車水堂車仔麵

營業中

休息中

中上環一帶實在有太多隱蔽的小店，絕大部份都係小巷發現，今日決定黎試下呢間車仔麵，食完覺得好值得支持。首先，望落空間看似唔大，但座位都幾多嫁。我地二人，一個叫左招牌麵，一個就叫自選三餸麵，一份小食，兩杯野飲。招牌麵足足有5款餸咁多，包括秘制辣魷魚、豬腸、豬皮、牛腩同蘿蔔。可選湯底或者撈麵，黎到食車仔麵一定要選湯呀！仲有五款醬汁選擇，特別d嘅有秘制辣醬同四川麻辣。我就揀左要米線底秘制辣醬。至於餸方面最中意就係豬皮同蘿蔔。豬皮魚好爽脆，吸收埋辣既湯汁，好惹味，蘿蔔清甜而且唔會有渣。同行朋友就叫左三個餸雞翼尖、生菜同辣魷魚，沙爹湯底配烏冬。雞翼尖入味，魷魚夠爽口。沙爹湯底非常濃郁，好香花生味，食落有d似馬來西亞食串燒個種沙爹香。雖然叫左少烏冬，但份量仍然好多。我地仲要叫左小食沙爹金肚，非常入味同好淋。真係食到肚脹脹咁走，好滿足

約車水堂車仔麵地址: 中環士丹利街82號地舖放工後要上training 攪到7:30 先放，成個人餓到無力，立即收拾好東西去食dinner ,快靚正去點碗香港人由細食到大裸車仔麵。自選五餸面 ，呢度有好多款餸，就係有選擇困難乜都想食！菜底就比較健康，代替了麵唔怕一下子食太多carbohydrate會血糖大升，晚上無咁易肥！餸我點了豬軟骨、豬手、蘿白、溏心蛋及台灣黑椒腸招牌-豬軟骨入味呀，豬手皮腍滑入口，溏心蛋都好qq 富蛋黃香。小食order 了炸魚皮呀，脆卜卜仲有健康豆漿飲

最近約朋友午餐約左去試下車仔面，喱間係中環黃金地段既車仔面店環境雖然簡單，但都幾有親切感。座位設計幾簡約，有吧台同普通位，姐姐們態度友善。今次我哋叫左兩碗招牌麵，有牛腩 蘿蔔 魷魚 豬大腸同豬皮。麵底同醬汁都係可以任揀既。牛腩非常嫩滑，肉質入味，最鐘意係個蘿蔔吸收咗湯底的精華。魷魚鮮嫩，豬大腸入味得黎仲好有彈性，好正。豬皮滑溜，搭配湯底後更加濃郁。我個人好鐘意個沙嗲湯底🫶🏻麻辣牛栢葉 麻辣味十足，牛栢葉脆口，好開胃，但都真係幾辣，唔食得辣既要浸下湯先。油菜油菜都夠鮮嫩。車水堂車仔面都幾有傳統的味道，加上簡單舒適的環境，絕對岩一眾中環打工仔女。

最近行完大館，去咗中環嘅車水堂～呢間個裝潢有d 日式簡約的車仔麵店，係中環大排檔旁邊，感覺都好熱鬧～今次我叫咗兩份五餸麵～第一碗係嘅豬骨湯菜底。湯底濃郁，有肉香，呢碗嘅配料非常豐富，特別係豬手、溏心蛋同牛筋，絕對係亮點～豬手肉質滑嫩，味道鮮美；溏心蛋嘅蛋黃恰到好處，甜甜地增添咗湯底嘅香濃；牛筋則幾有嚼勁，秘製辣醬我揀咗小辣，味道剛好，唔會太刺激，但又能感受到微微辣味。鍾意辣嘅人可以中辣起跳～第二碗嘅油麵同樣出色，呢碗有秘製辣魷魚、豬紅同豬腸，每樣都令人驚喜。秘製辣魷魚鮮美又微辣，唔夠食可以再叫一份小食；豬紅好順滑 ，與湯底完美融合；而豬腸嘅彈性同風味都好出色！小食方面，我仲叫咗沙嗲金錢肚。呢道小食嘅沙嗲醬香濃，超正，而金錢肚口感好軟滑，值得encore!整體黎講，車水堂嘅五餸麵同小食都令我好滿意，無論湯底味道定食材新鮮度，都值得一試~下次再來，我一定會挑戰佢哋嘅中辣同其他小食！

一碗熱騰騰的車仔麵，湯頭濃郁鮮甜，麵條彈牙有嚼勁，配上豐富的配料，令人垂涎三尺。糖心蛋外層微熟，切開後蛋黃緩緩流出，口感滑嫩；豬軟骨燉得軟爛入味，輕輕一咬便骨肉分離，肉香四溢；雞翼外皮微焦，內裡多汁嫩滑，醃料香氣撲鼻；響鈴炸得金黃酥脆，浸入湯汁後外軟內脆，層次豐富。每一口都是滿足，讓人回味無窮，忍不住一口接一口，吃完還想再來一碗！這碗車仔麵不僅是味蕾的盛宴，更是心靈的慰藉。糖心蛋的流心與湯汁交融，增添了一絲濃郁的奶香；豬軟骨的膠質豐富，入口即化，帶來滿滿的幸福感；雞翼的醃料滲透至骨，鹹香中帶點微甜，令人欲罷不能；響鈴的脆爽與湯汁的溫潤形成完美對比，每一口都充滿驚喜。整碗麵的層次分明，食材之間的搭配恰到好處，吃完後舌尖仍留香，讓人忍不住回味再三，絕對是街頭美食中的極品！

今日去到中環一間車仔麵店，嗌咗碗車仔麵，足料又好食！首先，湯底我揀咗豬骨湯，醬汁我揀咗濃香沙嗲，飲落香濃而又一啲都唔辣啱哂我，最緊要食完一啲都唔口乾無味精。麵底用嘅係幼麵，口感滑順，吸收咗湯底嘅精華。配料方面，我揀咗四款餸，分別係秘製辣魷魚、滷煮豬腸、牛腩同牛筋。秘製辣魷魚非常咬落爽脆，令人食得過癮。滷煮豬腸則係軟滑入味，咬落去冇膻味，反而有一種香醇嘅口感。牛腩肉質嫩滑，湯汁滲透入肉裡面，口感美味。至於牛筋，咬落去彈牙軟冧冧，味道亦好香。最後，加咗個小食麻辣鴨血，味道麻辣適中，唔食得辣嘅我都覺得好野味，鴨血滑嫩又大件，伐配上車仔麵真係絕配。飲品我就跟餐價叫咗凍豆漿。無論係車仔麵嘅配料定係鴨血，份量都超多又好食😋

一家四口中環尋美食，原本去健康工房拉麵，可惜下午落場，誤打誤撞試了水記旁邊的車水堂車仔麵，食得出每樣食物都用心做。最出色係籮白，好甜無渣，豬紅有滷過，好入味，豬腸係瘦腸，晤太肥，鹵水雞中翼都好正。魔鬼辣油好吸引，食過會翻尋味! *啤酒 $18.00, 好抵!唯一缺點全用高櫈，碗用了日本拉麵高身碗，小朋友比較難坐及進食。注意星期日係定休日。

中環打工仔嘅福音！車水堂係上班族嘅恩物,超大碗嘅車仔麵,抵食之餘仲環境舒適,完全同出面嗰啲大排檔形成鮮明對比。午餐時間去到, 感覺似置身於一個有冷氣、有靚靚裝潢嘅車仔麵餐廳,真係幾舒服！💼🍜佢哋嘅【招牌麵】真係必試！秘製辣醬湯底夠香濃,辣得嚟又唔會搶味,而配料更加係一絕: 秘製阿根廷新魷魚爽脆得嚟仲保留住魷魚獨有嘅鮮味;滷煮豬腸同爽脆豬皮夠彈牙;牛腩一層瘦一層肥,入口即化;再加埋吸晒湯底精華嘅蘿蔔,真係冇得輸！😋如果鍾意辣嘅話,可以試埋【港式咖哩湯底】🔥,湯底超惹火,配滷煮豬腸、爽脆豬皮同牛栢葉,辣味層次豐富,夠晒刺激！另外,加9蚊仲有新鮮豆漿,性價比爆晒燈！小食方面,麻辣鴨血係MUST TRY！麻辣汁濃郁惹味,辣味直衝味蕾,仲未食完已經諗住下次試埋佢既麻辣湯底！魚皮亦係鮮味滿分,唔油唔膩,好啱浸湯食想喺中環搵個好地方食車仔麵？車水堂一定係你嘅首選！🚶‍♂️🚶‍♀️

車水堂的環境簡潔舒適，雖然空間不大，但店舖同一時間也能容納二十多位！當天是假日中午時間幫襯，都全店滿座！車仔麵選擇豐富，從湯底，麵底，配餸及醬汁都可自選味道，應有盡有！另外見到可自行加重醬汁。叫了兩碗五餸車仔麵！牛腩+腐皮魚卷+蘿蔔+豬軟骨+魚皮配沙嗲湯底沙嗲醬是分開附上的，先試了原味的湯底，可能是叫了牛腩的關係，飲上極著牛湯；油麵麵條口感彈牙；牛腩肥瘦適中，軟腍的；蘿蔔十分清甜，沒有根，煮得非常入味；豬軟骨咀嚼有彈性，魚皮香脆！蘿蔔+豬紅+豬皮+雞翼+豬腸配秘製辣醬所有內臟類都處理得十分乾淨，沒有任何腥味，令我食得放心！而且配上秘製辣醬的湯，非常入味！所有配料好足料，食到一半都已經飽啦！另外叫了2個冷盤小食：秘製辣魷魚+沙嗲金錢肚爽口！以中環地段，呢個價錢食到甘多個餸又甘高質的車仔麵，係性價比極高！

中環竟然開咗一間勁好味嘅車仔麵 真係打工仔嘅福音收工好攰，經過見到呢間新開嘅車仔麵裝修光猛 環境舒適一於就試吓佢呢度嘅餸全部都貴價足料我同朋友每人叫咗一個五餸嘅麵我叫咗蘿蔔、雞翼、金錢肚、牛筋同埋豬大腸每樣餸都係水平以上特別係牛筋雞翼同埋蘿蔔蘿蔔軟腍入味牛筋非常軟滑，充滿骨膠原而雞翼都非常入味 肉質仍然保持鮮嫩紅薯粉煙靭，非常有口感 鍾意煙靭嘅一定要試朋友就嗌咗撈麵推薦一定要叫佢哋嘅秘製辣醬 另加沙茶醬 超級香濃另外小食都非常唔錯叫咗麻辣鴨血 一上枱出晒煙 麻辣鮮嫩嘅鴨血非常正另外叫咗牛柏葉嫲嫲辣辣 吸晒啲汁 正呀👍🏻凍檸茶叫咗少甜 甜度適中用嚟解辣就一流啦👍🏻下次喺Office都一定會叫佢哋嘅外賣再嚟試埋其他嘢😜

碗麵裏面嘅餸全部都係唔熱，個蘿蔔唔熱。秘製魷魚嘅味道亦都唔夠。豬軟骨舊骨係硬嘅。然後朋友+8蚊嗌咗凍柚子蜜 係暖的。秘製辣椒醬可能個人口味，但係唔係特別香亦都唔夠辣。最後亦有同侍應反映話啲餸唔熱，佢嘅回覆係而家已經9點11分 我哋正常應該收舖。聽完都真係呆咗😂其實如果你覺得我哋阻你收舖你大可以唔接我哋生意，因為真係唔知道你收幾點。如果你就嚟收舖，其實我哋入座前你可以話我哋知，又或者直頭同我哋講其實過咗last order唔做生意。而唔係同我講呢個係你啲嘢食唔熱嘅理由，但係阻住你收舖都同你講句對唔住啦🙂‍↔️反映你知秘製辣醬唔夠辣，而且有苦澀味，你同我講叫我下次試吓你枱面其他辣椒油。。。其實都唔會有下次了🙂

<車水堂> 📍中環🔸鬧市中的地道車仔麵🔸價錢貼地，打工仔飯堂放工頹頹哋，為求快食晚餐，早啲返屋企休息 😴 就去咗平時食晏都會去嘅車仔麵。餐廳環境適合獨食，自己一個食頹頹哋都唔會尷尬。識食一定係食油麵 🍜 返工咁辛苦，放工絕對唔能夠唔能夠待博自己，五餸：咖喱魷魚、金錢肚、鮮豬紅、蘿蔔和豬軟骨 😌中辣湯底的辣度恰到好處，唔會掩蓋食材本身的鮮味。個人推薦咖喱魷魚 & 金錢肚，鍾意佢夠晒脆口感，增加左成碗麵嘅層次。鮮豬紅的肉質鮮美，車仔麵必選！仲有白蘿蔔，無根又清甜，食晒成碗麵都唔會覺得油膩。全清，爭啲連湯都飲埋 😆買單都唔使$100，中環嚟講算係好抵食啦～

🔎🔍🔎🔍今日與老公行中環~經過這家位於士丹利街82號車水堂車仔麵就入店舖試一試！🪑🪑🪑🪑簡單的高櫈給人一種親切的感覺，店面不大，牆壁上貼著菜單，色彩鮮豔，寫滿了各種麵食和配料的選擇！顧客們可以坐在高櫈上，隨意聊天，享受美食。食客可以QR Code及彩色手寫餐單落單，方便快捷及清楚！兩小食：秘製辣魷魚，沙爹金錢肚🦑🦑1)秘製辣魷魚 ＄38：是一碟令人垂涎的美食，魷魚經過精心處理，外表金黃爽脆，內裡鮮嫩多汁。它的秘製醬料融合了香辣的辣椒、蒜香和獨特的調味料，讓每一口都充滿了濃烈的風味。吃了一口，微微的辣味隨即襲來，伴隨著魷魚的彈性口感，讓人忍不住一口接一口。這道美食不僅適合作為下酒小菜，也是聚會的必備佳品！2) 沙爹金錢肚 ＄35：是色香味俱全的美食，通常以嫩滑的豬肉或牛肉為主料，搭配香濃的沙爹醬。這道菜的肉質鮮嫩，散發著誘人的香氣，內裡則保持著多汁的口感。讓人回味無窮，沙爹金錢肚通常會搭配生菜和其他蔬菜，色彩繽紛，增添了菜品的視覺吸引力。凍檸茶及凍奶茶＄88 照牌麵：秘製辣魷魚、滷煮豬腸、爽脆豬皮、牛腩、蘿蔔這碗招牌油麵，充滿了色香味俱全的魅力。秘製辣魷魚鮮嫩多汁，香辣的味道直逼味蕾；滷

這天來到中環一條好旺嘅食街食車仔麵我哋其中一個叫咗豬骨湯菜底，加咖哩汁我哋揀咗幾個餸，包括：秘製辣魷魚幾入味，唔太辣，大大啖入口好正牛腩：味道濃郁，近牛筋嘅位置幾好韭菜餃嘅菜餡都幾香，餡料好多溏心蛋都幾入味，蛋黃晶瑩剔透，好香漢堡扒都好大塊另一個車仔麵選了豬骨湯油麵，加沙爹汁揀咗嘅餸包括：蘿蔔：好大嚿超入味，好淋咖哩魚蛋：咖喱味道香濃，少少辣牛筋丸：彈牙高質，牛味香濃台灣黑椒腸：黑椒味都好出，鹹鹹香香幾好味蝦餅有彈性，味道幾好另加小食炸魚皮超級香脆，唔會太鹹，好乾身！好高質！另一個小食沙爹金錢肚好入味， 份量都幾多凍咖啡係港式茶餐廳嘅感覺，唔錯而豆漿嘅豆味都幾香整體嚟講，呢間係絕對穩陣，唔會令人失望嘅車仔麵店😊

本人喜歡吃車仔麵，特意試試這間。價錢不平回到家中，那些油麵很硬，要自己再煮。店員沒有什麼禮貌？我說外賣自取只是手指指。跟OpenRice的描述不同。平日夜晚晚上6:30店內只有一人，怪不得這麼冷清。款式多選擇,，店內衛生情況很好。但是還是上環的車仔麵很好吃。牛肚也不淋，幸好我還年輕牙齒還咬到下去，腐皮春卷正常。腩汁很清淡。韭菜餃好吃也很香。我在app叫很多餸菜都要另外加錢。如果相比銅鑼灣靚靚車仔麵更加冇得比。不過不失吧！