遖

營業中

休息中

朋友生日就同佢食返餐好既 但因為大家都好忙 就去左食個set lunch 一早我就已經book左枱 呢到都好新 岩岩開冇耐 裝修方面都好有日本feel 呢到可以同廚師師傅交流 食得舒服又開心首先有前菜 3款野食都好開胃 唔錯 刺身同壽司都有 仲有唔同款tim架 可以食到多款既魚味道 真係唔錯 壽司刺身都新鮮 飯既份量唔會太多 咁先岩岩好 可以食到魚生既味道 因為朋友生日 個廚師都特登整左額左甜品 唔會太甜 味道岩岩好 食完就已經飽喇 份量方面係足夠既

尖沙咀高級OMakase 一聽到食日本野已經流晒口水 食set lunch 呢個set lunch 都算唔錯 食既都係高級食材 set lunch 都有好多道菜 所以係可以試到唔同味同埋係食得飽既 壽司飯唔會太大舊 咁樣就可以令到個魚生味更加突出 真係唔錯 刺身都算大件 又厚又鮮甜 食材非常之新鮮 有唔同種類 一次過可以試到唔同既壽司刺身係開心既 而且夠新鮮 食完最後都有甜品 食左個半鐘有多 坐得幾舒服 感覺係呢到裝修都唔錯 我本人就好享受既 有咩特別節日都可以再黎過 食返餐好既

呢到係食廚師發板 OMAKASE 好耐都冇食過日本料理所以我決定今日帶埋朋友一齊食 首先--定要講既就係拖羅真係好新鮮-睇顏色就知係好野 見到係咁靚拖羅又夠厚 魚既油香味真係食落口 零舍唔同 件拖羅係入口即溶 真係好好味 呢個值得一讚 另外壽司方面都有十二件 其實都幾豊富 廚師服務好好 有講解每道唔同既菜式 亦都照顧得好周到 而呢到既裝修淡雅秀麗比到人-一種舒服既感覺 好滿意既--餐因為食又食得飽 坐又坐得好舒服 口感方面係大讚既 我同朋友都食到津津有味

冇得去日本旅行, 就唯有食返餐日本野就當去左日本旅行啦. 揀左呢間OMAKASE黎食, 因為見佢新開同埋環境裝修都好靚, 值得去試一試。今晚食食omakase,師傅主理都睇得出係充滿經驗，今餐食左兩個幾小時, 可以慢慢品嚐廚師發板，真係絕對大滿足，口感同廚師既功架都帶到唔同既享受。海膽係非常之新鮮，食落有海水味, 口感豐富而且份量都多。成口都係海膽真係好爽. 另外仲有個劍魚腩刺身，好高質素嘅劍魚腩，呢到用既魚生刺身都係用上高級食材, 所以都覺得好抵食, 下次會再黎試下。

今日同朋友見到間新店, 係食OMAKASE, 好想試下就即刻入左去, 呢到裝修都好有日本feel , 個日式師父仲好好人, 講解每一道菜, 我地就叫左個lunch set , 有前菜,刺身5品,壽司8件,麵豉湯,茶碗蒸,水果同埋甜品都係$650一位. 非常豐富. 刺身都非常鮮，壽司都好好食, 都係上等刺身，仲有拖羅tim, 所以呢個價錢黎講都係物超所值, 下次可以黎埋試埋個晚餐, 我同我個朋友都食到好飽好滿足呀. 呢到地方都算好易搵到. 唔會太難, 坐位寬敞都唔會太迫, 幾舒服, 下次一定會再黎過