遇見花蓮

營業中

休息中

被九宮格小食拼盤深深吸引而來🤤主打多款台灣菜式選擇🤩除左小食，手工麵，蛋餅，滷水飯等仲有招牌台式一人火鍋🍲花蓮一品臭臭鍋🍲臭臭鍋顧名思義就係以臭豆腐為主，台式小鍋岩晒1-2人分享，鍋裡配料仲有大腸，鴨血，米血糕，豚肉，新竹貢丸，沙白，鵪鶉蛋，鳴門卷，炸枝竹，娃娃菜，榨菜絲，蕃茄🍅，金菇及粉絲等份量十足，麻辣湯底揀左小辣🌶️，寬條薯粉好快熟又煙韌，米血糕好似糯米食落軟糯，但沙白連麻辣湯底都掩蓋唔到腥味，明顯唔新鮮🥹，而臭豆腐及蔬菜類吸晒湯汁好入味，全部食晒好滿足😋花蓮小食拼盤🍱擺盤好吸睛🤩一次過試齊9款地道小食😋，好有台灣風味包括有麻辣鴨血，牛肚🐮，豬大腸🐷，炸魚塊🐟，蝦餅🦐，鹽酥雞🐔，香腸，溏心蛋🥚，醉雞卷等，每款有2件，麻辣鴨血食落唔腥夠爽口，台式香腸薄切加上蒜片食更有層次，醉雞卷帶有酒香味，口感嫩滑，牛肚及豬大腸滷得入味，食落夠軟腍，但炸魚塊中間部分未熟透，硬身咬唔開，隨即叫店員很樂意幫我哋換新一份，其他小食正常發揮自家芋泥鮮奶🥛加$12轉飲，芋泥份量唔夠多，飲落口感唔夠厚實又唔滑，鮮奶味亦唔重，整體比較遜色

晚上六點前去咗北角電氣道183號友邦廣場13-14號舖的遇見花蓮台式餐廳，餐廳寬敞舒適。原本想食晚餐，但原來餐廳下午茶時段去到六點，於是嗱嗱聲叫了下午茶餐。花蓮一品臭臭鍋配薯粉$98可以選擇辣度，我們選了小辣，臭臭鍋內的食材十分豐富，有臭豆腐，鴨血，血米糕，豬大腸，粉絲，冬菇，枝竹，娃娃菜，蕃茄，鵪鶉蛋，貢丸，豚肉片，蜆等。臭臭鍋是鍋內有臭豆腐而得名的，其實佢一啲都唔臭，仲好好味添。花雕雞卷滷肉飯 配：紫菜貢丸湯及地瓜條$46雞卷充滿花雕酒香味，滷肉飯很入味，地瓜條酥脆內軟綿。士林鹽酥雞$36食台灣嘢鹽酥雞是不可或缺的小食，鹽酥雞炸得外脆，雞肉嫩滑夠Juicy，唔會太鹹，夠惹味。黑糖珍珠奶茶及芋香珍珠奶茶跟餐每杯加$8，大大粒的珍珠加埋香滑的奶茶，又唔太甜，兩杯奶茶真好飲。古早仙草三色芋圓跟餐加$22，仙草滑溜，芋圓煙靭有咬口，這是我至愛的甜品。遇見花蓮餐廳啲嘢好食，又冇加一，真係抵食，值得去完又去。

見好多街坊look嘅人食，所以應該都係行平民台灣菜路線，仲有得打一人邊爐。*古早花雕雞卷麻辣拌麵 $72雞卷得四片，話厚唔厚話薄唔薄，花雕酒味啱啱好，唔會太強。拌麵粗身，麵質唔會太腍，麻辣偏辣多過麻，但未夠香。麻辣鴨血 $28鴨血嫩滑爽彈，偏硬身，麻辣汁對我嚟講好辣，不過好惹味。肉鬆榨菜蛋餅 (逢甲名物) $39蛋餅唔係煙韌又係酥皮，而係一塊crepe外型嘅蛋皮，超級奇怪。餡料包肉鬆榨菜似乎就唔係逢甲名物👉🏻👈🏻冷泡豆里山烏龍 +$8叫主食加$8，可以解渴解辣。

位於炮台山的台式餐廳，平時食開九份飽，今次經過見到價錢都OK，食物選擇都多，就嚟試下。蜜汁滷排骨麻辣拌麵 $68 排骨好大塊👍🏻浸過蜜汁但咬落炸衣仲係脆口。手工麵夠曬咬口，醬汁帶有淡淡麻香辣味😉香口好食。古早芋泥肉鬆蛋餅 $39 呢個價錢嚟講有啲細塊，得3舊。但入面的芋泥好好味😋偏甜的芋泥同肉鬆好夾，用軟軟的蛋餅卷起，入口多重口感，味道好match😀如果大舊啲perfect台式肉蛋吐司 $48 吐司係三款入面最令人失望的🤨雞蛋煮到啱啱好熟，流心效果睇落好加分，但面包太乾又冇醬汁，調味唔夠，同隔離黑布小巷差好遠😥

小編去完附近海岸公園🌊後覓食～行番去炮台山個邊好似多野食啲😝行到一半見到間台灣菜好吸引 裝修都有feel咁啱又有卡位 決定一試🤣📍台式香濃沙茶鍋 ($118)娃娃菜,牛肉片,米血糕,牛九,沙白,粟米,金菇,炸枝竹,鳴門卷,花枝九,韭菜,蕃茄-材料勁豐富 小編2個人share都好飽肚🤪可以揀公仔麵/飯/粉絲/薯粉 (+$10可轉滷肉飯）小編揀咗薯粉 好鬼索汁🫶🏻有少少Q彈丸類每樣各一粒🍡 牛肉大約有5-7片～最估唔到係有米血糕☺️小編就一般湯底就沙嗲為主 唔辣偏淡🤣4個火鍋得呢款唔辣 所以無得揀hahahaha📍 花蓮小食拼盤 ($88)鹽酥雞,甜不辣,櫻花蝦餅,雞卷,滷蛋,香腸,地瓜條,炸花枝丸,麻辣鴨血-呢個擺盤好靚💯九個小食分九個格放～每款2人份 但小編覺得2-4人都可以叫黎share🙌🏻入面所有小食都好熱門🔥叫左可以一次過試哂所以計落都幾抵食💖小編最推麻辣鴨血、鹽酥雞同地瓜條鴨血仲可以放埋係邊爐🫕滾 好正✨📍 慢烤雞腿起司蛋吐司 ($56)黎到上枱已經見到爆哂蛋汁🥚入面仲有雞腿肉+芝士 望到都流口水🤤餐廳出面個層紙無分開到 又勁多膠紙搞到整左好耐先分開到2件 流哂d蛋汁係枱 少失望

遇見花蓮北角電氣道183號友邦廣場14-15號舖這次經開炮台山，發現一間台式餐廳，環境舒適，食物高質。😎古早芋泥肉鬆蛋餅面層的醬汁酸酸甜甜的，和蛋餅很夾，蛋餅即叫即製，新鮮煙韌。芋泥甜度適中又夠滑，加上香脆的肉鬆，一試難忘，推薦！🤤古早烤雙色香腸原條台式香腸切片，香濃多汁，口感煙韌，吃到中段可以加蒜片提升層次。😋士林鹽酥雞大廚即叫即炸，外層超級香脆，雞肉醃製得剛剛好，新鮮Juicy不會太鹹，沒有梳打粉味，恰到好處的調味，喜歡香脆口感的朋友一定要試。士林鹽酥魷魚好耐冇食過炸粉薄薄的魷魚，魷魚夠新鮮彈牙。原條魷魚鬚即炸，真材實料，沒有味精，好味道。😍冷泡阿里山烏龍原汁原味，烏龍茶茶味清新，喝完很舒服。遇見花蓮食材新鮮，沒有味精，回頭率高。 🤘🏻

難得約左同住北角嘅buddy一齊食dinner，見到遇見花蓮好近又就腳，就即刻決定食佢雖然唔大份，不過當小食咁係岩岩好，每一啖都係滿滿嘅芋泥超正，而且又唔會好甜。我好鐘意食辣嘢，一見到呢個就決定叫佢，不過真係高估左個辣，對我嚟講辣左啲，不過值得推薦佢嘅排骨，超入味，雖然有汁係上面，但排骨仲保持到少少脆，有驚喜，成碗麵超大碗，我一個人真係食唔晒。朋友就揀咗花雕雞，佢話個雞超香好入味。最後當然要有甜品收尾，食咗我最愛嘅芋圓，味道岩岩好，唔會太甜。聽講呢間係出名食臭臭鍋，望到好多人叫，睇落的確係幾吸引，不過我呢啲傳統嘅人就係覺得台灣嘢係要食古早味食返啲地道嘢以上評論純粹個人意見

今日介紹嘅餐廳位於炮台山AIA附近，適合附近打工一族lunch hour嘅時候去食。鹽酥雞滷肉紫菜貢丸台灣腸$48鹽酥雞好酥脆，外皮炸到金黃色，入口鮮嫩多汁。套餐包括開胃小食，滷肉飯味道鹹香，肉質彈牙，加埋滑嫩嘅紫菜貢丸，好好味😋花蓮小食拼盤$88好豐富嘅花蓮小吃大匯集，入面有好多唔同嘅小食，例如鹽酥雞、鴨肝、糖不甩等等。味道唔同，加埋食材新鮮，好適合一班朋友嚟一齊share。古早烤雙色香腸$36古早花雕雞卷$42呢兩款都係傳統嘅台灣小吃。古早烤雙色香腸係由兩款唔同嘅腸肉經過炭烤，肉質彈牙，好好味。古早花雕雞卷就係用花雕酒浸過嘅雞肉卷，經過烤制，味道香濃，入口嫩滑。起司培根餅$39外皮酥脆，內裡有著芝士味道濃郁，加埋培根，味道更加豐富。📍遇見花蓮 (北角)北角電氣道183號友邦廣場14-15號舖

好耐冇嚟到炮台山附近lu, 口痕想食下台灣野，就入左呢間遇見花蓮，menu都幾多選擇🤩✨花蓮小食拼盤 - 有9格唔同嘅小食，好吸睛又可以食晒咁多款，由清清地滷蛋開始食起，慢慢食到去炸物，都幾享受，我自己幾鍾意鹽酥雞同炸花枝丸😚✨起司培根蛋餅 - 芝士半溶好惹味，裡面有青瓜balance下，唔會好膩🤤✨慢烤雞腿蛋吐司 - 一路咬蛋汁一路流😍 好香蛋味同埋雞腿幾嫩滑👍✨蜜汁滷排骨麻辣拌麵 - 個排骨好大塊，仲大過我手掌😂個麵軟硬度適中，比想像中辣，但辣得幾過癮！✨冷泡台南高山綠茶 - 解膩一流，食完炸野飲啖舒服晒~✨自家芋泥黑糖奶茶 - 叫左少冰少甜剛剛好，芋泥幾有口感😋

遇見花蓮 臭臭鍋好吸引我今日終於有機會食到啦花蓮一品臭臭鍋$118，是台灣特有的火鍋，以臭豆腐和各種蔬菜、肉類為主要食材，份量十足，臭豆腐的獨特味道和香氣，加上熱騰騰的湯汁和食材，讓人垂涎欲滴，仲可以再揀飯或者面，一定夠飽淡水無骨豬手麻辣拌麵$70，豬手炆到皮爽肉質鮮嫩而又不爛，配上Q彈的麵條，吃起來口感十分豐富，豐富的骨膠原，麻辣味不算太重，岩晒食到小小辣的朋友仔，好滿足😌小食 十分甜不辣$28 澎湖花姿丸$32兩款小食都即叫即炸，不過不失總括來說，無論是豬手拌面還是臭臭鍋，都是台灣美食中不可錯過的代表，食物質素與性價比都高

去完東岸公園黎到呢間台食店，份量大份抵食！ 🥢花蓮小食拼盤熟悉台灣風味街頭小吃，呢個九宮格盤一次過滿足晒我。有一口盬酥雞、酥香鬆脆。彈牙爽口炸花枝丸，墨魚肉味鮮濃。香腸薄切帶油香，麻辣鴨血入口麻得過癮，質感滑溜。滷蛋入晒味溏心。地瓜條金黃夾甜。仲有甜不辣、樱花蝦餅、雞卷。🥢慢烤雞腿蛋吐司吐司夾上厚厚雞腿肉、滑蛋，戴埋膠手套食，好夠份量。 一口咬雞腿肉，嫩滑juicy香烤美味，仲有流心蛋香，夠層次感！🥢紅燒半筋半肉麵先呷一口湯頭，肉汁精華結合咸酸菜味道形成強烈口感。大大啖食紅燒牛肉，軟筋位勁多膠質，肉嫩汁盛，跟一口熱騰麵條，好暖胃。🥢薑蔥淡水無骨豬手飯黃薑蓉同青蔥粒激多，撈勻米飯食夠開胃。豬手帶皮去晒骨方便易食，皮邊軟腍🥤芋香芋泥奶茶 有埋芋泥味道texture 更香更濃厚。 🧋黑糖珍珠奶茶甜度剛好，珍珠亦煙韌。

炮台山AIA廣場有間台灣菜餐廳遇見花蓮，餐廳一品臭臭鍋聽聞唔錯，今日約朋友去試下先😄下午茶時段都有唔少客人，好彩唔駛等位就可以入座，餐廳綠色為主調，舒適優雅，食品選擇幾多，我哋好多款都想食，就點咗份小食拼盤，一品臭臭鍋同滷肉飯拼大腸麵線😄花蓮小食拼盤小食分九小碟，放入九宫格盒，打卡一流🤭，小食有鹽酥雞、台式香腸、甜不辣、地瓜條、炸花枝丸、麻辣鴨血、櫻花蝦餅、醉雞卷同滷水蛋，每款兩件，醉雞卷帶酒香，炸花枝丸同櫻花蝦餅爽彈有鮮味，地瓜條甜，香，脆，滿滿台灣風味😋幸福一品臭臭鍋必食👍，一品鍋小辣，材料豐富，有白豚肉、娃娃菜、臭豆腐、鴨血，米血糕、新竹貢丸、沙白、鵪鶉蛋、枝竹、鳴門卷、蕃茄、金菇，粉絲等等，主食配薯粉，薯粉索咗湯汁，又滑又入味😋滷肉飯拼大腸麵線滷肉入味，撈飯最佳配搭😋，大腸麵線多芫荽，麵線幼滑紫薯蕃薯球蕃薯球煙煙靱靱，裡面係蕃薯蓉，外脆內軟😋跟餐有兩杯飲品，我要紅棗桂圓茶，清甜潤喉，朋友就加💰8，要咗杯愛文芒果烏龍茶

炮台山地鐵站附近開咗間台式食店，最鍾意呢度小食較多，價錢唔貴可以試多款。🌟士林咸蛋芋泥酥🌟$32份量都算大舊，芋泥酥炸到外脆內軟，外皮唔算好厚，裏面嘅竽泥有獨特嘅香甜芋蓉味，裏面夾雜着鹹蛋黃嘅鹹甜味道，食落又唔會好油膩，好好食😋🌟手工櫻花蝦餅🌟$36好鮮嘅蝦味，口感彈牙，裏面有一粒粒馬蹄粒，清新嘅爽口味道，煎到金黃色，好香口。🌟十分甜不辣🌟$28甜不辣係鯛魚、鱈魚加上麵粉做，甜有佃煮嘅意思，而辣思意指炸，所以食落完全冇辣味🤭件數份量亦唔少。足料炮製，食落有比魚旦再重魚肉味道，有啲似炸魚餅。🌟古早滷蜜汁排骨手工麵🌟$68 製法獨特，上枱見到黑實雖然有啲嚇人，不過食落酥香美味， 外皮脆口，咬落有豐富嘅肉汁， 一啲唔會炸得太乾， 滷水惹味，蜜汁香甜，大大塊，相當抵食。🌟大腸麵線🌟$32麵線嘅湯底有啲似芡汁，味道唔會太鹹，大腸一啲都唔腸腥，帶點爽口，好友台灣嘅地道麵線風味😋🌟珍珠奶茶、仙草珍珠奶茶🌟奶茶香奶，珍珠煙韌有口感，甜味適中👍

非常喜歡台灣野食，今晚黎左北角呢間，品嚐晚餐途中懷緬一下果種花蓮人情味🤩花蓮小鍋有4款覺得都好吸引！嗌左其中嘅台式香濃沙茶鍋，入面勁多料架：娃娃菜，牛肉，米血糕，牛丸，沙白，粟米，金菇，炸枝竹，鳴門卷，花枝丸，韭菜，蕃茄，豆角，仲有薯粉😍抵到一個點，好在我地share食，一個人真係食唔晒🤣然後仲嗌左台式豬肉蛋吐司，古早花雕雞卷，古早芋泥肉鬆蛋卷。呢三款又係痴線地好食🤤首先係烘底吐司嘅豬扒好厚同夠淋，夾埋爆汁嘅芝士同半熟蛋，唔好睇少簡單嘅吐司但勁勁好食，性價比好高！花雕雞卷係冷盤黎，好清香嘅味道，肉質幾嫩架！蛋卷因為有芋泥，所以帶甜甜地架，一半係芋泥一半係肉鬆，咸甜交融咁，簡直係開胃啦😚呢晚嗌嘅野食全部都好睇又好食，滿足啊🥹

餐廳：遇見花蓮地點：北角炮台山電氣道菜式：台灣野餐牌：花蓮小鍋，花蓮地道小食，花蓮手工麵，麻辣手工拌麵，古早味薑蔥，家傳滷肉飯，花蓮蛋餅，花蓮吐司，甜品，飲品。無加一。台式香濃沙茶鍋 $118台式香濃沙茶鍋係原鍋上慢慢滾熟，材料有牛肉片4片，都好嫩。其他肉類有牛丸花枝丸各1粒，質感新鮮彈牙。連海鮮都有，有連殼沙白幾隻。蔬菜量豐富，有娃娃菜，粟米，金菇，韭菜，番茄，青豆角，冬菇，豆腐，粉絲，炸枝竹。其他材料仲有兩件米血糕，鳴門卷幾片，同鵪鶉蛋兩隻。食完真係好飽。湯底味道唔錯，唔會太濃，沙茶味都剛好，好惹味。泡菜豚肉豆腐鍋 $118泡菜豚肉豆腐鍋材料基本上同台式香濃沙茶鍋大同小異，牛肉變左白豚肉4大片，豬味濃要咬下，仲有好辣既泡菜，乾豆腐兩片，同加左榨菜絲。呢個鍋可選辣度，我地揀左小辣，味道都仲係幾辣下，食完個嘴辣到。主食我地揀左寬條薯粉。起司培根蛋餅 $39起司培根蛋餅一大卷切開三件，外皮係軟淋，好似班戟皮，入面包住爽口青瓜絲，煙肉同少少熱到融融地既芝士，食落少少似食緊西式三文治。面頭加上甜醬，所以食落酸酸甜甜。自家芋泥鮮奶 加$12自家芋泥鮮奶用膠杯上，大大杯。鮮奶好滑，芋泥微甜，感覺