軟橋米苔目餐廳 (已搬遷) 新店位置

一向都喜歡光顧非集團嘅食店，覺得會更有情味道又會更好同貨真價實，今晚我就食左一間好店。先嗌左個方魚肉碎湯底嗌左豬潤同鴨肉，要冬粉，吾多舖有得食冬粉嫁。另外仲點了皮蛋。先上皮蛋，凍食嘅，辣度適中，好惹味，味道我覺得比出名連鎖店更好食，而且又價錢平，吾錯。再嚟就係我的魚湯冬粉了，湯底好清甜，奶白色嘅湯底一睇就知落左好多料去煲，而豬潤口感好彈牙，爽口，應該好新鮮，而且份量好多，鴨肉食落好嫩滑，又吾會un，冬粉連湯底食好正，吸左湯底，而且好大碗，男人食都覺飽丫。整體感覺幾好，價錢平，環境乾淨，服務都好好，會再嚟。

去左深水埗陪男友睇模型，就去左附近食左呢間軟橋米苔目餐廳，入到去，好乾淨整齊，燈光充足，店員有禮招呼，我地慢慢睇menu。原來米苔目係台灣嘅一種食物嚟，我都係第一次聽咋，之後就選好料同湯底，仲嗌左個醋蕃。湯底有好多選擇，泡菜湯底，蕃茄湯底，沙爹湯底，方魚肉碎湯底，麻辣湯底，仲有我選嘅，酸辣湯底，又有辣度選擇，我選了小辣。先嚟酸蕃，加了葱蒜，又加左醋，酸酸地好好味，又好香口，另外蕃茄切得厚度適中，好味。吾洗好耐就有得食我碗粉，好大碗我嗌左冬菇，豬潤，韮菜餃，仲有好多菜等配料，而米苔目好得意，一條條細細條，我突然諗，有時見到d媽媽將條面剪成一小小條俾自己嘅小孩食，其實呢選面好岩佢地食，因為又細條又較軟身，都幾好食，湯底小辣對我嚟講岩岩好，好惹味。豬潤好彈牙，好新鮮，冬菇吸左湯底都好正，韮菜餃包得好大隻，用料十足，好味道。飲埋杯蜂蜜蘆薈茶，好舒服，岩岩好，平民價，食到好滿足。

行開深水埗, 記得朋友推介過這裏一間吃台灣地道米粉的店子。吃台灣菜! 岩晒我, 一於去醫下肚。店子門口小小, 大大個黑底白字的招牌高高掛在正中央, 都幾搶眼。門口擺放了一塊給長者們的大優惠牌子, 看來是一間良心小店, 值得推介。走進店內, 環境光猛, 地方整齊企理。近門有三枱二人枱, 內裏設有一排面牆的單人枱, 還有兩張大圓枱, 座位不多。牆身貼滿大大張的食物相片, 相當吸引, 亦貼了有關店子的報導, 我就在等食物上枱時逐一細閱, 從而對米苔目略知一二。究竟它是乜東東? 原來它的名字是由台語譯而來, 是台灣著名風味美食, 一種台式粉。先看看餐牌, 有湯米苔目系列、滋味小食和飲品, 店子雖小, 但選擇都不少。湯米苔目有店子預設的口味, 每碗$28, 非常抵食。若然不想被限定, 自由配搭餸菜又得, 好似車仔麵咁, 任選2款餸$35, 想豐富一點, 另加餸, 每款$7, 同樣經濟實惠。不單止餸菜有得揀, 連湯底都有得選擇, 原本是豬骨湯底, 加錢可選其他湯底, 變化多多, 看到大廚的心思。******************************除米苔目外, 還可轉拉麵、米線、冬粉、湯飯或

到深水埗買手作材料，來來回回行了不少路！我尤其鍾愛食粉麵，記得上次食過台式米苔目，彈牙肥嘟嘟，驅使我今次再來一試。一段日子沒有來，滿滿都是人，非常熱鬧。看看餐牌，增添了不少新食物！豬潤扎肉韮菜米苔目(鮮茄湯底) - 滿滿的餸菜，排得很整齊！小飲一口鮮茄湯，新鮮濃郁不顯渴，酸酸的味道很醒胃！扎肉質感厚身，肉味適中毫不顯咸！豬潤洗得乾淨，切得薄薄又平均，食落爽口不會顯得太實身！韮菜餃 - 店舖自家包制，體積的骰可愛！皮層厚薄度做得不錯，縱使滿滿的韮菜餡塞在餃子皮裡，都不會太易穿掉。米苔目- 短短而又肥嘟嘟，非用匙食不可！質感滑身彈牙，配上湯底一併食，真的很不錯喔！麻辣牛肉 - 充斥著香香的辛辣醬味，肉面滲上配菜絲及芝麻粒，更加惹味。牛肉質感不嚡，容易咬掉！蜜瓜味波子汽水 - 味道不算太甜，鬆鬆氣的不二之選！

Lunch唔知食咩好既時候，就求其入左間餐廳，以為係食米線既，點知原來係食台灣"米苔目"，同米線差不多不過就短身既，好似幾特別咁豬潤好好食，好爽口，而且係厚身！如果中意食豬潤既一定要點打到呢到已經好掛住佢地既豬潤。湯底我嗌左方魚肉碎湯底，幾清唔會太咸，老闆話冇加味精喎，岩哂我呢啲懶健康既吃貨藥膳雞腳好淋，而且好平咋，份量都岩岩好，適合細食既女士們，而且仲可以補充滿滿的膠原蛋白蒜泥白肉好入味，香味四溢，而且帶點麻辣，不會太辣。皮蛋夠香，而且好qq，正值得一讚既係老闆推出左長者咭專享$9蚊雞米粉，好有善心

深水埗不嬲出名多又平又好食既平民餐廳，今次就黎左試呢間食台灣米苔目既餐廳，佢同米線有啲似，不過佢唔係長條型，而係一粒粒。佢既湯底有好多選擇，最特別既係冬蔭公，泡菜，同方魚肉碎湯底。而我地就選擇左方魚肉碎湯底。我要左冬菇，海帶，墨魚丸同木耳。湯底清清地，唔會冇味又唔會太咸，有魚味。朋友要左豬潤，貢丸，海帶。佢表示豬潤好爽口好好食。藥膳雞腳，味道偏淡，不過炆到好淋。蒜泥白肉好好味，好香，必點。皮蛋好Q彈。整體黎講係一間性價比高既餐廳。

深水埗係男人勝地，鴨寮街更加係佢哋嘅購物大道今日就陪男人去鴨寮街買電話卡，仲有為佢iPad揀靚衫。我自己就鍾意行大街，但男人就係偏偏鍾意捐窿捐 lar, 點知行到街尾又俾我哋見到間好特別嘅小店之前都有見過雜誌介紹 米苔目頗有台灣風味❤️感覺上就係狗仔粉啲friend而且仲非常抵食！湯米苔目都只係賣 $35 。可以揀豬骨湯底配兩款餸，我就揀咗牛肉同埋雲吞。but我真係好想試吓轉喇沙湯底，都係加＄10咋已經可以配埋豆卜同埋金菇。湯味濃郁到不得了。人手製作的米苔目，更加係彈牙煙靭湯底有少少辣，豆漿 $10 最解辣！之後再辣過，追加麻辣牛肉 $32，鍾意食小辣嘅我，覺得麻得來好刺激。一定要試，入口即化。口感超級特別，咁彈滑嘅牛肉最後男人突然間浪漫起來，兩顆甜心 $18，這個甜品真不錯Very full 下次希望可以試吓個藥膳雞腳吖

有時候不一定慕名而來，隨處走進一條小巷，聞到美食香氣，沒甚麼計劃的聞香而進，那刻的感動往往勝過高級餐廳，不妨隨心來一碗看似簡單卻不簡單的米苔目。米苔目粗細不均，有著特有的樸實，口感相當滑彈，說它彈牙一點也不為過。配搭方魚肉碎湯相當到位，那一口清鮮香的魚湯很迷人，亳不遜色。雲吞內餡菜肉合一，味道清香，口感很特別，稍微咀嚼一下，讓它散開，輕鬆入胃。雲吞皮非常薄，大小拿捏得很好，肉汁與新鮮爽脆的蔬菜形成出色的雲吞協奏曲。牛肉只用鮮湯汆燙，完全沒加入調味，全靠本身自然鮮甜，肉質吃起來新鮮軟嫩又不會過於老柴。金菇非常潔白漂亮，營養滿分外，鮮美的味道更是令人著迷。一段時間沒光顧，最近小食方面好像增加了不少，之前好像沒有#藥膳雞腳 的🤔剛剛辛苦了雙腿，當然要滋補一番。雞皮跟雞骨頭很容易就分開，不費吹灰之力就可以把骨頭跟肉分開來，飄出淡淡的#紅棗 及藥材香氣，再咬雞腳時，也有雞汁裡頭流出來。藥膳湯汁沒有藥膳的苦澀味卻有藥膳的香甜味，精華盡在此湯，這養生小吃只賣十九元便宜得很，又能補充骨膠原。秘制豬大腸處理得很乾淨，滷得很入味。給的份量相當相當的多，切得也較大塊，口感香嫩，味道也很濃厚富嚼勁，非常好吃。

早幾日路過黃金電腦商場看看有冇筍嘢買，跟著再去鴨記看看地攤有冇嘢執，行咗一輪肚仔餓又係搵食時候，俾我見到一間類似米線之類舖頭又見有D小食吃，於是就入去試試味道如何看餐牌上有幾多款式，仲可以轉特制湯底，梗係試試味道如看，如來D麵叫米苔目係台灣特色手打麵，咁我點咗湯米苔系列要豬腩肉&墨魚丸，湯底要泡菜湯底，買相唔錯份量十足腩肉大塊又夠爽，麵條係一節節食入口幾彈，止於湯底飲入口由不算太辣幾開胃，整體仲好食出面果D米線舖，之後再叫小食香煎家鄉脆皮肉餅炸得唔錯，厚度適中入口啖啖肉又香脆再來杯凍檸茶咁就完美

放工去深水埗行腦場買東西後，行埋鴨寮街，本身想行過去西九搵食時就看見這間店，唔使上上落落，由外面望入店舖內都感覺整潔乾淨，又光猛，一於入去試吓啦！望吓餐牌主要係食湯米苔目，起初以為同米線差不多，點了個湯米苔系列$35，可以選擇兩款配菜，就點了牛肉，同韭菜餃，另外加了$3由豬骨湯底轉成沙爹湯底，同埋跟餐重可以加多$7點埋凍飲！除了叫了個湯米苔目系列外，還加了個軟橋招牌Q彈豆腐$19，先上枱嘅食物就係佢，以為只是炸豆腐，入口後發覺好特別，煙韌彈牙，有啲似魚腐，而又有豆腐嘅味道，感覺唔錯！望到人地叫了個涼拌皮蛋$19，認唔住都叫埋，個味道真係唔錯，啲皮蛋係流心，重要係唔會有啲皮蛋嘅怪味，配埋啲蒜泥，同辣椒，真係超級美味，喜歡吃皮蛋嘅係必吃之選！個湯米苔到了，湯底真係超級濃郁，充滿沙爹味，湯中會發現湯底有好多沙爹湯嘅花生粒，就個湯已經好香濃，正！而牛肉好嫩滑軟熟，加埋沙爹湯入口，一啖湯一啖牛肉真係好好味，而韭菜餃皮薄，餡料十足，而最特別係個米苔目，原來同米線個感覺真係唔同，米苔目較短身，唔係一條條好長身，可用匙羹加埋濃湯入口！價錢合埋，街坊價錢，抵吃！食得多過橋米線嘅可以幫襯一下米苔目，轉下口

深水埗鴨寮街真係好多嘢賣，只要耐心㨂，分分鐘買到又平又正嘅嘢!行到攰見到有間細細地吾多起眼嘅麵店，就入去食碗麵！入到去先知，原來搵到寶，係唯一賣米台目的店鋪仲有報紙介紹過添，我懵查查咁就試到，今日真係好彩價錢仲吾貴添！好似車仔麵咁叫法，兩餸麵$35,我㨂豬肝，韮菜餃米台目沙爹湯豬肝好爽好滑，大大塊，好有口感米台目形狀似以前食嘅狗仔粉，但口感則不一樣，煙韌和滑好多，難怪報紙雜誌都有介紹啦小食都係十幾蚊就有一碟，麻辣青瓜少少麻，酸酸辣辣，好醒胃花雕醉香豬雙脆，是豬耳和豬脷$19就食到，真係超值想食麻糬，點知賣晒，好嘢真係多人食，唯有下次先食啦！還好，仲有兩顆甜心，糯米糍夠煙韌，吾太甜，食埋飽飽食咁多嘢，一百蚊有找，抵值得一提，老闆好照顧街坊，俾長者優惠$9一碗米粉，俾100個

米苔目據說已有50年歷史，以再來米加入少許蕃薯粉，製成香Q的米台目，香港暫時只一間，我都是睇雜誌推介才知道，相信一定好味道才維持人氣不墜的原因。於是今天慕名而來牆上掛滿美食的精美圖片，睇見都口水直流價錢相當實際，款式都不少呢兩餸米台目都是$35豬肝大大塊，爽口嫩滑，煮之前功夫做了不少，才能有這樣的口感呢腩肉薄切，爽口味美，咬落一點也不怕肥，只覺是爽口米苔目是條狀，雪白晶瑩QQ軟軟的模樣非常可愛，煙煙韌韌，口感很特別，把一條條的米台目放入湯匙，加點湯一齊食就最好味雲吞淨食$28有十二粒，真的超值一口一個，餡有菜有肉，新鮮人手包，不消兩分鐘就給我KO了還有不少小食，這款最吸引我即叫即炸，熱騰騰的，上面灑了些七味粉，更加美味，外香內軟，入口真的Q彈，$19有六塊呢加$10可配飲品，我選了蜂蜜紅棗茶，味道不太甜，有陣陣的紅棗香味老闆真有意思，能讓長者受惠，良心企業，值得一讚

食得多米線，有時都想試下其他，今次食左種叫"米苔目"既粉麵。1.湯米苔目 $35(豬骨湯底+包2款餸，另加餸每款$6)*選冬蔭公/沙爹/酸辣/麻辣/鮮茄/方魚肉碎湯底 +$3分數：7.5/10味道：米苔目😳？係一種台式粉，由台語譯音譯過來，望落有啲似狗仔粉咁，咬落就有啲似烏冬，煙煙韌韌.試左冬蔭公湯底同沙爹湯底，前者一定要配酸菜，就會夠哂酸再帶微辣，頗為開胃，而後者則有小小似喇沙，唔係SK想像茶餐廳果種沙爹，較為稀左小小2.香煎家鄉脆皮肉餅 $16分數：7/10味道：大家對肉餅既了解一定係一大舊，呢間店就選擇用一片一片上，一碟七八片都幾多，男仔食實夠飽👌🏻🤘咬落去都啖啖肉，肉香味都幾濃，但SK就覺到薄左少少。3.軟橋招牌脆皮豆腐 $18分數：8/10味道：豆腐？魚腐？SK 食落去覺得口感好似魚腐，不過就真係無乜豆腐味，可取之處係油而不膩！面頭有層七味粉，有畫龍點睛作用！

話說，今日有朋友whatsapp我，約我哋今晚去食米苔目，仲話好好味添！好似我A姐呢啲見多識廣嘅竟然唔識係咩嚟，一於Google下先得！From 維基百科：米篩目源於廣東梅州大埔一帶，因為兩端尖，形似老鼠，客家人慣稱粉為「粄」，因此稱為老鼠粄。後來傳至台灣及馬來西亞，當地客家人稱為米篩目，是指製造時把粉團經過篩子般的擦板，從洞眼中搓出粉條。由於閩南語「篩」近似「台」，在台灣坊間又常作米苔目。於馬來西亞稱老鼠粉，也作米台目。老鼠粄也傳至香港，因「老鼠」之名不雅，當地人以粉條兩端尖，狀似銀針，稱為銀針粉。哦！原來米苔目即係銀針粉。好啦！嘅然講到咁好味，一於去試試先！位於深水埗鴨寮街，兩旁都係賣緊電子零件，門面細細嘅餐廳，如果一吓唔留神，真係行過咗都唔知。不過餐廳內部面積又唔細，空間感仲十足添。店內貼滿雜誌嘅介紹，原來老闆曾經去過台灣學師，難怪店鋪都有地道嘅台式風格，夠哂簡單樸實！蒜泥白肉分為大辣、中辣同小辣，我哋叫咗中辣，每一塊嘅白肉都充滿蒜味同辣味，但同一般嘅蒜泥白肉唔同，口味唔算好濃，食飽再kiss kiss都無問題。香煎家鄉脆皮肉餅兩面都煎到金黃色嘅肉餅，煎得好脆，仲有好香豬肉味，但

又去深水埗做野，lunch時間又到，當然唔少得去軟橋米苔目餐廳食返碗大大碗既豬潤鴨肉米苔目米苔目口感又似狗仔粉又似幼身既銀針粉，口感非常唔錯，都幾好食嫁，豬潤淋得黎又好爽口，鴨肉一d都唔韌好有肉味，湯底唔會太濃郁，清清地得黎又夠味，唔會覺得淡口，加埋蔥花既香味，都幾好食，最值得一提就係呢到既辣椒油好夠香又夠辣，食得辣既朋友真係要試下!飲品呢到值得推介就係凍奶茶，濃濃既古早味好香滑，茶味又夠晒濃郁，黎得呢到真係必飲之選!