醉月樓 (已易手) 新餐廳

星期日去食好多人我知一定要等位但冇諗過老闆竟然咁大牌客人入到去只係同客人講:"冇位,冇咁快""咁要得幾耐?"'唔洗等,一陣都唔會有,有人訂左"真係咁唔憂做?!令個個客都成肚氣!!已經唔係第一次嫁啦你d野係好食但服務做到咁真係唔得囉

醉月樓的小菜好味,就應該係大圍的街坊都知! 但佢嘅炒粉麵飯都做得非常出色!1. 福建炒飯 : 餸非常多及豐富,個獻汁做得好好,炒飯亦很香!2. 什菌雞絲炆米 : 同樣餸係非常之多,有好多冬茹,個汁味道好好,唔知點去形容,總之食完一次 之後會令人想再去食,感覺清新!

中學生涯到了中途站,好多朋友都選擇了到外國留學!24號 ,約朋友anna食一餐farewell dinner!一行5人揀左大圍田心村呢間醉月樓!order左6樣餸! 湯水正 ,冇味精! 糖水當日係五花荼@@不過食左熱氣野,,配五花荼都幾好!成餐飯,食得好開心...個環境俾人感覺好舒服!呢間餐廳 整體都幾好!老闆好好傾,介紹左好多好味道既菜!下次會再去試其他菜!

嘗了避風塘雞翼，有八大隻，很好吃，很嫩滑，只是有一隻有點血絲。還有豬骨湯坑腩，十分野味，份量也不少。撈飯一流！

前天，去醉月樓食早餐,order一個手撕雞米線,幾特別和好食,雞不會太鹹，味道一流,但價錢太貴,手撕雞米線（不包飲品）要$25,不值

沙田搵食感到厭悶，就向大圍闖一闖，見到呢度食評呢間竟然有十八個讚而無彈，就來試一試﹗鋪子少少，裝修都尚算骨子的骰，睇一睇餐牌打左個突，食物價錢並不便宜，一碟小炒閒閒地都成60蚊﹗既然來到就無理由唔試下，佢話係川菜我地就先要左個辣子雞、再加一個麻辣青瓜同埋一個冰梅骨﹗餸未到先送你一個老火例湯，黃瓜粟米瘦肉，飲落清甜不嗆喉，沒有味精的誠意之作﹗麻辣青瓜不是拍出來的，青瓜切粒再加入0的麻辣醬撈勻，味道辛辣卻嫌不爽口，醬料完全蓋下青瓜清香，不可與大陸勁多蒜蓉辣椒的正宗拍青瓜可比﹗川菜辣子雞，辣椒多得很，未吃已聞到陣陣胡椒辛味，雞粒夠多夠大粒，吃落胡椒味濃，麻辣燙咀，相當過癮，做得非常出色，雖然成八十幾蚊一個，但值得一試﹗最後再來一個冰梅骨，汁是用酸梅較出來的，酸酸甜甜我卻覺得唔太夠味﹗埋單加多兩罐beer二百一十蚊，價錢是貴，不過辣子雞確好吃﹗

之前見到呢間野, 鋪位細細間, 諗住都唔會有咩特別野!!!星期日, 屋企人book 左位話去食飯, 就去試一試啦!!!看到餐單, 唔見有d 套餐, 只有單叫既野食, 價錢略貴!!!之後點了4個, 1. 海皇豆腐煲 2. 避風塘雞翼 3. 海節手撕雞 4. 上海粗炒先上海皇豆腐煲 , 味道非常好, 海鮮夠哂多!!!避風塘雞翼 $62, 無得頂, 不過成20 幾隻指天掓一齊上碟, 嚇死人 (擔心佢會唔會用完再用架呢)上海粗炒 $38, 夠dry身, 好味海節手撕雞 $32, 普普通通...不過不失!!! 埋單 $202 總結>>> d 師傅手勢非常好.....

之前睇完openrice~見到大圍竟然有辣野食..我li個辣精一定唔會放過啦2個人叫左4個餸~仲有2支青島都係280..抵呀菜式麻辣青瓜 -- 好味~送酒一流冰梅骨 --甜左d辣子雞丁 --唔算好辣...可以再辣d~琵琶豆腐 --li個好味...我見到枱枱都有叫我仲見到隔離個煲仔好香.....好想食呀仲送例湯, 白飯 同糖水....個湯好飲...連我li個唔飲湯既人都覺得不錯...糖水冇食....因為太飽啦..男朋友話我叫得太多啦..但我仲想試埋其他野....下次要叫多d人一齊去先得

昨天睇完猫展, 搭80號車返歸, 原本想順路去食田心間日本野. 女友話有朋友響田心食過小菜幾好味, 但個店名有少少怪, 唔肯定是否哩間店. 唔理了, 坐低食下咪知. 老火湯, 冇味精, 極好味! 糖水送既, 好味!食咗:川味雞煲粉絲鮮魷兩個餸都好大碟,足料. 好味!環境: 較安靜, 雖然差唔多满座, 大家都細聲講野. 用有輕音樂播放, 登好坐, 服務有禮. 缺點: 米差D, 唔飽满, 唔夠飯味.冇加一, 埋單 126, 抵食 ! 以後會常去.

在openrice一找, 食評ok喎, 咦！咪就在家附近囉？....點都要試下啦果然入口不顯眼...但有個好處, 明明在巴士站旁, 因為不是貼近車站, 馬路和店之間又有個公園仔, 所以即使坐出面都感覺良好。我和阿哥兩個七點左右到, 人唔多, 不過食食下人就增加了啦, 舖頭仔在平日晚上都有返咁上下人流, 證明都ok la~我地只是叫了兩個套餐, 埋單都係$96咋~ (大部分套餐都是四十幾蚊)枝竹牛腩煲：正！0的牛腩好冧~西籣花蝦仁炒花枝片：幾好味, 初時上菜好似好細碟, 原來都幾飽下個套餐白飯外, 包了例湯同糖水。例湯不是出面那些, 看到都有料架(今晚是霸王花湯, 好飲)...糖水就係中式的...淮山蓮子最好就係沒有味精都咁好味，份量又剛好唔浪費！抵晒啦~P.S. 好搞笑...罐裝汽水和啤酒同價...都係10蚊...唔通佢係派人過隔離間7仔買？

08.07.12 (六) 家庭飯局，幸好中午已訂枱，否則一行八人真不知等多久。丁屋樓地下所以舖細少坐位不多而且冷氣不足，越坐越熱反倒門外更涼。周末仍有套飯供應依餐牌价，套餐連湯﹑白飯﹑糖水。若轉小菜按餐牌价加十塊錢，因小菜比套餐的餸較大碟，所以湯﹑飯﹑甜湯欠奉。點菜有︰涼拌青瓜(小吃)﹑口水雞 $88 (口水雞不設套餐)﹑魚香茄子(煲)﹑ 咖哩班腩(煲)﹑西芹腰果雞丁...(後加一個餸 可恨遺忘了 )新鮮青瓜清甜夾口，口水雞有點"鞋"帶少許麻辣香味，魚香茄子味濃，班塊少配料多麻麻地，西芹雞丁幾細碟。唯獨最正既是日例湯~蓮藕湯，絕無味精清香帶甜，飯後糖水紅豆沙唔甜，兩者必食，唔食就有損失。再者，侍應服務態度親切，值得加分。埋單 $380

e間小小食店都食過好多次，餸菜水準都比一般中式食店高，又無落味精，員工服務好，價錢又平，響度食飯真係無得彈。

晚上18:30出門去大圍田心村的"醉月樓"晚飯,隔了快兩個月沒去了~餸菜仍然好食~湯仍然沒味精,糖水仍然保持少甜~叫了一個前菜,三個餸(其中兩個是套餐), 一支啤酒,埋單$ 220元~1. 手拍青瓜 ($ 28)2. 炸子雞半隻-皮脆肉滑~正~~ ($ 78)3. 琵琶豆腐套餐 - 好滑溜~yummy~ (套餐,跟飯,跟湯的) ($ 48)4. 金銀蛋時蔬套餐 -今天的時蔬芥蘭好有菜味,似新界菜. ($48)5. 青島啤酒一支 ($18 )這餐又滿足,一家三口都吃得好開心~~

上星期平日夜晚見呢度多好評，所以兩個女仔就黎試下了。7點幾已經好多人，一入去就即刻有杯茶飲，好快手呢！我地叫左口水雞同埋冰梅骨，口水雞係麻辣既，未必個個中意食，我朋友就話一般啦。反而我就好中意食，因為同我以前係北京食既味好似~~~~好懷念哦。d雞好嫩好有味呢，半隻都好大好大，兩個女仔真係食唔灑！個冰梅骨呢~~原來就係疑似咕嚕肉，本來好失望呢, 因為我地都係貪個名得意先叫，但係食落真係非一般咕嚕肉，外皮好脆好好味~~~d汁真係有好多梅核架~~都食得出佢地既心思不得不提佢地既免費老火湯同埋湯水，上星期係竹蔗水, 好好味！尋晚忍唔住又去食過，不過今次即興無影相。食左豬骨湯坑腩煲同埋金沙雞翼。豬骨湯坑腩煲係滾住上台(基本上呢度咩煲都係, 好夠火侯)，d腩肉好"林"又入味~~同埋好多我中意食既菇做配料呢。金沙雞翼就一般啦，因為我唔太中意食雞鎚......不過隻雞翼都好夠火氣，又入味(大家要唔怕熱氣先好叫丫)如果d咸蛋黃再多d就好了~~今次係飲清保梁~好味

母親節揾食一向都好艱難，訂枱時講明係 6點 至 7點半，無問題 ^^ ... 最緊要有位 我、老豆、老媽子 + 嫲嫲，共 4位，叫o左 4 個餸，埋單只係 $250 真係抵到爛 ~ (雖然今晚無 平日嘅晚飯套餐，但 散叫 都好化算，唔使好似出面o的酒樓咁一定要 食 貴夾唔好 "母親節套餐" )湯 ~ 椰子 煲 雞 + 排骨 小菜 ~ 瑤柱貴妃雞 半隻油鹽水浸菜心東江豆腐煲 (用魚湯煮o架，好鮮味)蒜蓉蝦乾粉絲蒸茄子糖水 ~紅豆沙全部都好好味，食得好開心 ^^是日因為 母親節，親切嘅老闆仲特別為每位 母親 送一支 "麵粉花"今晚真係過o左一個好愉快嘅 母親節晚上