遇見花蓮

營業中

休息中

北角一帶以街坊美食為主，路過見到都會發現平民特色美食，位於AIA地舖嘅遇見花蓮就以極高性價比見稱，食物仲要好味有特色－薑蔥黑麻油雞翅飯：大量新鮮薑蔥，清新可口，配搭鮮嫩大隻雞翼，加埋白飯，一個字，正－川味牛肉麵：牛肉大大件爽口唔韌，牛肉味濃，但湯頭都頗辣，食到一身汗，好過癮－淡水滷肉刘包：滷肉肥美多汁，汁醬惹味，刘包鬆軟，完美嘅配合－花建小食拼盛：9款小食配上9個精美小花碟，一上台已經好感動，即時唔同角度幫佢影靚相啦，大大力推薦甜不辣，煙韌彈牙！－自家芋泥鮮奶、夜市鳳梨水果茶：食晚飯加購係非常抵飲，當甜品食都一流，大滿足街坊小店四圍都有，但遇見花蓮保持質素同環境之餘，價錢仲要唔貴，推介推介

睇見份menu, 樣樣都想食, 所以叫咗個【花蓮小食拼盤】, 一次過滿足多個慾望!😍😍😍呢個小食好啱打卡, 一份有九格, 小食包括人見人愛嘅鹽酥雞、台式香腸、甜不辣、炸地瓜條、炸花枝丸、麻辣鴨血、醉雞卷、櫻花蝦餅及滷蛋! 每樣細細份, 好好食!今次主要係為咗個臭臭鍋而嚟, 所以點咗個【花蓮一品臭臭鍋】, 呢個鍋非常方便, 係一人份量, 可以自私食, 又可以分享食! 入面配料好豐富, 仲可以自選主食粉麵飯, 我揀咗寬條薯粉, q彈又好快熟! 配料入面有臭豆腐、鵪鶉蛋、鴨血、台式臭豆腐等等... 可以揀辣度, 我揀咗小辣都幾夠辣!😆😆😆小食我再order咗士林鹽酥魷魚同麻辣鴨血, 前者香脆可口, 係者煙韌有嚼勁, 但份量略少! 飲品我點嘅芋香珍珠奶茶勁正! 力推!👍👍👍⭐遇見花蓮北角電氣道183號友邦廣場14-15號舖

是日去完街，返到屋企已經唔想出街，同T先生叫外賣速遞就算了。用動物食物速遞平台見到，食台灣菜。由於太肚餓，冇影到相，但我想寫下呢個食評:-肉鬆榨菜蛋餅 - 普通，榨菜味道唔出，可能我諗住上海粢飯既味道卦🤔麻辣鴨血臭豆腐冬粉 - 讚 湯，粉分開上。外賣速遞過黎仲好熱，臭豆腐堅臭，麻辣湯係辣，辣到知人好想繼續食。強烈推薦但要飲啖茶或凍飲，人會即刻爽晒😆。鹽酥雞滷肉飯 - 有幾條菜，滷肉份量唔算蛋，都可以，而鹽酥雞就麻麻地，粉漿較厚，鹽酥味唔算突出，普通啲。古早仙草紫薯三色芋圓，有紅豆，仙草，芋圓，幾好食，芋圓好Q,仙草份量都多，T先生幾鍾意。食完辣野食佢就剛剛好。我諗堂食應該會唔錯，可以之後試吓😆

平日夜晚收工，同朋友去附近一間台灣餐廳食飯，冇諗過有驚喜😋 我地叫咗一份蜜汁滷排骨滷肉飯同埋一份淡水無骨豬手滷肉飯，再加埋一份花蓮小食拼盤。小食拼盤包括有好多款，有鹽酥雞、甜不辣、櫻花蝦餅、雞卷、滷蛋、香腸、詐地瓜條、炸花枝丸同埋麻辣鴨血。嘢飲就分別叫咗一杯黑糖珍珠奶茶同埋自家製芋泥鮮奶。我最鍾意嘅當然係滷肉飯啦！蜜汁滷排骨滷肉飯嘅排骨好滑好嫩，加埋蜜汁甜味，好好味！淡水無骨豬手滷肉飯嘅豬手都滷得好入味，同埋米飯個口感都好好，啖啖食都好飽足。花蓮小食拼盤份量唔多，但款式好多，全部都好好味！我最鍾意嘅係鹽酥雞同埋炸花枝丸，外脆內嫩，再配上店家嘅特製醬汁，真係好開胃！嘢飲方面，黑糖珍珠奶茶好香濃，珍珠Q彈有口感，仲有自家製芋泥鮮奶，芋泥好濃郁，同鮮奶混合落去，好好味！

炮台山地鐵站行過嚟幾分鐘就到，我哋大概7點左右到都好多人排隊，俾佢嘅陣陣麻辣味吸引到😌-花蓮小食拼盤 $88鹽酥雞,甜不辣,櫻花蝦餅，雞卷,滷蛋,香腸,地瓜條炸花枝丸.麻辣鴨血最愛甜不辣煙煙韌韌咁香腸肥瘦剛好🥰櫻花蝦餅、鹽酥雞、炸花枝丸，要趁熱食👍🏻全部都係好地道台灣嘅小食好有台灣風味😋-花蓮一品臭臭鍋（小辣）$118配薯粉娃娃菜,白豚肉,臭豆腐,新竹貢丸,米血糕,大腸,鴨血,鵪鶉蛋,蕃茄，榨菜絲，韭菜，金菇，鳴門卷，炸枝竹一開始就食哂啲餸先麻辣湯底好惹味鵪鶉蛋個蛋黃好軟綿綿🥹枝竹同娃娃菜索哂啲湯🤤最後食啲薯粉，超入味又好爽👍🏻-夜市鳳梨水果茶 $28好簡鳳梨香味仲有其他水果好香甜～清爽解渴😋 -自家芋泥鮮奶 +$12跟餐都係加十幾蚊都幾抵芋泥好香又唔會太濟配鮮奶好解辣🥰-古早仙草三色芋圓 $38飯後甜品☺️芋圓好煙韌薯🍠味都重仙草好爽😋

好想食臭臭鍋，上網睇下呢區有邊度有得食，即刻搵到呢一間，都幾近炮台山地鐵站，一於試吓。6:30去到見仲有好多吉枱，所以行去買少少野先，點知7:00返到已經要等位，好多人食呀！而等位期間最好就睇門口嘅餐牌揀定食物～臭臭鍋有4款，3款係辣嘅，可以選辣度，而我地想似下沙茶味：《 台式香濃沙茶鍋 💲118 》配薯粉/白飯/粉絲鍋中已經有粉絲架啦，所以我地揀薯粉。沙茶味都幾香，岩唔食辣嘅朋友。望睇細細鍋，但其實都多料：娃娃菜、牛肉片、米血糕、牛丸、沙白、粟米、金菇、炸支竹、鳴門卷、花枝丸、韭菜、蕃茄、青豆角。米血糕幾好食，唔腥又軟糯。粉絲吸汁仲正。牛丸好爽彈有汁幾驚喜。再叫多個《 C10 慢煮烏醋豬軟骨配手工麵 $68 》豬軟骨真係好軟稔，個湯底都香濃唔咸。小食都叫左兩樣：《 A04 ：滷肉A菜 $28 》油麥菜都幾好，新鮮無渣。《 A07 : 麻辣鴨血 $28 》鴨血幾滑，辣辣地幾開胃。《 R8 香芋珍珠奶茶 （跟餐 +💲12）》《 R7 珍珠奶茶（跟餐 +💲12）》散嗌一杯飲品，《 冰糖紅棗燉雪耳 💲28 》真係有大件雪耳肉，微甜養生唔錯。

今晚想食台式野，於是上Openrice搜下附近餐飯，咁啱見到呢間新開於是就去試下。去到岩岩19:00，餐廳唔算好多人，服務員安排左卡位俾我地坐，座位空間都好闊落。係餐牌見到有臭臭鍋，太太就即刻決定揀佢，因為唔多台式餐廳有做臭臭鍋。點見菜大概等左幾分鐘，先上飲品，然後上兩個小食，最後上埋臭臭鍋，全程都好快，大概10分鐘上晒菜。等緊煮熟臭臭鍋嘅時候，我哋兩個人先試啲小食，覺得杯嘢飲同兩個小食味道都好食，不過個份量就少咗啲，甜不辣大概七條，魷魚鬚大概五條，如果人多或者泰式真係要點兩set先夠。臭臭鍋大概煮咗3分鐘左右，啲肉都開始熟，所以我哋就開始食。啱啱開始食嘅時候味道都OK，只係略為鹹咗少少，但可能因為個臭臭鍋啲湯越來越少嘅原因，食到中後段會覺得好鹹，但因為個份量好少，而且剩返嘅餸都唔多，所以我哋都冇叫佢加湯。整體來說，呢間台式餐廳嘅嘢食都算唔錯，略嫌的是臭豆腐唔夠臭，份量比較少，特別是主食，我太太都話佢只係岩岩好夠飽，但未滿足，最後我哋都要再去食甜品🤦‍♂️如果將份量調整多一點，呢間餐廳有機會坐第一排嘅食堂🤣🤣

Hualien Dating has some decent eats🇹🇼 The hualien snack platter had a variety of flavors, and the braised pork belly gua bao was tasty. The spicy hotpot with beef had a good kick to it🌶️ Affordable and filling!.月頭去完台灣返嚟仲好掛住果邊啲嘢食，屋企附近開咗間主打花蓮美食嘅台灣餐廳點可以唔試😛 佢哋選擇種類都幾多，不過見每枱都有叫一人火鍋就知有保證，每個鍋都有十幾種配料真係幾抵食，加多十蚊仲可以轉做滷肉飯添～ 雖然唔算有驚喜但勝在環境企理可以止止癮✨

“麻辣什錦牛肉鍋”($118+$10台南滷肉飯)“蜜汁滷排骨麻辣拌麵”($72)“士林鹽酥雞”($36)“肉鬆榨菜蛋餅”($39)“芋香珍珠奶茶/愛文芒果烏龍茶”(+$12)炮台山不嬲都多嘢食今次就嚟咗呢間開咗冇耐嘅遇見花蓮一睇餐廳名就知係食台灣菜啦😆除咗一般嘅飯類,麵食,小食呢道更有一人臭臭鍋😍即刻點返個麻辣什錦牛肉鍋食吓🐮🌶配料有牛肉片,鴨血,豬肉水餃,豬腸,沙白等真係十分之豐富😝加多$10仲可以升級配台南滷肉飯😋另外點咗個蜜汁滷排骨麻辣拌麵🐷塊排骨超級大塊😍食落又腍又滑🤤麻辣麵麻香十足,正呀😙小食方面點咗鹽酥雞,肉鬆榨菜蛋餅鹽酥雞外脆內juicy🐔肉鬆榨菜蛋餅蛋餅皮qq入面舖滿肉鬆同榨菜好滿足🥰飲品可以用優惠價加配芋香珍珠奶茶同愛文芒果烏龍茶都係經典台味而且仲大大杯好抵飲☺️

心心念念又想食台灣野！炮台山呢一間之前行過覺得都幾吸引，食物款式選擇好多，而且價錢親民，難怪呢度平日夜晚都好滿座！✿ 花蓮一品臭臭鍋 ($118)呢個一人份量小火鍋材料好豐富～ 有白豚肉、新竹貢丸、臭豆腐、米血糕、鵪鶉蛋等。主食揀咗寬條薯粉，配麻辣湯底好惹味又唔會好油😋✿ 古早花雕雞卷 ($42)雞卷切得幾厚，肉質軟滑。花雕香味濃郁！✿ 古早芋泥肉鬆蛋餅 ($39)芋泥整得好綿密，調味偏甜。夾埋肉鬆食啱啱好，而且芋泥肉鬆都份量多，食落好足滿☺️ ✿ 紫薯蕃薯球 ($28)類似夜市嘅地瓜球，質地煙韌，食落紫薯味都幾重，入面仲有啲蕃薯蓉😆✿ 自家薏米水($28) / 自家芋泥鮮奶 (+$12)薏米水清甜，食辣野解渴幾唔錯。芋泥鮮奶正常，甜度適中。

坐低左就係我勁鍾意果首想見你，太正啦！加分😍😍我聽到小朋友都忍唔住跟住一齊唱👍🏾👍🏾好多小食及食物揀🥳🥳🥳叫左個小食拼盤，可以一次過試晒想食嘅，開心。仲要款款都好有質素，同妹面同個人可以試晒咁多款，勁開心🥳 最愛佢糖心蛋同個炸蕃薯條～最正係咸蛋芋頭條，勁勁勁好食🤤呀妹話正過平時放題嘅炸芋圓球🥳鐘意食芋圓的可以試吓佢擺盤都好有心機，勁靚。個牛肉麵份量好大，肉好多又夠諗😋😋😋😋味道：🥳🥳🥳🥳🥳環境：🥳🥳🥳🥳🥳份量：🥳🥳🥳🥳🥳

Hualien Dating specializes in taiwanese hualien cuisine, there is always a long queue during lunch hours 🎫 they serve valuable lunch sets that include a taiwanese drink and rice dishes comes with a bowl of seaweed tofu soup 🥣遇見花蓮主打台式花蓮菜，每次午時行過都好多人攞籌等位 🎫 午餐好抵 有杯台式飲品 飯仲有碗紫菜豆腐湯 🥣🍯 蜜汁滷排骨滷肉飯 honey glazed ribs with braised pork rice HKD$62滷排骨係炸豬扒 🍖 超大件又厚身 🐖粉漿好薄 炸得酥脆 食落蜜汁甜甜哋 肉質滑嫩 ✨滷肉飯肥瘦適中 配鹹酸菜 半熟蛋 🍳 🍖 慢煮豬軟骨滷肉飯 slow cooked pork cartilage with braised pork rice HKD$65豬軟骨軟綿入味 用烏醋炆味道同鎮江醋排骨一樣 酸酸地帶點甜 滷肉飯肥瘦適

《遇見花蓮》📍位於北角電氣道183號友邦廣場，由炮台山港鐵站A出口，步行數2-3分鐘就到。🥢麻辣臭豆腐吸滿麻辣汁的黑黑的臭豆腐，入口軟腍，臭味唔太重，反而麻辣味突出🥢花蓮紅燒半筋半肉麵厚厚大大件的牛筋，炆至軟淋軟滑，牛展大大嚿，入口肉質鬆軟入味， 湯底香濃，鹹味適中，加上彈牙麵條，只係$78，都好抵食。🥢花蓮地瓜酥呢個好有驚喜，地瓜酥外層炸至金黃酥脆，中間就煙韌軟糯，外層有淡淡鹹味，帶出地瓜的甜味，非常好食。最後要講嘅係，餐廳唔需要加一服務費，真係食幾多，畀幾多，非常抵食。

遇見花蓮北角電氣道183號友邦廣場14-15號舖Shop 14-15, AIA Tower, 183 Electric Road, North Point$88花蓮小食拼盤 , 花蓮當地特色小食拼盤，一次過試齊花枝丸、甜不辣、香腸、鹽酥雞、麻辣鴨血、糖心蛋、醉雞等共九小碟小食。花枝丸口感Q彈，醉雞入口芳香酒味醇,雞肉散發著酒香, 麻辣鴨血味濃惹味芝士培根蛋餅 $39 餅皮似crepe 芝士好多當加熱溶化成拉絲, 連鹹香BACON, 很飽足又高蛋白質。滷肉A菜 $28 把滷肉飯的滷肉淋在菜上, 滷肉的五花腩肥肉煮到腍身, 入口即化。滷肉飯大大碗又多料, $ 62 薑蔥慢煮豬軟骨飯，薑蔥勁多撈飯一流，鹹香惹味。而豬軟骨也煮到好入味，糖心蛋半隻仲有貢丸海帶湯，好抵食$26 刈包, 有包住五花腩肉同滷肉，唔洗考慮一。家是五花肉啦，夾了香菜榨菜花生粉，香軟的刈包ORDER 主食可以用優惠價加飲品$12加了杯珍珠奶茶，爽呀

香港真係開咗好多新台灣餐廳 好興食啲台灣一個人嘅自私火鍋 我都好鍾意食充滿台灣味道 唔使去台灣咁遠 呢間近地鐵站嘅都係我嘅favourite 約咗放工同朋友嚟傾下偈飲下珍珠奶茶都幾開心一人一鍋夠曬衛生清潔 推介花蓮一品臭臭鍋連埋爐上幾分鐘就滾曬啦 可以食 裏面有大量豬肉 臭豆腐 鴨血糕 大腸 蔬菜等等好多台灣嘅食材好新鮮 豬肉好鮮甜 湯底唔算太spicy 🥵清清哋仲可以配魯肉飯個汁真係好好餸飯食夠曬飽跟餐仲加咗個 芋香芋泥奶茶真係好台灣風味嘅一餐呢度坐得幾舒服上菜速度快 價錢唔貴 可以再嚟