車水堂車仔麵

營業中

休息中

這家車仔麵店食物質素很不錯，店員又友善:1. 清湯底清甜：湯底味道清香，入口回甘，沒有過重的調味，非常適合喜歡清淡口味的食客。2. 蘿蔔、雞翼夠入味：蘿蔔煮得軟腍，吸收了湯汁的精華；雞翼則嫩滑多汁，入味程度恰到好處。3. 韮菜嫩口冇渣：韮菜品質極佳，口感嫩滑，吃起來沒有任何纖維感，充滿驚喜。4. 牛柏葉不過火，夠爽脆：牛柏葉煮得剛剛好，保持爽脆的口感，是許多食客的最愛。5. 日本式格局擺設：餐廳的裝潢以日本風格為主，簡約而雅致6. 份量夠多：每碗車仔麵的份量都非常足夠，保證讓人吃得飽足又滿意。7. 牛柏葉加甜醬：店內特別提供甜醬，搭配爽脆的牛柏葉一起吃，滋味更加豐富，令人回味無窮。8. 高質素車仔麵：整體來說，食材新鮮，烹調講究，車仔麵的質素在同類型餐廳中屬於上乘。9. 店員有禮貌：服務態度親切有禮，讓人感到賓至如歸。這家車仔麵店不僅在味道上滿足食客的需求，還注重細節和服務，無論是本地居民還是外地遊客，都值得一試！

救命！下大雨在中环乱逛，居然被我挖到一家宝藏车仔面！就是这家车水堂，藏在士丹利街82号地铺，门头不大但超有烟火气～本来是躲雨随便进的，结果一口就爱上！他们家可以自选5个菜，我直接按喜好猛猛加：鱿鱼Q弹有嚼劲，咬起来咯吱响；猪肠处理得超干净，一点腥味都没有，卤得糯叽叽的；牛肚更是绝，耙而不烂，挂满汤汁超入味！重点夸夸咖喱汤！浓郁到能挂在食材上，微微辣带点椰香，把所有料泡进去拌一拌，每口都是浓郁的幸福感，碳水脑袋直接狂喜～配了杯冻柠茶，酸甜解腻刚刚好，和咖喱面是天生一对！还点了两份小吃，麻辣鱿鱼和麻辣牛肚，辣度适中带点麻，当作开胃小菜或者边吃边嚼都超合适。下雨天钻进这样一家小店，嗦一碗热乎的车仔面，感觉浑身都暖透了，下次来中环肯定还会再冲！

今次去咗中環一間車仔麵店，真係選擇困難症發作！配料多到睇到眼花，足足有成幾十款揀，樣樣都想試～ 我最後叫咗秘製汁米線，揀咗通菜、辣魷魚、蘿蔔同豬皮。個湯底好濃郁，帶少少甜辣，辣魷魚爽口彈牙，蘿蔔煮到好淋好入味，豬皮索晒湯汁超正！小食叫咗辣汁牛柏葉，辣得嚟好過癮，牛柏葉爽脆有嚼勁。朋友就叫咗蘿蔔、雞翼、魚蛋同魷魚秘製汁米線，雞翼滷得好入味，魚蛋彈牙，炸魚皮脆卜卜，浸落湯食仲正！ 兩碗麵嘅份量都夠晒大，女仔食可能會覺得多。飲品跟咗凍檸茶，茶底夠濃，甜度適中，解渴一流！ 總括嚟講，呢間車仔麵店配料新鮮，湯底惹味，價錢合理（中環地段嚟講算抵食），絕對係打工仔午餐好選擇！午市勁多人，最好早少少去霸位啊！

今次點左3餸車仔麵小辣，貢丸，豬紅，蘿蔔。麵黎到見冇落辣醬，結果女職員另外比一小碟，問題唔大。跟住咬左一啖貢丸的時候，發現係牛丸，真係吐都吐唔切(因為我戒左牛好多年)。結果女職員要求攞返粒牛丸入去比廚房睇，好明顯廚師自己都唔知比錯食物客人。跟住換返貢丸，貢丸外面暖但入面係凍既(唔係常溫，係凍冰冰)，結果冇食到，同女職員反映問題，佢收左貢丸，但完全冇覺得唔好意思。 我同朋友每個月都幫襯幾次，今次可以話係咁耐以黎最差既體驗！臨走時我望入廚房，見到個高高大大既男廚師，喺度玩電話，唔怪得知連比左啲咩食物個客都冇睇清楚啦。

放假同老公嚟到中環剪頭髮，整完之後就嚟食嘢，呢間車仔麵之前有朋友推介過，今次終於有時間嚟食我哋嗌咗一碗正常跟麵，份量都真係幾大！入面有蘿蔔，冇渣超甜又大嚿！仲有啲牛腩，仲加咗響鈴落去食！另外一碗就買咗好少有嘅紅薯粉，然後加咗酸菜一齊食，幾特別架，一定要試佢嘅辣醬，一齊食味道更加豐富。大堆豬紅，so jelly!! 好特別佢有蝦餅，所以嗌左，大大件的我哋仲嗌左麻辣鴨血！重口味之揀🤣通菜就正常，suggest 走醬😉#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies

呢日晏晝，中環街頭車水馬龍，陽光猛到成個人差啲溶咗。行經「車水堂」，聞到陣陣濃郁肉香飄出，即刻忍唔住推門入去🔥​落單嗰陣毫無疑問揀咗招牌牛腩車仔麵，麵底選幼面，配料要咗蘿蔔、魚蛋。等咗大概十分鐘，頭呈深褐色，牛腩塊塊都見到紋理，蘿蔔切到大大舊，魚蛋仲識得「卜卜」彈添🥢​啖湯濃稠，飲落暖笠笠又唔會膩。牛腩簡直係靈魂所在，肉質軟稔但不失韌度，牛筋部分腍到一咬就化，表面吸滿晒湯汁，食落鹹香帶少少甜，真係大件夾抵食！蘿蔔煮到通透，裡面充滿肉汁🤤 魚蛋夠彈牙，豬皮吸滿湯後軟淋淋，配埋幼面一齊食，口感層次豐富到不得了。​而且價錢喺中環呢個黃金地段算幾貼地，難怪附近返工族日日都黎報到。真係充滿香港味道 —— 實在、熱鬧、同埋永遠唔會令人失望嘅好味😋​

吃過這麼多車仔麵 中環區亦然喜歡走到車水堂吃 每次不知道要吃什麼的時候 都會來揾佢它多種的辣醬啊 麵條種類啊 都可以選又有我最愛的魷魚 牛栢葉 金錢肚 所以可以吃得很爽！ ！這次吃的是五餸面選的油麵＋秘製辣醬中辣 辣度對我來說是偏輕手的可能是枱面也有放另一款辣醬 等你想辣點的時候再自己加 剛好很過癮魷魚超爽口的 豬軟骨也很新鮮 羅白亦大舊無渣很清甜金錢肚好入味 牛栢葉厚身大塊款款都好食面也非常大碗 男仔來說份量也足夠值得一贊是店員服務態度很好完全等你慢慢進食 閒聊不像其他店舖吃完趕你走的意思在中環區來說非常難得👍

中環隱蔽高質港式車仔麵 重口味人士最愛 自由選擇一面三餸$57起 出品仲要幾大份 喺中環區嚟講幾抵食 簡單記錄一下.食車仔麵 一定要加爆唔同醬汁個人最鍾意大量香濃沙嗲醬 加港式咖喱湯底🙈基本上每款小食都做得唔錯 好容易選擇困難症‼️如果諗唔到食咩可以試吓招牌麵$88連飲品⭐️秘製辣魷魚⭐️滷煮豬腸⭐️爽脆豬皮⭐️牛腩 ⭐️蘿蔔我個人特別鍾意魷魚同埋豬皮兩款都煮得好入味爽彈⭐️豬軟骨 勁腍 而且幾大嚿👍🏻⭐️溏心蛋 橙紅色蛋黃 流心效果做得超好👍🏻.整體價錢唔貴 估唔到中環區都搵到高質車仔麵.#hkfunfoodrecord窮遊香港#hkfunfoodrecord_中環.#車水堂車仔麵 (中環)地址：中環士丹利街82號地舖.（記住Like同分享 係我繼續出誠實記錄動力 感謝支持🙏🏻）.‼️想睇更多資訊‼️ig： hkfunfoodrecord‼️fb : funfunfoodrecord.#hkfoodie #foodiehk #hkfoodblogger #hkblogger #hkfoodies #hongkongfood #食評 #中環美食 #中環必食 #上環美食 #上環必食 #中環 #上環 #車仔麵

相信中環嘅打工仔一定有聽過或者食過呢間開咗唔係好耐嘅車仔麵😋之前都有買過佢嘅外賣，午市非常爆滿，估唔到夜晚七點嚟都差唔多枱枱有人坐！車仔麵嚟講價錢唔算係平，但係位於中環而且坐得比較舒服同乾淨，個人覺得係性價比幾高👍🏻✨招牌麵唔知揀咩好有選擇困難症就揀咗招牌麵😼有牛腩、蘿蔔、豬皮、魷魚同埋滷豬腸，配料超級豐富，配埋油麵同埋秘製辣醬真係一流👍🏻其中蘿蔔好清仲吸收晒湯底嘅精華，推薦一定要揀！✨自選車仔麵貪心想食多啲就揀咗五個餸，揀咗溏心蛋、牛筋、冬菇、咖喱魚蛋同埋腐皮魚卷😋👀個人覺得牛筋同埋咖喱魚蛋幾有驚喜👀牛筋入味得嚟仲炆得好腍同時帶點爽口，咖喱魚蛋有少少似平時出街買小食嗰種爽口嘅魚蛋👍🏻車仔麵嚟講真心有質素，配埋佢嘅秘製辣醬再加啲辣椒油真係好惹味✨沙爹金錢肚沙爹金錢肚食落好香花生味，係推薦大家一試嘅小食👍🏻🤞🏻

食物質素可以但服務同送餐都唔掂食物味道ok，蘿白偏咸唔甜，牛筋可以，魷魚無咩味唔知袐制左d咩，金錢肚可以。但比左17加15蚊要多二個餸（外賣平台）結果少左份豬紅。同商家反映竟然只肯退8蚊。明碼實價收左錢都唔肯退足。96蚊食車仔面本身都好貴，估唔到服務可以咁差。送餐直頭係惡夢，湯倒瀉左一半，主要係d盒係唔實，會漏水的。汽水仲要係凹左，一開爆哂氣漏左一半出黎，勁樣衰，淨低一半仲要無哂氣衰過飲水。整體體驗勁差。

中上環一帶實在有太多隱蔽的小店，絕大部份都係小巷發現，今日決定黎試下呢間車仔麵，食完覺得好值得支持。首先，望落空間看似唔大，但座位都幾多嫁。我地二人，一個叫左招牌麵，一個就叫自選三餸麵，一份小食，兩杯野飲。招牌麵足足有5款餸咁多，包括秘制辣魷魚、豬腸、豬皮、牛腩同蘿蔔。可選湯底或者撈麵，黎到食車仔麵一定要選湯呀！仲有五款醬汁選擇，特別d嘅有秘制辣醬同四川麻辣。我就揀左要米線底秘制辣醬。至於餸方面最中意就係豬皮同蘿蔔。豬皮魚好爽脆，吸收埋辣既湯汁，好惹味，蘿蔔清甜而且唔會有渣。同行朋友就叫左三個餸雞翼尖、生菜同辣魷魚，沙爹湯底配烏冬。雞翼尖入味，魷魚夠爽口。沙爹湯底非常濃郁，好香花生味，食落有d似馬來西亞食串燒個種沙爹香。雖然叫左少烏冬，但份量仍然好多。我地仲要叫左小食沙爹金肚，非常入味同好淋。真係食到肚脹脹咁走，好滿足

約車水堂車仔麵地址: 中環士丹利街82號地舖放工後要上training 攪到7:30 先放，成個人餓到無力，立即收拾好東西去食dinner ,快靚正去點碗香港人由細食到大裸車仔麵。自選五餸面 ，呢度有好多款餸，就係有選擇困難乜都想食！菜底就比較健康，代替了麵唔怕一下子食太多carbohydrate會血糖大升，晚上無咁易肥！餸我點了豬軟骨、豬手、蘿白、溏心蛋及台灣黑椒腸招牌-豬軟骨入味呀，豬手皮腍滑入口，溏心蛋都好qq 富蛋黃香。小食order 了炸魚皮呀，脆卜卜仲有健康豆漿飲

最近約朋友午餐約左去試下車仔面，喱間係中環黃金地段既車仔面店環境雖然簡單，但都幾有親切感。座位設計幾簡約，有吧台同普通位，姐姐們態度友善。今次我哋叫左兩碗招牌麵，有牛腩 蘿蔔 魷魚 豬大腸同豬皮。麵底同醬汁都係可以任揀既。牛腩非常嫩滑，肉質入味，最鐘意係個蘿蔔吸收咗湯底的精華。魷魚鮮嫩，豬大腸入味得黎仲好有彈性，好正。豬皮滑溜，搭配湯底後更加濃郁。我個人好鐘意個沙嗲湯底🫶🏻麻辣牛栢葉 麻辣味十足，牛栢葉脆口，好開胃，但都真係幾辣，唔食得辣既要浸下湯先。油菜油菜都夠鮮嫩。車水堂車仔面都幾有傳統的味道，加上簡單舒適的環境，絕對岩一眾中環打工仔女。

最近行完大館，去咗中環嘅車水堂～呢間個裝潢有d 日式簡約的車仔麵店，係中環大排檔旁邊，感覺都好熱鬧～今次我叫咗兩份五餸麵～第一碗係嘅豬骨湯菜底。湯底濃郁，有肉香，呢碗嘅配料非常豐富，特別係豬手、溏心蛋同牛筋，絕對係亮點～豬手肉質滑嫩，味道鮮美；溏心蛋嘅蛋黃恰到好處，甜甜地增添咗湯底嘅香濃；牛筋則幾有嚼勁，秘製辣醬我揀咗小辣，味道剛好，唔會太刺激，但又能感受到微微辣味。鍾意辣嘅人可以中辣起跳～第二碗嘅油麵同樣出色，呢碗有秘製辣魷魚、豬紅同豬腸，每樣都令人驚喜。秘製辣魷魚鮮美又微辣，唔夠食可以再叫一份小食；豬紅好順滑 ，與湯底完美融合；而豬腸嘅彈性同風味都好出色！小食方面，我仲叫咗沙嗲金錢肚。呢道小食嘅沙嗲醬香濃，超正，而金錢肚口感好軟滑，值得encore!整體黎講，車水堂嘅五餸麵同小食都令我好滿意，無論湯底味道定食材新鮮度，都值得一試~下次再來，我一定會挑戰佢哋嘅中辣同其他小食！

一碗熱騰騰的車仔麵，湯頭濃郁鮮甜，麵條彈牙有嚼勁，配上豐富的配料，令人垂涎三尺。糖心蛋外層微熟，切開後蛋黃緩緩流出，口感滑嫩；豬軟骨燉得軟爛入味，輕輕一咬便骨肉分離，肉香四溢；雞翼外皮微焦，內裡多汁嫩滑，醃料香氣撲鼻；響鈴炸得金黃酥脆，浸入湯汁後外軟內脆，層次豐富。每一口都是滿足，讓人回味無窮，忍不住一口接一口，吃完還想再來一碗！這碗車仔麵不僅是味蕾的盛宴，更是心靈的慰藉。糖心蛋的流心與湯汁交融，增添了一絲濃郁的奶香；豬軟骨的膠質豐富，入口即化，帶來滿滿的幸福感；雞翼的醃料滲透至骨，鹹香中帶點微甜，令人欲罷不能；響鈴的脆爽與湯汁的溫潤形成完美對比，每一口都充滿驚喜。整碗麵的層次分明，食材之間的搭配恰到好處，吃完後舌尖仍留香，讓人忍不住回味再三，絕對是街頭美食中的極品！