郭仔記車仔麵 昌運中心

營業中

休息中

街坊生意~配菜好多選擇🍜星期日中午做完運動 冇咩胃口食飯見到有間車仔麵好多人食同好多外賣單 一於親下熱鬧先睇返價錢都幾ok 真係做街坊生意wod食物平靚正👍🏻米線+豬紅🐷+蘿蔔🥕+豬軟骨🐷+秘製辣汁蘿蔔🥕好有驚喜~😱😱😱  好甜呀豬軟骨煮到好淋好入味 加埋秘製辣汁好惹味🤤🤤🤤覺得米線好似唔夠食🤰🏻男朋友叫左出前一丁+蘿蔔🥕+生菜+芝士腸+沙嗲汁佢都話d配菜好好味 好入味👍🏻👍🏻所以另外叫多左小食混醬腸粉 + 陳皮魚蛋 + 燒賣腸粉又滑又嫩 淋著混醬醬汁 真的很美味🤤陳皮魚蛋未放落口都好大陳皮味😆大熱天時我地豪氣咁order特飲😆 都要+$13架~~鹹檸七~~ 酸酸地加埋大量冰 真係涼透心好正呀🤤

到大埔探外婆,同佢落樓下間新開嘅郭仔記食麵。為避開人潮,我哋係下午兩點先去食,但依然坐滿食客,要等一等位！呢度嘅車仔麵有多款配搭,係張餐紙上圈出自選喜好,交畀服務員,好快就有得食！我哋點咗一個三餸一麵,加$9一杯熱菜蜜爆炒一丁,加$10一杯椰汁紅豆冰,同$10一碟油菜。熱菜蜜甜甜哋,椰汁紅豆冰有椰汁香味又吾太甜,紅豆稔度剛好,少少爆開保持口感。菜心嫩綠稔甜,老人家食都冇問題。清湯紅薯粉Q彈,滑劣劣,配爽口生菜,豆卜同彈牙手打鯪魚肉。係老人家嘅至愛。加埋自制辣菜脯,辣辣哋同爽脆,更加惹味！爆炒出前一丁,炒得够鑊氣,加入椰菜絲、芽菜、洋蔥絲同彩椒絲,更加香口。瑞士雞中翼,就肉滑入味,而豬扒就幾特別,好香咖哩味。幾十蚊大大碗粉麵加飲品,價錢貼地,店舖乾淨企理,值得再來！

疫情最嚴峻時這間小舖推出$26套餐，有肉有麵有飲品，簡直是糧尾福音。估不到暑假優惠延續，更可以補錢加餸。嗱喳麵入舖不再嗱喳，仲有數個卡位，餸菜多達30-40款選擇。其中推介大埔名物「振興肉丸」，爽彈、爆汁肉味濃。專門店零售一粒牛丸要$5，加餸9蚊即有，外區人黎大埔一定要試。▪️$26抗疫餐 (生炸豬排麵+飲品 )▪️套餐亦有牛筋腩，瑞士雞翼等肉類配搭。🔸️生炸豬排🔸️豉油醃製，陣陣港式咖哩香，厚度適中，沒有用鬆肉粉醃肉所以口感實在是不錯。即使浸泡放車仔麵中亦非常入味，價錢方面更是完勝。🔸️薯粉+$2🔸️ 扭紋薯粉比較直身薯粉容易夾起，即叫即煮夠𡁻頭唔會軟糯。由於薯粉不太吸收湯汁，配辣會比清湯適合。🔸️牛腩湯底🔸️湯底清澈不油膩，無味精不會渴。只是我選擇薯粉不太配清湯，可能改沙嗲湯更好。🔸️瑞士雞翼🔸️車仔餸亦有瑞士雞翼，但我覺得瑞士汁係精華之最。單點小食的雞翼份量double up，浸住瑞士汁，撈麵非常匹配。深啡色澤已知雞翼浸得入味，骨肉輕易分離飲食方便。如果雞翼再肥少少就更好。🔸️豆漿🔸️豆漿雖是包裝預製，但就更加衛生。豆漿居然是打邊爐必備的響鈴旗下產品，質素有保証。送黎的豆漿夠凍，甜度低，非常解渴。▪️位置

大埔墟郭仔記就開咗好多年，不過大埔墟選擇太多，講真就好少選擇食車仔麵。最近郭仔記喺昌運中心開咗分店，咁近就一於食吓啦。裝修都好乾淨企理，仲有卡位，坐得舒服。車仔餸大部份講得出都有，我哋就叫咗一碗蘿蔔、冬菇、豬軟骨、牛筋腩、麻辣大辣淨餸，同埋牛腩汁油麵、韭菜、豬皮、牛柏葉、鮑汁鳳爪。本來想加碗仔翅，又想試吓佢嘅腸粉魚蛋，但係呢間分店冇，真係可惜。最鍾意車仔麵配碗仔翅㗎嘛。咁唯有試吓韭菜豬紅腸啦。浄餸一上枱就見到冬菇好厚，一睇就知入味，正！牛筋腩其實係分開牛筋同牛腩，牛筋已經煮到好淋，好q，筷子都夾唔到，要穿過先可以夾得起！出色！牛腩、豬軟骨鬆化，蘿蔔清甜冇渣！我地兩碗既餸一齊食，兩份分，咁可以試多好多餸！韮菜味道新鮮正常，豬皮有驚喜，唔會係爽硬而係軟滑！嘩！難怪係推介。牛柏葉比一般切得厚身，口感更好！仲有就係鳳爪，炆得好淋，好容易就食到軟骨位喇。韭菜豬紅腸，豬大腸脂肪清得乾淨唔會成口肥膏！豬紅亦都唔係硬嗰啲，口感軟嫩！重點係全部份量都比較大大件，滿足晒我對車仔麵嘅期望，細個嘅感覺回憶返晒黎。最唔鍾意就係裝修扮懷舊，但係啲餸得細細粒嗰啲！車仔麵唔係咁㗎嘛大佬。總括嚟講呢間車仔麵既餸夠晒傳統

平時好少去大埔，夜晚隨便揀咗間車仔麵店「郭仔記車仔麵」食🌙.八寶麵🍜有豬紅🐷紅腸、雞翼尖🐓豆卜、蘿蔔🥕豬皮🐖魚蛋、時菜🥦咖哩汁香濃😋油麵彈牙😆蘿蔔清甜無渣🍠陳皮魚蛋陳皮味幾重👍🏻雞中翼煮到好入味🐔.三餸烏冬🥢秘製辣汁🌶揀咗酸齋、漢堡扒、蠔油冬菇🍄牛栢葉🐮冬菇大粒入味🤤牛栢葉爽口，酸齋大件抵食😗.生菜魚肉🥣一條條彈牙飽滿鯪魚肉🐟無腥味，生菜爽脆🥬.凍奶茶🧋茶味重唔澀😌.豆漿🥤普通

大埔郭仔記相信冇咩人唔識，由大埔墟開到去昌運，竟然有兩間分店係大埔，真係好勁呀！昌運呢間同大埔墟嗰間嘅車仔麵選擇其實都係差不多啦，當然新舖就梗係更加乾淨同舒服一坐低我哋就二話不說咁決定要食車仔麵。豬腸、豬皮、魚皮就梗係唔少得啦，呢三款簡直係我買車仔麵嘅至愛呀！哈哈！所以我哋兩個人，各自嗌一啲餸，大家可以share食魚皮好食，郭仔記必食推介上面個碗，粗麵、鯪魚肉、牛腩、豬皮下面個碗，油面、陳皮魚蛋、美國肥牛、豬腸同埋鳳爪好味又足料，每次食車仔麵我一定會食豬腸豬腸夠林但唔會梅，而且又入味鳳爪，就算浸係湯入面都係好入味好爽口鯪魚肉，手打爽口彈牙，濃濃既車仔麵帶點清清既味道，好食呀一句講哂～昌運同大埔墟一樣咁有水準飲品方面，我地飲凍奶茶同凍啡兩個字，好飲👍🏻👍🏻老字號從來都唔會令人失望，昌運分店同大埔墟都一樣咁掂

作為大埔友，本身呢度都閑置左一段時間，以前係做甜品，亦都有做過唔同類型嘅餐廳，但自己好開心，因為由細食到大嘅郭仔記，喺到開左分店，如果唔係就要過林村河行多10分鐘去食總店。呢一度好出名嘅係燒賣、腸粉、車仔麵，我本來想叫燒賣，但由於新開張嘅關係，設備仲未算好齊全，所以我就只可以叫車仔麵。我自己啲嘅人，食車仔麵帶一個習慣，就係鐘意麵底兩溝，成一碗麵，裏面我鍾意夾雜着米粉同埋公仔麵。我另外亦都叫咗漢堡、炸雞扒、同埋酸齋，嚟呢度，我覺得一定要食酸齋，因為唔係好多地方有得食，正宗嘅車仔麵，好多時候都有呢一款揀。酸齋大大嚿，雞扒亦都炸得非常香脆。我最後比多少少錢，加上杯凍奶茶，我覺得都幾好飲。外賣自取，全單仲有九折優惠。

星期六下午茶時間，唔想食茶餐廳，經過見到 郭仔記 有抗疫優惠，附近好少有車仔麵，又見好多一田sales坐喺度食，一於坐低試吓。八寶麵 $38朋友一坐低唔使諗，一於叫個優惠八寶面，平咗$10好抵食 ，限時優惠仲加送雞中翼，連飲品 $38 真係窮人因物。紅腸、時菜、豆卜、蘿蔔，吸收了湯汁精華，好入味。豬紅、豬皮、魚蛋，我覺得係車仔麵經典三寶，秘製㊙️醬汁非常惹味，少少辣好吸引。雞翼尖、雞中翼的瑞士汁，甜甜地好好味，雞皮滑肉柔嫩。湯底一定係食牛腩汁，麵底要粗麵，更加係非常掛汁，彈牙。抗疫特惠套餐 $26重點推介，好味飽肚，仲送一杯豆漿，豆味香濃。生炸雞扒麵油麵又係另一經典車仔麵，最緊要加香辣辣椒油，刺激好味。生炸雞扒厚身，啖啖肉，炸得就香脆，配沙嗲汁津津有味。爆炒一丁 $45排骨仔增肥之選，炒出前一定，香辣彈牙，仲可以揀兩款配料，牛筋腩必食，豬扒配出前一丁又係絕配。凍奶茶、凍鴛鴦跟餐的飲品，比一般茶餐廳更加香滑濃郁。

呢間鋪頭由細幫襯大，見佢係昌運開左新分店，即刻幫襯下～今日無食車仔麵，因為見佢有好多款其他野食！所以我叫左爆炒一丁食下。我揀左瑞士汁雞翼爆炒香辣再配個腐乳通菜。佢個瑞士汁雞翼整得好好食，因為個雞翼好甜，平時食過有啲瑞士雞翼其實係似滷水雞翼，但係呢個係名副其實嘅瑞士雞翼。而且啲雞翼都幾大隻，仲有3隻！佢個出前一丁都炒得幾好食，因為佢幾香辣之如啲麵都炒得好爽口，不過我覺得就有少少油，如果少啲油就好啦！個通菜就係想愛嚟清下啲肥膩，佢個通菜好脆好新鮮好爽口，而且啲腐乳都幾多！不過我好少食呢種咁大條嘅通菜，鍾意食細條嘅通菜多啲不過都OK。呢個價錢食到個麵再加菜真係好抵！而且味道又唔錯，唯一就係覺得可以少d油就！！

今日去左大埔行街，近近就揀左郭仔記食個車仔麵，見到佢地都有幾多餸選擇🙌🏻餐廳出面有一個車仔檔，方便比人外賣同揀餸👍🏻聽職人講之前餐廳有做埋賣燒腸粉，但因為供電問題依家就冇再做🥺啲餸嘅選擇就同平時車仔麵啲餸差唔多，不過佢地就有自家制嘅辣汁湯底，都幾辣家，如果唔食得辣就唔好落咁多🤤招牌麵 (時菜，魚蛋，牛筋腩，蘿蔔）🍲麵同材料嘅份量都好足，魚蛋超級彈牙，完全唔係出面街邊果啲勁多粉，牛筋亦都蚊得好林，好易咬🥰仲有蘿蔔都好清甜豬扒爆炒一丁用左秘製辣醬嚟炒一丁，餐廳用左自家辣醬炒真係好惹味，連埋d 洋蔥，豬扒真係好想再食🥢，不過豬扒就乾左dd👉🏻👈🏻生菜魚肉估唔到$20碗嘅生菜魚肉係最驚喜🥰，大到用成個湯碗嚟裝，啲魚肉完全唔係用粉溝出嚟果d，佢地係用鯪魚肉整成🐟，彈牙飽滿，仲要一啲腥味都冇，另外生菜都係好多，而且係一塊塊完整嘅比你🥬，唔係啲生菜碎，食落去口感好好平時好少去開大埔，估唔到求其揀左一間車仔麵店都咁有驚喜，價錢又唔貴，好值得一試🥰

係屋企唔想煮嘢食就落街搵嘢食所以就去咗昌運個間車仔麵店醫肚🥢舖頭睇落整潔，門面右邊係外賣出餐位，可以睇到師傅煮麵，有透明度👍🏻。我同朋友叫咗一個「牛三寶米粉餐」，「三餸米粉」加小食「沙嗲牛柏葉」堂食。「全麵出擊-牛三寶米粉餐」$52牛三寶包括牛丸、金錢牛肚、牛筋腩。套餐包咗冷熱飲，價格尚可。湯底腩汁好香濃，牛筋腩香腍入味，金錢牛肚爽口彈牙。「自選三餸一麵」 除咗套餐之外，亦可以自己散叫，不同配菜不同價錢。我點咗「咖喱魚蛋」、「瑞士雞中翼」、「無骨炸魚皮」配「牛腩汁」米粉～魚蛋係陳皮魚蛋，既有咖喱香濃，後有陳皮香韻。瑞士雞中翼醃得入味，肉質嫩滑。無骨炸魚皮薄脆，香口。「沙嗲牛柏葉」$25牛柏葉爽口，加埋沙嗲汁好惹味。

返大埔探娘家，又想食下午茶，見到昌運中心開咗郭仔記粉麵專家既分店，唔洗諗即刻入去童年回憶一下！服務員態度非常親切，坐位舒適，我當然係叫車仔麵啦，好多款式選擇，我叫咗👇🏻🌸牛筋腩，炆到好淋，筋腩多肉汁，牛味十足🌸豬紅，好滑溜🌸清甜蘿蔔，真係好清甜🌸通菜，好合時選料選得好，無渣架🌸油麵，吸收曬沙爹湯汁，美味可口(店員大力推介我加秘製辣汁)真係無介紹錯，少少麻香，辣度十足，愛食辣嘅朋友一定唔可以錯過呀