醉月樓 (已易手) 新餐廳

30-3-2008晚上7:30我們出去吃晚飯,但~大圍這邊值得去食的餐廳,都去到悶了,記得上一次去過大圍田心那邊的醉月樓晚飯,當時,我們隨便叫了兩個套餐,埋單100元有找,又有湯,有餸,有飯,最重要的是好食. 今次我們又再去,叫了一個魚香茄子套餐,另散叫咖哩牛腩連蒜蓉包,小棠菜蝦餅,手拍青瓜(餐前小食),再加2個飯,埋單才232元,又送沒味精的湯(今天是蕃茄薯仔牛骨湯),仍像上次一樣的好吃,一點也沒失望,飯後~仍有送糖水(今天是綠豆沙),天時開始熱了,店主,大廚的清熱糖水很窩心呢~ 醉月樓地方需然小,套餐價錢大約在30多至40多元左右,碟頭比較細,散叫的大約在50多至80多元左右,但~份量很大的,人數小的可選擇套餐也不錯,即使不夠吃,叫多一個餐也不貴,人多或很餓時,散叫一定夠分呢~店子需小,但~老闆很好人,很有人情味~

跟babe各要了一份午餐豆腐海鮮湯米線- 很清淡，以這樣的價錢，海鮮就只有蟹柳和小蝦，但也不錯粟米斑塊飯- 飯和送分開上，斑塊油不多，如果多一點蛋花更佳凍檸茶凍咖啡- 正常人不多，坐在店內店外都舒服，下次再來試試晚餐

今晚跟家人到醉月樓食晚飯，點了口水雞、金銀蛋時菜跟支竹魚腩煲，唔太貴，而且都好好食，又唔會太油膩。個口水雞的雞很滑，令我不禁連皮都吃下了～下次會想試水煮～

每次黎親呢度都好有家庭既感覺,因為老闆好Nice,而小菜都做得好有心機,絕不馬虎!我地每次都會order胡椒坑腩同風沙鵎,仲有炸大腸,食過呢度既大腸就唔會再食街邊果d,因為完全無肥膏,炸得好香!

30.12.2007 今晚天寒地凍，本來和老公去買食材返屋企打邊爐；不過行過見到醉月樓有位，立即入去歎小菜。兩人叫咗咕嚕肉及枝竹排骨煲，仲有糖水送；不用加一，非常抵食。而且食味上佳。如果週日晚上超過7:00就要等位，所以搵食就要早一點。

真係好得哦...因為亞媽同親友'過大海' 玩... 屋企個個懶煮飯, 醒起去<醉月樓> 試下先, 之前睇好多食評都'讚不絕口' ...其實都係住係大圍區, 去o個度好近, 但一直未有行動... 今次終於有機會啦同老豆& 細佬3人叫o左3個"小菜套餐" (梅菜肉餅+ 咖哩牛腩+ 金銀蛋時蔬~ 佢俾西蘭花我o地) 全部都好有水準, 好好味而且不肥膩, 不含味精... 正! + 佢o地好有心思, 即使係"套餐" 都整得好精緻+ 好多伴菜係上面& 排得好靚...特別欣賞個"木瓜雪耳" 糖水, 超級好味而且仲有桂花香味>v<+ o個度老闆& 伙計好好傾又好人又殷勤... 令人食飯食得好relax 好舒服...埋單都只係$126 ... 真係抵到爛... 得閒'老媽子' 罷工一定會再去幫襯呀

現在一般家庭都講衛生同健康, 呢間醉月樓既出品真係真材實料, 絕無味精, 正正係我要揾既食店. 我重點推介係金沙雞翼同坑腩煲, 試過就知我無講大話. 例湯和飯後糖水都值得讚一讚, 有水準. 老板伙計招呼親切, 地方又清潔, 有機會到大圍,不妨試試. 呀, 假日最好訂定位.

昨晚又幫襯了....因細佬有點消化不良, 這餐食得較清...麒麟豆腐(套餐)...無肉的, 有香菇, 鮑魚菇, 布包豆腐, 小唐菜膽圍邊, 八大件, 獻汁薄薄的好清甜美味的.南乳粗齋煲(套餐), 南乳味適中, 材料夠豐富新鮮, 不多油,煲熱辣辣的, 好正!椒鹽豆腐, 好多金蒜粒, 豆腐夠椒鹽味...ok啦!福建炒飯, 其實已有兩套餐, 我係唔應該再叫一碟飯...但, 三台客有兩台都叫, 傳來那碟飯香噴噴, 我實在忍唔住了....果然, 沒令我失望...超水準之作啦!結果, 吃不完...那消化不良的細佬還打包明天帶lunch box添呀!

兩三年前初開張時, 我們光顧過好幾次.絕對有驚喜的, 小菜造得巧手, 老闆伙記又好傾.不過, 那時經營的模式係中價的小菜館, 中午無供應的.隔了一段時間沒光顧, 昨晚又有驚喜了....一行七人, 咖哩魚腩煲魚香咖子煲涼瓜排骨煲粟米石班生炒骨菜膽雞*以上係"套餐", 平均$40-46元一份. 雖然係套餐, 不過, 無論份量或味道都係100分的. 炸大腸$38一品海鮮豆腐煲$88另外+白飯3碗全場每位一來到就有一盅老火靚湯(無味精,無加水)全場每位一埋單就有一盅靚湯水/甜品最後找數都係$370.-左右咋!你話我仲洗唔洗去"茶餐廳"呀!老闆仲話, 如想食海鮮可在3.00前訂便ok! 果然係好的街坊呀....!

同意之前幾嗰食評勁讚佢乾淨,好環境,服務好,我已去過幾次,最近覺得食物做得比前遜色.但一樣無味精feel & feeling warm.要提這裏奶茶不錯5嗰人dinner, order咗:-1)醉雞--唔掂, 雞味唔夠, 又無酒味.2)五色菜--即炒雜菜,味ok.3)什麽燒骨--類似甜酸醬燒骨,骨好淋,但甜酸汁入唔到骨, 只是骨同汁撈埋一齊.4)鯕鱗豆腐--ok啦, 不特別.5)福建炒飯--每次嚟都order, 水準保持, 好好食. ---送糖水---送例湯---total $298

這是我第一次在「開飯」寫食評，有好食梗要同大家分享，今晚放工後我同老婆屋企附近食晚飯，在田心村云云眾多食肆之中，始終都係要去番「醉月樓」，雖然小菜套餐價錢比起其他食肆貴一，但係呢度例湯、小菜同糖水味道好好多；講番今晚所食好先，我一坐落，老闆已經端來兩碗熱騰騰例湯，仲話呢個湯係首度登場，原來係椰子煲雞湯，嘩﹗味道非常鮮甜又無落味精，一個字「正」﹗跟住點了兩個小菜，一個係豉汁蒸白鱔，白鱔很新鮮，好味但可惜份量略嫌少一點，另一個係魚香茄子煲，呢個菜送飯可謂一流；飯後跟住送上糖水，原來係我老婆至愛「蕃薯糖水」，雖然沒有加太多薑，但係都一樣咁yummy，有別於田心村其他食肆小菜套餐都只係送咖啡或茶，其實我食係中菜，而「醉月樓」送係中式糖水，可見佢地待客細心程度﹗仲有一樣要讚佢地環境同衛生都係田心村食肆首屈一指，個地下永遠唔會話肥肫肫、遍地紙巾同牙籤。美中不足係佢地小菜套餐只於星期一至五晚供應。

喱間野係一間村屋改建而成的．．．間野既格局幾好嫁．．．老闆同員工服務態度好好嫁～！！　醉月樓每日都會有３款選擇，其中有一款一定會係咖哩，佢ｄ咖哩好好味嫁．．．ｄ咖哩好香，飯又夠熱，碟野賣相非常吸引．．．間野會播住一ｄ　ｍｉｄｉ，個ｆｅｅｌ好好，但係佢既檸檬茶就唔係太好飲了

入面佈置特別餐檯等好特別以木色為主有地圖圖案但入面唔係好大同埋都可以坐出出面既服務都ok佢地會同你有講有笑招呼都幾周到而食物方面款式唔多啦但味道幾好lunch得三款揀但有少少配菜食落冇咁膩呢間野走茶餐廳路線但佈置真係幾好啦^^