軟橋米苔目餐廳 (已搬遷) 新店位置

從來沒聽說過米苔目是什麼東西，今天終於有機會衝着這有趣的名字來試一試。甫踏進餐廳，侍應阿姨已非常熱情地向我們推介食物，不禁令人想起台灣人的好客跟熱情。除了有跟店名一樣的米苔目之外，餐廳還有提供冬粉跟米粉。湯底的選擇亦都不少，由最普通的豬骨湯到方魚肉碎湯跟喇沙湯等，總有一款適合你的口味。餐廳也有多款小吃可供選擇，我們各人都點了一碗豬骨湯底的兩餸米苔目，還有兩份小食一起分享。不消一會，侍應阿姨便從廚房裏端出熱騰騰的米苔目。先嘗一口豬骨湯底，清甜不油膩。再來一口米苔目，原來這用米做的短身粉條，口感彈牙而且滑滑的很好吃，比較像米線的味道但更富彈牙的口感。兩款餸料雲吞跟豬肉片不過不失。小食方面，Q彈豆腐一如其名的爽口彈牙而肉餅的味道也不俗，煎出來頗香口。有機會的話下次也想來試試方魚肉碎湯底呢。

之前朋友食過話呢間D麵幾好食, 叫我去開深水埗可以試下, 剛開業不久的。今日行完西九龍中心, 便過黎試下, 好近。店內雖然唔係好大, 但環境好整潔同寬闊。服務員好熱心介紹店內食物, 對客人十分有禮貌, 好有親切感。價錢唔貴, 一碗麵廿十多元, 小食16元有交易。店內見到有冬粉食, 之前都未食過, 咪試下囉, 好似粉絲咁, 但粗小小, 較有口感, 個清湯底好清, 但味道好好, 飲完唔會覺得成口味精味, 豬腸肥美, 秘製味道好香, 味道較得好好。呢碗鴨肉冬粉上台, 舖排得好靚, 成朵花咁, 鴨肉帶鹹, 但帶出鴨肉的鮮味, 入口又唔會覺得肥膩, 同樣清湯底。藥膳雞腳用上藥材煲, 雞腳軟腍帶有藥材既香味, 個湯好正, 所以最後飲埋落肚, 不覺得有味精既感覺, 一D都唔口渴。呢個肉餅煎至金黃色, 皮好脆口, 肉餅帶鮮味, 好香口。飲品不錯, 唔會好甜。

平時真係好少出深水埗, 到鴨寮街買完野有d 肚餓，諗緊食咩ge 時候，就見到依間食台灣米苔目ge 小店。台灣野就食得多，米苔目? 真係未聽過@@ 見到入面又幾多年輕人食，價錢ok，就試下啦。同朋友兩個人都好肚餓，每人一碗面之餘，更叫左兩個小食。我叫了鴨記冬粉湯，清清地，挺合我口味。冬粉食落似粉絲，適合喜歡粉絲ge朋友。朋友叫了個喇沙雲吞鴨肉米苔目，湯底幾濃偏鹹，偏適合重口味朋友。蒜泥白肉，不太濃味，合我口味。秘製豬大腸，很好吃，必食! 鹵得很入味，很腍，蘿蔔也很甜，無渣。

Went all the way here to try the tofu but they didn't have it, so ordered other stuff instead.I am glad the herbal chicken feet soup made up for it because there were lots of herbs and it had a sweet strong taste.There was a good variety of drinks in the cabinet like green tea coke, marble sodas etc.Tried their crispy meat cake which is like fried sausage meat probably made with mince fat and stuff.As for the noodles, the duck noodle was ok but the laksa was too spicy and their homemade noodles

係深水埗鴨寮街陪屋企人買,行到好攰,係地鐵站過d就見到呢間餐廳,都算係呢條街既獨市。入到走見到餐廳原來主打米苔目, 而且店員都會走過嚟講下有咩好推介 好窩心叫左碗蕃茄湯米苔目加豬肉,扎肉的份量頗多,又大片, 呢度個蕃茄湯底 番茄味非常濃郁 又帶點酸 非常開胃。米苔目本身配豬骨湯底,可以選擇沙爹,酸辣,麻辣,方魚肉碎湯底。米苔目是台灣的一種粉條,米苔目每條短短的米苔目質感煙un,有米香,有d彈牙,食落好有新鮮感,似狗仔粉一條條，食落有口感。麵條都由每天手制,非常新鮮。麵條除了米苔目外，還可選拉麵或米缐。但來到這裡當然要吃米苔目啦～另一碗叫左方魚肉碎湯底牛肉韮菜餃,牛肉肉質淋,每片好大塊,方魚肉碎湯底味道都幾出。湯底不辣, 充滿魚香,香得來又清甜。叫咗兩個小食 家鄉脆皮肉餅涼拌皮蛋家鄉脆皮肉餅$16多塊脆皮肉餅,好平單靠看不知道係肉餅,睇落似係魚蛋片，家鄉風味果然唔同。外皮煎得非常脆可口，唔會太乾身,入口外脆內軟,好彈牙。涼拌皮蛋$16味道濃厚,帶麻辣味道,蒜味岩岩好,好惹味，入口涼涼,皮蛋心入口即溶 另外呢間餐廳有好多嘢飲選擇 豆漿 ,汽水不在話下 ,仲有櫻花味汽水 ,波子汽水仲要係好特

黎深水埗以後有新落腳點！黎自台灣既地道米苔目～質感QQ , 形狀好似狗仔粉食落好彈牙～煙un ! 呢到既米苔目好有米香，好似之前係台灣食既味道！要讚既係豬潤！十分十分新鮮！ 食落好滑！ 1d 都唔腥！ 份量都算好多另外好想極力推介台灣貢丸，入面真係好多冬菇同埋豬肉味好香濃見到台台都叫佢個招牌豆腐我哋都唔執輸啊大大碟都只係買＄18一咬落去佢個質感好突然唔似平時啲豆腐咁樣反而有啲似玉子豆腐但係彈牙嘅質地另外叫咗滷水雞翼滷水味超入味其實見過色澤都覺得好正腎片好爽口雞翼好琳入晒味，做到骨肉分離，正！

今次係2017年第一個中同小敘舊👭，由於近排食得西餐多，於是就決定食d特別既野。左揀右揀，我地最後揀左呢間台灣特色小店，因為見食評唔錯，而且想見識一下咩係米苔目。雖然小店地方不大，但枱與枱之間有足夠空間，又夠光，感覺幾乾淨舒適。我叫左碗苔目，fd叫左碗淨水餃。我地交換左d黎試。fd都話我碗米苔目幾好美又特別，下次會叫呢樣。由於我地午飯食得唔多，仲有Quota，見d小食幾平，好多都係十幾廿蚊，於是再叫左3樣小食share。總括而言，呢間小店性比價幾高，米苔目同小食具特色，環境又比一般茶餐廳企理乾淨，算係一間有誠意既小店，值得一試😜。

早前的一個晚上, 我和朋友在深水埗經過一間米苔目餐廳, 立刻被它的名字吸引了, 便進去吃晚餐。米苔目這個名字真是第一次聽, 後來才知道它是麵的一種，是台灣著名的風味美食, 每天也是新鮮手打。我和朋友每人點了一碗湯米苔目吃， 再配上不同的配料。 我的配料有唐生菜、貢丸、豬潤、冬菇。米台目的質感彈牙, 外貌有點像銀針粉和狗仔。另外我們亦點了一碟軟橋招牌Q彈豆腐。豆腐的外皮被炸過, 豆腐挺滑的。最後我們亦叫了一碟麻糬一起分享。

今日係平安夜，今晚"百冇"。沒有平安夜大餐，沒有自助餐，沒有平安夜party，只係諗住行到邊度就果度食。深水埗以為平安夜會少人行，原來一樣咁多人，同平時冇咩分別。鴨寮街兩旁原來都有好多食肆，可惜既係比前面既排檔遮住，令到好多人都唔知餐廳既存在。隨意咁入左一間，個名都幾得意，米苔目。原來米苔目係源自台灣，而餐廳除左食米苔目，仲有好其他小食，而且價錢唔貴。香煎家鄉脆皮肉餅 $16$16 勁多塊脆皮肉餅，真係可以用超值形容。入口外脆內軟，而且肉餅唔會太厚影響左個口感。蒜泥白肉 $28同平時食開有少少唔同。可能本身同左店員講唔好咁辣，呢碟蒜泥白肉溫和，易入口得多，而且又不失辣既感覺，都幾岩自己食。雲呑香菇貢丸米苔目 (方魚肉碎湯底) $38所謂既米苔目其實係似狗仔粉 / 銀針粉，一條條，幼幼地，食落比銀針粉更有口感，都幾特別。方魚肉碎湯底其實個味道都幾出，有時食蠔仔粥都會食到呢個湯。雞肉墨魚丸米苔目 (酸辣湯底) $38同樣都係米苔目，不過就揀左酸辣湯底。辣湯既顏色都幾討好，揀左少辣，不過已經辣得幾刺激下。其實米苔目襯番酸辣湯底都幾唔錯。日本士多啤梨波子汽水 +$10日本櫻花可樂 +$17雖然

軟橋米苔是這間店的主打來到這間店舖點可以唔試下米苔是一種出名台灣食品條條短短軟軟的米塔配上濃郁辣辣的喇沙湯底使每一口麵苔也是香濃的口味加上豆卜可以吸曬喇沙湯底的味道所以好滋味水餃跟雲吞也是店主親手用韭菜及肉碎包製水餃每隻都肥大肉厚可以一試蒜泥白肉可以給不同辣味選擇 有分大辣中辣及小辣 唔食辣的朋友也可以嘗試一下 蒜泥白肉 每一片也切得薄薄油脂分佈平均 可以每一片都可以包著濃濃的蒜味及微微的辣味是味道岩岩好是一個好味的選擇

行完鴨寮街又係時候去醫肚講真成個深水埗依家越開越多餐廳不過有啲餐廳已經追得上中環銅鑼灣嘅價錢了不過今晚想食得清少少唔想食咁多肉所以就揀咗呢間雖然個鋪面好似細細咁其實入面都幾闊落嘅台灣米線店見到呢度有好特別嘅冬陰公湯底所以要加錢都即管試一試另外就揀咗墨魚丸同埋雞肉面類就揀咗呢度招牌餸就叫米苔目呢度個湯底都好濃郁雖然唔係好似泰式冬陰公湯底咁有晒海鮮同埋芽菜同其他配料不過飲落口個味道都非常之似而米台目就係比較似淋啲嘅銀針粉再配合埋個湯底都非常之特別因為可能之前未試過用冬陰公湯底再配面類咁食小食方面就叫咗一款叫Q彈軟滑豆腐原來呢款叫Q彈腐真係好彈口可能加入類似魚漿做法去做呢款豆腐食落口出邊係椒鹽二入面嘅口感就好似食緊魚蛋咁用嚟送米線非常一流最後再叫多個香脆肉餅香脆可口可以一試

係深水埗見到呢間個名好特別的台灣食店，於是就好奇入去試一試。店子光猛明潔，牆上貼著人氣食物圖以及報導，有圖有真相，方便大家睇住嚟叫野食。望一望餐牌，好多唔同種類的配搭，湯底都有幾種，令人心大心細，再加上有小食，簡直想試曬咁多款呀！！佢地都有好多特色的日式汽水，見到有櫻花可樂，好特別喔，無飲過，就叫嚟試下。飲落去呢可樂味唔太重，反而似乳酸飲品，唔太甜，都幾好味。個玻璃樽仲好靚tim。方魚肉碎湯底加上鮮冬菇和自制雲吞。奶白色的魚湯清甜鮮美，配上煙un的米苔目十分配合，一點都唔會濃味。由於米苔目有米的成粉，所以好易有飽肚感。雲吞的味道都好食。我同朋友人仲叫左三個小食，第一個係招牌Q彈豆腐，面上撒有孜然粉增加味道層次。豆腐係炸好的，咬一口，以為入面係平時食開果種滑溜溜的，點知錯了，佢真係好彈牙，似食魚蛋咁，第一次食到呢種質感，味道剛剛好，好好食，我同朋友清曬，哈哈。第二個係花雕雙豬脆，有豬耳同豬脷。花雕的份量剛剛好，唔會太濃但都有陣陣酒香，唔飲酒的人都可以接受到。兩樣都好爽脆，加上芝麻粒，好香口。第三個係涼拌皮蛋，我地叫左小辣，份量都好大方，辣辣地好開胃，皮蛋又夠香，但我都覺得辣左少少，喜歡食

米線控🤘🏻 喇沙控🤘🏻————————————————————✏️ 深水埗新開既台灣米線店😍 湯底有沙爹、喇沙、麻辣及酸辣可以選擇🤓 喇沙聞落去好香！不過食落味道淡d 不過夠辣 小食個皮蛋好食過譚仔❤️ Q彈豆腐好彈牙幾正～ 其他就普通 米苔目食落去比較稔 都係比較喜歡彈牙既米線多d~ 不過成日食譚仔都想轉下口味

我見到前幾日有人post依間舖頭d野食好似好吸引咁 , 所以特登去試下我坐地鐵去一出C出口右手邊對面內街一直行就見到啦 !!! 一入到去坐底有個好熱情嘅姐姐叫我隨便坐 , 我見有樣叫米苔目好得意問係乜,老細好有耐性咁介紹我知原來係佢地嘅招牌粉黎 .. 我就叫左個墨丸,雞肉,木耳絲 3樣餸嘅酸辣米苔目同一個Q彈豆腐 , 等緊野食期間周圍望下地方好乾淨舖頭入面仲有廁所tim !!! 因為大部分小店嘅廁所多數係巷仔 .. 野食黎到d餸分量算多d雞肉係雞片唔係雞絲個木耳絲同個酸辣湯底夾埋一流仲要d米苔目咬落軟得黎有d好似食粉圓嘅質感個Q彈豆腐黎到熱辣辣食起上黎有d魚肉嘅味道好得意但係一d都唔油 !!! 食得出老細好俾心機👍🏻之後有個突然嘅驚喜一定會再黎 !!! 仲唔到深水埗竟然會有間又好味又乾淨d人又有禮貌嘅小店 , 值得推介

去過台灣無數次，但居然第一次食米苔目係喺香港呢度嘅形式好似平時嘅米線店咁，揀餸揀湯底再加小食同嘢飲飲品我揀咗［櫻花可樂，$17］見好特別所以點，飲落唔覺有櫻花味，反而係似可樂糖味米苔目我就揀咗［金菇、木耳，配麻辣湯底，$38］俾餸俾得好大方呀！金菇木耳鋪滿哂個麵面！而湯底嘅麻同辣比例都拿捏得十分好，唔似有時食到嘅只辣不麻米苔目非常煙韌有咬口朋友叫咗［貢丸、雲吞，配方魚肉碎湯底，$38］湯底有好鮮甜嘅方魚味，一啲都唔腥；貢丸彈牙，雲吞鮮味另外當然仲有叫小食［麻辣豬潤，$38］豬潤處理得好好，又腍又唔腥加上麻辣醬汁，非常惹味［招牌Q彈豆腐，$18］雖然佢其貌不揚，但其實佢咬落好彈牙，似台灣食到嘅百頁豆腐表面有類似七味粉，食落非常香口［涼拌皮蛋，$16］濃濃嘅香辣醬汁同皮蛋係絕配，皮蛋心更加入口即化［蒜泥白肉，$28］蒜頭好新鮮嗆辣，加上微辣醬汁，惹味非常半肥瘦白肉亦片片都薄身，點滿蒜泥汁好好味到最後我哋叫咗件［嘉義麻糬，$9］一半黑一半白嘅麻糬，愈睇愈似細個養嗰隻倉鼠…好可愛！入面係菠蘿味忌廉同紅豆餡，味道創新但又好夾！而個麻糬皮呢，咬落唔似平時食到嘅大福咁煙韌糯軟，而係煙韌中帶少少爽。黑