迷客夏 (利園山道)

營業中

休息中

今日約咗朋友響銅鑼灣，見到利園山道有間新嘅飲料店排晒長龍，跟住行去望一望有D咩飲品啦！見倒飲品款式不是很多種類,但見倒每杯飲料都用手搖，沒有用機器搖.......於是排隊去買左杯出雲抹茶鮮奶加紅豆黎試下，味道配撘得非常好，他們用的是新鮮牛奶，質感好滑，飲完唔‘鞋’口，仲冇‘漿’住個口嘅感覺，下次要試埋，聽聞好出名嘅大甲芋頭鮮奶.....因為排隊期間，見到好多人都飲呢隻飲品，店員仲話每日都好快賣曬，如果下次要試，都唔好太晏黎！店員好有禮貌

好開心share比大家....響香港終於飲倒迷客夏飲品喇，之前在台灣飲過一次大甲芋頭鮮奶，依家響銅鑼灣利園山道開左第一間鋪，早幾日我D朋友話有買一送一，有好多人排隊，排左差不多一個鐘先買倒，今日放假，專誠去買黎試吓👏🏼，味道完全跟台灣一樣咁好味鍾意飲奶類飲品嘅人仕，真係要試吓，用料完全係鮮牛奶，好滑，冇‘穌’味，混合芋頭一起，簡直係絕配，...大家快d去試今日都有人龍，等左20分鐘有得飲#必試#Milksha#大甲芋頭鮮奶

朋友見倒好多介紹，呢間響台灣有180多間分店Milksha 29/4登陸香港，頭3日有買一送一優惠，仲係送果杯唔洗同一款，於是1/5就落左去試吓，,11:10到，已經有人響門口排隊，11:30開門，店員有禮，我買左一杯大甲芋頭鮮奶,同一杯可可牛奶加珍珠，芋頭鮮奶味道不太甜，芋頭好香，份量亦好多！可可牛奶味道不錯，珍珠冇色素，好健康，質感彈滑.真心值得去繼續幫襯，所以我老遠響粉嶺過去銅鑼灣幫襯都冇令我失望。我已經推介比我身邊所有嘅朋友

4月28號來港開業，隔兩日30號即刻黎試！😁😁呢一日黎到仲可以喺 facebook tag3個朋友就可享買一送一優惠！🙈🙈好開心！只係可能期望太大，感覺都唔係傳說中咁好飲…仲要排曬隊…相信熱潮過左就唔會再有香港人肯黎排隊飲😣😣 試左兩款招牌飲品: 大甲芋圓鮮奶$32，珍珠紅茶拿鐵$32😚😚 大甲芋圓鮮奶: 奶味一般香濃，芋頭味唔太突出😔，有點失望😕，鮮奶同入面既芋圓味道雖然夾，但飲落感覺平平無奇，只係好普通好普通既一杯芋圓鮮奶飲品。☹☹☹ 珍珠紅茶拿鐵: 珍珠有咬牙，算幾煙韌，迷客夏出名既蜂蜜白珍珠，咬落有淡淡淡淡淡淡蜂蜜香味（真係好淡），至於賣點“濃厚的佛手柑香氣”，真心講我完全飲唔出……紅茶有少少甘香，同鮮奶味道夾得幾好。總結來說，呢間店兩杯招牌都只屬一般，如果以$3x一杯飲品黎講，出面可以有更好選擇。

珍珠手炒黑糖鮮奶 $28.今日新開幕既迷客夏 有我好想飲既黑糖鮮奶珍珠 又有買一送一優惠 所以我就奮不顧身狗沖左去望下.去到見到條龍長到轉晒灣 諗過退縮 不過諗諗下都係排 如是者我就由3點9排到5點4 我應該痴左線 終於係5點半拎到傳說中既飲品😂其實俾$到等唔算耐 店員都好快手.見到隻杯唔係透明其實有d失望 作為一個foodie都好想率先報導俾大家睇 不過睇唔到就算 我叫左走冰 糖度冇得調整 不過飲落唔會好甜 哩個抵讚架🤣👍 黑糖味唔算濃 因為成杯都係好濃好厚實既鮮奶😌珍珠都幾特別 真係有炒香過既味道 不過應該係炒黑糖香味黎 口感就係熊仔糖咁既咬口 我覺得唔錯呀 $28 都唔算貴 飲完仲好溜 果然係鮮奶😂佢仲送左張$5 coupon 5月底用 我應該會飲多次其他味😌😌😌.

今日特登一早去銅鑼灣試試台灣新開黎既迷夏客先!!!聽聞佢既招牌大甲芋頭奶尋日晏晝兩點就賣曬!!!為左芋頭奶可以去到幾盡，就係一早起身野都未食就去排!!!嘩嘩嘩!!!不得了，多人到呢!!!排到去後面間錶舖!!!原來而家做緊買1送1優惠只要like同tag fd就會俾買1送1既優惠劵你用!!!咁真係當堂抵飲好多!!!花多👀亂，好難揀tim🤔仲要有部分已經賣曬作為標準既芋頭迷，最後決定1杯熱既芋頭奶，1杯凍既芋頭奶等左成粒鐘終於入手啦首先試杯凍先，一入口超濃芋頭味，仲食到d芋泥，但愈飲就愈稀!!!不過鮮奶味都好濃郁原來佢地係用台灣綠田園既鮮奶整既🤓再試埋杯熱先芋頭味同鮮奶味較凍既融合，可能熱令芋頭同鮮奶"雲"d,唔會愈飲愈稀所以我會推介大家飲熱既芋頭奶!!!

在台灣時已經有喝過迷客夏，它們的奶比較香，所以去台灣差不多天天都買收到它終於要在香港開分店，當然要去買啊！剛開幕頭三天都有買一送一活動，但聽說排隊要排一小時以上，所以我選在第三天一早開始排隊，當時門市也還沒開但已有二十人左右在排隊。迷客夏的飲品選擇雖然不算多，但類別較特別，不少都是其他店沒有售的，而且主打鮮奶飲品我買的是首推的是大甲芋頭鮮奶香港才有賣的柳丁綠茶，買一送一除開每杯只是16元。芋頭鮮奶喝下去有很多芋頭粒，是喝到最後也有滿滿的芋頭，芋頭吃起來甜甜的，是芋頭的天然甜味而不是添加糖，是必喝之選。整間店都有一陣濃濃的芋頭香味而新出的柳丁綠茶一開始喝下去橙汁味較重，茶味是慢慢帶出來的，想要較清淡的可以選這個。朋友另外還買了一杯珍珠紅茶拿鐵，我嘗了一小口，珍珠是無加色素的，所以不是黑色而是透明的，很Q彈，甜度剛剛好不會太甜。喝的時候記得先搖一搖，因為珍珠是熱的但奶茶是冷的，搖完珍珠才會變得更Q彈哦！當我買完要走，人已經多到不行，好誇張，但也是值得的臨走還見到有明星來買，看來真是很出名呢

我認識好多台灣朋友，其中最英俊最有品味的那位推薦一定要來喝全港第一間「Milksha 迷客夏」😍鋪面位於希慎廣場旁的利園山道，交通方便！同行的朋友是抹茶愛好者，於是點了一杯「出雲抹茶鮮奶 Izumo Matcha Milk」走甜和抹茶味比起來，鮮奶味更加濃郁，但是朋友覺得不錯，很容易入口😋我點了一杯「茉香綠茶拿鐵 Jasmine Tea&Milk」2份糖奶與茶的比例恰到好處，不會掩蓋彼此的味道，口中會留有淡淡茶香，非常之jasmine😝店員們個個親切又有禮貌，雖然需要排長隊，但心情都不會受影響🤗會再來幫襯！