農

營業中

休息中

係科學園做左咁耐嘢，等左咁耐，終於有間有水準嘅餐廳出現。啱啱開左2個禮拜幾乎日日滿座，可能係科學園裡面唯一一間好食嘅餐廳。Lunch冇得訂位所以記得早啲攞位，12:00後就要開始排隊。乳鴿，山寨叉燒，燒腩仔係必食。個山寨叉燒入口即溶，強力推薦。佢啲燒味非常之唔錯所以冇位都可以試下佢地嘅外賣，記住燒味飯只係外賣先有！同埋記得嗌佢地嘅荷葉飯，素食者就試下佢地嘅菠蘿炒飯。鍾意食辣嘅朋友就一定要過黎試下佢地嘅辣嘢，真係好辣好過癮。

朋友考車牌一 Take Pass ✅, 帶咗我哋去科技園裏面呢面新餐廳慶祝🎉幾款菜式都未食過😋有新鮮感花雕醉蝦 💰5️⃣8️⃣呢款前菜用咗大頭蝦，酒香味好入味，而且夠凍食落好開胃，正😋荔之趣脆 💰6️⃣8️⃣真係好似荔枝，顏色做得好相似，咬開外層好脆，係炸米通包住裏面蝦膠餡爆汁乳鴿 💰6️⃣8️⃣乳鴿係細細隻好嫩口，咬落好juicy，仲好貼心提供埋手套比客位食客古老溶岩 💰1️⃣1️⃣8️⃣呢個菜名好特別，原來係冰鎮咕嚕肉，都係第一次食🤭係用咗好大個冰底做成一大個洞再放入咗咕嚕肉，冰鎮咗嘅咕嚕肉特別脆，食哂成個餸，冰底無溶出水影響味道👍蓮藕苗炒臘味 💰8️⃣8️⃣蓮藕苗之前都未過，每枝都又幼又薄身，所以食落好脆口蜑家水果粟 💰7️⃣8️⃣堅食得辣嘅朋友要黎挑戰下呢味餸有兩個口感，而且反差好大一食落係好辣，之後會食到超甜粟嘅甜味農村包點做得好可愛🥰最岩打卡📸牛榛仔係榛子朱古力味，會爆汁小心食🤭BB雞係叉燒餡熊薯包就係紫薯餡鮮桃奶凍 💰4️⃣8️⃣甜品外層用咗白朱古力切開裏面就食到奶凍同芒果粒🎈農🎈沙田白石角香港科學園第二期科技大道西10號浚湖樓地下S041A號舖

放飯經過見佢兩人堂食送乳鴿，成班同事就想去試下，點知中曬伏1. 等待時間極長：7個人等左1個鐘，原本以為比大枱先等咁耐，點知都系分開坐🙄我明人數多有時系要等耐d，但明知堂食人多，我地又多人，問我地一句需唔需要分枱好難咩，我地又無話一定要一張大枱一齊坐，出聲問句盡早安排客人入席真系有咁難？2. 餐牌極不清晰：我地想試呢間既其中一個原因系，出面見到外賣有燒味飯，價錢大約60，仍可接受，點知入到去先知外賣就真系只系外賣，堂食燒味飯要單叫燒味再單叫$15白飯，貴過外賣，更不要提要加一服務費同$15淨系飲玄米茶既茶錢，講真唔入到去都唔知原來佢地要比茶錢。其實系出面寫清楚外賣不供堂食好難咩？系出面放低一兩本堂食 menu 比人睇有咩食好難咩？系出面講清楚要比茶錢好難咩？3. 食物質素差：其實價錢貴唔系問題，問題系佢又貴又難食。雲吞面面底竟然系拉面，擔擔面極鹹，滷水豆腐唔好話唔夠滷水味，系連味都無🙄新開張餐廳有出錯系可以包容既，但你一來已經唔系第一日，二來極多錯誤，我真系揾唔到有任何借口包容你，所以我呢餐食左70蚊，淨系食左個極鹹既擔擔面同半隻免費既乳鴿，仲有一肚氣

今天是餐廳第一日開張。最大的驚喜是不需任何條件。就送你爆汁乳鴿一隻。每一枱送一隻。所以一個人呢就最著數。 同而家大多數新開嘅餐廳一樣。 裝修係幾靚嘅。啲嘢仲好新淨。啲嘢一定擺得整整齊齊。員工全部有製服。有圍裙。有戴口罩。充滿活力。跑來跑去極度有效率。 同而家大多數新開嘅餐廳一樣。呢間餐廳都係素描q r code點餐。佢嗰個軟件用起上嚟係比較方便嘅。無論係睇菜式啦。加菜式啦或者你改變主意想取消個介面都係一睇就明簡單易用。 今日第一日營業。人開始多啦。你見我咁得閒喺度寫食評。就知道我啲嘢未嚟啦 都等咗一段時間啦。希望佢哋可以慢慢慢慢進步。適應。同埋繼續比心機經營落去啦！