郭仔記車仔麵 昌運中心

營業中

休息中

今日難得去大埔行街,緊系要黎試下呢間咁出名既車仔麵拉,而且身邊有好多朋友都話系必食推介🤤⭐️魚蛋,水魷魚,腸仔幼麵🍜✨湯底我揀左牛腩汁,味道非常濃郁,令我最驚喜既系魚蛋竟然係陳皮魚蛋,魚旦咬落去嘅口感,粒粒都彈彈牙,而且出邊吾系好多舖頭會用呢一款魚蛋🤤⭐️流心蛋,振興牛丸,豬紅,魚旦油麵✨振興牛丸,味道好重肉味,牛丸既質感爽口彈牙, 豬紅既口感好滑口,流心蛋一咬落去d蛋醬流晒出嚟,真心一流🤩

呢排天氣熱所以同家人去食啲清爽野食三餸麵餐：酸齋：好食，一啲都唔嗆候，仲有兩大件，過足口癮清甜蘿蔔：真係清甜，無渣，都係好食咖哩魚蛋：呢度選用陳皮魚蛋，係我最鍾意食嘅魚蛋質地，煙煙韌韌，咖哩汁唔算辣淨四餸餐：振興貢丸：爽彈有肉味，振興產品質量好係人都知，有得加錢轉振興貢丸一定唔可以錯過蠔油冬菇：冬菇好大隻，廚師切開一口大小方便食。聽媽媽講大嘅冬菇未必有細冬菇咁香，勝在啖啖肉，所以店鋪用蠔油炆係一個好叻嘅做法呢度唯一缺點係地點難搵，平時應該只狼街坊先識黎希望多啲人認識，食下傳統車仔麵嘅味道

位於大埔昌運中心地下嘅郭仔記車仔麵，之前經過好多次，今次終於忍唔住要試一試！入去坐低望望，有大約5至6枱卡位座位，同覺得環境乾淨、光線充足。望望餐牌，店內提供的食物選擇都非常多樣化，除咗車仔麵，仲有生菜魚肉、碗仔翅、瑞士雞翼尖、炸魚皮等等，非常豐富郭仔記車仔麵嘅招牌菜當然係車仔麵，有好多種麵底可以揀。可以自由搭配唔同嘅配菜，都可以揀店家特定嘅麵餐，如牛三寶、豬三寶、八寶麵開飯(麵)了~今次食咗招牌麵同八寶麵。八寶麵真係好足料，大大份！不得不讚入味嘅牛腩同雞翼，好入味又夠淋，食物份量十分足夠，而且質素都相當高，仲要價格親民，性價比高。普遍來說，如果揀食三個餸一個麵底，大約$60內就可以品嚐到豐盛嘅美食，非常適合同朋友一齊來食食，推薦！

街坊車仔麵小店🥕牛三寶麵$56⭐️⭐️⭐️⭐️☆Fd要左粗麵爽口沙嗲汁多汁，金錢牛肚夠香濃入味，仲有陳皮魚蛋好有陳皮味、牛丸爽口彈牙、牛筋腩炆得非常淋又入味。🥕摻摻撈$42+7⭐️⭐️⭐️⭐️☆🐰揀左秘製豬軟骨同埋瑞士雞翼再加左酸齋，要幼麵淋d牛腩汁同埋瑞士汁多汁，真係夠汁又不會太鹹，豬軟骨同埋瑞士雞翼都炆到好入味，酸齋勁大塊又入味酸酸甜甜甘好正！🥕上湯紫菜⭐️⭐️⭐️☆☆好大碗，又有好多紫菜，有少少鹹。🥕椰汁紅豆冰+$13⭐️⭐️⭐️⭐️☆叫左濃d多奶少甜少冰，紅豆煲得夠淋。🥕凍菜蜜⭐️⭐️⭐️⭐️☆真係幾濃======詳情======郭仔記車仔麵 昌運中心大埔安慈路4號昌運中心地下86-87號舖👣太和站B出口步行約10分鐘================#香港美食指南  #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #大埔好去處 #大埔美食 #RR大埔  #RR車仔麵  #車仔麵 #牛三寶麵 #金錢肚 #紫菜 #椰汁紅豆冰 #椰汁 #豬軟骨 #酸齋 #瑞士汁 #瑞士雞翼 #郭仔記車仔麵

在大埔藝術中心學完跳舞，下課後與同學一起到附近吃車仔麵。車仔麵可以選清湯、鮑汁，牛腩汁、沙爹汁或咖喱汁。今次選了鮑魚汁自選三餸麵。鮑魚汁甜甜地，有點像瑞士汁的感覺，幼麵沾了湯汁很美味😋對我來說，鹵水雞翼或瑞士雞翼是吃車仔麵的精髓，沒有雞翼車仔麵就沒有意義😂這裡的瑞士雞翼令我很滿意👍🏼還有紅腸，很厚切。今次還試了金錢肚，夠爽口也夠入味。朋友試了摻摻撈，可選兩餸及送紫菜湯。紫菜湯出奇的大碗，紫菜份量亦很慷慨，食完撈麵再喝光這碗紫菜湯，非常滿足😋撈麵醬汁有鮑魚汁、沙嗲汁、咖喱汁、牛腩汁和瑞士汁可以選，最後點了牛腩及豬軟骨粗麵配腩汁。粗麵很彈牙，腩汁香濃惹味，牛腩和豬軟骨夠腍亦夠入味。這裡除了車仔麵外還有小食，今次就叫了炸鯪魚球。鯪魚球大大粒，外層脆卜卜，內裡口感彈牙，很香口，蘸泰左甜酸醬更添美味。

今日難得去大埔墟買啲野，就即管試試大埔都算出名嘅車仔麵。由於唔係太肚餓，就買一碗淨餸外賣。叫左韮菜，酸齋，豬腸同鯪魚肉。本身要求分湯，因為回家路程都有一段時間，唔想啲韮菜浸到又黃又淋。但夾餸阿姐話淨餸冇等分湯。我就即刻講我需要分湯，咁分湯再加幾多錢？阿姐隨即答，冇得分湯，加幾多錢都冇得分。那一刻，我心諗，咩事咁串？分個湯啫，加錢俾你分埋湯都唔得呀？於是我望到嗰碗淨餸，細碗到仲細過一碗生菜魚肉或者碗仔翅，仲細過隔離鋪位碗蛇羹。你地收我$44四個淨餸，但係咁冇良心，又唔分湯，又唔多兩舊餸。就算唔俾多舊餸，俾多兩條菜，你都賺到笑啦！我隨即話碗野咁少？阿姐串咀地回答，淨餸係咁少啦！我雖然唔係太餓，但係見到碗野咁細，食左落肚都唔會覺得飽啦。然後我再加錢，係加多$11先多個米粉底，咁樣先可以分湯外賣。但一啲都唔抵食。外賣紙我圈左中辣加菜圃，結果咪冇落到辣，又冇加辣菜圃俾我。阿姐都唔睇野！結果，成碗車仔麵$55，但味道差，韮菜老；酸齋得兩小舊，唔酸甜，似普通麵筋；鯪魚肉，麵粉佔9成魚肉佔1成；豬腸唔入味；湯底冇味。$55嘅車仔麵可以有好多選擇。永x，新x，荃灣榮x都可以4餸一麵，食物質素，食材選擇，

夜晚晚唔想食飯太飽，見到這麵店，感覺整潔企理，就入去一試。這裡除粉麵，還有飯的。可以自選配搭，又可以試特定的麵餐。有牛類、豬類及雜類（八寶）。特定牛餐包牛肚、牛丸、牛腩等。我揀了豬寶，有豬皮、豬腸、豬紅，仲送魚蛋，是陳皮魚蛋，很少食，彈牙，不錯。許多時候，這些大雜會只有每樣兩舊，但這裡每款感覺份量「夠」，而且不是細細舊/片。豬皮幾大片，不是軟淋果隻，但不會太硬，而且很入味。豬腸，大大件，有咬感。豬紅，唔識形容，同平時的有少許分別，覺得口感質地好。呢碗麵加埋凍飲$47，我覺得值👍🏻。另外，這裡有自家製的辣菜脯，好新鮮同好味，不會過鹹。讚👍🏻

之前食過大埔墟總店，咁啱行過窗雲見到原來開咗間分店，咁我就係一條友入去食下啦。佢分店個質素都冇唔同喎同總店一樣都係咁好食，冬菇又厚又大粒牛肚軟淋淋好入味，簡直係世一

多年無來，真係進步咗好多，無論食物、環境、服務 ！午餐車仔麵，有餐或自選而多款餸樣樣都做得有水準👍夠多選擇車仔麵餸推介有：咖哩魚蛋、蘿蔔、豬皮、雞翼尖、炆冬菇、牛肚、牛筋、牛腩等......我點了個淨4餸+豆漿（咖哩魚蛋、蘿蔔、豬皮、 通菜［先講講］咖哩魚蛋 ：佢係用果皮魚旦，用多種香料做成咖哩汁，入口魚蛋彈牙蘿蔔：清湯烹調，蘿蔔冇揸，清甜豬皮份量多，大塊又厚身，入味好咬口通菜：無咩特別

郭仔記車仔面在大埔很出名，週不時幫襯，前两日到新店昌運中心食撈面，人不多，員工空閒，坐低叫嘢食，點知個肥妹服务員面黑口黑，大聲問食乜野，全程都不高興，唉好好的店，遲早俾呢班八婆搞垮。

專程去大埔墟搵食，本來想食牛腩麵，但見到呢間車仔麵好多人排隊，睇openrice食評唔錯，幾十年老字號，於是改變主意，改食呢間。車仔麵配料有好多選擇，揀咗油麵、牛腩、豆腐卜，配惹味鮑魚湯底。好耐冇食腸粉，所以點咗個腸粉魚蛋。惹味鮑魚湯底真係好惹味，帶有辛辣味道，但我覺得搶咗鮑魚嘅味道，不過都好正。湯底加油麵，簡直係減肥嘅敵人。牛腩大大嚿，炆得都算冧，豆腐卜滲入辛辣湯底，非常惹味。比起車仔麵，腸粉就失色咗少少。腸粉唔夠滑，過於冧，魚蛋都唔夠彈牙，整體上一般。雖然腸粉有啲失色，但唔影響車仔麵，仍然畀讚！

有一次同阿媽行街，買餸嗰時佢肚餓，喺呢一間買咗一串燒賣，加埋辣椒油佢覺得好好味！今次再同亞過嚟，佢就想來試吓呢間！今次唔飲茶啦粗麵普通，冇乜口感，但係都合格嘅～豬大腸反而比想像中好！唔會全部豬油而且份量都幾多豬紅出奇地好味！唔會話有啲舖頭咁樣好甜溝咗糖，而且有新鮮嘅味道，又彈牙有口感佢手打鯪魚肉就覺得冇乜特別，因為佢係推介嚟嘅，但係都唔錯！佢設成一條條咁，都有幾多條佢哋再encore燒賣文到幾香！呢度嘅環境同普通街邊小店差唔多，服務都係！要做試過就得，又唔算特別出色或者特別平

呢日收工同個仔一齊食晚餐,佢話想食車仔麵,我們就去了郭仔記,之前有食過大埔墟果開,質素都幾好,今次試下昌運呢間.餐牌有些車仔麵餸都幾特別,如酸齋,瑞士流心蛋和一些振興的丸類,振興在大埔都頗有名氣,之前自己買過食,味道都幾好,每枱有樽菜甫拌飯或麵.餐廳現時有免費轉做酸辣湯的優惠。酸齋，牛腩，振興牛丸，炸雞扒，酸辣湯粗麵酸齋味道正常，牛腩炆到夠淋和入味，牛丸的牛肉味偏濃和彈牙，雞扒醃得夠入味，麵的份量都算多，男仕食完都夠飽。酸齋，蘿蔔，鹵水雞翼，豬皮，牛腩，豬軟骨，粗麵加腩汁蘿蔔清甜爽口，雞翼有香濃鹵水味，豬皮用了咖喱汁做汁底，豬軟骨淋身，軟骨也容易咬碎。總結餐廳環算是整潔，座位上算舒服，裝修較新，食物份量算大份， 食物質素也不錯。 喺大埔中心附近食車仔麵又多個選擇。

我對車仔麵嘅要求都有啲高，但呢間老字號嘅郭仔記係我每次去到大埔都第一間諗起嘅餐廳。佢個湯底同埋辣醬真係世界級，每次去食我都要叫冬菇牛肚加通菜，佢嘅花菇厚度好似棉花咁柔軟有林又入味。而牛肚都問得好林好入味超級好味

Honey住大埔，回家前就在昌運中心隨便找地方吃個晚飯。郭仔記車仔麵，未試過喎，就試下啦。我點了全日優惠套餐 $38有時菜、蘿蔔、豬皮、牛肚，還可配冷熱飲品，才$38，真係好抵！還以為會將貨就價，但當車仔麵上桌，大大碗：有五塊蘿蔔、五塊豬皮、三塊牛肚，湯頭濃濃的！好味喎！蘿蔔炆得夠稔，無渣，清甜。豬皮爽口，索滿了醬汁。牛肚也炆得夠稔，入味，好好味喎！我還加上這店提供的辣菜脯，更惹味。街坊小店，抵食又好味