影片
更多
2017-11-07
779 瀏覽
陪老公來深水埗買路由器，由於時間尚早，決定先去附近覓食，再繼續行程。記得早前食友曾向我推介過區內一間專吃「米苔目」的小店，老實講，我非常之大鄉里，從沒嘗過米苔目，不知葫蘆裡賣的是甚麼藥。原來據友人稱，「米苔目」係一種台式粉，外表與銀針粉相似，不過由於廚師喺製作過程中，加入了地瓜粉，所以質地比起銀針粉更煙韌彈牙，口感好特別，值得一試。既然友人講到咁吸引，反正店子就在附近，一於過去探究一下。店子位於鴨寮街，是家地舖，沿著門口窄長嘅走廊往內進，店內地方不大，甚至有點淺窄。細心一看，除了近門口嘅四張二人檯和店內一排面壁嘅單人木櫈外，還有三張大圓桌，估計只能容納廿餘人左右，如果爆場的話，難免會感到逼狹！幸好這晚我倆六點半前已到達，店內食客不多，所以坐得尚算鬆動。拿起餐牌，估唔到舖仔細細，但食物類型都幾豐富，除了主打嘅湯米苔目系列外，還有超過 10 款滋味小食、冷熱飲料及蜂蜜飲品；另外亦有多款全日供應嘅米粉、綜合丸湯、自家製雲吞及韮菜餃等，選擇甚多。至於店裡的米苔目，原來係以車仔麵形式供應，客人可於 22 款餸料中，自由選配，任揀 2 款，定價為 $35，如果想另加餸料的話，每餸亦只須 $7，豐儉
原來據友人稱，「米苔目」係一種台式粉，外表與銀針粉相似，不過由於廚師喺製作過程中，加入了地瓜粉，所以質地比起銀針粉更煙韌彈牙，口感好特別，值得一試。既然友人講到咁吸引，反正店子就在附近，一於過去探究一下。
店子位於鴨寮街，是家地舖，沿著門口窄長嘅走廊往內進，店內地方不大，甚至有點淺窄。細心一看，除了近門口嘅四張二人檯和店內一排面壁嘅單人木櫈外，還有三張大圓桌，估計只能容納廿餘人左右，如果爆場的話，難免會感到逼狹！幸好這晚我倆六點半前已到達，店內食客不多，所以坐得尚算鬆動。
拿起餐牌，估唔到舖仔細細，但食物類型都幾豐富，除了主打嘅湯米苔目系列外，還有超過 10 款滋味小食、冷熱飲料及蜂蜜飲品；另外亦有多款全日供應嘅米粉、綜合丸湯、自家製雲吞及韮菜餃等，選擇甚多。
至於店裡的米苔目，原來係以車仔麵形式供應，客人可於 22 款餸料中，自由選配，任揀 2 款，定價為 $35，如果想另加餸料的話，每餸亦只須 $7，豐儉由人。湯底方面，除預設嘅豬骨湯外，店子亦另備有 8 款其他口味嘅湯底可供選擇，包括冬蔭公、沙嗲、酸辣、麻辣、泡菜、鮮茄、方魚肉碎及喇沙湯底等。花多眼亂，心大心細，還是先點些小吃，再慢慢揀。
先來一客涼拌蓮藕 ($16) 打開胃口，蓮藕細細碟，分量不多，上桌時已切成薄片，面頭鋪滿蔥粒和蒜粒。挾起一件入口，味道微辛，脆嫩爽甜，帶蒜香和蔥香，正。
接著是兩客香口之物，分別有香煎脆皮肉餅 ($22) 和 Q 彈豆腐 ($23)。肉餅屬迷你版，的的骰骰，一碟有六塊，色澤金黃均勻。挾起咬下，外層微脆，邊位帶焦，口感挺而不實，有嚼勁，味道甘香。至於另一味豆腐，外表看起來有點似豆卜，面層夠曬脆口，味道鹹香，而入面嘅豆腐亦十分軟滑，入口外脆內嫩，非常美味。 
店員十分落力，推介我倆一試舖頭新出嘅蟹肉碗仔翅 ($19)，反正這晚胃口甚佳，就一於嚟一碗。沒想到原來這客碗仔翅，分量都幾大，用料十足，除咗有爽口的木耳絲、冬菇絲和軟腍的粉絲等外，還加入了不少蟹肉，襯托著稀稠度適中的湯底，入口湯鮮味美。
吃完小食，終於輪到主角米苔目，餸料揀咗豬腩肉、扎肉、鮮冬菇、生菜 ($35+$14)，(配喇沙湯底+$10)，上桌時大大碗，熱辣辣，賣相誘人。先舀起一匙湯底入口，帶濃郁咖喱香和椰香，辛辣刺激，而且沒過杰的質感，味道對辦。再舀起米苔目入口，質感 Q 彈富嚼勁，久浸也不變軟爛，而且煙韌彈牙，食落仲好有米香，果然是店主心機之作。
喇沙湯底已配有豆卜和金菇，豆卜吸盡湯汁，味道極佳。餸料方面，腩肉肥瘦平均、扎肉彈牙爽滑、鮮冬菇厚身又大隻、生菜新鮮爽口，加上全部材料都給得大方，分量十足，伴著喇沙湯吃，雙重口感，非常不錯。
意猶未盡，決定再加客自製雲吞淨食 ($28)。很喜歡這裡的雲吞，水準雖然不算驚為天人，但分量十足，而且粒粒飽滿，外皮透薄，菜多肉少，入口清爽鮮香。
飲品點了日本櫻花可樂 ($19) 和凍蜂蜜生薑檸檬茶 ($10) 。櫻花可樂味道一般，但淡粉紅色嘅賣相，造形夠曬 Fancy，用來呃 Like 一流！至於蜂蜜生薑檸檬茶，酸酸甜甜，入口帶點薑香，味道頗清新。整體來說，食物比預期出色，而且定價合理，下次路過會再來試試店員推介的鴨血。
張貼
