影片
更多
2016-12-25
159 瀏覽
係深水埗見到呢間個名好特別的台灣食店，於是就好奇入去試一試。店子光猛明潔，牆上貼著人氣食物圖以及報導，有圖有真相，方便大家睇住嚟叫野食。望一望餐牌，好多唔同種類的配搭，湯底都有幾種，令人心大心細，再加上有小食，簡直想試曬咁多款呀！！佢地都有好多特色的日式汽水，見到有櫻花可樂，好特別喔，無飲過，就叫嚟試下。飲落去呢可樂味唔太重，反而似乳酸飲品，唔太甜，都幾好味。個玻璃樽仲好靚tim。方魚肉碎湯底加上鮮冬菇和自制雲吞。奶白色的魚湯清甜鮮美，配上煙un的米苔目十分配合，一點都唔會濃味。由於米苔目有米的成粉，所以好易有飽肚感。雲吞的味道都好食。我同朋友人仲叫左三個小食，第一個係招牌Q彈豆腐，面上撒有孜然粉增加味道層次。豆腐係炸好的，咬一口，以為入面係平時食開果種滑溜溜的，點知錯了，佢真係好彈牙，似食魚蛋咁，第一次食到呢種質感，味道剛剛好，好好食，我同朋友清曬，哈哈。第二個係花雕雙豬脆，有豬耳同豬脷。花雕的份量剛剛好，唔會太濃但都有陣陣酒香，唔飲酒的人都可以接受到。兩樣都好爽脆，加上芝麻粒，好香口。第三個係涼拌皮蛋，我地叫左小辣，份量都好大方，辣辣地好開胃，皮蛋又夠香，但我都覺得辣左少少，喜歡食
係深水埗見到呢間個名好特別的台灣食店，於是就好奇入去試一試。
店子光猛明潔，牆上貼著人氣食物圖以及報導，有圖有真相，方便大家睇住嚟叫野食。望一望餐牌，好多唔同種類的配搭，湯底都有幾種，令人心大心細，再加上有小食，簡直想試曬咁多款呀！！
佢地都有好多特色的日式汽水，見到有櫻花可樂，好特別喔，無飲過，就叫嚟試下。飲落去呢可樂味唔太重，反而似乳酸飲品，唔太甜，都幾好味。個玻璃樽仲好靚tim。
方魚肉碎湯底加上鮮冬菇和自制雲吞。奶白色的魚湯清甜鮮美，配上煙un的米苔目十分配合，一點都唔會濃味。由於米苔目有米的成粉，所以好易有飽肚感。雲吞的味道都好食。
我同朋友人仲叫左三個小食，第一個係招牌Q彈豆腐，面上撒有孜然粉增加味道層次。豆腐係炸好的，咬一口，以為入面係平時食開果種滑溜溜的，點知錯了，佢真係好彈牙，似食魚蛋咁，第一次食到呢種質感，味道剛剛好，好好食，我同朋友清曬，哈哈。第二個係花雕雙豬脆，有豬耳同豬脷。花雕的份量剛剛好，唔會太濃但都有陣陣酒香，唔飲酒的人都可以接受到。兩樣都好爽脆，加上芝麻粒，好香口。
第三個係涼拌皮蛋，我地叫左小辣，份量都好大方，辣辣地好開胃，皮蛋又夠香，但我都覺得辣左少少，喜歡食辣的朋友可能比較鍾意。
是日特別甜品是嘉義麻糬，黑白兩色好似熊貓咁得意，白色我食唔出咩味，黑色就係黑糖味，餡是cream同紅豆，質感似大菜糕，又唔會好甜，幾好幾好。
一顆心，都係麻糬，不過就變左紅豆餡同加上棉花糖，情人食就十分sweet啦小店消費很經濟實惠，而且店員又nice，有機會再試其他食物啦
張貼
