾正咁，所以呢日即刻衝去食。誰不知唔夠一個星期再去到，個場旺咗勁多🙈，我哋下午一點去到，要等咗兩張枱先入得；但原來高峰期係一點半，門口好多人排隊，又好多人等外賣。餐廳新開張，所以裝修都好新淨，採用咗湖水藍做牆身嘅色，並放置咗唔少中式碗碟做裝飾🍽。環境好乾淨，座位亦都闊落，坐得舒適。可能天氣仲係涼涼地嘅關係，我哋眼見每一個食客都係食緊一鍋熱辣辣嘅嘢🍲。再者，係呢到招牌嘛！餐廳無做午餐，全日都係同一個餐牌，選擇非常多，除咗砂鍋雞同生滾麵外，仲有冷盤同各式小食。老實講，全部都幾吸引，款式老少咸宜，價錢合理。雖然等上菜嘅時間稍長，但呢個等侍係絕對值得㗎😊。因為兩個以砂鍋上嘅雞湯麵，都係新鮮滾熱辣送上，啲蒸氣升到吧吧聲，睇得出個湯真係啱啱滾完。不過要小心唔好掂到個鍋邊⛔️。砂鍋雞鮑翅($98)，呢個價錢食到真嘅魚翅加鮑魚真係邊到搵😋，真材實料，好正！雞湯味道超濃郁，個人認為係偏鹹少少，但完全無問題，掛米線一流。配料方面，足料唔使講，魚翅唔係得條蝦毛咁細，係大大片👍；

尋日放工去咗超多平民美食既深水埗搵食，要係眾多抵玩餐廳中突圍，除咗抵食仲要夠高質，咁見到呢間好似係新野但入面又勁多人既醉藥雞，見佢啲野食都幾comfort food，就試吓😆呢度主要食既野就係醉同埋藥兩味玩唔同食材，一黎就叫左個醉豬手試試，呢度既醉汁底係真心高質，好香酒味，d豬手完全入晒味，又充滿骨膠原，份量仲ok多👍🏻👍🏻👍🏻見到餐牌有雞鮑翅$98即叫，嘩碗野勁大出到嚟係滾住上，勁多翅，兩隻大鮑魚，雞超滑全部雞髀肉，湯底仲有金華火腿絲，呢個價真心冇得輸，必食！😋😋😋朋友醉雞同藥膳湯底一樣出色，另外推介加個蛋，一樣用醉汁，個人覺得高質過拉麵店既蛋👏🏻

又是leg day，辛辛苦苦做完gym當然要食一餐補充到營養又不肥的餐廳。.剛好在福榮街有一間新開的餐廳叫醉藥雞，招牌大大隻好似中國古代的牌坊。.雞對我而言就是補充蛋白質，這裏有很多款不同的雞，包括雞湯翅、雲吞雞、人蔘雞、醉藥雞等等，可以叫一大鍋湯也有粥粉麵飯配。.我就叫了一個雞湯翅配刀削麵。已想不到的大鍋呢，雞肉是雞髀位，所以更加嫩滑而且多肉食，雞肉有他的鮮味不似是用冰鮮雞。更加開心的是入面有很多魚翅，一大條一大條的，補充骨膠原的時候！而且這個湯很鮮甜有雞味，加上少少火腿更加突出豐富湯底的味道。而刀削麵就似阿信屋買的那種台灣刀削麵，十分有掛湯的效果。.叫一個面加$8就有一支豆漿更是進一步補充蛋白質！.另外叫了一款小食麻辣牛舌，通常牛舌是一片一片食的，這裏設成一條一條，更加能吃到牛舌的口感。.作為一個健康的我當然要叫菜啦，我這個芥蘭就叫了走油，一滴油都冇。.值得一提的是這裏是用砂鍋去煮的，看到砂鍋上的痕跡就會知道用明火直接滾熱砂鍋。.既然這加餐的的名叫醉藥雞，下次就來試試他的醉藥雞。

胡椒豬肚雞米線一嚟到鍋米線仲係滾㗎，湯底胡椒味唔太辣啱啱好，豬肚煮到冧、彈口，雞既份量都好多有一隻大雞髀！個湯一定要飲晒呀真係用雞湯底整嘅，加埋米線吸收左個湯，好好味！砂窩雞鮑翅米線個味就有啲似澳門嘅譚家魚翅湯，入面有兩隻鮑魚同埋真係有翅，雞湯味鮮、濃！醉三鮮有一隻鮑魚三隻蝦同埋花螺，好重花雕酒味。食材好新鮮，特別係鮑魚一隻真係唔夠呀！醉薰蹄同平時食開嘅燒味檔薰蹄口感完全唔同，用酒浸過之後，肉質特別軟，濃郁嘅酒味，好鐘意哩個味道！

呢幾日都有dd凍，凍凍哋食乜好，行過開咗間新舖，個舖名有d奇怪，究竟食乜嘅呢？好奇之下行埋去望下個menu，原來係食養生嘢嘅+酒浸乜乜甘，睇落好補身，辛苦咗甘多日，梗係要補補身嗱，叫咗個“砂鍋雞湯翅+米粉“+“砂鍋雲吞雞+米粉“（當然有米線，刀削麫揀，不過米粉好似無甘肥😂😂），首先個湯頭係無乜味精，但如果用嚟做麫嘅湯我覺得有d偏淡，或者我重口味，同埋我覺得唔夠入味，两者唔夠融為一體，食落似湯有湯煲，米粉有米粉煲， 瞬間覺得驟然失色😂😂至於個酒浸流心蛋，有酒味，不過就過熟，唔夠流心甘，總體嚟講，未至於好好食，有進步嘅空間

深水埗一向多特色小店呢間主打雞湯既新鋪頭相當吸引雖然以lunch黎講價錢唔算平💰但都走入去試下拉！鋪頭雖然用醉雞做招牌原來有其他搭配既雞湯揀要試當然係試招牌菜拉🤘🏼🐔招牌。砂窩醉藥雞🐔可以揀要白飯/其他粉麵通常都係另上，但白飯唔夠熱屬於少暖偏凍既溫度好彩雞湯上枱個陣仍然好滾淋落白飯到啱啱好熱返d飯窩入面都算足料有4-5件雞同木耳仲有啲1粒粒既糯米雞夠嫩滑而且冇雪藏味通常講起醉雞都會諗起花雕酒但呢到寫明係(煮雞酒)湯有超濃郁既糯米酒香不過我唔太食得慣糯米發酵之後個種偏甜又有啲酸既味道對鐘意煮雞酒既人應該想試下

近來有很多雞湯嘅粉麵店出現，呢間在深水埗嘅醉藥雞味道好，價錢合理，選擇又多。我叫了招牌砂鍋醉藥雞米線，因這麼好味嘅湯底配米線係最好味的。湯底聞起來有淡淡嘅酒香味，飲到有好香嘅紅棗味，絕對鮮甜。內裡還有薑，淮山，雲耳，真是好味得來又健康，女士可以補補身子，調理一下。如果酒味可以再濃少少會更好下次我還想試其他款式嘅食物

8 March 2020陪男朋友去電腦廣場買平板機順便係附近醫肚，本身有target 想去某一間到食肆到食野，但行行下被一間Star Wars （沙鍋）雲吞雞同埋有花雕冷盤食 即係心動左❤️ 於是9秒9轉場食呢間。環境就比較逼夾，建議叫嘢食時2-3樣咁order~ 張枱擺唔哂。我見隔離枱係咁跌筷子匙羹😅。d枱又fix實哂郁唔到。顧得前面都顧唔到後面。好好彩，我地walk in 入座時有角位可以坐 咁就闊落少少。個Menu都幾多選擇 睇到我地都花多眼亂。樣樣都好想食🤩。最後決定選了：魚翅雞沙鍋煲配銀針粉個湯一上枱時熱辣辣好滾好吸引，仲好似好足料咁有瑤柱金華火腿，飲落去有d燉湯嘅感覺。幾好幾好。川粉皮蛋本身其實主要想食個皮蛋，但皮蛋竟然冇味，唔知係唔係個川粉嗰啲酸辣汁cover哂d味所以令到我覺得個皮蛋失色，反而個川粉好好食，好惹味花雕糖心蛋呢個真係不得了，糖心蛋流心不特止仲要充滿着花雕嘅酒香，佢裏面嘅花雕好得意㗎有桂花味㗎。食落口唔會好涸喉。花雕冷盤（牛舌，豬肚，燻蹄）牛舌係最入味口感唔錯豬肚食落去幾彈牙，幾得意燻蹄反而無乜料到好膠男朋友好滿意呢餐，見佢呢排做嘢辛苦又捱通宵趕住交文件，成日

今天咁啱經過見到間舖頭個名好特別,叫做醉藥雞,相信最主要都係酒,因為今日天氣唔係好凍所以冇事佢個藥😆,門口又有啲小食擺設,起碼畀你睇下,咁我哋幾個就入去試下佢哋啲食物,叫咗一啲小食同埋個沙鍋雞煲翅.幾個小食都非常惹味,醉鵝肝喺出面真係未食過,喺呢度食真係好好食,砂鍋雞湯翅比我想像中多材料,雞亦很滑,這個價錢真係冇得挑剔,喺呢個時勢仲夠膽開佢哋真係好有信心,希望下次食多少少唔同嘅食物🤗.好在今次有五個人食所以叫咗唔同嘅小食🥳

已經是第2次來惠顧,之前經過你們剛剛開業，一兩天吧,感覺你們很有心思，在眾多食肆中你們有新的風格,因食了嘢，沒有進來食第1次來食的是醉雞,胡椒湯,刀削麵這個價錢是水準之上👍👍第2次來食，是砂鍋雲吞雞刀削麵，都在水準之中,可能當晚比較忙，賣相差欠少少😊，見湯中是有火腿絲,如出來時放在麵上，給客人更加具吸引力,湯底不算特別出色,但這價錢已是誠意之作👍👍感謝你為喜歡輕食的人有新的選擇,🙏🙏🙏不會祇有茶餐廳，車仔麵,快餐店.....一潭死水，冇得選擇為香港飲食業加油💪💪💪