酒泉日本料理 (已結業)

星期六下午4時半至6時有特價時段, 4點半到已經有好多人! 我兩個人一去到就有位, 人多的話要等位!睇到openrice d食評好好, 特登去試下! 結果非常好! 冇失望! 特價時段真係好抵食!相片一：文甲壽司(日本墨魚)$13/件 (好爽甜)、三文魚子壽司$11/件、海膽壽司$11/件、赤貝壽司 $9/件、三文魚壽司$6/件相片二：北海道珍寶帶子皇1大隻(超正)、玻璃蝦3隻、北寄貝3隻, 真係正! 呢碟我叫左兩碟! 隻帶子好吸引! 真係好好味! 好鮮甜!! 相片三：什錦魚生碎壽司$5/件(好食過淨叫三文魚壽司,因為好多係三文魚碎,另有其他魚刺生,好味)、芝麻八爪魚壽司$5/件我仲叫了"曼魚壽司"$9/件；及"南瓜拼番薯天婦羅"(冇影相), $18/6件(3南瓜/3番薯), 呢樣都好正! 好脆! 熱辣辣! 呢碟係正價! (另外有$28/10件)特價時段壽司$5/ $6/ $7/ $9/ $11/ $13/ $15, 另外有好多抵食既野, 例如甜蝦刺生(無頭)15隻$18、焗蠔$8/隻、炸蝦天婦羅6隻$38、蟹籽沙津$18...等等!以上整體所有食物, 全部都正! 樣樣都好味! 繼續會

今天即興與家姐和友人共四人來酒泉吃。自從裝潢過後也沒有來過了。等位等了2-3張台就到了不用太久。坐下後, 侍應們都十分殷勤為我們斟茶。我們叫了:1.蟹子沙律(小, $28)即使只是小size, 份量仍然不少, 我們四人吃就剛剛好了。青瓜絲較多, 不過十分新鮮爽脆, 而且沙律醬的份量也剛剛好。2.南瓜番薯天婦羅(8件, $18)每樣有八件, 番薯大大件十分抵吃兼飽肚。南瓜沒什麼南瓜味且細件, 番薯則又甜又粉。整體上兩樣都新鮮炸起十分香口。3.大蝦天婦羅(5隻, $58)寫著5隻來時卻來了6隻亦是新鮮炸起, 不過炸漿味掩蓋了蝦味, 較失色。4.軟殼蟹反卷(6件, $38)軟殼蟹好像凍了一點, 而且份量不多,不過都幾飽肚, 幾抵食的。5.鰻魚反卷(8件, $38)鰻魚只佔很少份量, 不過外面的海苔碎幾香幾好味。6.薄燒牛扒($32)原來真的十分薄, 好似紙巾咁薄,而且份量十分之少, 都幾un。不太值得吃。服務十分好, 我們問什麼他們都會詳細解釋,而且十分風趣幽默, 予人親切之感。一定會再來!!

之前食過田中...覺得抵食大件, 但味道真係好一般...之後發現酒泉...一樣係大大件, 但味道就好好多..佢ge 優惠時段勁抵..平日 14:00-19:00六日假期11:30-13:00, 16:30-18:00壽司可以 以1件件計, 仲有特價..三文魚壽司 $6甜蝦壽司 $7 (三隻甜蝦..正~~)海膽壽司 $11大蝦天婦羅壽司 $9 (隻蝦真係勁大)另外仲有d 小食特價...eg. 焗蠔 $8, 蟹子沙律 $18不能不提蟹子沙律, 真係好大碗...而且味道不錯, 幾鮮甜...佢特惠時段小食的餐牌有n款...好似特惠時段c 有海膽 ($38一板), 但我未試過...試過d 同e 咋...問過老細...佢話呢d 餐牌係 random..每日唔同喎=.=

由於6點幾食左少少野打底，所以我地將近9點先再出動搵野食。係泰國菜同日本菜之間揀左後者。記得唔少人講過係元朗食日本菜最好係酒泉，黎到門口，9點幾既時候都仲有十幾個人等緊。三文魚刺身 : 我唔食魚，但見到朋友仔食到咀lam lam，我忍唔住叫佢俾一啖仔我試。靚唔靚我唔識分，但見佢幾厚身同新鮮。蟹子沙律 : 叫個細size，2個人share份量剛剛好。只係得大堆青瓜絲，少量蟹柳同蟹子，好彩新鮮搭救，青瓜食落索索聲，好fresh。軟殼蟹反卷 : 軟殼蟹即叫即炸，反卷食落外冷內熱，加埋外層蟹子扑扑脆，令人忍唔住食完一舊再一舊。芝士焗生蠔 : 一般，可以不試吉列蝦反卷 : 吉列蝦尾部微苦。不過又橙色又綠色，外表吸引。文甲壽司 : 文甲即係日本墨魚。大大塊咁包住舊飯，好cute好可愛。服務員態度不錯，客人有咩唔識都會誠懇解答，仲加茶加得好密。

又食酒泉喇!! 不過今次就外賣返屋企食!!今次就踏中特價時段, 6點order仲係半價時段~ 所以真係超超平~只係得我同細佬兩個人食, 所以叫左以下壽司:三文魚 x2玉子 x2肉鬆 x1蟹柳 x1吞拿魚沙律 x1蟹籽 x1附味墨魚仔軍艦 x1珍寶凡立貝 x1食材真係幾新鮮架!!但今次唔係想講味道, 反而係想講酒泉既service。因為特價時段都比較多order, 所以我入去諗住叫外賣之前, 職員就好禮貌同我講要等大概25分鐘左右先可以。落左order之後, 佢又會比張單我double check下會唔會有錯~ 之後就問我要個聯絡電話, 因為佢話可以出去行一陣, 到我既外賣攪掂左就會打比我等我黎拎。我覺得好好woi, 因為我唔使坐係個店入面白等咁無聊嘛。

今日同豬一齊去試下酒泉,第一次黎都係試下特價時後段好d!3點幾去到,無咩人坐得好舒服。2個人食左珍寶帶子皇壽司,玉子壽司,鰻魚壽司,蟹子沙律腐皮船,軟殼蟹反卷,三文魚刺身(8片),芝士餃子同埋南瓜拼蕃薯天婦羅(6件),本來落單時仲叫左蟹子沙律(細)同埋甜蝦刺身,不過好彩最後漏左單,唔係2個人都食唔哂。整體黎講,服務幾好,唔明咩野係特價都會解釋比你聽,汁水都汁得幾密下。如果講抵食,食壽司真係幾抵,特價時段一樣咁大件,但最平$5一件喎!另外個三文魚刺身好厚,幾好味!個人幾鍾意個南瓜天婦羅炸得岩岩好同埋蟹子沙律腐皮船出奇地夾喎2種材料!而個鰻魚壽司d汁仲暖暖地幾好。見到人地多數特價時段都係食壽司多下次叫多d壽司先,真係幾抵,而且服務又好,總比元朗某店排隊入去受氣好。

今日奉命去元朗看天后誕, 所以lunch順便來試試.鐘意食鰻魚, 所以點了鰻魚壽司. 都等左一段時間, 壽司才端來. 鰻魚壽司一碟兩件, 一大一小, 原來大的一條是河鰻, 小的一條係海鰻.仲暖暖地. 小的海鰻質地較爽, 大的河鰻就唔夠肥美, 而且兩條都燒得乾左d, 唔夠肉汁. 但又係個句, $22的價錢, 都算係咁吧!

二人三文魚雪花腩刺身(5片) - 厚身肥美$38 (好)海鮮燒餅- 很乾, 醬汁不夠$28 (差)三文魚(巨)壽司- 三文魚唔靚!建議大家叫刺身算了! $18 (差)鰻魚(巨)壽司- 大件但少汗$22 (中)自選壽司8件八爪魚,蝦沙律,海膽.. - 材料大件,抵食! $58 (好) 軟殼蟹反卷(6件) - 軟殼蟹味道不足(中) $48魚生飯$58好抵食(但漏單,改食自選壽司),下次吧!倒茶較慢,可以加強服務態度都幾好! 沒有加一

今日book左7:30,去到門口勁多人排隊,心想好彩有訂位,入到去D位好窄,同埋閒日已經坐到爆晒真係勁,我地叫左三文魚壽司,又長又大件真係正,仲有鮮帶子好鮮甜,再加一碟厚厚的三文魚刺身,好幸福呀~之後再食細既蟹子沙津,可能因為D少律唔夠凍,所以我夠得麻麻地好食..芒果蝦壽司真係超好味,估唔到D味係咁好呢!之後又叫左雞軟骨串燒,炸生蠔,仲有一個唔記得咩名既壽司,一個象拔x炒飯,總之食左好多野,仲有侍應加茶加得好密,雖然佢地好忙,但態度都好好,上菜好快(註:餐廳坐滿人)總括黎講呢間野係幾好

見到網友話有特價時段，特登打電話去問，MON-FRI 7:00PM 前，係計入座時間。即刻拿拿林搭車過去，當時仲有3/4分鐘至到7點，但已經見有幾班人喺門口等緊位，咁咪攞飛等，佢話4人枱大約要等4/5張枱(我地係2個大人+一個兩歲幾小朋友)...明明望入去仲有好多吉枱(有D 2/4/6人枱)，咁咪問佢2人枱有無得即刻入?? 佢都話要等，無得入...真奇怪......等左5-7分鐘，期間都無人食完埋單出黎，佢就逐個NO.叫，跟住就入得，坐落都係發現唔滿座......老公講起至恍然大悟，原來係等特價時段完左至叫人入座，咁咪做少幾枱特價客>.<" 我覺得咁樣做未免小家左D，餐廳如果想賺多D，不如直接改為7:00PM截特價ORDER，就算D客好早坐低，都係一律截7:00PM，又唔洗佢D侍應記住邊張枱可以落特價ORDER，邊張唔得，亦唔洗要D客喺門口白等@_@至於D食物都OK，係三文魚壽司的魚生&飯D份量都比田中細，田中果D三文魚厚身D，亦肥D。鰻魚壽司都唔錯，不過田中會再喺上枱前燒一燒，香口D。另外，日本蠔烏冬鍋個甜甜地嘅湯底幾好味，烏冬又彈牙~服務都OK啦，總比田中好嘅，不過

以前o係元朗食壽司,一定首選田中,然後到三上,酒泉呢個名字o係我心目中一直只係一間"痴"住田中搵食既鋪,點解?!因為田中以前就係開o係佢隔離,以前每次去田中等位時,都會見到形成一個好大既對比,就係d人(包括我)寧願等半小時以上食田中,都唔食隔離唔駛等既酒泉...早幾日睇開飯,先發覺酒泉不經不覺已經有咁多fans,咁多笑臉?!大多數人都話大件夾抵食,以我所見以前酒泉既格局唔係咁既,我諗係因為順應民意吧(大件抵食,元朗特色),既然大家講到咁好,今日就去試試今晚8點左右到左酒泉,出面有幾pair人等緊,心諗都應該要等番半小時,聰明的我就拎左飛較岩時間再番黎,今次主打壽司,因為我o係田中都係食壽司多,正好作個比較三文魚刺身8塊-- 幾厚身,亦算新鮮,價錢黎講抵食過田中池魚刺身-- $38原條上,去邊度搵?!都幾鮮味,味道偏淡唔會有魚鯹味,值得一試,不過女友話有個魚頭對住佢唔慣..唯有我自己食= ="澳洲帶子壽司-- 唔大粒,勝在有2,3粒拼埋落一件壽司度,不過好似無乜帶子味...甜蝦壽司-- 又係唔大隻,由3隻細甜蝦合拚..味道ok海膽壽司-- 幾鮮甜,唔會有苦味..海膽唔夠飽滿,下面重放有青

以前好鍾意去食田中, 因為抵食夾大件, 食完好滿足….但係後來每況月下, 好唔掂, 又要趕頭趕命食, 得45分鐘, 等就等成個鐘見到酒泉都幾多“笑笑”, 於是同陳生尋日一早入去試試…點知好service, 我地都唔知有特價時段, 個waitress 好好人咁介紹我地…原來Monday to Friday every 1400 to 1900 and Sat, Sun/Public Holiday 1130 to 1300 and 1630 –1800 係有特價, 而且特價d野仲好平好正, 好抵食, 仲有, d壽司可以一件一件叫ka, 於是我地就叫左以下的食物:蟹子沙律(細)$18, 不過好大份量, 好似大size的一樣, 加$10仲可以加mango tim“肥”翠螺2隻+甜蝦刺身5隻$22, 好鮮甜, 係個螺就普普通通, 但d蝦好正海膽刺身1 板$38, 不過我地加飯及紫菜, 都係俾多$10, $48, 抵食, 好味又新鲜, 無腥, 好甜呢….三文魚雪花腩刺身$30, 有5件, 但唔算大size, 不過大件唔代表好食ma, 夠肥美, 好得凍豆腐$15, 普通同出面食果d差唔多軟殼蟹反卷

酒泉都唔知第幾次去食!! 同朋友去食, 同屋企人去食, 同同事去食...4月8日夜晚同屋企人食。最開心係酒泉有得訂位, 唔使等飛咁麻煩, 完全適合岩岩收工乜都未食既爸爸。今次叫左壽司、刺生、拉麵、秋刀魚同埋三文魚頭石狩鍋。如果各位鍾意食魚既話, 就不妨試下個三文魚頭石狩鍋。因為個味道好香好濃、非常好味, 最重要係熱辣辣送上"木台"實有下次!!

我係超中意食日本野既人,而每次落元朗食,我都只會去酒泉,因為酒泉d野真係又好味又抵!!只要食過一次酒泉,去其他壽司店食野都會覺得又細件又唔抵!我每次去食都一定會叫:三文魚剌身,北寄貝壽司,蟹籽沙律!呢幾樣真係勁好味!!如果好餓既話會叫埋餃子拉麵同埋其他壽司!仲有一樣係我既推介,就係:蒜香牛柳粒定食!!真係好好好味!正常7-8成熟就好正*不過呢個星期我去2次,2次都話冇得食-0-好唔開心,,希望快d有返啦!!仲有如果大家係成日去既話可以做埋vip,埋單有9折!我同男朋友一人都有一張!哈*

食openrice 到搵飯食今日成家去左呢間食...160 蚊抵...爸爸平時都唔係好捨得食既都話抵...仲要係lunch~~不過d 位就唔係咁好sit~~叫左2個一樣既set lunch~~有烏冬6件sushi一個湯.一個沙律~~都係38~~夠2個人食那..之後仲叫左天婦羅~€好好食呀個蕃薯天婦羅...\又唔太油..\仲有特登叫左3文魚sushi~~勁大舊....有平時係元氣食既2件咁多既3文魚...仲有一客大既蟹子沙律...勁多蟹子...好滿足~見到隔離台既3文魚刺身..勁厚同大件..但係已經好飽~~食唔落