辣宴

營業中

休息中

今次好想食辣，同老公決定去旺角，食四川農家菜，揀左朋友介紹的辣宴📍-餐廳門面充滿中華文化特式🔎內裏環境乾淨寬敞✅-第一道菜點左潮式蠔仔肉碎泡飯。蠔仔飽滿大粒，口感好豐富🧡然後點左金湯老壇酸菜魚（活爐魚）🐠食落啖啖魚肉，再配上不同配料，包括花椒、大豆芽和麵條等，酸辣開胃。鍾意食辣既朋友岩晒🌶️-特大檸檬茶比平時茶餐廳的大三、四倍🍋冰涼清爽，可以解辣！ -不過如果唔食得辣既朋友，可能選擇相對少， 要留意呢‼️

今日去咗旺角食川菜 呢間餐廳門面非常有中國氣息 我哋叫咗呢樣嘢食臘味石鍋飯 炒得好香 油水足 面頭有炸香左既蛋 而且都幾多臘味 石鍋夠熱 所以食完中間飯心啲飯 側邊仲有啲飯焦脆卜卜可以食 好香口農家大盤有機花菜 同樣好有鑊氣 喺屋企炒唔到嘅味道 除咗有花菜 仲有五花腩肉重慶水煮魚 呢個可以揀小份同大份 我哋見隔離枱嘅大份非常有睇頭 因為真係超大個盤 不過我哋得兩個人 所以就只叫咗細份試試 餐牌寫呢度用嘅係活鱸魚 魚肉已經起咗骨非常嫩滑啖啖肉 個湯底裏面仲有q彈嘅薯粉 爽口嘅大豆芽 吸味嘅豆皮 所以有好多唔同層次嘅口感夏日炎炎嗌咗杯大嘅柚子冰 份量真係十足 我哋不停加茶飲 飲極都未飲完另外呢度宵夜時段一開台就免費送鹵水拼盤 更加抵食

近年香港多了很多川湘辣餐廳，「辣宴」是我其中最愛的一間！因為地方寬敞，地點方便，而且價錢相宜，值得向大家推薦！農家小酥肉（$78）外皮金黃酥脆，每口都具香脆的口感，內裡味道鮮美多汁，讓人忍唔住一口又接一口。麻婆豆腐（$68）魅力在於其麻辣的味道和滑嫩的豆腐！豆腐的口感非常柔軟，與肉碎相結合，豆瓣醬的香氣搭配花椒麻感，味道層次豐富。川湘辣子雞（$138）雞肉外酥內嫩，搭配大量乾辣椒與香料，味道爆炸。每一口都有濃厚的香辣感，搭配白飯一起食用，能夠中和辣味，讓人倍感享受。牛肉餡餅（$68）外皮酥脆，內餡十分多汁，牛肉的鮮味令口感非常豐富，每一口都讓人感受到牛肉的香氣。虫草花炖烏雞（$38）一道滋補的湯品，香氣撲鼻。黑雞肉質鮮嫩，富有彈性，虫草花的加入提升了營養價值和風味，美味又具滋補效果。辣宴 (旺角)地址：旺角豉油街50號富達大廈1樓A號舖

最近天氣酷熱，胃口欠佳，所以今晚要吃點辣刺激一下食慾，想起朋友介紹這家辣宴，就來試試水準。餐廳面積大，裝潢富有中式風格，位置空間感足夠。餐牌有不同的川式湘式菜品，有各式水煮、香鍋、麻辣鍋、各式四川湖南小炒等，同時亦有不同的飲品可選擇。老長沙辣椒炒肉 $98點了一客港人比較冷門的湘菜辣椒炒肉，以切條的青辣椒大火爆炒豬肉，最簡單的做法其實最考功夫，調味以及火候掌握俱見工夫，辣椒口感爽脆軟嫩恰到好處而鮮味不失，辣椒獨有的鮮香味道帶點辣勁，加上豬肉的脂香肉感，極度下飯。乾鍋香辣田雞 $168侍者一奉上干鍋，一股香辣氣味撲鼻而來，一嚐田雞件，舌尖立馬發麻，夠香夠辣，醬汁特別惹味，滲透骨肉，味道令人上癮，田雞件份量多，肉質嫩滑飽滿。湖南白玉絲瓜 $78最後來一客不辣的菜品，點了湖南白玉絲瓜，絲瓜切片煮透，入口水潤軟嫩，口味清甜可喜，帶有絲瓜獨有的清香，正好中和一下口味。特大杯檸檬七喜 $38飲品點了一杯特大杯檸檬七喜，份量的確特大，兩人一起亦飲不完。

睇咗KOL介紹，見環境闊絡，佈置好似在大陸👍。這是我哋去試嘅誘因，實際現境情況都一樣，枱與枱之間闊絡。食物放面都叫做唔錯啦！算是七分地道吧！畢竟香港不是深圳嘛。3人銷費（連加1）都只係700頭，講真相比好多其它川菜館，的確係我哋覺得算抵食。而且，服務員態度的確係值得一讚👍有禮貌，夠細心，有工作熱情。整體而言100分滿，相比係目前香港餐飲業來講，我會比85分（客人口諀才是黄道，希望佢哋老闆同員工都會好好珍惜）。另外，包房大約10至12人房以$3000起錶，仲要有K,麻雀🀄️4:00就開始可以耍樂👍。

星期五晚放工約朋友晚餐，想食中菜，朋友拍板去了旺角辣宴。聽其名以為只食辣，原來也有不辣的菜式，我們各選了些。農家大盤手撕包菜 - 爽脆鮮甜的包菜以豬肉片爆香，加醬油及少許辣椒炒，份量十足，富農村風味。手工牛肉餡餅 - 薄薄的酥皮煎得香脆，包著濃郁的牛肉，可口。老長沙臭豆腐 - 臭豆腐其實不臭的，外脆內軟，辣的後勁慢慢滲出來，過癮。小炒皇 - 韮菜花加上腰果、蝦仁魷、魚、菜脯等炒，惹味夠鑊氣。食辣野飲返杯咸檸七，超大杯與朋友分享最合適，解辣消暑一流。欣賞餐廳菜式多樣化，有辣有不辣，照顧不同食客喜好。

近排成日都係落雨天，心情都有少少影響。想食D濃味食物令個人無咁悶氣。有次上隔離食米線先發現開咗間湘川菜館，今晚終於可以黎開餐啦。門口有個打卡位，食滿指定金額，仲可以有獎抽，幾有創意。最先出場當然係涼菜，想要食爽脆口感，點咗老醋海蜇 ($68)。以酸甜醋汁作調味，加入埋紅辣椒，變成酸中帶辣，相當開人胃口。香鍋都係一個幾偉大嘅發明，一鍋咩都有D，加入特色醬汁一齊炒，可辣可唔辣。呢度有三款香鍋選擇，分別係牛肉/田鷄/海鮮。 大家一致點選牛肉香鍋 ($188)，有個火爐仔”慶”住，保持食物熱度。成個香鍋用醬香炒，所以係唔辣嘅。材料除咗有主角牛肉外，仲有牛丸，午餐肉，花菜，蓮耦及大蔥，用黎送白飯就岩晒。食湘川菜，除咗炒土豆絲/萵荀絲，都鍾意食花菜。咁就叫呢個農家大盤有機花菜 ($78)。簡單材料有花菜，加入辣椒快炒，味道調得唔會過濃，若然少D油就仲好。除咗啤酒，呢杯大杯檸檬茶 ($38)出鏡率都相當高。真係超大杯，二人分享都仲得。用黎配襯濃味食物或解辣都相當稱職。炸饅頭從來係抗拒唔到嘅，幾飽都可以食，爭在可以食幾多。呢度有黃金小饅頭 ($58)，用黎做”甜品”亦不錯吧。外型走可愛路線，炸得外脆內

今日係旺角食左間辣野好地道又好食！真心唔錯。價錢平平地，幾抵食！。我地叫左「脆皮炸豬手一隻 $158」呢個好味!炸得好金黃,五味俱全。豬手肉質嫩滑,皮又酥脆,好彈牙又脆又惹味。之後再叫左「老長沙辣椒炒肉 $98」呢道菜真係鬼又辣又好好味好矛盾😂。肉質爽身,炒得夠辣夠麻。仲有嘅韻味菜椒香氣,令人食慾大增。之後加點左「炸饅頭 $58」都掂，外脆內軟,真係好吸引人。。餐廳勁大勁多位！冷氣好夠✌️👍🏻👍🏻

早排先食完辣，過幾日個身就好痕咁。始終不敵友人誘惑，揀聚會地方離不開辣呢個口味。呢間#辣宴 就位於知名連鎖米線鋪旁邊，食開米線嘅我一揾就揾到。餐廳裝修光猛且帶點古色古香，左右兩邊都有寬闊多人卡位。主打特色川菜，小菜款式有成二十款有多可供選擇，另外有廣東粵菜提供。系旺角區屬少見。涼拌青瓜 $38青瓜脆身爽口，實屬小辣，且辣又帶爽甜，愈食愈起勁。食完更為開胃。干鍋肥腸 $128真系幾邪惡，一整鍋下仲有細火持續加熱，食起上黎暖暖有感，辣中帶鹹，又有洋蔥的香甜，配上非常嫩滑又彈牙嘅肥腸。呢道菜美味之餘又有代表性，絕對可以成為招牌菜😋！農家小魚蝦 $88一大盤好足料，有韭菜、蝦乾、魚仔等等，炒出嚟嘅韭菜爽脆上油，魚仔同蝦乾細細隻隻，鹹香味擴散至口腔內，好惹飯食。鐵板水晶粉 $88連鐵板一齊上檯，足夠2人分享！水晶粉入口順滑，軟韌彈牙，軟硬度剛好，並以炒蛋作底。有心絲之餘又嚐到蛋花香。大杯檸檬茶 $38名符其實，超大杯，杯頂以檸檬橫疊成，未見過檸茶可以有那麼多檸檬。員工友善，又坐得舒服，而且每碟餸菜都大大碟好足料，適合家人、朋友聚餐。

一直對湘菜和川菜都情有獨鍾，難一難得有一個地方，可以吃到湘川菜，便來這裏一嘗辣味。湘味乾鍋魚雜$198 ，內裏有魚春、魚卜、魚片，辣度頗高，正是符合湘菜的味道，假如不能吃太辣的，建議將爐火收為最少，否則越煮越辣，辣到超乎想像。魚春、魚卜、魚片，沒有腥味，不過辣度很高，愛辣者必點這道湘菜。XO醬臘味石鍋飯$98，廚師用上了臘味糯米飯的做法，將臘腸和蝦米的香味發揮得淋漓盡致，飯粒粒粒分明，加上焦香的蛋絲，口感層次豐富。 農家大盤手撕包菜$68，醬油香味十足，加上肉片的香味，頓時令到手撕包菜味道更加惹味。如果素食者點這個之前要注意，這個是有肉片在內的，不過份量不是很多。

平時都好鍾意食辣野，但係香港好多餐廳一係就唔夠辣，一係就得個辣字字，完全唔香，今次就答黎到呢間餐廳試下佢地既湘菜，係有d驚喜🐂小炒黄牛肉牛肉切得好薄，炒到好嫩滑，仲好入味。辣椒️夠辣夠香，但又唔會搶晒啲味。仲有好香既芹菜，好惹味，送飯一流🐟干鍋魚雜一鍋入面有魚春、魚泡、魚片樣樣都有，口感好豐富。魚雜而且好入味。辣椒夠辣又好香，真係好惹味。又係岩哂送飯🍚臘味石鍋飯一開蓋就聞到臘味既香味，而且米飯炒得粒粒分明，吸收哂臘味既油香，每一啖都好香口

今晚到旺角逛街，晚飯在「辣宴」吃川、湘、粵菜，但由於我們不嚐辣，結果是「炸宴」，每款菜餚都是上火，幸好有香茶解膩消滯！新疆羊肉串~羊肉處理得宜，沒有羊羶味，肉味鮮、調味好，滿滿孜然香味，十分美味可口，非常推介！黃金小饅頭~外脆內軟小饅頭，蘸少許甜絲絲練奶吃，是簡單的好味道。農家小酥肉~這份脆卜卜小酥肉，送酒下飯都一流！金沙鮮魷~酥香脆炸漿與甘香金沙，令爽脆鮮魷魚肉綿上添花！手工牛肉餡餅~肉香餅脆，味道與口感都頗吸引！

邊行街搵野食，經過街角，有個伙計努力拉客中，佢話餐廳叫辣宴，但餐點有辣有唔辣，仲有折有抽獎，見佢咁有誠意，便上樓上試試吧。餐廳幾大，裝修行中國風，大大個燈籠&面譜等。餐牌選擇多，價錢亦不貴，自己偏向嘗辣嘅，但朋友反對🤔咁揀啲香口野啦。⭐涼拌土豆絲土豆絲爽口，加上酸酸地嘅調料十分開胃。⭐鹵水小拼盤每枱都送一份的滷水拼盤，有豬肚、豬手、雞腎同豆腐，滷得入味正喎😋⭐手工牛肉餡餅新鮮出爐嘅手工烤餅，又香又脆🤤⭐金沙四季豆是晚主角金沙四季豆，朋友就係為呢樣上黎食🤤鹹蛋黃大愛呀😍四季豆每一條都包著厚厚鹹蛋黃，勁好食！⭐臘味石鍋飯上枱時疑惑究竟係咩黎，原來係石窩飯，上面係炸過嘅雞蛋，金黃色幾好睇呀。飯香口臘味又多，個窩望落細但實質好多飯，超飽😂⭐黃金小饅頭呢樣又係朋友至愛，香脆軟綿小饅頭加煉奶，正😍餐廳搞緊活動，食滿$588有得轉輪盤，我見都幾多人埋單時轉㗎，唔知佢地抽中咩呢🤔

呢排好朝濕，有點想食下辣野開開胃。去到旺角見到呢間野幾大間，而且食物種類幾多選擇，我地就入左去。黎到先上左個小食拼盤仲要係免費唔洗錢，入面有豬手，滷豆腐乾，雞腎，豬肚。每一樣都好入味，雞腎同豬肚幾爽口同幾開胃。夫妻肺片，牛展同牛根切薄成片加入辣椒油、花椒油、麻油，食落麻麻辣辣好香口望落又好吸引。老醋海蟄，用左海蟄頭勁有咬口同勁爽，加入左醋同辣油味道酸酸地外仲帶有麻辣味，愈食愈想食而且。金湯老壇酸菜魚，叫左個例但係份量都唔小，入面應該有足一條魚既份量，新鮮製作上到黎魚肉好熱，魚肉都幾厚切，每一口都係好滑既魚肉。個湯底做到好香同夠晒酸辣感。下面仲加入左薯粉，容易咬仲幾有彈性吸收晒湯底湯汁

今日Duck哥🦆接完Duck嫂🦆放工後，順便去食個晚飯先返屋企😂。Duck嫂🦆鍾意食辣嘢🌶，於是於Duck哥🦆帶佢去一間平靚正，又個有得辣嘅🌶 - 辣宴。店舖面積非常大，裝修富有中國🇨🇳色彩，座位闊落舒適，食物選擇除咗湘川菜，仲有多款廣東菜可選😍。麻辣醬牛展 $78薄切牛展非常入味，口感爽口结實，牛肉味🐂香濃，加上花生粒🥜、青瓜🥒及麻辣醬，十分醒胃又惹味😋。椒鹽藕盒 $68爽脆嘅蓮藕片中間夾雜著鮮香嘅豬肉🐖及清甜馬蹄粒，上一層薄炸醬炸過後，香脆可口，加上椒鹽，更加惹味😍。蜜汁薯仔牛柳粒 $128牛柳粒🐂焦香肉嫩，肉味濃，薯仔粒🥔表面焦脆香甜，薯肉香口感粉糯。師傅煮出鑊氣👍，調味一流，加上原粒黑椒，香口惹味，好食到停唔到口🤤。鄉裏土扣肉 $108五花肉扣得軟爛入味，一口咬下，滑溜醇香，肥而不膩，充滿肉及油脂香味🤤，同時帶著梅菜嘅清香🥰，梅菜吸同樣吸收咗油香，混雜咗肉味嘅湯汁，特別鮮美，送飯一流。總括而言，食材好又煮得出色，食物份量勁多，店員服務勤快有禮，價錢大眾化，環境舒適，唔怪得咁多人去食啦。