軟橋米苔目餐廳 (已搬遷) 新店位置

同朋友行深水埗，經過鴨寮街，突然見到有間米台目覺都幾特別，就同朋友入去試吓，入到去老闆娘好熱情咁推薦我哋食米苔目同講解係台灣傳統地道嘅嘢食。最後我哋點左米苔目、鴨血米粉同小食。蕃茄湯底米苔目湯底夠味，米苔目綿滑順口十分好味，墨魚丸都好彈牙。鴨血米粉鴨血爽滑，米粉同平時食開嘅廣東米粉有分別，冇平時嗰啲咁硬，似係台灣新竹米粉。香煎脆皮肉餅煎得都好脆，食落口帶點鹽香。花雕醉香豬雙脆，雙脆係豬舌和豬耳，食落有淡淡的花雕味，唔飲得酒嘅朋友都食得麻辣牛肉，牛肉夠柔嫩，芝麻、蒜頭、蔥帶出香味，有粉絲薦底，牛肉加粉絲配搭出嚟口感奇特，值得一試涼拌蓮藕，蓮藕切得很薄又夠脆，食落口有啲清爽嘅感覺，適合做前菜飲品方面叫咗凍檸多同日本櫻花可樂，凍檸多味道同大家平時飲開差唔多，櫻花可樂味道奇特較甜。