影片
港鐵旺角站 E2 出口, 步行約5分鐘
繼續閱讀
電話號碼
24898899
開飯介紹
懷舊中式裝潢，座位寬敞舒服；主打川湘風味的農家鄉土菜，以香辣口味為主，分量足料且定價合理，適合多人共享美食。
繼續閱讀
營業時間
今日營業
11:00 - 03:00
星期一至日
11:00 - 03:00
以上資料只供參考, 請與餐廳確認詳情
有關獎賞計劃
作為一位辣妹，當然最鍾意食辣嘢😬喺旺角見到「 辣宴」嘅傳單幾吸引就上去試下👀.⚠️此餐廳收取10%服務費💰.重慶麻辣烤活魚🐟單點$188💰湯汁香辣入味🌶️青江魚肉質嫩滑有彈性😆配料豐富😍有土豆🥔蓮藕、芹菜、洋蔥🧅豆皮、炸黃豆、寬粉、鴨血🦆🩸芫荽🌿.老長沙辣椒炒肉🐖單點$98💰有大量辣椒🫑白木耳、肉片🥩辛香辣椒配上鮮嫩肉片😍非常開胃，辣度適中🤤.農家大盤有機花菜🥦單點$78💰炒得有鑊氣🔥加咗辣椒同五花腩🌶️更加惹味😋.辣青豆菜甫🥢免費💰.冰粉自助區🥣免費💰有冰粉、花生🥜提子乾🍇山楂片、黑糖🖤桂花蜜🌼清甜解辣👍🏻忌廉🥤單點$15💰.紙巾🧻單點$3💰
繼續閱讀
有冇朋友同我一樣都好食得辣？！其實我唔只食得辣，而且仲好鍾意食辣😍😍有日行街經過見到旺角開咗新嘅餐廳專食川菜，就忍唔住要試吓啦！錫紙包花甲🐚 $128大家一定要試吓呢一個花甲，佢嘅醬汁帶少少辣，非常惹味！花甲嘅size 雖然唔算大，但勝在有鮮味，同埋粒粒花甲都冇沙！豬油渣炒菜心🥬 $88唔知有冇人同我一樣，覺得內地嘅農家炒菜好好食，呢度嘅炒菜心就做到八成似，當係過下口癮都唔錯～手工牛肉餡餅🫓 $58一份牛肉餡餅有四件，有肉香味，而且又唔會太油膩，可以一試～新疆羊肉串🐏 $16呢一個新疆羊肉串，一串$16，一次最少嗌六串～孜然味道偏重，冇羊肉嘅臊味～
繼續閱讀
尋晚大約7:30同男朋友去食地道菜，過一個casual嘅周年紀念日😆 一入到去已經好興奮，因為成間餐廳好有氣氛，啲姐姐又熱情，個個都好開心咁笑口常開，令到人好有歸屬感。同男朋友睇咗個Menu一次又一次，真係選擇困難症，但其實我一早已經有個Target就係佢嘅剁椒魚頭，因為我好鍾意食魚頭雲，又鍾意食魚頭，未食都係圖片行先，覺得呢間應該唔會錯得去邊，所以就決定咗嚟呢間。所以揀餸第一味一定係呢一味模擬！之後就樣樣都想食，肥腸啦，菜花啦，羊肉啦，魚雜啦…… 樣樣都好吸引！而且做法亦都係選擇困難！我又鍾意食水煮又鍾意食泡椒又鍾意食乾炒，最終揀咗剁椒魚頭，大盆菜花同埋乾炒肥腸。第一樣嚟到嘅係肥腸，勁香賣相勁吸引。有一個小鑊鏟俾我哋鏟吓炒香啲。因為嚟嘅時候有一個爐仔做配套，我同男友分別作狀炒肥腸影咗啲張相，好低能但好好玩😂 之後梗係即刻開餐啦😏 啲辣椒好好食，又甜又香！肥腸軟熟，外脆內軟唔會乾爭爭！簡直一流！色香味俱全！鹹鮮鹹鮮🤗 我同男朋友都係重口味，所以覺得非常對口胃😍而且鑊氣十足！之後第二度係大盤花菜，呢個比肥腸更好食🤤 屋企都成日煮花菜，但完全煮唔到呢一種鑊氣，乾身菜花好香食得出係新鮮，有少少五花肉渣仔，勁好食！成盆菜我同男朋友一邊食一邊讚停唔到口，終於知道點解差不多每台都有叫。開頭我仲心諗呢個價錢可以買到好多個菜花食，真係唔抵！原來食過之後覺得物超所值🤩食完之後等咗好耐個魚頭都未嚟，追咗姐姐兩次，仲要再等多一陣先至嚟。我問佢係唔係漏單，佢少少口冇正面答我，其實一定係啦，冇理由食完兩個餸都差不多一個鐘頭後個魚頭先嚟。喺屋企整豉椒蒸大魚頭，四個字之半個鐘都已經搞掂，呢個差不多成一個鐘好明顯就係漏單啦！不過唔緊要，嚟到連Gas爐一齊上，一路食一路熱住。其實姐姐行過嘅時候我同佢講你哋大辣都唔夠辣，跟住姐姐笑住同我講你都好食得辣，我就笑笑口話咁應該係啦！原來湖南嘅大辣喺香港已經調校到唔太辣，但係呢味剁椒魚頭係會越食越辣越鹹香，有少少料到，好嘢，但我都覺得可以再辣啲，而且多少少湯汁會好啲，就可以點住啲汁嚟食更加好食。魚頭雲真係好好食，食完一大個魚頭都意猶未盡，但冇辦法真係好飽了！我相信冇幾耐我心癮起就會去再食，同埋好多菜式我都好想試，下次試吓其他先😌仲有佢杯特大檸檬茶可以再多啲檸檬就好，或者啲檸檬切返厚啲，因為而家唔夠檸檬味😔嘥晒😫
繼續閱讀
餐廳環境好有風味，裝修好有中國特色，環境都幾大下，坐得幾舒服，整體食物夠哂好地道，麻、香、辣足😌，川味濃，食完呢餐，好似去左轉四川咁😂，同朋友食完評價都幾滿足😏😆😊牛肉香鍋 都好多料下，椰菜花，午餐肉，牛肉，牛丸，蓮藕等等，食落好香，麻麻辣辣咁夠哂惹味，仲有個爐熱住可以保持熱度川式回鍋肉 回鍋肉份量都幾大，舊舊都大大塊咁，食得大啖肉，好地道川式農家大盤有機花菜味道唔會太辣，有肥豬肉粉，食落幾香
繼續閱讀
今日就同朋友去左辣宴食飯餐廳座位寬敞，有多個川劇面譜裝飾，幾有川色風味，仲可以免費任食冰粉，可自行加入唔同既配料老醋海蜇海蜇口感爽脆彈牙，搭配醋汁，味道微辣，另鋪咗啲青瓜係底，開胃解膩大盤有機花菜份量超多，花菜口感清脆，融入左辣椒的香辣，又不會太嗆口長沙臭豆腐臭豆腐外皮酥脆，索滿辣汁，咬落軟嫩多汁，配上蒜蓉醬、青蔥等配料，味道濃郁之餘又帶有獨特既發酵香味，食落唔怕會好臭鮑魚辣椒炒肉鮑魚肉質彈牙，同豬肉片，辣椒一齊爆炒，辣度恰到好處，超有鑊氣
繼續閱讀