遇見小麵 (MOKO新世紀廣場)

營業中

休息中

又到糧尾，梗係要發掘下啲 CP 值高嘅餐廳！之前聽朋友講過呢間遇見小麵，話係內地連鎖品牌，味道幾好又抵食，點可以唔嚟 Try Try 佢！今次就叫咗 2 個主食 + 2 款小食一齊 Share，本身以為應該啱啱好，點知 2 個都食到捧住個肚出門口🤣！安格斯肥牛小鍋冒菜 🐂喜辣者必點！一整鍋熱辣辣端上枱，陣陣辣香非常吸引，而且肉眼可見超足料，除咗滿滿牛肉之外，仲有大量豆皮、寬粉、金菇等超吸汁配料，撈埋彈牙嘅薯粉一齊食，超滿足！軟骨丸子陽光番茄湯麵🍅男朋友係茄湯控🤣！就點咗個湯麵，又係大大碗勁抵食，酸香嘅湯底同脆口嘅軟骨丸子好夾，不知不覺就食晒，仲配咗好多青菜，減脂期都可以放心食！鍋巴土豆可以揀辣或者唔辣，熱辣辣好香口，配埋茄汁食好開胃！酥脆雞排今次揀左蜜糖芥末味，食落好有驚喜，咬落外脆內嫩又惹味，如果唔係太飽真係想 Encore！跟餐仲有 1 人一杯凍檸茶，飲落甜度啱啱好，非常解辣消滯！📍遇見小麵 (MOKO新世紀廣場) 旺角太子道西 193 號 MOKO 新世紀廣場 3 樓 345 號舖 （港鐵太子站 B2 出口, 港鐵旺角站 B3 出口, 港鐵旺角東站 D 出口）⏰營業時間 : Mo

遇見小麵嚟咗香港咁耐，我終於得閒去食啦嚟到依家一定要試吓佢最抵食嘅金碗酸辣麵，因為佢淨係$19，就已經幾大碗，好夠食。微辣，辣度啱啱好，唔會太刺激！👍🏻 個麵都好彈牙，吸晒湯汁嘅精華，正！🤤 朋友就叫咗個紅碗豌雜麵套餐🍜🫘，配料豐富，有豌豆、雜醬、肉碎等等，好足料！😋 朋友仲加咗多青菜🥬同埋軟骨丸子🍡，令碗麵更加豐富！👍🏻 我仲叫咗個脆皮半只雞麻辣小麵套餐🐔🍜🌶️！嘩！半隻雞真係好大份！🤩 雞皮燒得香脆，雞肉嫩滑多汁澳洲羔羊羊肉串（3串）🐑🍖，羊肉串燒得啱啱好，外脆內嫩，好juicy！😋套餐我仲配埋白玉厚椰乳🥥🥛，椰香味濃郁，好好飲！🤤

返工經過MOKO終於食到遇見小麵Keep住有客人排隊等咗10分鐘成功入座🥸睇完Menu終於知道點解咁多人下午茶套餐幾抵食😱有辣有唔辣～✨安格斯肥牛小鍋冒菜應該係餐廳招牌!可選擇香辣或蕃茄湯底香辣湯底至少有小辣程度Keep住有辣勁🔥食材吸收晒湯汁精華有種魔力令人欲罷不能叫埋杯凍檸檬茶，剛剛好🤤✨蔥酥骨湯抄手（小份）滿滿蔥香，奶白色嘅湯底想不停飲湯，舒服既味道～抄手皮夠薄夠滑餡料飽滿，一口份量，好滿足✨安格斯牛肉串（3串）比較重油香嘅牛肉串燒香口惹味！遇見小麵（旺角店） 旺角太子道西 193 號 MOKO 新世紀廣場 3 樓 345 號舖

呢間的在其他分店都食過幾次，覺得價錢幾抵，質素都穩定，今日辣癮起又想食下😂安格斯肥牛小鍋冒菜套餐(59hkd) 試下個香辣湯底，怕辣都可以選蕃茄湯，一上枱賣相好靚，紅卜卜好有食慾，幾有辣勁，有大量豆皮、寬粉、金菇等的超吸汁火鍋料😍魚豆腐都畀好多，好足料，另加滷蛋(+5hkd)幾入味和鴨血(+8hkd)都是辣鍋必備，我一個人食不用吃飯🍚都已好飽🤰🏻套餐包飯包飲品，凍檸茶同茶記的不同，都幾清爽解渴～#foodiblum中式

位於商場內嘅平價小麵店⭐️簡直係平民救星🤩雖然佢嘅嘢食價位偏低，但係裝修一啲都唔馬夫，充滿國風嘅味道🌆食物質素有驚喜！證明平價野食都可以係高質👍🏻私心推薦佢地嘅招牌小鍋冒菜🥬可揀辣或者蕃茄湯底都可以🍅安格斯肥牛油脂嫩滑牛味香濃🐮鍋底部仲有粉絲同魚蛋🫶🏻另外羊肉串都好值得叫🐑$19就有3串，串串都好香口唔覺意就食哂😋🩷冰粉係mvp🩷啫喱好香茶同桂花味🍃滑不溜口😍呢個價錢已經可以食到咁豐富，真心唔錯👍🏻👍🏻-𝙎𝙚𝙩 𝙈𝙚𝙣𝙪▫️ 安格斯肥牛小鍋冒菜⭑⭑⭑⭑⭑▫️ 安格斯肥牛陽光蕃茄湯麵⭑⭑⭑⭑⭒▫️ 澳洲羔羊羊肉串⭑⭑⭑⭑⭑▫️ 白玉厚椰乳 ⭑⭑⭑⭑⭒▫️ 琥珀冰粉⭑⭑⭑⭑⭑-📍遇見小麵 (MOKO新世紀廣場) 旺角太子道西193號MOKO新世紀廣場3樓345號舖營業時間 : Mon-Sun 11:00 - 22:00

今日放工好想食啲香口嘅嘢，啱啱醒起MOKO開咗一間內地出名品牌「遇見小麵」😍出名食辣嘢，所以就同朋友去咗試一試👍🏻餐牌有好多選擇，朋友唔食得辣，所以揀咗蕃茄湯底，我就俾佢個冒菜小鍋吸引咗💛仲可以upgrade特飲添！✅✨天府鴨血冒菜小鍋✨一上到嚟熱辣辣，香噴噴超吸引😍 冇諗過40幾蚊可以咁大鍋，份量多到驚人！入面有鴨血、金菇、魚腐、仲有好多菜💛原來個底仲有紅薯粉，真係飽到上心口，早知唔加錢嗌白飯😂🙈話時話個湯底真係超好送飯啊！$6加飯真係好抵👍🏻✨陽光蕃茄牛肉麵✨朋友要食清啲，所以嗌咗蕃茄湯底牛肉麵，湯底超濃郁，麵條索哂晒汁好入味，牛肉片份量都多，唔鍾意食辣嘅朋友嚟到可以試呢個啊，值得推介✅✨澳洲羔羊羊肉串✨羊肉唔太酥，但都食到羊味，份量亦好多！朋友鍾意食羊肉都話好正😍✨爆漿豆腐串✨豆腐串好香口，咬落去好Juicy，但係有啲辣😆但我鍾意食辣，所以覺得好正🥰唔食得辣嘅朋友要留意吓！✨檸檬茶、白玉厚椰乳✨朋友的檸檬茶原來真係有檸檬，以為係一般的手搖飲品，有啲驚喜💛白玉嗰一杯我都好鍾意，加埋椰子汁都唔會太膩，反而可以解到辣！配埋我個冒菜小鍋一流💛💛💛很喜歡杯上的金句：所有的事都是小事👍🏻對所

主打重慶小面嘅川渝風味連鎖品牌”遇見小麵”原來已經登陸香港, 係香港仲開左幾間分店! 今日去左旺角MOKO試一試, 店面大, 座位都好多, 但全埸係滿座👍🏻枱上有QR code可以掃 code落單, 接受 alipay / wechatpay 比錢, 超級方便. 蕃茄牛肉麵呢個唔辣啱晒我地, 有小朋友或者唔食辣都唔怕. 牛肉係用牛展, 麵質唔錯又抵食. 仲叫左滷肉飯, 勁大碗 + 滷肉份量都好多, 男生食都好夠飽🙆🏻‍♀️見其他枱叫左牛肉串, 我地又叫黎試下先. 3小串我地1人1串, 啱啱好. 另外點可以唔叫飲品, 我地叫左檸檬茶 + 酸梅湯, 味道偏甜, 下次試下叫少甜先.總結：份量超級大, 我地1大1細都食唔晒蕃茄牛肉麵. 價格好平, 叫左咁多野先至$100多少少.

［遇見小麵］在內地已享負盛名，而家落戶香港，點會錯過，今次就去到位於旺角東新世紀廣場試吓，方便就腳，我哋叫了幾道主打食物，包括陽光蕃茄牛肉麵、紅碗豌雜麵、安格斯牛肉串、琥珀冰粉，都非常值得推介😋❤️陽光蕃茄牛肉麵的配搭恰到好處，牛肉牛筋肉質嫩滑，入味十足，入口即溶。湯底係用新鮮蕃熬製，酸甜適中，麵條口感很棒，彈牙又吾爛，完美吸附湯汁。💛招牌鎮店菜～紅碗豌雜麵果然係招牌菜，豌豆有咬口，肉藻鮮滑入味，麵條都一樣彈牙又不失嚼勁，健康得嚟又好味！💚安格斯牛肉串係一道吾錯嘅特色小吃，牛肉軟嫩入味，搭配香料燒得恰到火喉，好快食晒成碟。💜琥珀冰粉Q彈，黑糖香氣濃郁，順滑清甜，吃後感到好舒爽。💗飲品叫咗茉莉凍凍酸梅湯和白玉厚椰奶，完全無將貨就價，椰奶味勁香，兩杯都有冰粉底，足料💯呢間重慶菜過江龍無令我哋失望，小食又出色，價錢實惠，性價比高，下次會再試佢哋嘅招牌酸辣菜式🥰遇見小麵（旺角店） 旺角太子道西 193 號 MOKO 新世紀廣場 3 樓 345 號舖

翻深圳成日見到呢間川菜麵店，但一直無機會試。最近先知原來已經落到黎香港，仲有幾間分店。我同朋友收工就去旺角東Moko Mall呢家分店。未夠7點去到已經坐咗八成滿，真係受歡迎！店舖算幾闊落，光猛又乾淨。佢有提供配料自助區，食水自助區，櫃桶底仲有免費紙巾提供，好體貼！菜品選擇都唔少，最緊要大大碗又唔貴，CP值高。我同朋友就叫咗店裏面嘅招牌紅碗豌雜麵，勁鐘意佢煮到啲豌豆口感好綿，撈埋煙韌嘅麵團，口感層次就更加豐富。我哋揀咗重慶味，麻嘅味道非常突出，無過咸過濃，重麻愛好者一定勁鍾意！ 另外，見到一個菜品叫小鍋冒菜，我哋即刻上網search下。原來冒菜同火鍋差唔多，都係將啲蔬菜和肉連湯底上，不過就主要係一人份量。係成都必食菜品之一。我哋都好鍾意呢個冒菜的香辣味湯底，辣度剛剛好，加上菜又好鮮甜，牛肉片量又足，配料都多，大件夾扺食。 我哋仲試咗羊肉串同爆漿豆腐串。羊肉串唔會騷，肥瘦相間，有肉汁；而個爆漿豆腐串，微辣外皮炸到脆卜卜，入邊豆腐就好嫩滑，讚！不得不提白玉酸梅湯唔會太甜，酸酸甜甜咁，解辣解膩啱哂！好食又CP值高，回頭率極高！

係商場地段開左間人氣重慶小麵店！人均$50連飲品，價錢貼地，味道正宗👍🏻主打重慶小麵，碗雜麵，酸辣粉。餐廳裝修懷舊木枱櫈加磚牆壁畫，充滿重慶風情。餐廳中間有自助枱，有免費前菜。🍲軟骨丸子蕃茄冒菜小火鍋暖住端上枱，酸香撲面。湯底用新鮮蕃茄熬出天然酸甜，軟骨丸子咬開脆口混着肉汁，水晶粉和豆皮吸收晒湯汁精華，另外仲有魚腐同青菜，份量足料大份。🍅安格斯陽光蕃茄湯麵肥牛片厚薄剛好，掛滿濃郁茄汁而且juicy，麵條掛汁咬起來帶勁道。🐤秘制脆皮半隻雞即炸雞髀皮脆皮有肉汁，不辣，香口惹味，半隻雞兩個人share剛剛好。 🥤凍檸茶茶底夠濃🧊琥珀冰粉清涼冰粉加入煉奶桂花碎，解辣一流。🌟商場入面難得免收加一，$50左右食到正宗人氣重慶小麵，難怪餐廳長期滿座。遇見小麵（旺角店） 旺角太子道西 193 號 MOKO 新世紀廣場 3 樓 345 號舖

📍🇭🇰 遇見小面 Xiao Needles.作為無飯主義者，嚟到留低過唔少過腳毛嘅MOKO，左揀右揀，今次就食個麵啦。.入到去呢間遇見小麵，有陣辣味傳入我哋的鼻，令人精神為之一振。不過我哋都唔受得辣嘢，所以決定嗌啲唔辣嘅嘢。.兩人點左以下：📌 安格斯肥牛陽光蕃茄湯麵套餐 {HK$52}配凍檸茶.📌 蔥油拌麵套餐{HK$36}配原味酥脆雞排升級特飲-白玉厚椰乳 {HK$4}.📌 特色小食- 秘製脆皮半隻雞 {HK$35}- 香嫩牛肉串 3串 {HK$19}.首先上枱嚫係陽光蕃茄牛肉麵。嗯，件牛肉食落幾有口感，唔錯。麵幾有口勁，都唔錯。再嚟就係蔥油拌麵同埋原味酥脆雞排，塊雞排得，真係酥脆，比起其他雞排肉質鮮嫩。.跟住再點咗秘製脆皮半隻雞同埋三串香嫩牛肉串，由於時間關係食得有少少急，如果隻雞juicy多少少會更好。串燒真係值得一試，真材實料，唔駛落太多粉，食返肉嘅鮮味，正。我哋仲叫咗杯凍檸茶同白玉厚椰乳！.可能嚟得食嘅朋友大多都係食辣，今次試個唔辣嘅遇見小麵，有驚喜！👍🏻.

「遇見小麵」開到嚟香港，今日終於約到朋友試，價錢都非常之抵，試咗幾道好味嘅菜式，人均只需$70左右就可以食到好飽😍🥢安格斯肥牛滷肉雙拼飯，肥牛肉質鮮嫩，加埋鹵肉味道濃郁又唔會太鹹，搭配白飯，簡直係完美組合！仲額外加多咗青菜，好味又健康🍚🥩🥢軟骨丸子陽光番茄湯麵推薦食唔到辣嘅朋友一定要試呢個😆 湯底清甜，軟骨丸子口感滑嫩又脆口，搭配番茄青菜，好滿足！🍜🍅🥢香酥蔥油餅（鹹香）外脆內軟，蔥香味十足，食落去非常過癮，無論係單食定係搭配其他菜式都好味～🥢鍋巴土豆（番茄醬）好好味，鍋巴香脆，搭配番茄醬，味道酸甜可口，好開胃嘅小食！🥔🍅白玉厚椰乳椰奶香濃，口感滑順，飲完令人心情愉快！🥥蜂蜜柚子茶熱飲清新解膩，柚子的香氣配上蜂蜜，好適合天氣凍嘅時候飲🍯🍊

上次喺荃灣經過呢間過江龍，聽胃弟講係好好食但大受歡迎排長龍，就無緣一試今次嚟到旺角呢間分店，就入到去食抄手通常都辣嘅，呢間有蔥酥骨湯底嘅抄手，清清地都夠香，抄手有好多粒粒粒都實淨大粒，皮唔會太薄，好有口感另一個餐就要冒菜小鍋，鴨血有好多嚿又嫩滑雖然辣但真係好香濃，仲有好多配料同薯粉更有大量芫荽，令個煲更加香口跟餐可以加串燒，今次就試晒兩款串燒，牛肉串質感好易咬開唔會韌，好有肉香，唔會俾調味料衾晒而羊肉串更唔會羶，肉質又係好嫩，少少孜然粉調味都好夠食重慶嘢當然要有碗冰粉餐後享用，琥珀色嘅冰粉未食已經大飽眼福，啖啖滑捋捋，仲有好香花味，啱晒大胃口味食辣嘢點都要嗌返杯嘢飲白玉椰乳味道幾有驚喜，裡面真係有大大嚿又滑口嘅白玉啫喱

天氣轉涼，梗係要食番啲熱辣辣嘅嘢！今次就嚟到呢間位於 Moko 嘅 #遇見小麵！🥢 鍋巴土豆本身冇乜期望，但食落外脆內軟有驚喜👍💕必叫‼️薯仔加埋辣油食好惹味🤪-🥢 牛肉串另外叫左 5 串牛肉串，肥瘦均勻，調味料份量岩岩好唔會過咸😝-🥢 紅碗豌雜麵呢個係佢地既鎮店招牌‼️醬料看似簡單🤣但撈埋一齊就好惹味🤤醬料有肉碎、花生、豌豆，炸醬，食落好滋味🥰-🥢 安格斯肥牛小鍋冒菜小鍋入面有豆皮、菜、金針菇、芫茜、薯粉😝最欣賞係點住火咁食，所以食到後面都係熱辣辣☺️薯粉吸收晒湯底味道👍裏面有唔少配料，安格斯肥牛、薯粉、腐皮、魚蛋、金菇等，好足料，性價比超高😜-🥤 白玉厚椰乳幾解渴，食辣野一定要叫番杯！

串燒好惹味👍👍👍 叫了牛肉串、羊肉串、旋風大麵筋和豆腐串。最喜歡羊肉串！ 還有旋風大麵筋都好好味！ 安格斯肥牛陽光湯番茄麵都可以，不過牛肉稍為少了一點， 整體來說都好味。酸菜牛肉麵， 點了微辣但都仍然很辣， 整體一般。 最重要價錢真是非常便宜，不過餐廳衛生環境有待改善。