酒泉日本料理 (已結業)

我都好鍾意食日本野架,不過多數叫外賣多,本身叫開田中架,兩間d野都好好食,但試過酒泉後就覺得酒泉抵食好多羅,海膽一板價錢一樣但份量多一半,抵食!魚生飯叫過兩次都一樣,都係$58!剌身份量多又新鮮仲送買面豉湯正!.d小食都好抵食,下次我一定會再試的.

前日第一次同朋友一行六人去食,平日,但都要等半小時~究竟什麼料子啊? 柯打落了大量壽司,所有壽司不止D飯大,D都勁多,(D係超級多)同埋勁大~一件等於人地出面兩件,好低吃啊~D料好新鮮,一D都唔求其! 炸蝦天婦羅,同出面就無咩分別,不過好值得推介既係佢既南瓜,蕃薯天婦羅就真係好好味,比出面既還要好味,出面食,最怕就係D南瓜好鬼生,但佢就唔同,炸得又香又甜~好味~! 蟹籽沙律加粟米,有青瓜絲,好清新,又係超級大盤~一路食D沙律無咁陋呀~ 刺身,比出面既平,又新鮮~又係低食之選~ 海膽,無咩特別,不過都好味的~ 烏冬,有D失望...食唔食都可以... 總括來說只要唔叫烏冬,食物加價錢就可以說完美~又多選擇~環境都算係咁,都幾乾淨~ 美中不足之處就係,如果少人去食既話好難叫野囉,因為佢D野咩都係巨型,叫幾碟壽司都唔洗食其他野LU...不過呢個又係佢既優點喎...好矛盾... 我一定會再去幫襯的,因為真係好正啊!!! 是次每消費約7xx,每人約$130~

我想問點解俾錢食飯要等好耐, 又要只得四十五分鐘時間食呢?我指係田中!係元朗食日本菜間間都係大大件,最緊要係新鲜!酒泉就做到。每次都叫鰻魚壽司,上菜時鰻魚都係微暖加坦埋D汁,好好味!!仲有個魚生飯,有六七様魚生加埋有十幾件(係單叫刺生size),只係五十八蚊!!好抵!!直得推介!!三文魚、八爪魚、帶子好新鮮,好好味。不過烏冬就吾好食,吾知係吾係D烏冬無再煮熱,只係淋湯係上面,烏冬就吾夠熱。可以吾叫。侍應生service好好,有無時間限制,可以同朋友傾吓講吓,好free!!係元朗食日本菜我只會去酒泉!!!!!!!

尋日踩完啤車成身散哂又撞到傷哂(因為尋日剛學識!)加上下晝冇食野又累又餓男友興起入元朗食壽司酒泉當然是首選!^^6點幾就去到,仲以為有特價時段TIM點知侍應哥哥話依幾日假期都冇,要下星期二先有返,算啦^^當晚叫了2件三文魚壽司:保持水準,但好似比以往短了少許一客細蟹籽沙律(+肉鬆):妯既都好大碗,原本睇佢好似冇咩沙律醬,但原來撈埋之後食落又OK WOR,清清地,好味!加埋肉鬆更美味呢!一客南瓜拼蕃薯天婦羅(6件):新鮮炸起當然好味啦!仲好大件TIM!勁飽肚!一客炸墨魚咀:個人覺得冇咩特別,但男友好鐘意,話口感好爽!再來多客三文魚剌身(8件):加了價,以前三十幾,依家$48,但好彩味道仲KEEP到,幾鮮埋單走時驚見店舖原來已經坐滿哂人啦

食過好多次了，次次都滿載而歸！味道好，服務好！黎親呢度開飯都留下好印象！次次都冇令我失望！就最近呢次，同朋友去左食ｌｕｎｃｈ，叫左．．．＄５８／８件自選壽司：比散叫細了一點，帶子依然肥美。＄２３蟹籽沙律加芒果：青瓜絲幼細，多沙律醬，勁多蟹籽。＄３８芒果炸蝦天婦羅反卷：靚，好味，仲有８件咁多。＄１８三文魚壽司：長長地，傳統元朗壽司特色。＄ｘｘ三文魚手卷：三文魚同飯的比例係２：１，食落好滿足。前幾次夜晚仲食左．．．雜錦天婦羅：冇記錯有９件，大大件，唔多粉。燒牛柳粒：ｄ汁好味，牛肉有點ｕｎ。三文魚刺身：＄３８／８件，厚身，大細ｏ岩ｏ岩好，新鮮。長鰻魚壽司：好長，但都２２蚊一件，鰻魚是暖暖的。芝士焗餃子：推介之一，鐘意食芝士的朋友一定要試。炒什菌：正正常常，但都幾大碟！金龍卷：真係正，賣相已經好，夾起唔會散哂，真係好不錯！最緊要係服務好！去咁多次，次次都好招呼！斟茶密，唔會漏單，ｄ野仲來得超快，侍應仲會介紹一下個ｍｅｎｕ，有咩多人食，點樣叫最抵食，笑容夠，已經好好了！唯一可以改善的就係ｄ位可以再坐得舒服ｄ！不過唔會搭台呢樣又係好的！

以lee個價錢...都已經算幾好啦...大家唔好太挑剔啦...服務態度幾好,嘢食都幾好味,又夠大碟,而且唔洗加一....整體來說都真係ok bor....

我食過好多次.真係幾抵食!裝修後無加價,食物保持水準.什錦刺身(細) - 有7種食物.都幾鮮甜.不過小d冰伴碟會好d,因為令到d食物入口好凍.蟹膏炒飯- 蟹膏好香,份量足,好好味又抵食.wasabi尤魚shushi - 必食,尤魚鮮甜,一面食一面咸.(其實之前食田中,但食過酒泉之後,就食到而家)

幫襯這小店三年了，11月裝修後面積大了一倍，比同區最多人排隊的幾間日本食店舒適得多，又沒有加價。每次必食澳洲帶子刺身，$58六隻，十分鮮甜爽口，在其他日本餐廳食不到。裝修後新推出的日本珍寶帶子刺身亦十分美味，size很大，但我始終喜愛澳洲帶子刺身多些。其他食物也不錯，水準與那些區內排長龍的差不多，但壽司就沒有那麼巨大(但也比一般回轉壽司大很多)，這也是我喜愛這店子之處，可多試幾種食物，又不會上菜後才發現跟本食不下那些巨大壽司，包走又不新鮮。

在網頁上看了很多酒泉的好評，故今天中午到了元朗一試，叫了以下東西：日式叉燒拉麵<-- 叉燒非常好味，拉麵亦不錯三文魚刺生<-- 非常新鮮美味帶子刺生<-- 不錯蟹子沙律腐皮船<-- 出奇地好味雪蟹肉壽司<-- 味道一般甜蝦壽司<-- 味道不錯天婦羅壽司<-- 天婦羅很大，很脆口，但略謙麵粉較多員工態度不錯，環境亦不俗，整體感覺很好。大家值得一試!

半年沒有來酒泉,今晚同媽媽食,在優惠時段:點了$38三文魚刺生, <<很新鮮巨大北海道帶子壽司$15@1 <<<勁鮮甜!!加拿大海膽壽司$15@1, <<不過不失松葉蟹膏壽司, <<很鮮味,下面有食家說色似水泥,事實上松葉蟹膏就是這個樣子酒泉除了地方大了,手寫單亦改為電腦出單,真的令人十分滿意!!

20071208男友要溫書，特意揀方便他的地方吃晚飯。晚飯時間全院滿坐，門口有六至八人等位，有一家大人亦有二人情侣。可幸二人桌等不夠十分鐘就有位。不打算吃壽司，只吃熟食，不過刺身倒是不能免俗。落單時侍應告知吉列蠔無貨，唯有換上天婦羅，心想$53十一件真抵食。蟹籽沙律(小）－出現時不禁叫了一句：咁都叫細？份量是一隻滿滿的拉麵碗，吃完也差不多飽了半成三文魚刺身－顏色有點暗，但味道還是可以的天婦羅－上桌時就發現叫錯了，並非不好吃，而是十一件實在太多。件件size也大，而且是新鮮炸，油又不多，真的很好吃，但KO完後已經變得超飽。豬扒飯－看來亦好吃，但已經飽得吃不下了海鮮燒餅－不知為什麼會叫這個，燒餅有磨菇粟米，非常港式，而且亦是超大份，好飽。埋單$19X，二個人飽得過份，而且食物質素高，是不錯的選擇，有機會再試田中比較一下。

三文魚刺身一客8片$38雪蟹肉壽司2 件$16松葉蟹膏(元朗獨有)2片$28大蝦天婦羅壽司2件$22串燒大海虎蝦1隻$28蟹子海鮮炒飯$45免加一Total $189三文魚刺身: 普通, 不算新鮮但又不算煤雪蟹肉: 普通, 沒有甚麼特別的蟹松葉蟹膏: 果真元朗獨有, 不過個色似水泥大蝦天婦羅壽司: 價格質素比例黎講幾好, 脆卜卜不過咸番少少好d串燒大海虎蝦: 幾香, 加上檸檬汁不錯蟹子海鮮炒飯: 炒出黎有陣?味, 不過費事等多十分鐘所以冇換. 就算換左都唔覺會十分好, 皆因主菜係青豆粟米蘿蔔粒,蟹子真係好少好少.環境就一定好過格離田中, 冇咁迫亦坐得舒服好多, 同冇左果種限時既束縛感. 款式亦比田中多, 冇咁悶到現時為止試過田中, 酒泉, 金田, 千之壽, 一番, 金田係最多款式, 不過友人話依家金田既三文魚差左好多淨係要大件就揀一番同千之壽, 唔怕少款就揀田中, 中規中距就揀酒泉以上純屬個人意見

今日放假,住粉嶺既朋友泥左元朗,我覺得呢間係全元朗最正既日本料理店,所以就帶左佢去食!我地3:00幾去到,果陣係特價時段,我地嗌左蟹籽沙律,三文魚剌身,甜蝦剌身,蟹籽沙律細既就已經好多份量,夠晒2個人食,甜蝦剌身亦好好味,但今次既三文魚剌身好林,同平時食既唔同,唔知係咪唔新鮮食到好飽,埋單只係$89,同MK相比真係大件夾抵食!

原本想去田,但係見到田中好似執左咁就去左酒泉了2人點了1)三文魚壽司: 幾好,飯有醋味,三文魚都算新鮮2)滑蛋鰻魚鍋飯: 份量都ok,不過無咩汁咁3)蟹膏壽司:呢個正,好鮮味4)炸蝦反卷:唔錯,要等15mins 應該即時炸+整整體唔錯,有下次,成日有人加水

今天4人來lunch,叫咗:1)什錦刺身(25件)-有三文魚,吞拿魚,甜蝦,北寄貝,帶子,魷魚,油甘魚,立魚-厚度唔喺薄切,以三文魚同北寄貝質素好d,比有鮮味或甜味,其他都ok啦2)燒茄子-茄子上無麵豉醬,只有簡單的木魚絲-剛剛做好,真的很燙嘴,鹹味唔夠,要用wasabi+豉油補"飛"3)田園野菜拉麵-有菇,蓮藕片,紅蘿蔔片,小棠菜...-友人說普通因麵質腍4)南瓜番薯天婦羅(6件)-南瓜番薯各3件,仲有炸麵條,3樣嘢都好大件-試過南瓜同番薯,南瓜甜d,外挺內腍,不錯5)枝豆-可以,平均size唔太細6)鰻魚炒飯-味道帶小甜,用的是珍珠米,只有鰻魚粒(唔太多),粟米粒,紅蘿蔔粒同炒,不過炒得濕咗,否則不俗-今日上菜速度超慢,最先是刺身,之後隔咗好耐才有燒茄子。慢慢才有拉麵,天婦羅,而鰻魚炒飯更誇到要追2次(等咗都有40分鐘)至有-本有下場到鄰近食湯水,最後當然泡湯啦-友人有9折咭