醉月樓 (已易手) 新餐廳

上個星期就去左大圍田心村個邊搵食見到間川菜 鍾意食辣既我地就緊係衝入去食啦叫左辣子雞同 支竹牛腩想講既係 個辣子雞真心好食好香 但唔夠辣 如果辣d真係頂呱呱下次再食一定叫佢加辣

今日爸爸生日 但又成日落雨 所以都係喺屋企附近揾間鋪頭食就算可能因為係閒日夜晚 唔洗等位😀由於小妹有選擇困難 又想等埋爹娘先落單 淨係點菜已經搞左勁耐🤦🏻‍♀️好在我估應該係老闆嘅人勁好 冇黑我面 仲喺睇餐牌嘅時候已經比埋湯我地😍最後慳家嘅我點左兩個是日晚市特價小菜：豉汁蒸白鱔同豉椒炒蜆同埋 豬骨湯牛坑腩 再加碟炒雜菜個人認為最吸引嘅係個牛坑腩煲🤤個豬骨湯好濃 仲有胡椒味同少少牛味 送飯一流👍🏼牛腩夠腍又唔老 仲唔羶😍👍🏼仲有啲菇類😍 啲菇有陣好似烤過嘅香味 娘親話新鮮菇先係咁🤔 但點解佢平時唔買新鮮冬菇我食😂由於自己本身對食冇咩要求其他嘅餸都滿意 只係自己近年口味偏淡 覺得有啲濃味店員見到食得差不多 就會比糖水我地🤤 是日糖水：蕃薯芋頭糖水 （咁啱就係父親最愛嘅植物😂😍👍🏼）因為哥哥今日遲收工 唯有一路食一路等佢老闆仲好好人咁留意到哥哥就黎到 幫我地翻熱返個牛腩同白鱔 仲問哥哥要唔要飯 超細心 感動😍👍🏼👍🏼開心 温暖嘅一餐生日飯

一行十二人去食晚飯，叫哂餸先黎個波羅生炒骨，上到枱有人想食波羅所以先發現一舊波羅都無，洋蔥就多，咁未問下係未無波羅啦，同我地講廚房溜左補俾我地都無問題，到中段黎左個煲，因為人多關係同枱負責食既就唔理食左先，因為佢地都唔知叫左咩野餸，隔左陣個職員走黎拎起個餸，就咁一句話唔係你地既，我地就話食左喇喎，佢跟住問我地係未要？係要既就收錢，重覆左幾次，咁我地都要知係咩黎咖，未問佢咁果個係咩餸囉，問左幾次都唔答仲要黑我地面，而家好似係我地做錯事咁，其實依到既餸份量少價錢偏貴，如果唔介意受埋氣既真係可以幫襯下喇。

朋友家住大圍，－向有幫襯，之前食物不過不失。近月店鋪頂手班底大換血，食物水準上升不少。推薦水晶雞，新鮮雞，半隻已好大，皮爽肉有口感！豉汁蒸魚頭，汁夠濃，魚新鮮無腥味，食到腍腍咀！炸雲吞水餃，脆口！店鋪不大，但門口可開大枱，大棚人要預早訂坐。老闆娘很好客，有老火湯，沙律，糖水送。讃

在無意之中，找到了一家唔駛去大排檔都夠鑊氣，上菜熱騰騰的店實在令人震奮如果呢一家近我家多啲應該會成為飯堂之一先講講環境環境唔算寬敞，如果有BB 的話BB 車是要放門外的店內光線充足當然就不會有豪華裝修，只有簡約報置我地入去既時候店員都細心既見到我地有BB都會帶我地去一個唔當風既位俾我地因為我地本身想坐另一張枱呢個舉動令我地印象深刻到食物啦~~~叫咗個牛腩鍋本身上次都想試架啦~但係上次人少點食到咁大個鍋呀~~~~牛腩鬆軟入味有種胡椒豬肚湯的味道微微的辣，令人食慾太增配料亦都充足菇菌類，腐竹辣子菇菌炒牛肉一上枱熱到燙咀愛辣既我地完全滿意辣度適中，又唔會過鹹(唔好意思，呢張濛咗)牛肉有咬口，唔會用野嗱得過火炸蠔呢個就因為我地都唔係好喜歡太油同太多粉既呢個粉略為多同埋蠔只係蠔仔最後呢個係少油鹽糖既健康菜式肉碎浸時菜餐廳仲有一系列少油鹽糖系列，適合愛健康人士每次晚餐時段都會送例湯同糖水例湯就飲曬先記得未影................糖水係紫米露比一般糖水店淡一些但材料並沒有少用料充足，紫米的香味未食就已經聞到啦~~~最後五個大人，每人仲叫咗一碗白飯，大約四百二十蚊埋單

見呢度多好評，所以兩個o就黎試下了。7點幾已經好多人，一入去就即刻有杯茶飲，好快手呢！我地叫左口水雞同埋冰梅骨，口水雞係麻辣既，未必個個中意食，我朋友就話一般啦。反而我就好中意食，因為同我以前係北京食既味好似~~~~好懷念哦。d雞好嫩好有味呢，半隻都好大好大，兩個女仔真係食唔灑！個冰梅骨呢~~原來就係疑似咕嚕肉，本來好失望呢, 因為我地都係貪個名得意先叫，但係食落真係非一般咕嚕肉，外皮好脆好好味~~~d汁真係有好多梅核架~~都食得出佢地既心思不得不提佢地既免費老火湯同埋湯水，上星期係竹蔗水, 好好味！尋晚忍唔住又去食過，不過今次即興無影相。食左豬骨湯坑腩煲同埋金沙雞翼。豬骨湯坑腩煲係滾住上台(基本上呢度咩煲都係, 好夠火侯)，d腩肉好"林"又入味~~同埋好多我中意食既菇做配料呢。金沙雞翼就一般啦，因為我唔太中意食雞鎚......不過隻雞翼都好夠火氣，又入味(大家要唔怕熱氣先好叫丫)如果d咸蛋黃再多d就好了~~今次係飲清保梁~好味

晚飯時間，想食小菜，想起這間小店。一坐下，還未點菜已送上熱湯，好足料! 點左個枝竹牛腩煲同雲耳勝瓜炒肉片，叫完先5分鐘，已送上面前。牛肉夠林又入味，唔會痴牙，勝瓜夠清甜! 食完飽飽，仲有甜品送，是日係木瓜雪耳，又係清甜! 咁好食又抵食，點解晚市都咁少人?! 可能真係太隔sip?! 下次經過呢間店唔好因為少人唔入呀，真係誠意小店!推薦!

這天到這裡搵食, 四週圍的餐廳都好多人, 唔想排隊好似只有潮州粉麵揀, 星期五... 真係唔想食粉麵喎!! 向住田心村裡面一路走一路走... 見到一間店好像在黑暗中發光,於是便走了過去. 門面不錯,而且不用等位,這晚天氣很涼爽,於是便選了戶外的位置. 見到隔離枱打梗邊爐,下次可以選, 今次先試小菜.點了經典的咕嚕肉,肉都好新鮮,唔會有翻炸果種,肉都幾鬆軟叫了肉第二味肯定係菜,叫左西蘭花炒花枝片,呢味菜食得出鑊氣味可能係做開街坊生意的原因,店員態度很親切,很喜歡這一點.

一直好少黎大圍呢度搵野食，今日特別情況黎左醉月樓。叫左個四川辣雞煲($120左右)，回鍋肉(唔記得左價錢)。回鍋肉係正常水準之上，炒得夠香，連配菜都吸哂d汁，好正。而四川辣雞煲我無刻意話小辣，辣度適中，普通人都無問題。雞肉好嫩，而d香料既味道精華真係入哂落個湯度，好香又有風味，我個人推介呢個!!環境係屋村餐廳黎講，絕對乾淨舒服，老細伙計都好禮貌。我絕對會返黎再食~!!

話說幫襯醉月樓好多次了~~每次都保持到水準~但今天想想, 好像未為這打過一篇食評呢所以係咁依影幾張相~介紹一下LA~~~~這裡很有住家菜FEEL~每日都有不加味精的住家湯飲而且服務好好~~非常有誠意的小店~~假日要訂台先有位~另外假期都好公道, 每碟小菜都有返咁上下份量2人食2個送真係乜都夠=~=!!! 建議多D人去會食得開心D~因為真係好大碟~~SHARE返每人食少少~試多D!!!!!

呢晚無無聊, 同男友仔 2 個黎左呢間【醉月樓】試試...menu 選擇唔多, 大部份都係一般小炒...因為 2 個都唔肚餓, 所以只係叫左 2 個小菜...- 金銀蛋上湯浸白菜- 辣雞煲菜黎之前, 每人有一小盅湯湯...是日湯湯係 >> 番茄排骨湯~無味精既老火湯水好有媽媽既感覺, 哈!!飲完個湯, 基本上都飽左一半嚕....再等左大於 10 分鐘, 先上枱既係金銀蛋上湯浸白菜..白菜軟硬適中, 上湯味道唔錯, 好味! 最後成個碟既湯都比我.....清左!! XD唯一唔夠好既係咸蛋黃, 無咸味之餘蛋黃亦太硬...之後就係辣雞煲, 一般煲仔既 SIZE, 煲入面有大量既青椒, 洋蔥, 辣椒...熱呼呼, 上枱果時仲煮緊, 香味夠爆, 讚!雞件細細, 味道較濃, 送飯一流...唯一不足係...我地覺得辣味同賣相不乎, 因為食落...係微微辣 only...可能我地食慣辣呱, 哈哈!食完之後, 當然就係埋單走人, 店主個囡仲問我地要唔要甜品添 @o@不過我地都拒絕左, 因為真係....太飽了, 呵呵!!!要一讚既係佢呢個做法, 唔會硬性上甜品比客人, 唔浪費之餘, 客人感

我地一家四口來食,見到張張枱都有人一煲野煲緊,一開始以為係羊腩煲,點知原來係牛腩煲所以就叫左一煲大既牛腩來試下,食落都幾好味,有羊腩既汁,而且牛腩都幾淋,配埋個生菜同烏冬,正!!而且冬天來一個牛腩煲...正!!

列湯 *FREE都幾唔列牌架喎…足料的羅餸湯呀…薯仔都好淋呀…馬介休炒通才幾香呀…見到一粒粒的魚肉仔…D仲唔會大大棵咁…易食D…可是油左D…見到閃令令的…COATING 左…海浙雞絲呵…天氣熱…食冷盤…爽爽…雞絲幾滑…都幾有味…淡淡的… 幾清新呀…!芘芭豆腐做得比較實的口感…不過豆腐同肉的比例都幾好呀…軟軟地但有咬的彈質感…仲有D西蘭花…HEALTHY! 涼粉*FREEWOW..仲有甜品…真係一個NICE DINNER ENDING! 唔係好多客人..店員都好NICE…裝潢好WARM…好家的感覺…連容器都有特色架…碟頭夠大…上菜又唔馬虎…一家人黎食真係幾好喎!

叫左頭盤,海蜇手撕雞~OK啦~3個人叫左3個小菜,跟飯&湯~~個湯係冬瓜煲豬骨,都幾好飲,上湯菜胆雞幾好味,D雞湯用黎送飯好正~不過肥左D...啫啫排骨煲好足料,好多排骨~食到最後都有~西蘭花炒蝦仁呢個反而麻麻臨走仲送左糖水,蕃薯芋頭~幾好味~~

之前食過一次, 覺得都ok好味. 諗住阿媽未試過, 一直都想同佢去試.果日諗住去食母親節餐,沒有特別訂枱,覺得等下都ok.入到去, 未滿. 由門口起, 有兩個人坐在一張四人枱(分得開做兩張兩人), 然後一張四人枱(都係分得開做兩張兩人). , 留坐的. 然後再有兩個人坐在一張四人枱(又係分得開做兩張兩人). 我哋四個人. 佢同我哋講無位. 我完全唔明咩叫無位, 我問佢, 將留座的枱移過一張, 然後將另外兩張合埋, 咪有兩張四人枱囉. 佢話:"因為人哋訂了枱, 所以唔會咁樣移, 咁樣會好逼, 人哋訂了枱, 唔會要人坐得逼喎!! 所以就寧願唔做我哋四人的生意, 都唔移枱喎. 其實間鋪係咁大. 明明, 有八個空位, 四個留了座, 移一移, 會令到那四個人有幾逼呢? 咁巴閉, 有人訂枱時, 成個場封起去唔好做生意囉!幾好食都係假, 都係响屋村做生意啫, 做咩要扮高檔呀?!最後我哋走咗, 亦以後都唔會再去, 未見過咁巴閉有生意唔做的人.