軟橋米苔目餐廳 (已搬遷) 新店位置

深水埗佈滿食肆，不同麵類也有很多種，要找有質素的，確真有點難度，但朋友就帶我來了這間軟橋米苔目，說是他曾經的飯堂。我見價錢貼地，那就不妨一試。有主打麵軟橋米，多款小食，更有多款式飲料，種有一個喜愛！ 《湯米苔目系列 $35》雞，墨魚丸，豬骨湯底，米粉 一絲絲的雞肉，丸也算彈牙，配上拗了很久的燶燶豬骨湯底等別能夠試出其真實味道，我們把湯也喝光了！《Q彈豆腐 $23》椒鹽豆腐，外層炸的金黃色，內裡似魚蛋般彈牙。《日本蜜瓜波子汽水 $12》很抵飲呢。

又去鴨記買電話卡和看電腦，順到當然去醫肚。深水埗太多小店，要選一間真是費神，最後選了這間不起眼，但有我從未吃過的軟橋米苔目，於是一試。《湯米苔目系列 $35》韮菜餃 ，豆卜，冬蔭公湯底 ，冬粉足料又多的韮菜餃，心型、煮得不老的豆卜配上微辣的冬蔭公湯底。《蟹肉碗仔翅 $19》很足料，佈滿整碗！味道剛好，又有蟹肉吃。《茫果仙草冰 $20》燶燶的茫果味，杯底也有仙草吃，甜度適中。《凍檸茶 $15》雖然眼見波子汽水好抵飲，只雖$12， 但最後還是點了想飲的凍檸茶 。

聽講深水埗好多野食，又便宜又好味，今日朋友帶我去食米線豬腩肉薄片多块，肉質鮮美，加入蔥粒和頭菜令湯底更香☺️墨魚丸大大，好多粒，鮮甜兼爽口，米線彈牙而滑這價錢真系好抵食小食要下次再試啦

東西好吃又便宜值得再去的店隆重推薦蒜泥白肉～好吃到沒朋友在香港3天遇到店員都超沒有禮貌的，遇到一間超有禮貌的店員有點驚喜。否決了我覺得香港人沒禮貌的思想！香港～我錯了！

深水埗特色小店， 之前已經黎過幾次，今次決定寫食評介紹。門口細細，容易行過咗。要留心一下至搵到。睇店名都知食米苔目係主打，不過今次我留意到有樣台灣客家粄條， 就試喇。豬腩肉+豬潤客家粄條配酸辣湯底， 辣度要小辣。酸辣係微酸微辣，順喉易入口，喜歡重口味+食慣譚仔既就完全唔係嗰回事。粄條寬身，幼滑。腩肉切得好薄，豬潤無雜味，好味。牛肉+墨丸米苔目配豬骨湯底。豬骨湯夠味，唔會好淡，但又不重口味，配上自家製米苔目，牛肉滑身唔韌。原本叫咗個花雕醉香豬雙脆，但話賣晒，上次食過味道唔錯又脆口，食唔到有d失望。不過店員竟介紹隱藏美食-花雕醉豬面，餐牌上無架，又得一份，又試下喇。花雕醉豬面，口感爽爽地又小小脆，口感特別，無雜味，配花雕酒，有酒香。隱藏美食，下次不妨試吓食唔食到好，不過店員話供應量好少，所以餐牌至無，睇你地運氣了。

尋晚專登黎左深水埗試台灣特色麵線「米苔目」。「米苔目」呢個名好得意，上網search完先知佢喺台灣既受歡迎程度同肉燥飯差唔多，究竟點解我去左咁多次台灣都未試過？😂 行入去之前，見到門口有個牌寫住「持長者咭人士可享用$9/碗米線」，果然係好有人情味既地區良心小店啊😍一坐低個老闆娘就好親切咁介紹個餐牌比我地聽, 仲話啲麵線係尋日下晝5pm先整，一定要試下! $35既麵餐可自選兩款餸配米苔目/米粉/烏冬等，同區黎講價錢唔係特別平，但試埋先知抵唔抵得老闆娘介紹，我叫左韮菜雲吞貢丸米苔目，而我啲朋友就揀左其他餸。米苔目食落無論外觀定口感都同狗仔粉好相似，而且切到好短而且軟淋淋🤓 雲吞都算皮薄餡靚，但啲丸同豬潤就冇乜香味，唔多洗試。總括而言，去開深水埗都可以試下既，但就唔需要專登搭車去試啦

陪老公來深水埗買路由器，由於時間尚早，決定先去附近覓食，再繼續行程。記得早前食友曾向我推介過區內一間專吃「米苔目」的小店，老實講，我非常之大鄉里，從沒嘗過米苔目，不知葫蘆裡賣的是甚麼藥。原來據友人稱，「米苔目」係一種台式粉，外表與銀針粉相似，不過由於廚師喺製作過程中，加入了地瓜粉，所以質地比起銀針粉更煙韌彈牙，口感好特別，值得一試。既然友人講到咁吸引，反正店子就在附近，一於過去探究一下。店子位於鴨寮街，是家地舖，沿著門口窄長嘅走廊往內進，店內地方不大，甚至有點淺窄。細心一看，除了近門口嘅四張二人檯和店內一排面壁嘅單人木櫈外，還有三張大圓桌，估計只能容納廿餘人左右，如果爆場的話，難免會感到逼狹！幸好這晚我倆六點半前已到達，店內食客不多，所以坐得尚算鬆動。拿起餐牌，估唔到舖仔細細，但食物類型都幾豐富，除了主打嘅湯米苔目系列外，還有超過 10 款滋味小食、冷熱飲料及蜂蜜飲品；另外亦有多款全日供應嘅米粉、綜合丸湯、自家製雲吞及韮菜餃等，選擇甚多。至於店裡的米苔目，原來係以車仔麵形式供應，客人可於 22 款餸料中，自由選配，任揀 2 款，定價為 $35，如果想另加餸料的話，每餸亦只須 $7，豐儉

深水埗都算係食到厭，諗住是但搵單茶記算，點知俾我遇到米苔目!!!!餐廳面門的確其貌不揚，但有小店既味道，最重要係有一樣我未聽過食過既食材!!(真係見識少餐廳入邊真係傳統小店feel，餐牌各方面都自己手寫，但不論小食，主食，定係特飲都好多款:原來米苔目係銀針粉既微型版，都係啲煙韌既質地粉黎，但佢源於台灣，可能無人識整(自己未見過)所以香港都比較少聽到呢個名。普遍既豬雞牛全部有，而我仲見到佢有鴨血鴨肉湯米粉!!!湯底方面有八款，豬骨，冬蔭，沙爹。。。。真係未見過咁多選擇!但因為鴨血鴨肉實在太少見，點左一份鴨血鴨肉湯米:小食都有15款!比較少見既係麻辣豬潤同花雕醉香豬雙脆!!喜歡內臟既我揀左豬:先黎麻辣豬潤!一拎過黎已經好濃郁麻辣香味，豬潤夠薄夠粉:豬潤薄片包住麻子同辣椒碎，食落又麻又辣，好過引!!豬潤雖然薄，但唔會太老，又唔會太生有陣肉既騷:主角登場!鴨肉份量一般，鴨血成碗都係，仲有幾塊豆卜仔。鴨肉味道幾甜但鴨味差少少，鴨血夠韌夠滑，唔會又鞋又粉，味道調教適中，唔會太鹹。鍾意韭菜既人一定鍾意食呢度既韭菜!香。腍。甜!米粉比較失色，雖然吸哂湯好入味，但腍左啲，如果爽返啲就perfect:湯底

經過深水埗甘多次都無留意到既小店之後無意中我終於留意到啦招牌Q彈豆腐推介比平時食的魚豆腐彈牙豬膶好新鮮好軟滑調味淡左少少主角登場一條一條好得意好重米既味道有少少咬口好大一碗女仔的話可以share食

深水埗一向出名多自家開辨的食店，唔洗餐餐都係食連鎖集團咁無癮！所以今次行經深水埗，當然要試下新野啦！呢間軟橋好近地鐵站，係c出口行2分鐘就到！好方便呀！order左個湯米苔目系列，餸揀左金菇同鮑片，湯底就選擇左較濃味的沙嗲湯底！麵線的軟硬度適中，份量好充足！彈牙的麵線配上味道濃郁的沙嗲湯底，勁好食！配料方面都落足料！好多金菇同鮑片，好夾好入味tim~正呀！黎到見到有滋味小食，當然要order黎試下啦！花雕醉香豬雙脆，都係$22咋！酒香撲鼻酒味唔會太強烈，剛剛好，就算平時唔鐘意飲酒的我都好鐘意食！加埋白芝麻粒，好香口！豬耳都好爽口~十分推介

之前係介紹美食的facebook page見到這家主打台灣風味小吃米苔目—「軟橋米苔目餐廳」（下稱「軟橋米苔目」）好評甚多，便一直想試試看，😏 咁啱去深水埗鴨寮街買sim卡，機會黎啦！😎 「軟橋米苔目」裝修簡潔樸素， 店內貼滿雜誌嘅介紹， 原來老闆曾到過台灣拜師學藝， 明顯是走實力派路線呢！😏 米苔目是一種台式粉麵， 在台灣食米苔目的配搭主要是用清湯配內臟。 而「軟橋米苔目」為迎合大眾口味，將車仔麵元素融入米苔目中， 餸菜和湯底可自由配搭，選擇都算多， 有20多款餸， 湯底有9款之多：豬骨、酸辣/麻辣、沙嗲、冬陰公、泡菜、鮮茄、方魚肉碎和喇沙。😲 見不少網上評論都推介喇沙湯底， 我當然不可錯過啦！☺️ 喇沙湯底微辣惹味， 沒有泛起任何油脂，味道相當不錯， 而且湯底本身已附上豆卜和金菇菜， 兩款都是最吸湯的配料， 吸了湯的豆卜最好味，值得一試！😋 米苔目雪白晶瑩， 短小條狀的模樣跟銀針粉有點相似， 但比銀針粉幼長點， 口感煙韌Q嫩，很新鮮有趣的口感。 至於餸菜方面， 我選擇了招牌菜豬潤和韭菜餃， 豬潤爽得黎又夠嫩滑， 完全沒有多餘的腥味， 愛吃豬潤的不可錯過！😏

2017.08.19 😊【自家制米苔目】深水埗看看店名 軟橋一開始誤以為是形容餐廳的主角米苔目 又軟又q彈詢問老闆後才得悉軟橋是台灣一個地方名🤣而當地的米苔目是相當出名 因而命名小店的設計相當有趣需走過一條長走廊 經過出餐處才會到達座位而牆上都是貼著不同菜色的照片📷當日所見 人流不算多店員亦很熱情向食客介紹鴨肉豬潤米苔目 - 豬骨湯底$35米苔目是混合了粘米粉及地瓜粉而成口感有點像港式的狗仔粉 帶少少彈牙🍜據老闆介紹 鴨肉是小店最受歡迎的配料果然帶著陣陣台灣的味道讓小妹想到早幾年去台北旅行一嘗鴨肉扁的味道豬潤新鮮 略帶爽口 亦是不錯的選擇墨魚丸豆卜台灣客家板條 -喇沙湯底 $35另外小店亦有其他特別的湯底選擇喇沙的湯底感覺上偏向新加坡風味🥘而除左米苔目及一般粉麵外亦可以一試台灣客家板條入口相當滑溜 就像水餃皮 挺有趣的香煎脆皮肉餅 $22蒸的肉餅 偶爾媽媽也會做給我食可是煎的真的很少食脆皮肉餅是店員的推介😋果然外皮真的非一般的香口口感特別 有點像煎香的午餐肉不仿一試軟橋米苔目餐廳 💌深水埗鴨寮街249號地下B鋪Mon-Sun: 1100-2145

每次去深水埗，總有些小店是我必食的，它們都是深水埗獨有的，在其他地區都吃不到，例如是台灣的米苔目。我和吃貨朋友光顧軟橋米苔目專門店的次數多到老闆也認得我們。我繼續我的方魚肉碎湯底米苔目，她則突破性選吃鮮茄湯底板條。方魚肉碎湯底米苔目很好吃，一條條的米苔目又彈又滑溜，吃得出米的香味，非常滑潤順口。用方魚，肉碎不斷熬煮的湯頭更是鮮甜甘美，加上我喜愛我的墨魚丸，雞肉及雲吞作配料，我便滿足。雞肉一片片切得漂亮非常，每一片大小相近，雖肉不厚，卻很嫩滑，與方魚碎湯很搭配。飽滿的墨魚丸真的很真材實料，滿滿的墨魚彈性，吃起來津津有味。雲吞乃是菜肉內餡，餡料很扎實，菜爽脆，肉鮮美，皮薄透小巧，一口可吃。鮮茄湯底板條滿大碗的，湯底主要用蕃茄煮成，單是看到這碗板條鮮紅的配色就讓人開心，亦喝出蕃茄最酸甜原始的味道，於崇尚自然的人應該會很喜歡。朋友大讚鴨肉，她總是不能克制點鴨肉，這裡的鴨肉肉質屬於比較軟嫩的口感，肉汁香甜。韮菜餃顆顆都大顆又豐腴，立刻就讓愛吃韮菜餃的朋友眼睛為之一亮。一口咬下韮菜餃，皮薄內餡多汁，再加上滿滿的韮菜香與肉香，令人激賞。香菇貢丸鮮甜，微微的香菇味道，不會與主要的豬肉搶味，口感上扎實有

一個人日子行深水埗，經過鴨寮街，遠睇到小店孤獨開左係賣影音及電器街中間，行去原來食台式米台目覺都幾特別入去試吓，睇餐牌寫推薦鴨血米粉未試下。鴨血米粉湯底無特別鴨血還算爽口，米粉口感好像新竹米粉。香煎脆皮肉餅煎得都好脆，但太鹽。飲品方面叫凍檸多味道同大家平時飲開一樣。

今天幫朋友去鴨寮街買手機電池，在路邊看到有間名字叫米苔目，上Openrice 搜尋，原來是吃台式食品的，入到去大約有廿、叁拾個位。我們點了鴨血鴨肉米($39)，雞肉腩肉台灣客家板條轉喇沙湯底($45)，醋茄($16)，秘製大腸($28)，跟餐凍央($10)及百香果愛玉冰($15)。鴨血鴨肉米，鴨肉有少許鹹香，鴨血比豬紅好吃，湯底都幾清甜。雞肉腩肉台灣客家板條轉喇沙湯底，客家板條有些似河粉，又似闊條麵，質地有點嚼勁，喇沙湯唔似星加坡喇沙，少許椰汁味，而酸味重一點，都幾特別。醋茄，番茄雪凍後，加了些醋，夏天開胃首選。秘製大腸，大腸夠淋身，洗得夠乾淨，沒有有大腸鯹味。百香果愛玉冰，百香果夠酸甜，愛玉係好似涼粉，不過透明的，愛玉混埋百香果，酸酸甜甜都幾解渴。凍央茶味和咖啡味都算濃。最後一提，老闆娘一個招呼所有客人，雖然很忙碌，落單後不忘多謝前多謝後，走的時候還會問食物可以嗎？另外長者咭還可以$9吃雞米粉，這麼有良心的生意人，已經很少了，下次再去支持一下。