遇見小麵 (MOKO新世紀廣場)

營業中

休息中

最近去旺角 MOKO 經過內地人氣遇見小麵，這間餐廳朋友也曾經吃過感覺很不錯。這天我們來到，價錢便宜，那就立即入去吃個套餐先。入到餐廳，地方闊落，裝修風格好有特色。餐廳主打這四大招牌系列 : 紅碗碗雜麵、金碗酸辣粉、小鍋冒菜及抄手家族，有辣有不辣，不錯吧。紅碗豌雜麵            $42餐廳招牌菜，必食推介！這碗辣度可選微辣、重慶味、霸道辣或魔鬼辣 ; 吃不到太辣的我，選了微辣 ; 根據指示，把麵條和配料拌勻30秒，肉味香濃，豌豆脆脆，蔬菜翠綠鮮爽，麵條滑身，每一口充滿麻辣鮮香，感受到地道重慶風味美食。脆皮半只雞三件套        $36這個三件套包括有秘制脆皮半只雞+蔥酥骨湯抄手(小份) + 飲品，真的很划算。半只雞份量都不少，皮脆肉嫩，內裡有肉汁，不會乾身，抄手肉餡鮮嫩，熱騰騰的湯底，清甜有肉骨香味，套餐飲品可選擇凍檸檬茶，免費轉配茉莉凍凍酸梅湯及滋潤八寶茶，另+$1 轉琥珀冰粉、+$4 轉白玉厚椰乳。白玉厚椰乳，椰子味香濃，口感順滑潤喉。超值三件套 F3 套餐          $32這套都是下午茶餐，蔥油拌麵+雞排+飮品，亦都很超值。蔥油拌麵可選辣或者免辣，朋

🍜🔥【香港震撼級抵食王！$40歎燒雞+酸辣粉+嘢飲！遇見小面殺到旺角MOKO！！】🔥🍜 香港打工仔有救啦！！紅爆內地嘅「遇見小面」竟然空降旺角MOKO新世紀廣場，仲要推出激安下午茶套餐，人均$40有找，竟然包主食+小食+飲品？！即刻衝去試下——結果飽到要解褲頭鈕！！😱💥 📍 爆CP值套餐實測 🔥【下午茶雞套餐 $3X】 ✨ 脆皮半隻雞+酸辣粉+嘢飲 雞肉皮脆肉嫩到滴汁💦！酸辣粉直頭係「地獄級酸爽」，麻香衝鼻辣到流淚又停唔到口🌶️！重點係粉量多到懷疑人生，加埋杯凍檸茶，$40蚊仲平過食茶記！！ 🔥【蔥油拌麵套餐 $3X】 ✨ 蔥油拌麵 + 酥脆雞扒+嘢飲 蔥油香到隔離枱望過嚟👀！麵條掛滿油香超彈牙，雞扒名符其實非常脆，咬落「咔嚓」聲響徹全場📢！跟餐熱柚子蜜潤到入肺，打工仔充電首選～ 🍢【軟骨丸子小鍋冒菜 $4X】 上枱自帶BGM嘅火焰效果🔥！揀咗蕃茄湯底超濃郁，雞軟骨丸粒粒爆汁彈牙，仲有吸湯神器粉皮+水晶粉，蔬菜多到似打邊爐🥬！ 🌟 隱藏食法： ➊ 酸辣粉加$5滷蛋，蛋黃流心撈辣湯直擊靈魂！ ➋ 蔥油拌麵撈雞扒油香，邪惡度爆錶💣 📣 小總結： ▪️ 份量大到懷疑老闆計錯數 ▪️ 味道還原內地本

遇見小面每一間人氣都好旺，短短時間已經開到周圍都係！今日收工早，睇到唔洗排隊，一定要試試。餐廳裝修唔錯，好國風。晚市menu都幾豐富，有冒菜，小面同飯，仲提供數款小食同飲品。白玉厚椰乳套餐搭配，飲落好重椰香味。厚椰乳唔會覺得滯，反而好清爽。白玉清甜Q彈，同椰奶好夾。香嫩牛肉串（3串）牛肉串好大一串，瘦肉同牛油粒分開來串。落咗少少鹽同辣椒調味，食落好香口惹味。軟骨丸子小鍋冒菜（番茄湯）FD 唔可以食辣，所以揀咗番茄湯底。冒菜好豐富，有丸子，豆皮，魚腐同金菇等。軟骨丸子好特別，口感軟嫩伴有脆脆口感。湯底酸甜番茄味濃郁，飲落仲有回甘。配料嗦曬湯底滋味，食落更加清甜。酸菜牛肉麵，牛展烹製得好軟嫩，雖然薄切，不過食落醬香味濃郁牛味香濃。酸菜唔係好酸果款，脆口得來又好香甜。面底唔會好韌，同湯底好夾。琥珀冰粉最後點都要叫份甜品。冰粉落入淡奶同埋椰子碎，食落Q彈爽口，還帶點淡淡茶香，好清爽又解辣。

這天發現在內地有很多分店的遇見小麵在旺角MOKO開了分店，終於不用到內地才可以食到！除了掃碼點單外，場內設有免費自助小菜和調味區。 ❈ 酸菜滷肉麵 HK$48凍檸檬茶 HK$8 (加配價)滷肉醬汁濃郁而且足夠伴整碗麵。麵條掛上滷肉汁十分惹味。與酸菜一起吃，增加了咸酸的味道更加開胃。❈ 陽光蕃茄牛肉麵 HK$54軟骨丸子 HK$8 (加配價)琥珀冰粉 HK$2 (加配價)陽光蕃茄牛肉麵是其中一款不辣之選的主食。湯底是蕃茄湯，色澤鮮紅帶有濃郁的蕃茄味。除了蕃茄味，也帶點獨特的川渝風味。配料有牛肉，新鮮蕃茄及蔬菜。牛肉是用了薄切牛展，肉味香濃。麵的份量很足夠，而且麵質彈牙。軟骨丸子，一份有兩粒，加入軟骨的丸子口感特別。琥珀冰粉，晶瑩剔透，味道帶點茉莉茶香味，清涼爽滑。❈ 特式小吃原味酥脆雞排 HK$14香嫩牛肉串 (3串) HK$19旋風大面筋 (2串) HK$15 原味酥脆雞排，肉質軟嫩，香脆可口。另外，點了兩款川渝風味串燒，香嫩牛肉串鮮嫩多汁和旋風大面筋充分吸收調味，惹味十足。☆分類標籤#nuttylife #遇見小麵 #重慶地道美食 #紅碗豌雜麵 #金碗酸辣粉 #黄埔美食 #旺角美食

喺Moko行街，見到間主打重慶美食嘅餐廳，一陣麻辣香氣🌶️傳過嚟，即刻留晒口水🤤，食辣嘅朋友千祈唔好錯過啦😊❣️安格斯肥牛小鍋冒菜 $53凍凍哋食個熱鍋都幾正🤣，可以揀唔辣同辣味，辣度🌶️雖然冇得揀但唔算太辣，上菜仲會有個火爐熱住食，安格斯肥牛牛味相當濃郁👍🏻，配菜仲有啲菜，金菇、豆皮同魚腐等等，小鍋底嘅薯粉軟軟糯糯，加上麻辣味食唔停口😛❣️白玉厚椰乳 $22甜度雖然冇得揀，但椰香味超濃郁🥥，味道似細個飲開個隻黑色罐裝椰子奶😋，加上白玉食，解辣一流🤪❣️脆皮半隻雞陽光蕃茄麵套餐配凍檸檬茶 $56隻雞🍗真係名符其實嘅脆皮😋，撕開都超級多肉汁，就咁叫半隻都只係$35，配埋套餐就仲抵，蕃茄🍅麵湯底超濃郁，特別鍾意佢嘅麵底🥢，彈牙得嚟又索晒蕃茄嘅味道，店家嘅凍檸茶🍹茶底濃厚，食完濃味野再飲超爽🤓❣️香嫩牛肉串 $19有三大串牛肉串，牛肉粒油脂感豐富，揀咗唔辣更可以食到牛嘅油脂香，而且超級Juicy🤩🏦是次消費總額 $150（人均消費 $75）👅好味度：9（10分滿分）食物價格合理，十幾蚊就食到一碗酸辣粉，款式選擇都幾多😆，而且雖然係主打重慶美食，但部份食物可以揀唔辣，食唔到辣嘅朋友都可以嚟食😊🍽️ 遇見小麵

今日同朋友喺 MOKO 行街，見到遇見小面下午茶時段超多人排隊，食物價錢親民，就入去試下金碗酸辣粉薯粉索滿湯汁，麻香微辣，酸度剛好，另加鴨血，口感 Q 彈，食得幾過癮安格斯牛肉串牛肉一啖一粒 ，配搭微辣嘅調味粉，幾惹味澳洲羔羊羊肉串一粒肥膏一粒肉咁樣串埋一齊燒，幾香口蔥酥骨湯抄手一碗入邊都有幾多粒抄手，一啖一粒好滿足蜂蜜芥末雞扒雞扒非常金黃香脆、甜甜辣辣勁開胃琥珀冰粉冰粉本身帶啲茶香，加咗淡奶，口感滑溜白玉厚椰乳椰味香濃，配搭冰粉，層次豐富，超級解辣

今次我地去左MOKO玩，諗住去 Food court 食飯，見到門口呢間遇見小麵好多人，睇落都幾吸引就去試下😁呢間餐廳係主打食重慶小麵，另外仲有冒菜，唔辣既麵同飯都有提供，佢地最正係免費任加麵，加飯，仲有小菜都係免費自取👏🏻安格斯肥牛小鍋冒菜套餐（$59）呢個肥牛冒菜好似打邊爐咁勁，有肥牛，麵筋，魚腐，底下仲有寬粉，個湯汁可以選辣度，用嚟撈飯好惹味，另外仲配杯飲品🐮酸菜肥腸麵餐（$56）呢個酸菜肥腸麵唔係平時食既酸菜魚湯味，佢仍然係重慶辣味，肥腸好入味，個湯底好正，仲可以無限加麵，真係食唔停🍜澳洲羔羊羊肉串（5串）（$29）呢個羊肉串好有蒙古風味，有落辣粉，味道帶有羊羶味，鐘意食羊既話一定滿意🐑呢間餐廳真係抵食，特別鐘意食辣既人一定岩食，係商場入面唔洗$60一個餐，仲要任添飯麵，味道又唔錯，正呀👍🏻

成日經過 Moko，都見到呢間「遇見小麵」好受歡迎，今日收工早一於試試佢！打開餐牌，見到以正宗重慶小麵為主打，提供四大招牌系列：紅碗豌雜面、金碗酸辣粉、老麻抄手及小鍋冒菜，有三層辣度可讓客人選擇，包括微辣、重慶辣、霸道辣。🥘安格斯肥牛小鍋冒菜🥘牛肉肉質鮮嫩且油花豐富，融合蕃茄湯底更加鮮味，再搭配各種蔬菜、腐竹、魚腐、粉絲，讓營養更加均衡。🍗脆皮半隻雞🍗金黃香脆，一口爆汁，肉厚肥美，口感軟嫩，⼗分惹味。🍜酸菜肥腸麵🍜肥腸麵是一種四川的傳統小吃，小麵吃落爽口彈牙、肥腸軟糯及柔嫩，味道酸辣，搭配酸菜，能解油膩。飲品都有好多選擇，椰汁、酸梅湯、檸檬茶全部有齊，食辣嘢必不可少。

喺商場每次食飯都起碼 $100 一個人，今次就試左係內地非常之出名又平價嘅遇見小麵。好多人買外賣/堂食，夜晚嚟到都要等枱先入得。餐廳除左有麻辣嘢食之外，仲有唔辣嘅嘢食，唔食得辣嘅朋友都冇問題😁😁😁川味酸菜牛肉麵雖然睇起嚟好辣，但實際上唔算辣。牛肉嫩滑，配埋帶有少少麻辣嘅湯底加埋酸菜減低左油膩感😝😝安格斯肥牛小鍋冒菜冒菜加入豆皮、金菇、菜、魚腐、肥牛等煮成，湯底就比川味酸菜牛肉麵辣，最鍾意有薯粉墊底，可以吸曬湯汁之外，仲可以增加飽肚感，另外都會有白飯跟埋，咁就一定夠飽😋🤣最後都叫埋琥珀冰粉當做飯後甜品，冰粉甜甜地清涼又解暑，加埋花奶更加好味😆😆😆凍檸檬茶解辣一流🍹白玉厚椰乳椰香味十足，白玉好滑嘟嘟，食落好清涼👍🏻👍🏻

Weekend 行過 MOKO 見到勁長龍，本身以為喜茶，原來係隔離物價媲美大陸嘅遇見小麵！下午茶 $29 起，套餐如有upgrade item 都係加幾蚊，難怪咁受歡迎蔥油拌麵+雞排+飲品 $29雖然係重慶品牌，但唔辣都有選擇，蔥油拌麵醬油好鹹香，仲有煮過嘅蔥令個醬更甜，軟骨丸子大大粒好軟滑金碗酸辣粉＋小吃+飲品 $31充滿中學回憶！嗰陣啱啱香港開始興酸辣粉成日都食，個湯好濃郁，黃金豆脆卜卜，薯粉滑捋捋，口感好豐富，額外加埋鴨血同肥腸更惹味小食揀咗澳洲羔羊羊肉串即叫即燒，有油香但唔會太肥，啖啖肉好食脆皮半只雞+主食+飲品 $36因為呢度係落單後先網上付款先會上菜，當日大排長龍爆曬場，付款後店員通知脆皮雞賣晒，雖然失望但聽到店員offer轉五串牛肉串都滿足，同羊串一樣都係即叫即燒好唔錯，下次又有藉口再嚟試吓個抵食脆皮雞蔥酥骨湯抄手隻雲吞細細粒，肉餡鮮甜個皮都好滑溜，加咗安格斯肥牛只需$13 ，加餸都唔肉痛飲品方面，凍飲甜度都係標準冇得加價，平時飲開微甜都接受到。茉莉凍凍酸梅湯，白玉厚椰乳，凍檸茶三杯都正常發揮，前兩杯都有果凍，夏天飲好清爽！📍 遇見小麵 (旺角)旺角太子道西193號MO

前排同朋友係moko行街 本身諗住去foodcourt搵食 經過門口見到呢間嘢大排長龍 行埋去一睇 原來係新開嘅大陸食麵鋪頭 睇到餐牌 價錢平到十分驚人 等位其實十五分鐘都入座 我哋兩個人叫咗一碗紅碗豌雜麵 一個安格斯肥牛小窩冒菜 一份牛肉串 一份豆腐串 紅碗豌雜麵嘅麵好細 撈埋啲醬一齊食好好味！仲有啲肉醬 一啖接一啖唔怪之得係招牌 肥牛小窩冒菜有十分之多餸喺入邊 好抵！ 有種好似打緊邊爐嘅感覺 同埋唔算辣 牛肉串同豆腐串都好好味 加埋都好平

今次2個人去食，叫咗勁多嘢都係$147金碗酸辣粉 $19湯底酸酸辣辣，完美刺激味蕾。粉條滑順，吸附咗湯汁，每一口都好有味道。辣得過癮，鍾意辣嘅朋友可以試下！軟骨丸子陽光番茄湯麵 $58湯麵嘅湯底幾濃郁，番茄嘅酸甜同軟骨嘅嫩滑係絕配！麵條彈牙，搭配湯底，整體口感更加豐富，份量足，非常適合大食量嘅食客。爆漿豆腐串 $17每一串豆腐都有濃郁嘅內餡，咬落去時一啖爆漿，帶來驚喜。外皮酥脆，內裡柔軟，係一道絕佳小食。大推！酸菜鹵肉飯套餐 $45一黎係勁大份嚇親我哋！鹵肉飯香氣撲鼻，鹵肉入味，肉質鮮嫩。酸菜嘅酸味令人好有食。份量滿足，性價比高！茉莉凍凍酸梅湯 $8忍唔住叫黎外賣返屋企飲😂酸梅湯清爽可口，微微嘅茉莉花香味好特別，冰涼嘅口感好適合炎熱天氣，解渴又消暑。幾樣菜色都有獨特風味，CP值好高，會下次再食！

等候咗半小時 我一個人 跟住我個位唔舒服坐走廊位 我要求坐另一位置 因為見到已經有好多人走咗 我想等候好D坐位佢唔俾 最終俾咗之後兩位都係一個人坐 等咗半個鐘，原來後面嗰個人仲舒服過我 點解唔俾我呢？唔識做生意 如果太多人，我會明白最終我冇食到我起身走咗

呢排多左下午時間得閒，就四圍搵下有無好味又抵食嘅下午茶 😍 靚靚哋同朋友叫個 tea set 打卡固然好開心，但有時候一個人都可以食到啲平靚正嘅下午茶 😌 一向鍾意食小麵類，貪佢味濃得黎係夠香口嘅 😍 來自內地嘅人氣遇見小麵，原來下午茶有非常吸引抵食嘅 tea！再加多少少串燒都係幾十蚊就買到單，名副其實嘅又好食又抵食 👍🏻金碗酸辣粉 + 蜂蜜芥末雞扒 + 琥珀冰粉呢個下午茶餐居然只係 $28 😳 酸辣粉仲可以選擇辣度！我就揀咗微辣，個湯好香濃，辣得黎再加上芫荽嘅香味，好正😋 雞扒就好香脆，完全唔會好油膩，食完再加一碗冰凍嘅冰粉，解辣油解膩，而且冰粉唔會太甜，唔會食到好漏 👍🏻澳洲羔羊羊肉串（無辣）肥瘦適中，又唔會過熟，重點係真心唔羶！👍🏻爆漿豆腐串豆腐表面好香脆，而且舖滿香料，咬開入面好嫩好多汁，真心做到爆漿感覺 😍 少少辣，唔會太嗆口但好惹味 😍

近來看到不少地方都有「遇見小麵」的分店，昨日在旺角一嚐這店的菜式。這店的菜式雖以麻辣為主，但也有不辣的食物，適合我和不吃辣的朋友一起進餐。醬香滷牛肉小鍋冒菜 ($55)這冒菜配以白飯，整體份量不少，而且材料豐富。牛肉及其他配菜也相當入味，薯粉彈牙且充滿麻香味。這冒菜可選不同辣度，我選了微辣。脆皮半隻雞陽光番茄湯麵餐 ($56)脆皮雞的肉嫩滑、有肉汁，外皮很香口。湯底是濃郁的牛肉味番茄紅湯，有羅宋湯的風味，配上份量十足的上海麵，令人胃口大增，十分美味，伴菜有青菜、軟骨丸子。店舖有提供一次性手套方便顧客，服務十分週到。白玉厚椰乳 (跟餐 $3)白滑的椰奶汁，甜度適中，伴隨中國茶香味的啫喱，是一杯美味醒神的飲品。凍檸檬茶 ($12)跟餐可加青菜 ($5)、丸子 ($8，兩粒)