輝煌樓海鮮酒家 (已結業)

星期日，天口咁熱，就費事阿媽煮飯身水身汗，一於出街食，屋企人都係鐘意食有鑊氣嘅小炒，於是就去左輝煌樓，因為經濟又實惠餐具都非常有特色，用咗傳統嘅雞公作為圖案例牌燒鵝，燒鵝皮烤到脆脆的，肉質包住肉汁，好重鵝味芝士焗龍蝦龍蝦肉質結實，又彈牙，火候充足，而且每條伊面都掛上濃濃的芝士汁椒鹽斑頭腩食落勁香口，椒鹽味勁濃，而且火候控制得啱啱好，雖然斑頭腩骨多個肉，但係骨頭已經被炸到非常鬆脆，連骨連肉色都冇問題

呢日同好耐無見既親戚食晚飯，佢地揀左係佢地屋企附近呢間酒樓食飯，話成日黎食，貪呢度無落味精，少油少鹽，夠健康。我地每人揀左一個小菜，我同媽咪分別揀左芝士焗石班塊同椒鹽多春魚。芝士焗石班塊 即叫即焗，焗得岩岩好。傳菜姐姐仲好細心咁提醒我地唔好掂個碟，話好熱，但到最後佢自己唔小心掂左，即縮。濃濃既芝士汁舖滿石班塊上，送飯一流。椒鹽多春魚份量充足，炸到好香脆，連骨食都無問題，又唔油。連我唔係咁鐘食食多春魚都一口氣食左兩條。我地仲叫左片皮鴨、咕嚕肉、什菜煲同黃金焗生蝦，全部味道都唔錯，賣相又靚，可惜親戚係度我唔好意思逐一影相。下次黎油麻地食飯，又多個健康味道好選擇鳥。

•-- 輝煌樓海鮮酒家•-- 油麻地新填地街142號地舖" 全店用上架勢公雞系列的食具器皿,有意頭又奪目!" 是日精選湯: 冬瓜薏米扁豆豬骨湯,清熱消暑!" 看到店內海報主張一切佳餚均不加味精,想知真假飲啖湯就知道!" 果真一啖喝下,味道清甜無味精!" 鮑汁生菜海螺片,味夠濃,汁不稀不稠,稀稠度剛好!" 海螺片不腥有咬口,份量足!" 清蒸沙巴仔" 蒸魚時間拿捏得不錯,不會過火,肉質新鮮嫩滑,魚味香濃!" 紅燒乳鴿是酒樓常見的菜式!紅燒即用滾油炸熟，先醃後風乾，再以滾油炸熟!" 乳鴿皮香，汁液豐富肉質嫩滑，沾上淮鹽超好吃！ " 一碗白飯,看似平凡卻一點都不平凡!米是用泰國一級絲苗米,一盅盅煮成熟飯,上枱時仍熱騰騰,伴菜下飯一流!

有日同幾個fd係油麻地行街，有fd突然想食中菜，於是呢間近廟街既酒樓醫肚。果日係平日夜晚，我地估唔到都咁full，等左差唔多半個鐘先有位，下次都係諗定食咩book定位穩陣d。呢度d碗碟好靚，唔知邊度有得買呢。晚飯有5揀1優惠，本身想食片皮鴨兩食，可惜賣哂，唯有轉食冬瓜盅。好采冬瓜盅都無令人失望，湯好清甜，一啖湯一啖冬瓜肉，再一啖海鮮，好消暑。份量夠大，四個人分都卓卓有餘。呢煲豆腐係我另外一個飛佛。用瓦煲上，豆腐好滑，又有豆腐味(唔似百福咁都個滑字)。配埋蘿蔔絲、洋蔥，夠健康，忍唔住食左3大舊🙊。

又係約好友岀黎gathering 嘅日子，今日揀左輝煌樓，純粹係因為就放工方便，同埋好友話想食小菜輝煌樓距離油麻地地鐵站唔算遠，但因為係啲小路入面，都花左少少功夫搵路上到去發現間野其實係小型酒樓，座位唔算多，但竟然張張張都有人坐，座無虛席，就算未開波食野都即時有哂信心Menu 有好多款小菜揀，我地揀左個‘如意翠玉瓜炒雙蚌’，估唔到份量都幾多，翠玉瓜好脆，珊瑚蚌同象拔蚌夠多，亦夠哂爽甜，好夠火喉！係食野其間，亦見到老細不時岀現係樓面同顧客傾計，亦都有埋黎關心我地呢圍滿唔滿意食物，仲叫我地多啲幫襯！係大型連鎖酒樓好少可係咁，好有人情味！

兩口子為左裝修由旺角行到油麻地，腳仔都軟埋，天氣咁熱本來想響廟街食D小炒，見到呢間標磅不加味精嘅酒樓，就入左去醫肚。酒樓是新裝修的，地方清潔，連碗筷都是以公雞作主題，很富有懷舊特色。餐牌選擇很多，亦有不少特價套餐和精選孖寶選擇，兩口子食得唔多，我地就揀左三個小炒。當然要試試招牌菜家鄉煎炆釀豆腐，紅燒乳鴿同金銀蛋浸莧菜。家鄉煎炆釀豆腐果然不失所望，豬肉配上啖啖蝦膏嘅香味，豆腐煎得香口又保留左豆腐嘅軟滑，絶對是招牌之選，推介推介。每碟餸分量都不少，而且經濟實惠，酒樓有不少街坊訂位吃飯，最緊要真係不加味精嘅味道，健康之選。

街坊茶樓～ 去廟街占卜 經過輝煌樓 想食小菜而又就腳 就揀呢間。上樓梯前見到有客家豆腐攞過獎 正！我最鐘意食豆腐。客家煎炆釀豆腐*熱辣辣煲仔 有八'大大'件 豆腐煎到兩面金黃 釀了豬肉 豬肉帶點蝦醬香味 口感嫩滑。豆腐好有質感 淡淡豆香。柚子蘋果大虎蝦*賣相很靚。夏天清新之選！蘋果挑空了 再放上粒粒爽口蘋果 旁邊的柚子帶點酸 虎蝦大大隻 幾新鮮 爽口彈牙 仲剝左殼 方便食。創意有特色！金銀蛋莧菜*莧菜新鮮清甜～ 配上蛋花的清湯唔會太咸 咸蛋皮蛋好多 足料又好味～梅菜扣肉煲*梅菜甜甜地 肥膏和肉的部分一層層 咬下去軟滑好入味 帶有梅菜的香。雖然唔健康 但偶然放縱一次吧！見到隔離枱打邊爐 $168全包 配料款式又多 食材望落幾新鮮 下次可以試下～大件夾抵食 想食小菜真是要黎！！

一般與朋友聚會總偏向選擇日、韓、西餐等等，吃多了倒也覺得悶，偶爾也想來一點新意，嘗試新Cuisine. 碰巧我與友人出來油麻地、旺角逛街，問了住附近的朋友，有沒有好吃而且別於平常的晚餐選擇介紹呢。「要不然試一試輝煌樓海鮮酒家，主打客家菜豆腐和雞，菜式標榜用新鮮雞/鵝和泰國靚米，而且無味精？」就這樣，晚餐就來到這裏嘗鮮。蝦醬通菜($78)：通菜嫩得青翠欲滴，鮮亮誘人菜色激發食慾。蝦醬香味濃烈，蝦醬跟通菜成爲絕配。黑醋咕嚕肉($78)：黑醋甜酸味道沉實細緻，咕嚕肉炸得酥脆。黑醋甜酸包裹著啖啖鮮美和實在肉質口感，異常滿足。紅燒乳鴿($58)：肉質幼嫰，滷水醃製得非常入味，表皮香脆，非常滋味。年輕人外出用餐很少會選擇酒家，但偶爾嘗嘗感覺也挺新鮮。

之前同屋企人飲過早茶，見到晚餐menu都幾平，所以今次同朋友黎呢度食晚飯。呢度裝修得唔錯，金碧輝煌，燈火通明。晚飯小菜都幾多選擇，而且價錢都算平，本來想叫二人套餐，套餐包括清煮沙巴加兩款小菜，都只係$288，不過朋友驚食唔曬，所以叫左三個小菜加白飯。送嘅老火湯，非常清潤又足料，咁啱果日係大暑，飲冬瓜湯最啱！上湯翡翠苗，菜苗都幾嫩，金菇都幾多，上湯煮幾青甜，唔會好似炒菜咁油膩。黑醋咕嚕肉，咕嚕肉味道唔錯，黑醋醃製嘅咕嚕肉加菠蘿，青、紅椒伴碟，酸甜味好醒胃。紅燒乳鴿，睇見都流口水，不嬲鍾意食乳鴿，隻乳大隻又多肉，幾肥美，火喉燒得啱啱好，外皮酥脆，內裡肉嫩。紅豆沙糖水係送嘅，紅豆沙煲到起沙，加左陳皮、蓮子，味道唔會過甜。水晶包都係送嘅，水晶包幾得意，細細隻，做飯後甜品啱哂，豆蓉餡，亦都唔會太甜，幾好食。侍應服務都周到，主動幫忙加茶，又提我地有糖水、甜品送，環境、食物、服務都唔錯嘅酒樓。

越來越多點心鋪，所以酒樓越來越難做，而要揾一間高質素既酒樓更加係難上加難。呢間輝煌樓可以話係少有既高質酒樓，而且價錢都親民。酒樓係二樓，上到去裝修都幾華麗，符合返輝煌樓呢個名之後睇下餐牌，都幾多選擇，套餐配既小菜款式多。單點小菜也有不少選擇。送花生，等菜黎既時候可以有野咬下。同爸媽三個人，決定叫一個2人套餐。另外仲加88蚊轉個冬瓜盅，同埋要多個鹹菜胡椒豬肚。當佢上第一個菜鹹菜胡椒豬肚時，我地已經心知不妙。因為，份量真，係，好，大！平時去親d酒樓，胡椒豬肚既份量通常都係細細一碟。今次呢度居然超大一碗，我地已經感覺到叫得太多餸。。。（唔想做大曬鬼啊）而且佢份量大得黎，味道都好好。豬肚洗得乾淨又煮得夠lum，索曬鹹菜既味。鹹菜又唔會太鹹，我連d湯都飲左唔少。之後上左重頭戲，冬瓜盅！夏日炎炎，最好就係飲個冬瓜盅。話說我已經好耐好耐好耐冇飲過冬瓜盅。畢竟冬瓜盅既製作麻煩，又好難揾到岩size既冬瓜，屋企通常都係就咁煲冬瓜湯。（後尾聽到原來呢個盅酒樓限定每日得十幾個炸）煲湯好足料，而且食唔出有味精味，完全係靠瑤柱、雞肉吊出冬瓜既鮮甜。而且瓜上面仲撒左d不知名既花，散發出陣陣清香，夏天飲真係好解暑。

去開油麻地，朋友話呢間新開酒樓唔錯，所以黎食晚飯，門口有餐牌，好多菜式都幾平。酒樓響上層，裝修得都幾富麗堂皇，裝哂水晶燈、假天花，又有幾部大電視。侍應幫我地開茶同送上果仁小食，呢度茶杯、茶壺、碗碟，都印有公雞圖案，幾靚幾精緻。兩個人叫三個餸都夠食，我地叫左秘制黑醋咕嚕肉、上湯金菇翡翠苗、紅燒乳鴿皇。冇幾耐，侍應阿姐俾左我地每人一碗冬瓜煲豬骨湯，話係送架，幾好飲又解暑。秘制黑醋咕嚕肉咕嚕肉好香，加左菠蘿、紅椒、青椒落去炒，色香味十足，秘制黑醋，食落酸酸甜甜，送飯好開胃。上湯金菇翡翠苗上湯煮嘅金菇、白菜仔、紅蘿蔔、芹菜，全部都好嫩，份量又夠多。紅燒乳鴿皇乳鴿好正，好大隻，一人半隻都夠哂，燒得好靚，色澤紅潤，皮脆肉嫩，唔駛點醬汁都夠哂惹味，仲啖啖肉。最後，酒樓仲送左糖水同甜品俾我地食，分別係紅豆沙同水晶包，真係好，價錢唔貴，仲又送湯、又送糖水同甜品，非常抵食。

去開油麻地順便上嚟輝煌樓食個晚飯 ，見佢有火鍋同小菜 ，因為小菜有優惠五個揀一個， 所以我同朋友就叫咗小菜食，總共叫咗三個小菜。优惠嗰個叫咗片皮鴨，另外叫咗一個龍躉頭腩炆茄子， 原先兩個都好夠食，不過見到隔離枱，碟叉燒好似好靚，所以我哋都叫咗一碟， 價錢都只係48蚊一碟，叉燒雖然係好瘦，但係食落口一啲都唔硬同'鞋拾拾'，肉質好鬆軟，好淋身。個龍躉頭腩炆茄子係用咗新鮮嘅龍躉肉，將啲龍躉切開一塊塊炸好再同茄子一齊炆，魚肉好結實，好新鮮，茄子就炆得好淋，好入味，係一道有水準嘅小菜。片皮鴨係五個優惠之一， 98蚊有一隻，仲有好多蝦片附送埋，真係好抵食，雖然片得唔係好靚仔，不過勝在冇咩肥膏，啲皮又有啲脆， 食落好香口，最重要嘅，係佢啲醬，青瓜同 蔥段都好有份量，食片皮鴨個醬係非常之重要的，如果個醬料同配料唔夠，食片皮鴨就會好dry，好彩呢度都好慷慨，所以食得好痛快。呢餐晚飯仲有免費霸王花湯 ，同埋番薯糖水送，响 市區嘅酒樓食咁多嘢都只係三百幾蚊， 真係好抵食呀！

一向都唔鍾意上酒樓食飯，因為覺得啲小菜其實同大排檔茶餐廳差唔多，但係埋單就要畀多幾十蚊甚至成嚿水嘅茶費同加一，覺得好唔抵食。 今日畀朋友拉咗上嚟呢間輝煌樓， 竟然畀我有啲新嘅體驗， 首先酒樓食飯有例湯送，我都係第一次見，其次係啲小菜有特價，兩個人可以五個特價小菜裏面叫一個，所以我哋叫咗片皮鴨，成隻片皮鴨都只係需要98蚊，我見到都嚇咗一跳，出面淨係食半隻都唔止呢個價錢，即管試下佢。唔知係唔係酒樓格局，啲片皮鴨嘅擺放同一般出面擺法有唔同，酒樓將啲片皮鴨放響蝦片上面，顏色都幾靚，但就片得唔係幾均勻，幾齊正，不過食落口係好香嘅，啲肉都唔會太肥淋淋，加埋啲配料醬汁包住食，唔使叫飯，都好飽肚。另一個小菜係龍躉魚腩炆茄子，茄子炆得好淋、好滑、好入味，龍躉魚腩雖然淋咗芡汁，但都不失脆口，而且啲肉好結實，相信應該係用咗新鮮嘅龍躉肉， 所以先咁好食吧！最後仲有一碟叉燒，外型睇落冇乜特別，都係一般嘅瘦叉燒，不過食落口竟然好鬆軟、好鬆化、肉質好淋身， 係出奇地好食。晚飯完咗仲有糖水送，有紅豆沙同蕃薯糖水 ，我哋就叫咗番薯糖水，啲糖水薑湯好辣， 不過啲番薯就煮得好熟透， 食落好嫩唔會有好多渣同好𠝹口嘅感覺。成餐

今次同屋企人食飯，就揀左呢間新開既酒樓去試。酒樓系二樓，裝修幾新淨，望落乾淨，襯曬個名“輝煌”。入面有幾部高清大電視，可以see see tvb @@見到有套餐賣，我同家姐老豆三個人，叫一個二人套餐應該都夠食。個套餐幾抵，288蚊有一湯一魚兩餸，分分鐘平過出面連鎖酒樓。加88蚊就有個原隻冬瓜盅，當然加！出面有得食原隻冬瓜盅既地方已經買少見少，好少有的。一邊挖冬瓜一邊飲湯，爽@@個盅幾真材實料，裡面有瑤柱、雞肉等等，都十分鮮甜。本身我唔多中意食魚，但無奈屋企人喜歡，而呢條沙巴又比我想象中好食得多。一黎新鮮唔腥，二黎肉質鮮嫩。小菜方面估唔分量十分大，我地三個人食兩個餸加條魚都食到非常飽。而味道方面絕對比連鎖酒樓，例如稻x好得多。我最中意個海鮮雜菜煲，海鮮落得重手，成煲都非常鮮味，而粉絲吸收曬裡面的精華，實在惹味。同樣的價錢，出面酒樓未必食到甘既質素，絕對系間性價比高的酒樓。

尋晚同老公去位於油麻地眾坊街及新填地街口(近油麻地健康院)的「輝煌樓海鮮酒家」品嘗豐富晚餐1. 魚香茄子肉碎煲 眾炒茄子配以葱菜粒及豬肉碎等 吃落軟熟質感可口 再加上有惹味調味料如豉油蒜蓉及辣椒等 真係吃過都番尋味2. 紅燒豆腐 香滑硬豆腐配以鮮冬菇及紅蘿蔔塊等 再加上有蠔油芡汁調配味道 吃落可口十足 旁邊亦配上幾條菜心等 回味無窮3. 花生木瓜煲魚尾湯 晚餐當然不能缺少清湯 種種果實及肉料調配下煲出清湯精華 飲落自會清潤腸胃喉嚨