迷客夏 (利園山道)

營業中

休息中

早前有新聞報導話台灣大學生票選No.1 手搖店milksha竟然尼左香港！ 上個禮拜重好似做緊買一送一既時候啲人排左幾個鐘先有得飲！我今日3點幾去到排左10幾人叫野飲，10幾人等緊左右。打算人唔太多可以一試 點知佢地人手得4個 整野超慢 同天仁茗茶既速度完全冇得比到我地既時候先話冇手炒黑糖珍珠奶茶！ 好激氣！最後叫左珍珠伯爵紅茶拿鐵 半糖等野飲等左15分鐘走去問職員 佢地話至少等多20分鐘叫既時候又唔早講 一早去買天仁喇最後等左45分鐘左右 味道幾失望 除左珍珠好q之外 完全冇茶味 半糖都超甜的説...其中好出名既芋奶頭個幾啖都有芋頭蓉都唔錯既 但好快會融哂係入面

上午忙後, 來到銅鑼灣, 平日來到希慎廣場附近一定去誠品打卡, 早幾天看到有一牛牛品牌進佔銅鑼灣原來係"迷客夏" (milksha), 旁邊兩個鋪位有茶湯會。經過橫街, 看見收銀機前的人龍有五六位, 試下排隊, 店面水bar 的員工有六位, 有一位台灣人向本地員工監督和教路。鋪頭裡面企滿等攞野飲的客人, 門口位置剛好有人拍緊宣傳片, 超熱鬧! 飲片menu 壁壘分明, 有茶飲, 奶茶, 奶蓋, 手調特飲; 茶種主要分伯爵茶, 烏龍, 茉莉, 青烏龍, 烏龍和麥茶; 配料有紅豆, 珍珠和芋頭。點過伯爵茶拿鐵加珍珠(熱飲), 每次我都太唔識點招牌推介。等左差唔多半個鐘, 終於攞堵飲品, 伯雀茶拿鐵, 其實係奶茶, 不太濃, 可能牛奶比例較多; 個人唔好甜, 點了二分糖; 珍珠係淡黃色偏軟, 唔甜, 抵讚! 下次要原味試茉莉, 烏龍和麥茶, 茶底係茶飲店靈魂, 茶底好飲最考功夫。 **抵讚係落單台灣員工禮貌超好, 唯一係出飲品時間比較慢, 茶飲menu未見特出自己個性的飲品, 熱潮過後係考驗。整體不過不失, 不妨一試。

新開張既迷客夏咁有名就一於試試佢啦因為要叫7杯飲品諗住打過去叫定外賣但無人聽去到就明白為何，因為都幾長龍架！入到去都有幾多個人做野既但order量太大，都要等差不多1小時15分鐘先得！排隊就排左30分鐘，然後都等左大概45分鐘先有得飲但好彩入面都有冷氣涼下買完可以係隔離等，可以望住杯野飲誔生呢間就係出名手調而唔係用機調既雖然就唔係好飲得出有咩分別不過等野飲時都聽到佢地會聽顧客既意見例如芝麻攪得唔好會即刻叫員工攪好啲今次試左2杯 一杯係大甲芋頭鮮奶另一杯就係出雲抹茶鮮奶加珍珠！如果中意食芋頭既朋友就一定要試喇！因為真係有粒粒芋頭蓉係入面既而另一杯出雲抹茶鮮奶加珠珠搽茶味香濃 過口先有陣奶味出黎睇到有綠茶粉痴住左支飲筒珍珠真心值得推介一試！好似有陣蜂蜜定冰糖既味道係透明色而唔係黑珍珠黎既！QQ彈牙好好咬！不錯不錯亦都因為個珍珠，我比5粒星推介：珍珠

自從公司對面開左間迷客夏..每日返工前都要飲一杯•29/4第一日開鋪，果日我放假，有同事返工前已經排隊去買黎試下，因為有買一送一，所以買4杯，只係比左2杯錢，好鬼扺，買咗四杯都係大甲芋頭鮮奶。。跟住之後晏D其他同事想再去買，大甲芋頭鮮奶已經賣晒第二日我返工前，就早D去買黎試，我試咗，味道真係唔錯👍芋頭味好香濃，鮮奶好滑..味道真係唔錯，見到他們製作的時間是選用鮮奶而不是奶粉...真係真材實料，一分錢一分貨

第一日開幕的時候經過見人太多冇試到，今日諗住過了一星期，人冇咁多就去試下！我地11:30到，門口已經有大約十個人排緊隊，排隊加等用左半個鐘，到12點多先有得飲。我同友人叫左一杯凍出雲抹茶鮮奶 少糖 微冰 ($32) 同熱伯爵紅茶拿鐵 2分糖 ($26)。之前上網睇過迷客夏不加奶精，真係飲到鮮奶既味道。出雲抹茶鮮奶，淡淡的抹茶味配合鮮奶感覺唔錯。唯一不滿係杯熱飲用一塊膠紙封膜。整體黎講不過不失，唔太突出，下次應該唔會再排。

呢篇其實唔算係食評，因為根本冇試到。前日禮拜五去到，見落左半閘，都估到係收9:30，果陣係大概9:20左右。但一場來到都想試下既，打算向店員double confirm係埋已經截單。因為見落order個位仲有頗長一條人龍。問了兩三次，其他人都有諮詢，但店員好似冇理會，掛住同事之間傾計？其實收9點半唔係問題，問題係點解截左單點解唔放個牌出來話：今日已截單。又或者當客人諮詢時可以答一下？最後都係去番飲天仁，完。

前幾日已經見到條人龍好長，今日終於的起心肝試下係咪真係咁掂，落單的人慢，沖野飲的人慢，下午6點等到8點，食完晚飯都未拎得，仲要是人手叫號碼，一大班人圍住吧枱。6點芋頭黑糖已經無哂(寫住多數4點前先有)，叫左珍珠紅茶拿鐵$28、高峰烏龍拿鐵$26、抹茶鮮奶$3x，3分甜，味道不錯但無好飲到嘩一聲同值得下次再排，白色珍珠有咬口，但是相比心機味道珍珠等候時間價格，同區的丸作甚至天仁還是略勝一籌。如果等候時間無改善，應該無下次，不值得排2個鐘頭。

排左15分鐘左右，再等多20分鐘就拎到呢杯珍珠手炒黑糖鮮奶。值得一讚係全店都係用鮮奶（綠田源）而唔係奶精！珍珠唔係一早同黑糖一齊煮，所以有少少黑糖鮮奶加珍珠嘅感覺。下次會試下其他有茶嘅飲品。評分：8/10

個人感覺店家的飢餓營銷可以說很明顯了，明明做好的飲料，都會在放一會再叫號。一杯奶茶等了四十分鍾。口感還行，今後如果還這樣等，應該不會再來。今次用戶體驗，非常非常非常非常非常失望了

這天路過這間最近新開的台式飲品店，可能不是繁忙時間，等了15-20分鐘就買到了。平常繁忙時間聽說要排一小時，尤其是前陣子有買一送一優惠。現在的優惠很特別，台灣的遊客在香港買會有折扣，香港的遊客在台灣買會有折扣，所以就是說，本地人是完全沒有折扣。以下兩杯就是我買的口味:大甲芋頭鮮奶 $32跟天仁茗茶比較起來，味道截然不同，天仁茗茶的香芋奶綠有點綠茶的清香，但這杯芋頭鮮奶就只有鮮奶的香甜及香滑，各有千秋至於芋泥方面，兩間都做得很好，喝得出來是用新鮮芋頭做的，每口都喝到芋泥珍珠手炒黑糖 ($28)這杯一喝下去，就知道跟平常喝的珍珠奶茶完全不一樣！第一，它是沒有茶味的。第二，它的奶味非常香滑，加上黑糖完全是絕配。第三，它的珍珠非常好吃，甜度及嚼勁適中，而且它的顏色是透明的，不是平時吃到的黑珍珠。

尋日見到條龍比之前短少少, 但由排隊到拎野飲大約都要一個鐘多少少😵😵😵😵😵😵😵雖然佢招牌係紅茶, 但個人比較鐵意烏龍同綠茶, 我同朋友一人點一杯兩杯都勁好飲, 茶香奶香, 果個茶味同茶香會係後段滲出黎, 係其他飲品店飲唔到的😋😋😋😋😋😋😋😋😋下次可以再試微甜🤓🤓🤓🤓🤓另外芋頭鮮奶一早賣哂, 不過個人鐘意飲茶多d, 下次想試柳丁綠茶, 聽講都好唔錯😎😎😎😎😎😎😎😎😎

因為台灣的朋友極力推介，所以專程到銅鑼灣一趟，試一下這間飲料 。18:20去到排隊，「大甲芋頭鮮奶」已被賣光，實在太可惜了。19:00落order，21:00才取到飲料。我點了「柳丁綠茶」、「香柚綠茶」 這兩個也是台灣朋友推介的。另外再點了「冬瓜青茶+珍珠」。喝後個人感覺：「柳丁綠茶」- 沒想到橙汁溝綠茶原來係可以咁夾！「香柚綠茶」- 這杯我就不太喜歡了，因為香柚的味道遮蓋了綠茶， 個柚搶曬鏡。「冬瓜青茶+珍珠」- 冬瓜青茶本身喝後就很舒服， 再加上他們的珍珠實在是與別不同，在香港比一般的台灣飲料店更好吃多了。因為剛開業不久，實在有很多人光顧，個人建議如果沒耐性的人，遲一些再光顧吧！為了這麼好喝的飲料，等得耐又算得上些什麼呢！

作為台灣大學生票選第一，加上開業買一送一，最後好有毅力咁排左個半鐘再等左個幾鐘先有得飲，下晝已經無哂黑糖芋頭同奶蓋。一去到只係兜左個圈，但係都排得幾慢下，唔知係咪大家都停一停諗一諗要叫咩，呢度都排左個幾鐘先叫到野飲。新開業既幾日只要留言同埋Like佢地既IG或FB，就會有買一送一同埋五蚊優惠卷可以用，不過呢個優惠已經完左喇。入面有一啲關於台灣既畫可以見到，野飲店黎講唔算細不過太多人大家都迫埋哂係入邊，真係人山人海咁勁。店員密密沖密密沖，不過見到有一啲係沖俾自己識既人飲就打左尖，如果唔係既可以更加快，見到店員整好多珍珠落去杯度。叫左兩杯《出雲抹茶鮮奶加珍珠》($36)，白珍珠用左冷熱交替同蜂蜜浸泡煙韌又甜蜜，抹茶用左出雲抹茶夠清香，不過無用透明杯睇唔到靚爆漸層。《柳丁綠茶》($26)台灣一出真係超瘋狂，用上嘉義橙汁加綠茶，綠茶甘香橙汁多香仲有啲果肉好新鮮，消暑一流。店名：迷客夏地址：銅鑼灣利園山道17號餐牌:

迷客夏 Milksha-新開張比朋友拉咗黎試飲🥛🥛話呢間係台灣既連鎖店好岀名🌝🌝 但因為新開張真係要排好耐隊🤦🏻‍♀️🤦🏻‍♀️🤦🏻‍♀️ -咁我就嗌咗珍珠手炒黑糖🥛本身有朋友飲過覺得佢好飲過The Alley嗰間 我自己覺得Alley已經好好飲 所以對佢好高期望🌝🌝但可能太夜去既關係 d珍珠已經林咗 同埋鮮奶味無咁重 味道亦都比較偏甜 始終都係阻止唔到Alley第一名既位置🤭🤭🤭overall黎講都唔錯 如果鮮奶味再重啲 珍珠再有番口感小小就好了！-評分:8.5/10價錢:$28地址: 17 Lee Garden Rd, Causeway Bay

開張數日就黎幫襯佢派左買一送一COUPON 除番約30蚊杯點左伯爵奶茶加珍珠 (另加$4) 點左兩分甜因為珍珠太甜原故成杯好似變左半糖以上既甜個人認為珍珠真係太甜比起茶湯會 天仁都還要甜伯爵茶味未算突出感覺一般般唔係得閒未必會排咁長龍再飲寧願飲茶湯會