輕時光

營業中

休息中

行街時特別會想飲下啲一杯杯嘅飲品，但又好擔心太肥又高糖唔健康。今日飲完Take Your Time 完全係guilty free！飲品甜道剛剛好，仲好refreshing! 小店仲好企理又有心思，好多打卡位添招牌乳酪飲 - 草莓優格果昔Smoothie 用乳酪做base, 軟滑又輕盈，飲完成杯都冇半點罪惡感！ 淡淡士多啤梨香，絕對唔係啲化學野或糖水做出泥好假既士多啤梨味！重點係冰磨得好夠幼，入口冇冰粒。超級水果茶 有兩款茶底選擇，分別係桂花烏龍同埋茉莉綠茶。我哋㨂左綠茶底，綠茶清香唔會澀口。甜度剛剛好，仲有足料滿杯水果，水果有五六款而且非常新鮮，係飲過咁多間果茶最好飲既一間！

朋友介紹中環依間以水果乳酪作主題的健康茶飲店，岩曬又驚肥又鍾意飲野既小編我包裝十分吸引，果甜度適中，不會有太濃茉莉茶香味，面層絕對唔係芝士奶蓋已係yogurt，配合得十分特別，帶出健康感覺。適宜在晚上前飲用，若對喝茶入睡不到的享用者。店員推介草莓優格果昔 飲落好fresh，完全飲到係真材實料，好似食緊士多啤梨乳酪咁，小編叫左杯大大杯，而且唔會太甜，天然水果味道，顏色做到好似雲石咁又靚又吸引，帶帶士多啤梨肉，又健康又飽肚

今日同同事食完飯，再黎幫襯輕時光😁店舖已經換上聖誕裝飾🎄仲有一D 聖誕Set比大家買😍今期仲推出左新口味-蘋果優格果昔🤪下次會試下！今次我自己簡左超級水果茶飲！茶底選擇左茉莉綠茶，十分清香！真的是超級多水果~有幾款以上新鮮水果: 蘋果、百香果、紅肉火龍果......嘆完茶更可以慢慢品嚐水果呢! 絕對是飯後消取油膩的飲品🥰另外，當然仲試左店內招牌果昔😋芒果突出，不會被奶味給掩蓋，喝果昔時食到芒果的鮮甜，很清新的口味。我自己都幾鐘意🥰

上次同朋友去過一次Take your time，發覺由學校行15分鐘就到，又好飲又健康又方便。今日放學同行去飲少少嘢先食飯，肚餓。今朝起身以為自己放假，但諗起朝早八點半仲要返學好大衝擊。終於放假！！！芒果紅火龍優格果昔 大 ($46)加倍優格 (+$6)呢個係Menu上唯一有兩種水果嘅乳酪，所以有選擇困難嘅我即刻叫咗。除咗係大杯，今次仲要加咗一倍乳酪，肥。只要將個飲管擺高啲就飲到火龍果乳酪，如果想飲啲芒果味就要擺低啲個飲管。飲飲下都飲咗啲芒果果肉，真材實料！至於啲乳酪都好滑好香甜。芋頭時光 熱 ($34)因為朋友唔鍾意飲甜野，佢就叫咗走甜，但原來冇得走甜，因為原來冇落糖嘅，佢哋好似係用桂花冰糖。不過可能因為朋友個人甜，所以杯飲品都幾甜。好有奶味，會飲到啲芋頭碎嘅，同埋同朋友好相似嘅甜味。呢到仲有聖誕樹同播聖誕歌，環境優美，好有聖誕氣氛！仲有兩張櫈，我哋都坐低咗飲。發現我哋一齊就成日廢噏，好笑！

由天后開到中環嘅輕時光 🌈🌈係主打優格、果昔🫐茶品🍵仲有乳酸同咖啡系列💁🏻‍♀️當中以健康輕盈的優格做賣點好飲。.芒果紅火龍優格果昔💛💜一層芒果一層火龍果的雙層口感🥭飲到晒兩款生果嘅香甜同果香🤤配搭輕盈優格🌱口感細滑，奶香味重🥛好驚喜.草莓優格果昔❤️用上新鮮士多啤梨加上低脂優格即打的果昔🍓草莓味濃郁，有粒粒士多啤梨籽😋優格味道唔會過甜或過酸😉酸酸甜甜😆好 fresh。

之前試過天后take your time， 原來威靈頓街最近都有間新鋪， 牆身用Tiffany blue既顏色作格調， 店面搶眼得黎感覺和諧同簡潔，同店名輕時光如出一轍 見行過就買杯嘢飲先✌🏾今日點左兩杯嘢飲：芒果紅火龍優格果昔Yogurt係店內主打飲品之一， 如果第一次試既你去到鋪頭可以一試！ Yogurt同水果既組合異常地夾 ，飲落有陣陣嘅芒果同火龍果香， 配搭埋yogurt就變到十分醒胃！ 如果女士更加可以考慮做一個午餐既配搭， 分分鐘都夠飽超級西柚桂花烏龍茶桂花烏龍同西柚嘅平衡做得好好，用上新鮮嘅西柚，而唔係用現成既西柚汁，所以杯嘢飲充滿新鮮既果肉，做得好既係無一般西柚嘅苦澀味， 配搭埋桂花同埋烏龍茶令到成件事十分fresh。而用上冰糖去調教令杯飲品更加滋潤！望到呢d成個人都覺得自己飲得健康哈哈陳皮川貝冰糖燉檸檬係店內其中一個副產品，節日下可以做送禮佳品～

新開的飲品店，主要賣優格果昔、奶蓋茶等，優點是全部新鮮水果製造，喝過就知道好，味道的確不同。芒果紅火龍果優格果昔 $46我最喜歡芒果火龍果奶昔，首先外觀吸引，漂亮的粉紅混合着芒果黃，還有奶白。用上紅色火龍果，味道更香甜，口感有變化，先嚐清甜的火龍果汁，慢慢才湧出芒果的酸香，奶昔幼滑順口，冰涼度適中，非常可口，亦有點飽肚，作為下午茶一流！超級水果茶 $38超級因為大杯，真是分量十足。材料豐富包括橙、蘋果、火龍果及熱情果子，茶底選了茉莉綠茶，我認為相比桂花烏龍更合拍。清香味美，底部估計有蜜糖，突然喝到一口甜，整體甜度偏低，不用擔心會肥。藍莓優格果茶 $38茶底選了桂花烏龍龍，配合藍莓，本來就是水果茶的感覺，因為加了奶蓋，添了奶香，豐富了口感。店了細小但開揚，有一張小圓桌，立喝。亦可以坐下來。亦有咖啡供應。

店舖主打輕盈小清新既飲品，以優格來代替傳統奶蓋，令客人感受多一點健康和輕盈，一整杯都低卡路里，飲完成杯都冇罪惡感💯。臨近聖誕，店鋪也增添了不少聖誕裝飾和擺設，客人可以一邊等待飲品調製，一邊感受聖誕氣氛🎅🏻。菠蘿優格果昔(L) 💲44新鮮菠蘿 打溶再配優格。入口酸酸甜甜，仲有菠蘿絲。入口順滑，又大杯，飲完可以當一餐草莓優格蓋茶 (桂花烏龍茶底) 💲38＋加倍優格💲6桂花烏龍茶底味道清香，用新鮮草莓打成沙冰融合起來清清甜甜，味道好配搭，配合埋頂層厚厚的yogurt，味道酸酸甜甜，口感非常豐盈順滑，跟草莓茶沙冰形成強烈對比，口感層次豐富。

放假同好友去左中環歎返個早餐，經過威靈頓街見到呢間「輕時光Take Your Time」。外牆色彩繽紛，夠哂搶眼，附店名既彩虹牆打卡一流~上網一搵，原來呢間茶飲店係由天后開到黎中環，主打水果乳酪飲品。餐牌有多個系列供選擇，包括優格果昔、優格蓋茶、水果乳酸飲料、超級水果茶、水果冰茶昔、咖啡、抹茶、純茶、鮮切水果、季節限定。店舖裝潢簡約雅致，比人一種好relax既感覺，有唔少盆栽、乾花，以大自然風格為主。芒果紅火龍優格果昔色彩sharp醒奪目，好有層次感，堅持選用新鮮生果，秉棄人造糖漿，可以飲到水果既原汁原味，口感細綿順滑，濃郁帶點酸甜，健康好味得黎又唔會過份甜，飲完都唔會有罪惡感~好友揀左杯好特別既ICE DRIP，係桂花味既冷萃咖啡，香濃滑順，呈現出咖啡最佳原味，飲落唔會酸澀，帶點桂花清爽茶味。

全水果製作的茶飲店蓋茶全選用yogurt 而非使用芝士咁heavy! -由天后開到去中環新店位於威靈頓街, 門面好靚呀！加上添加了聖誕氣氛嚟尼度買杯健康輕飲兼打卡都一流💕-芒果紅火龍優格果昔 L $46顏色好夢幻呀😍🦄紅火龍味道比芒果更突出, 啖啖新鮮果味我最鍾意Yogurt酸酸甜甜又濃厚好似飲緊乳酪雪糕, 超正😋尼杯仲要夠哂健康💯-芒果優格蓋茶 $38茶底可選桂花烏龍或茉莉綠茶朋友就揀咗綠茶茶底Yogurt奶蓋夠rich夠順滑, 完全唔膩新鮮芒果本身已經夠甜整杯味道層次豐富朋友大讚好好飲👍🏻-Menu 仲有yoghurt smoothie, 果汁, 水果茶等等, 咁多選擇, 加$6 就可以加倍yogurt, 下次再嚟試埋先!

難得有新開嘅飲品店開係上環，每日係嗰度打躉嘅我梗係要去試下！佢位置都唔太難搵，係威靈頓街長命斜嗰面嘅一個轉角位遠處見到湖水綠粉色系外牆嘅店舖就係佢啦～草莓優格果昔（$38）芒果紅火龍優格果昔（$40）同朋友都係簡左優格果昔，大家都十分滿意飲得出佢加左好多果肉係入面，而且有好濃味得黎但又唔會太甜嘅yogurt~好正我飲嗰杯芒果火龍果嘅層次感好豐富，冇攪拌嗰時飲，可以飲到一層芒果Yogurt味，一層火龍果Yogurt味，而攬拌左又有另一種味一杯飲品，三種味道haha~另外店鋪入面仲有好多影相打卡位，除咗吧枱之外，仲有個好靚嘅粉色牆壁，岩曬我等我下次再試下其他先～

🍹🥭芒果紅火龍優格果昔$46貪心的我想飲芒果又想飲紅火龍果，呢個選擇就可以滿足我兩個願望啦😍呢杯野飲賣相當然冇得彈啦，打卡影相一流，口感都冇得輸，奶味好香😍好fresh，好似去左澳洲農場飲個牛奶🥛又香又滑☺️大家要慢慢飲，因為真係會上癮😍我唔小心好快就飲完了😆隔離個位本身五飲優格的，試了一大啖我覺得好驚喜，好感香滑又唔會太甜，打破佢對優格的固有想法，當佢想飲多d的時候發現我已經飲完了🤣下次再飲💕🍹🥭芒果冰茶昔$34鍾意芒果個大朋友，見到芒果🥭好不猶豫一定會點❤️呢款茶味比較出，都好大杯呢，店主話用芒果肉打成嘅唔錯唔錯，好有誠意呢🥰

全水果製作嘅輕飲店之前喺天后已打響名堂新店位於中環💛芒果火龍果優格果昔 $46紅火龍果優格果昔 $44芒果同火龍果mix埋顏色好靚 非常吸睛😍😍😍😍😍由於全水果製作唔會太甜亦較健康 飲咗杯大杯都唔會太有罪惡感😋店舖門外亦有一個靚靚打卡位 Take your time 就是叫你停下來不要急慢活一下 好好享受飲品同時細味一下人生而店內裝修簡約雖然店舖門面不大但坐得好舒服中環區嘅朋友有福啦😚😚😚😚😚

之前凡經過天后，都會幫襯呢間買杯優格或者蓋茶，而家少咗經嗰頭，飲少咗，但竟然喺中環見到佢開咗新分店，好意外呀開咗喺蓮香樓對面，一中一西形成強烈又有趣嘅對比呢度嘅飲品唔係葵廣嗰種落果味糖水，係用新鮮生果泡製㗎喎聖誕就到，呢度都有啲食得嘅聖誕禮物揀吓落完單，話咁快就嚟晒兩杯嘢飲，杯杯都好靚呀，襯埋店內聖誕裝飾，冇理由唔打卡啩？之前天后都未有呢種組合，今次加埋芒果，靚咗又清新咗優格蓋依然咁足料，仲可以揀茶底，大胃揀咗桂花烏龍，同雜莓夾超香呀呢度真係可以放輕你嘅時間同心情，歎返杯啦

食完晏經過見到新開幾骨子的飲品店，有優格果昔、蓋茶、乳酪及水果茶等，全部用新鮮水果製造，覺得應該會幾好。芒果紅火龍優格果昔果然非常之好飲，味道新鮮，果昔香滑，水果新鮮甜美，最特別就是一層芒果一層火龍果的雙層口感。藍莓優格蓋茶藍莓味香濃郁，配上桂花烏龍及乳酪，飲品有層次。店方有自製的陳皮冰糖燉檸檬，很吸引，現在疫情期間應該多滋潤喉嚨，考慮中，買返屋企用應該都好。芒果紅火龍優格果昔, 藍莓優格蓋茶 非常好飲.