軟橋米苔目餐廳 (已搬遷) 新店位置

今日我出去買電子零件就去左深水埗，剛好經過一間米線的食店，跟住見到貼住情報有介紹，咁我地就入去食啊。我地坐低無耐，老闆娘就問我地之前有冇食過，跟住我哋就話冇食過，佢就好有禮貌介紹我哋食嗰個叫做米苔目米線。兩個餸菜，要35蚊，另外叫咗一個全日餐，自製韭菜餃米粉，要28蚊，再加一個醉雞汁豬雙脆，要廿二蚊，有豬耳仔同豬舌。今餐加十蚊就有特色嘅臺式飲品，咁我地就叫左杯 凍嘅蜂蜜蘆薈。咁首先講一講第一個米苔目米線啊，咁我兩個餸就要豬潤同埋腩肉。湯底呢我就揀清湯，即係祕製豬骨湯。佢餸菜份量就唔算太多，豬潤嘅分量呢都算唔錯但系腩肉嘅份量就少咗啲啦。湯底呢，味道唔錯。佢相比譚仔嚟講呢味精啦應該比較少嘅。碗粉賣35蚊，就係食佢嘅米苔目米線。去相先~米苔目米線(豬潤,腩肉) $35 米苔目米線(豬潤,腩肉) $35 喺我個角度，我覺得米苔目嘅外形，就好似銀針粉一樣，分別就系銀針粉係透明嘅，而米台目呢就系乳白色。食落去感覺呢就似狗仔粉，不過佢比狗仔粉就硬身少少。佢係咪臺灣地道嘢我就唔系好清楚啦，但係味道呢的確唔錯嘅，佢仲標榜全人手製造，淨系搓麵粉都要搓半個鐘，咁35蚊就正常價錢啦。另外就食咗個全日餐28蚊，

麵係我既主食,平時吾係食米線就係公仔麵。聽到朋友推薦有間係食台灣米苔目,個名好似幾得意,又未聽過就走試下。入去揾左個對牆位,就坐底叫左個招牌米苔目同小菜食,發現牆有放米苔目既報道同介紹,睇落先知係全人手製作,期待感又多左。 野食到左,原來米苔目外型係短短地,吾似平時食開既長條型甘,食落好彈牙,湯底都好夾。我覺得今次係新嘗試呀~終於可以試多款麵種,吾洗甘悶。 另外,小菜叫左香煎脆皮肉餅同麻辣牛肉,肉餅煎得好脆,牛肉個辣度好岩口味,兩樣都好香口,正!!!最後,叫左枝櫻花可樂,叫佢係因為粉紅色好少女好靚😂😂同埋試下ma 香港好少飲到,味道較甜,都算係呢間店舖既特色飲品👍👍P.s (姐姐)由我叫野食到食完走,全程服務態度超級好,so nice~

今日嚟到深水埗準備去黃金買啲電腦嘢買完電腦嘅就打算去鴨寮街買啲電器用品鴨寮街出名電器用品同手機平但食嘢嘅地方就好少，而前多咗去西九龍今次見鴨寮街開咗間新嘅軟橋米線就入去試下呢間深水埗嘅軟橋米線地方都算幾乾淨幾闊落。選擇都幾多下我就叫咗台灣嘅板表條面麵條係全人手打製造德拉口感煙靭配上豬骨湯底份外醒神總共叫咗三個餸分別係雲吞，貢丸， 同豬肉。豬肉用上新鮮黑毛豬肉口感煙韌惹味貢丸都係 新鮮貨色 爽口彈牙最正就係個雲吞，雲吞係老闆親自包製， 餡料十足。仲有個小辣木耳爽口鮮嫩最後飲多杯秘製紅棗 水潤喉嘢清熱氣

今晚去左呢間野到食，我本身好鐘意食銀針粉的，呢間既米苔目就好似銀針粉甘😁😁😁😁一去到，店員就話佢地d米苔目係人手製造的😬D粉都幾大碗。方魚肉碎湯底係好好味，係好濃既魚味，好鬼正😋😋😋喇沙湯底 - 我唔鐘意隻味，好係D咖厘粉味甘，仲要加十蚊轉呢個湯底，下次唔會叫呢隻湯底。麻辣牛肉 : 好少粉絲呀😂😂同埋無乜特別好食呢。拍青瓜 : OK LA , 普普通通。櫻花可樂 : 無櫻花味，有少少可樂味😂不過見個樽幾靚，都想試下嘛。凍檸多 : 係檸檬益力多，哈哈，呢個幾好飲。😆😆😆😆

假日跟豬男友相約深水埗陪他「入貨」，常常也吃豬潤麵有點無聊，但到提早到OPENRICE 搜尋一下有什麼又1便宜又好吃的。看到這間「軟橋米苔目餐廳」排名很前，而且很多人也大讚，便決定到此一試。*它的位置在鴨寮街，門口看進入好像暗暗的，但其實內裡是很光很乾淨的感覺。我比豬男友早一步到，一坐下老闆娘便熱情招待，問我有沒有來過，還非常詳細的介紹店裡有什麼好吃的。*扎肉豬潤米苔目 $35豬男友點了扎肉豬潤米苔目，手工米苔目的樣貌很似迷你銀針粉，短短限限的但很有嚼勁。豬骨湯底味道不算太濃，豬男友說很適合他鼻敏感時吃，因為不用垂下頭就可以吃得到(笑)。喜歡豬潤的他覺得豬潤薄了一點，口感沒有那麼實在，但味道很新鮮。*魚蛋絲瓜米苔目 $35我想吃得健康一點，所以就點了魚蛋絲瓜米苔目，但又不喜歡太清淡所以轉了酸辣湯底。魚蛋有點像新加坡魚蛋，超級爽和彈牙！米苔目吸收了酸辣湯底更入味，而且份量很大，男孩子吃也不怕不夠飽。*在深水埗便宜的食肆有很多，但像軟橋米苔目餐廳一樣有良心的店，在香港也真的買少見少，建議大家下次到深水埗也來這裡嚐嚐健康米苔目！

同朋友行深水埗，經過鴨寮街，突然見到有間米台目覺都幾特別，就同朋友入去試吓，入到去老闆娘好熱情咁推薦我哋食米苔目同講解係台灣傳統地道嘅嘢食。最後我哋點左米苔目、鴨血米粉同小食。蕃茄湯底米苔目湯底夠味，米苔目綿滑順口十分好味，墨魚丸都好彈牙。鴨血米粉鴨血爽滑，米粉同平時食開嘅廣東米粉有分別，冇平時嗰啲咁硬，似係台灣新竹米粉。香煎脆皮肉餅煎得都好脆，食落口帶點鹽香。花雕醉香豬雙脆，雙脆係豬舌和豬耳，食落有淡淡的花雕味，唔飲得酒嘅朋友都食得麻辣牛肉，牛肉夠柔嫩，芝麻、蒜頭、蔥帶出香味，有粉絲薦底，牛肉加粉絲配搭出嚟口感奇特，值得一試涼拌蓮藕，蓮藕切得很薄又夠脆，食落口有啲清爽嘅感覺，適合做前菜飲品方面叫咗凍檸多同日本櫻花可樂，凍檸多味道同大家平時飲開差唔多，櫻花可樂味道奇特較甜。

近排冇咩收入，希望每餐淨係用$40樓下～於是黎左食朋友介紹嘅米苔目👀餐廳入口比較細，雖然係星期五晚七點左右，但入面坐唔夠一半人。.一坐低，老闆娘就好熱情問我地係咪睇完openrice黎😂問細唔細介紹下野食☺️佢話米苔目係自己用米整，好香米味，出面食唔到。於是我嗌左魚蛋、鴨肉米苔目，豬骨湯底。鴨肉平時喺麵檔好少食到，呢到有六塊。都算慷慨😂不過我覺得太咸喇🙈魚蛋不過不失，豬骨湯都太咸。重點嘅米苔目個樣好似針仔咁，食落有淡淡米味，但其實食食下就會俾湯味蓋過。口感比較黏，我就一般，但話晒第一次食，都幾有新鮮感。.男朋友嗌左豬腩、貢丸米苔目，冬蔭公湯底，小辣。...小辣，但都好辣，唔食得辣嗌其他好🙈我試完覺得冇咩冬蔭公湯味👀總結黎講，唔算太大驚喜，主要因為食物太咸，但價錢合理，未試過米苔目可以一試～

去深水涉買sim card，路過見到米苔目好特別，同行台灣友人說是佷地道的台灣食品，我又未試過，咁就去try try!很多報導，首推鴨肉和豬潤！本身配豬骨湯底，加$3可轉特制湯底，有成9款選擇咁多！花雕醉香豬雙脆（$22）意思係豬耳跟豬脷，口感很爽脆，醉點酒味，很開胃，可以食多碟。鴨肉+海帶+香菇貢丸轉湯底+$3 鮮茄湯底 配米苔目，配椰菜、韮菜，鴨肉真係幾好食，肉質嫩滑，要食過先知有幾好味。配料都特別，有海帶揀。人手做的米苔目貌似銀針粉，短身而有嚼勁，比在台灣食的更有彈性。蕃茄湯底帶港式風味，港台合壁，茄味濃厚。涼拌蓮藕（$16）蒜葱味剛好，不會很濃，口感爽脆，感覺清新。豬腩肉+豬潤+墨魚丸 轉湯底+$3 方魚肉碎湯底 配台灣客家板條，入面仲配有芹菜、葱。豬潤很嫩，没有腥味，墨丸彈牙唔粉，做得不錯。白色的板條係台灣common的食材，形狀屬粗扁身，似港式河粉，稍為軟身一點，幾特別。配方魚清湯唔錯，清清地，唔會太鹹。跟餐凍飲豆漿加$10，凍奶茶都係。

每次我地兩公婆去深水埗，都係食豬膶麵，有點悶，所以諗住去完鴨寮街買嘢再諗下食咩，行經一間小舖，見到門口放咗手寫字的餐牌，就入去試下；有位好熱情的姐姐叫我地兩個坐入面，當我地坐低後，就問我地有冇食過米苔目，我地就話未食過；佢就好詳細解釋係咩黎，之後再介紹餐牌上的食物。我地一齊都係叫咗喇沙湯底的米苔目，餸就分別係豬膶+腩肉 及 木耳+鴨肉，另加一碟小食花雕酒雙脆（豬舌+豬耳）。喇沙米苔目到咗之後，先飲湯底，好香濃，最緊要係唔多覺有味精（讚），豬膶好爽，鴨肉好軟淋，好好食。雙脆都唔差，如果浸在花雕再耐少少更入味。當離開去收銀找數時，會主動問客人在食物方面有咩需要改進，好有heart的一間食肆，下次去深水埗都會再去食其他嘢。

食過早飯先🙊台灣客家粄條 闊身版河粉😂 而米苔目賣相似銀針粉 但口感煙靭彈牙 有米香😍另外🚦強烈推介 方魚肉碎湯底 清香 無味精 超好飲🤤麻辣湯底更會食上癮 偽文青超like😎-涼拌小食：涼拌皮蛋、涼拌雲耳$19足料碗仔翅 =========================緊貼三個90後吃貨的美食推介，就不會錯過任何一個食好野既機會😂-三個90後吃貨不斷開心share美食💓📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_深水埗美食推介=========================軟橋米苔目餐廳 (深水埗)深水埗鴨寮街249號地下B舖

近日迷上了塗鴉, 故周圍尋找塗鴉的足跡, 後來明查暗訪得知原本深水埗也有塗鴉。我一個人獨個兒搜尋, 不知不覺間已行經鴨竂街內, 見到有一细小門口寫上米苔目, 便看看究竟是什麼。原本是一間餐廳，米苔目原来即是台灣出品的米缐, 於是便入內坐下。餐牌上除了米苔目外, 當然也有拉麵/米缐/米粉/冬粉/湯飯/烏冬可供選擇, 但我當然選擇米苔目試試, 配鴨肉和韮菜餃，並加了酸辣湯底, 辣度點了少辣。店員送上見賣相唔錯, 材料十足, 鴨肉没有鴨羶味, 亦沒有油脂, 鴨肉亦唔"鞋"和唔靭。韮菜餃雖然不是很大粒, 但皮薄餡很入味, 韮菜和肉碎比例均勻。至於米苔目, 外觀不似平時食的一條條米缐, 反而似銀針粉, 但米苔目的口感和質感幼细嫩滑得多, 亦彈牙，看似容易消化。至於酸辣湯底較為遜色, 酸辣程度唔夠。我本來加了錢點了凍檸茶是為了解辣, 但現在不須要了。😂凍檸茶茶味夠濃夠味, 飲完即刻消暑解渴。我還點了小食拍青瓜, 青瓜拍得較為大件少少, 但夠冰涼夠爽脆, 夠入味, 味道唔係好辣, 有少少酸可醒胃。

總係覺得深水埗藏著各種美食，小店美食各有特色。舖面門口招牌雖毫不起，但“米苔目”就促駛我入去嘗試。當然必點米苔目啦，外形似銀針粉，但長少少，軟加少爽口的感覺。仲有好滑另類體驗點左餃子，大大粒!未食都覺得好多餡料而且皮薄餡料好香好丰富的一隻餃!鴨血米線：豬血常食，但鴨血又如何，食落口質感同豬血差不多，但爽身啲，好香雖然鴨血係主菜，但配菜既份量都超級多!豆卜，酸菜，9菜令成碗麵變得丰富!米線軟硬度適中!另外嗌左兩道小食。蒜泥白肉白肉煮得好入味!又爽口，好香!重點係一點都唔腻!食多幾舊都無罪惡感!麻辣牛肉：麻香味道，少麻辣，唔係好食得辣既朋友都可以嘗試! 牛肉好滑完全無痴牙底仲要有粉絲!好抵食!呢兩道小菜份量都多!仲嗌左日本運用既綠茶汽水同蜜瓜波子汽水原來呢間小店係各大傳媒出現過!

今日同朋友去深水埗買電腦, 買到好晏超肚餓經過鴨寮街, 見到間餐廳好大個海報寫住,我比佢既字句吸引左,所以就入左去食雖然佢唔係有好豪華既裝修,但係勝在有一個好好既服務態度👍店員推介我地試下佢地既米苔目,米苔目係台灣既美食,感覺好似銀針粉咁我叫左3餸 雲吞 雞肉 豬腩肉上菜速度好快,我地等左唔係好耐就可以食😋碗麵大大碗,多料,真係爽!!!!米苔目既口感真係好似銀針粉,口感就比銀針粉軟同彈牙, 真係食過番唔到轉頭我地再加多左2個小食😍麻辣牛肉同香煎脆皮肉餅麻辣牛肉唔算太辣,對我而d唔太食得辣黎講岩岩好而脆皮肉餅而外脆內軟, 咬落去既感覺好爽口同埋 佢地既飲品好特別同好多選擇我最後揀左 香港冇得飲既 櫻花可樂個感覺有d似忌廉但冇咁甜

今日黎到深水步試下台灣米苔目！叫左個小食，花雕雙脆，好淡，更加冇花雕味，而且豬耳啲骨好硬，唔似平時啲軟骨咁，咁細碟都食剩，因為真係唔好食！方魚肉碎米苔目，$35可選兩餸，我選了牛肉鴨肉，牛肉很薄很淋，但完全冇肉味，但鴨肉就好好食，很入味又淋肉質鬆化，湯底好濃，有方魚鮮味，配米苔目都很夾，而米苔目好似銀針粉，但比銀針粉煙un，配上爽脆椰菜幼絲，我覺得幾好食，除左牛肉外，對呢碗粉我都好滿意！老公選的麻辣牛肉雞肉，麻辣不夠惹味也不夠香，只是很攻喉的那種辣，我不太喜歡，雞肉沒什特別。另外還加$10點了蜂蜜西柚綠茶，簡直淡如水！

喺深水埗鴨寮街行到熱辣辣， 行行下一轉角見到呢間小店 見到價錢 唔太貴 而且有 各式各樣的小食 即刻入去坐下 食個飯 先 。一行二人各自點左一個米線同埋一個 小食。 鴨血鴨肉米線$39 鴨血有口感一啲都唔腥，鴨肉幾爽口 一啲都唔老。 湯底仲有鹹酸菜幾有趣。 腩肉 木耳 米苔目$38 湯底係清湯 ，不過我哋嗌咗方魚肉碎湯底， 湯底幾好飲 腩肉切得 好薄，不過不失。花雕醉香豬雙脆$22第一口就食到到酒味，酒味濃郁，呢碟小食 有豬脷同埋豬耳， 好爽口 ，值得一試。老闆娘非常之有禮貌 ，服務態度一流 。