軟飯王 (已結業)

呢個飯係少數我覺得無論食個個人中唔中意食飯都會覺得好好食既一個炒飯🤩舖頭老細好似本身係做大排檔廚所以鑊氣同炒功都有翻咁上下水準炒岀黎既飯自然都唔同啲舖頭位置係元朗木頭車入面同場內其他黃店有做collab 好似90蚊左右 有飯有野飲仲有個拉g流心玉子燒第二次去食我就試左呢個set 食到我目前為止覺得最好食最正既玉子燒 講緊係凍左都拉絲 又流心蛋漿Anyways 講翻炒飯先！次次去都嗌椒鹽豬扒炒飯同辣爆豬柳炒飯辣爆個個睇相都知no joke 充滿指天椒粒🤯辣同蒜既完美融合 就算幾辣都停唔到口不停食椒鹽豬扒炒飯就係我上黎睇見到各路人士都推薦咁一定要嗌啦 係一定唔會失水準之作 炸到金黃既豬扒 加埋椒鹽既配粒同蒜底下係粒粒分明鑊氣炒飯底 有菜絲同蛋食到最後個飯盒底係唔會有油就知老細功架十足想食最好開舖前去舖頭or打電話訂啊 好多人買架 訂左會俾時間你翻去拎就ok老闆同老闆娘都好有禮貌好好人 睇得岀佢地好熱愛間舖 支持支持啊🥰🙌🏻

軟飯王🌟炒飯首選元朗炒飯王 椒鹽豬扒炒飯，今次等左45分鐘🦒炒飯好足料，炒到夠乾身，粒粒分明，外乾內軟，豬扒味道同份量👍🏻好足料🌟好好味😋 椒鹽豬扒炒飯 $50

軟飯王📍 元朗大陂頭徑14號福星樓地下6號舖📅星期一至日（17:30-22:00）🔖呢個炒飯真係不得了，第一次食完就好想再食佢！出哂名walk in買就等到傻或者直頭無得買，最好就一定係打電話落order，仲要係準時打個隻（17:30可以打，唔係咁易打到架）你先可以早d有得拎，如果唔係都要等到晏少少先有飯食。介紹返佢每個炒飯，係一個一個咁樣炒，知佢咩料啦。🍽椒鹽豬扒炒飯$50🍽辣爆豬柳炒飯$50個飯盒拎起手你就知道佢分量十足，每盒都大大盒，除咗炒飯底好多，d餸都唔算少。（兩個女仔叫一盒都夠食）個炒飯炒得夠乾身，真係一粒粒食落口，唔會覺得油，好夠鑊氣，好香口。每塊豬扒切好細細塊，客易進食。整體椒鹽味唔算重，但成個飯真係勝在夠鑊氣。至於辣爆豬柳，真係食得辣嘅先好叫。一打開飯盒，會見到成個炒飯都滿有辣椒🌶️碎，豬柳食落都嫩口，唔會太乾。我就覺得辣炒飯好食好多😋💡可以留意佢Fb睇下最新營業時間（不定期營業，記得5:30開始落order）💡餐廳位於一間叫木頭車入面既外賣檔😋食物：️9/10🤵🏽‍♂️服務：9/10🍴環境：8/10💰消費：$50🤩性價比：9/10

這間食店Youtuber 又介紹過，fb 又咁多評論，所以特登來試試看，雖然今次冇相，但其實唔重要，重要嘅係炒飯真係好好食；椒鹽豬扒飯不是什麼特別東西，但這裡弄的就是不一樣！飯不一樣的乾身不油膩，有不錯的鑊氣，調味凖確，豬扒質素中上，我本身廚藝自問不差，但也冇信心弄得比這裡好，價錢十分合理。另外，對於電話下單說好取食物的時間竟然沒半點誤差(公眾假期後的第一天及有雨)，叫人驚奇，兩小口子還要勁有禮貌。這種人去到哪裡或做什麼事情都冇得輸👍希望很快就去試其他炒物，相信乜不會令人失望，甚至第二個驚喜添！

其實之前黎過木頭車既軟飯王兩次，但每次都買唔到，因為次次都要等成個鐘以上以前睇過蘋果既訪問，知道以前佢地都有開舖，之後再小本經營，係木頭車開舖，老闆對自己既品質好堅持，就算幾多ORDER都好，點都要一個一個ORDER咁炒，咁先至好食，好欣賞佢地突然有一次知道自己會經過元朗，又想起上次去軟飯王時見可以打電話落單，所以今次醒目啦! 一個鐘前打定電話先。注意 : 雖然OPENRICE寫營業時間係下午6點，其實佢地下午5點開始接ORDER。同埋唔係星期一至日都開工架，係不定期休息。上佢地FB睇就有最近公佈啦! (上網search "軟飯王FB", 就會搵到)電話落單，老闆娘會話你知幾時READY，上次我地都幾準時架!我地點左最出名既椒鹽豬扒炒飯，炒飯粒粒分明，好香 ! 唔多油。豬扒無筋，仲切好細細件，好細心。值得推介。 軟飯王位於木頭車內一間小店軟飯王舖仔細細，只有老闆及老婆幫手

呢間軟飯王係元朗好出名，如果你walk in去買，基本上係無得食，一定要事先打電話落定外賣先有得食，非常誇張。今次我同朋友準時17:30開始打電話去叫定嘢食，好好彩19:05就有得拎啦。留意返👀呢間店舖只做外賣，無得堂食。🔎椒鹽豬扒炒飯($50)呢個炒飯勁香，食到出啲飯粒粒分明，夠乾身，而且份量好多。味道方面有好重蒜頭味，調味唔會過鹹，令人會想一啖接一啖咁食落去。而椒鹽豬扒味道都唔錯，可能因為焗得太耐，豬扒表面冧咗少少，豬扒入面唔會話乾爭爭，都有少少肉汁，但略嫌無咩椒鹽味。🔎乾炒牛肉河粉($50)河粉煙韌，唔會一夾就斷，牛肉份量唔少，調味方面就啱啱好，不過不失。我個人覺得炒飯比較出色，我一定會再買黎食~如果想食既朋友可以留意「軟飯王」既社交平台上既資訊。

之前睇蘋果訪問過呢個元朗叫嘅軟飯王炒飯已經超級想去食！可惜連續幾次都食唔到，第一次去嘅時候先至知原來Walk in要等一個鐘以上，因為太多熟客，而且得老闆一個炒，通常要預先打電話去落order🥲好👌🏼咁我第二次打過去啦，點知佢哋原來逢星期一放假，又食唔到😢連續幾次都唔成功之後今晚我終於食到喇😭因為佢係開5:30，我頭先真係乖乖提早6:00打過去，佢咁啱6:40有位我先買到㗎咋😅.呢間小店係響元朗大陂頭公園附近一間叫木頭車入面嘅一個外賣檔，入面有唔同嘅小檔口，軟飯王就係其中一檔，係由一對年輕嘅夫婦經營，至於點解會咁多人幫襯？冇他嘅，因為每個炒飯老闆都係逐個逐個用心去炒，睇訪問老闆每日只可以炒70個炒飯，工作勞損嘅關係佢中間曾經休息過一排，熟客詢眾要求下佢哋先至肯重出江湖，頭先去拎外賣嘅時候已經見到老闆繼續密密喺度炒，佢隻手仲戴曬保護手套🧤我諗係輔助令到雙手冇咁易勞損，所以呢啲真係辛苦錢嚟㗎。而老闆娘就響隔離幫佢備料落單收錢，好有夫唱婦隨feel，重點係一對夫婦服務態度超好，由我打電話落order到落嚟拎外賣佢哋都好有禮貌！👍我覺得而家係香港嘅食肆有咁好嘅服務態度實在少有，呢點真係要俾一百

聽講平時要早啲訂先食到今次好彩4:30當場訂 6:00一開就拎到即刻一碟碟咁炒起熱辣辣咁好有鑊氣可惜拎到翻屋企已經涷咗好多食落係高質茶餐廳嘅炒飯質素飯炒得粒粒分別 口感乾身唔油膩混入蒜粒 雞蛋 頗為香口不過豬扒略厭有啲乾身相對新鮮炒起一定仲正！

男朋友之前睇YouTube 見到介紹呢間野一直都好想試但就唔到時間同機會最近發現呢間原來係剪頭髮個頭附近4點幾去同老闆娘落完單 就去剪頭髮6點岩岩好就準時拎到野食一拎完已經聞到好香第一次試叫左必食既椒鹽豬扒炒飯另外仲有瑞士汁牛肉炒烏冬兩樣都超有鑊氣 炒飯粒粒分明 好香好香牛肉岩岩好 烏冬又係炒到好香 瑞士汁甜甜地 老闆娘話岩女仔食唔係好知用啲咩詞語去表達只可以話好食到第一次寫食評就比左佢另外可以叫套餐 應該係同隔離個間「蛋町」合作推出套餐加左無激素炸雞翼同煙肉爆漿玉子燒炸雞翼醃得好入味 拎到返屋企仲脆脆地煙肉爆漿玉子燒 一入落勁豐富既口感入面有好多芝士 有粟米 有煙肉 蛋係半熟 有流心既感覺 成個放入口超正好有驚喜男朋友已經諗定下次去要食咩

對上一次從外區入元朗，碰啱夜晚時段，可以叫炒飯，可惜嚟到才知要等個幾鐘至有。今次再嚟，學精了，六點打電話order八點有得攞。叫了招牌椒鹽豬扒炒飯，開盒一見，每粒飯粒粒分明，好香，食落好乾身，飯質地好好，而且豬扒好食之餘唔會有筋之類，值得推介。

我叫咗個椒鹽豬扒炒飯，諗住試下佢，點知一試就有驚喜。佢嘅炒飯夠晒鍋氣，而且飯粒粒粒分明，好乾身，一啲水份都無。你食每一淡都食得出一粒粒嘅米。而調味方面係恰到好處，加埋啲鍋氣簡直係一流。椒鹽豬扒方面，唔會太辣，對我呢啲唔太食得辣嘅人嚟講簡直係好好，而且夠晒入味，食極都覺得好惹味。簡單啲講，入得元朗想食宵夜，就一定要食！！！同埋呀，雖然我去到落order要等一個鐘，但個老闆同老闆娘服務態度好好，非常友善，會好尊重你同埋覺得會唔好意思，大大加分！

年青夫婦掌舵元朗著名獲氣炒飯。不要天真以為付款落單就馬上炒起可以拿走。我第1次碰釘後，第2次是下午5點半下單，被通知6點3可以取，我6點05分到店，結果6點10分就炒好給我。雖然要等，服務算是有安排有交帶的。我叫了客椒鹽豬扒飯。店主説若加XO醬(不另收費)味道較濃，所以我就不加。打開飯盒香味撲鼻，鑊氣的確是很足夠的。豬扒份量很多，口感10分之鬆軟。當然我不會錯誤預期這種豬扒會有豬肉味，但確是炒得十分之香也不會太鹹。店家下了挺多蒜頭去爆炒，也是挺合本人口味的。炒飯賣相十分之可人，加上蔥花後顏色鮮豔奪目。飯的軟硬適中，若再乾身一點會更好。難得的是蛋香不會被其他較濃烈的香料所掩蓋。只做外賣不設堂食。問準店主後我就坐在店旁通道上的膠椅進食，為的是不想炒飯拿回家後鑊氣流失。也因為鑊氣太猛，發泡膠餐盒最底一層的飯最好不要進食，以免把溶掉的發泡膠也一併吃下。其實餐牌種類不多，貴精不貴多吧，鑊氣新鮮才時其賣點。

呢間舖頭叫軟飯王，老闆好堅持分開炒每盒炒飯，即使我哋兩個人order咗兩盒一樣嘅椒鹽豬扒炒飯，佢都會分開炒，以保持每盒飯都係100分!晚上六點開門，炒飯製作需時又受歡迎， 所以我哋當日晚上打電話去預訂， 兩盒椒鹽豬扒炒飯 （50蚊一盒），大概一個鐘之後就可以拎。 嗰度係個小攤檔，冇得堂食，只係一個舖位分開租畀幾個小攤檔，所以要拎返屋企食。我哋去到見到老闆努力咁炒飯，勁有鑊氣，見到啲火升到半米高，真係犀利! 同埋呢度嘅飯係每日新鮮煲好㗎，所以舖頭擺咗唔少電飯煲，係比較細部個嗰隻，睇得出老闆對出品嘅質素有執著。 所以盒炒飯要等係非常合理!個舖頭由兩公婆經營，佢哋好有禮貌，好有誠意咁只想畀客人食到最好嘅嘢食。 購買嘅過程已有好好嘅印象，加曬分。 (之前報到訪問話老闆每星期都要睇跌打，因為炒飯令到佢有勞損，真係要注意身體健康呀!)拎住個飯盒返去嘅時候，雖然我戴住口罩， 但都聞到超級香，真係令人急不及待想快啲返到屋企食 ，或者喺條街度即刻食哈哈!返到屋企見到個盒蓋四角係有疏氣嘅地方，以免影響炒飯嘅質素，好細心。 一打開，真係好香好香好香呀! 而且豬扒份量極多! 50蚊一盒真係超級抵， 飯盒有堆蒜

前排睇到喱間鋪嘅訪問，見佢啲炒飯好吸引咁，而且老細堅持每盒飯都一個個咁炒，同我諗法好一致，咁先好食啲，就心郁郁去買黎食。不過想食個炒飯都唔易😹，17:30打去訂飯，都已經要19:20先攞到，超誇張。聽講老細日炒70盒飯，開6個鐘鋪，5分鐘要出到盒飯，真係好癲，完全冇得停。19:15我去到，諗住問下會唔會早炒好我個飯，但都係未炒曬，個老細仲分神同我講句唔好意思，好好態度。19:20真係準時攞到飯盒，真係勁。美中不足真係冇得堂食，只能外賣，超多人買完起出面街坐低食。.辣爆豬柳炒飯（$50）炒飯真係粒粒分明，啲料都炒得好均勻。豬柳香口，量多，唔乾。我就覺啲辣椒同蒜略嫌多左。.椒鹽豬扒炒飯（$50）炒飯都一樣，個豬扒就唔似椒鹽，好似係辣爆豬扒多啲。睇你想食完整豬扒定豬柳。

朋友幸運地打通電話，order左招牌辣爆豬柳炒飯及 瑞士汁炒豬扒烏冬。從落單直至取飯都等了3個小時，無相干至緊要有機會試。外面很多炒飯的飯粒都很鬆散，可能隔夜冷飯蒸得太耐發晒就是炒到一pat pat。軟飯王堅持用當日煲既飯，一排電飯煲全開，老板娘不時開蓋翻起白飯，好似跟白飯講（I'm watching you）辣爆豬柳炒到好香好入味，咬落啖啖肉，感覺仲正過食扒，食得辣既呢個必定推介！♡烏冬係女仕及小朋友至愛，甜甜地真係幾醒胃，不知不覺食晒真係下次叫打孖先夠。對於我這個九龍東人來說，沒有人介紹根本沒有機會試。鋪面只得果百拎呎，夫婦兩口子默默工作，男的不斷拋鑊不斷炒，女的左騰騰右騰騰，完全吃得出他們的心思。炒飯係老板起家之作，水準果然超乎想像，不過聽說老板每日炒野都有Quota，原因勞損關係，已經跟時間在競賽。老板，老板娘加油，我再黎元朗一定搵你。