車水堂車仔麵

營業中

休息中

今日去到中環一間車仔麵店，嗌咗碗車仔麵，足料又好食！首先，湯底我揀咗豬骨湯，醬汁我揀咗濃香沙嗲，飲落香濃而又一啲都唔辣啱哂我，最緊要食完一啲都唔口乾無味精。麵底用嘅係幼麵，口感滑順，吸收咗湯底嘅精華。配料方面，我揀咗四款餸，分別係秘製辣魷魚、滷煮豬腸、牛腩同牛筋。秘製辣魷魚非常咬落爽脆，令人食得過癮。滷煮豬腸則係軟滑入味，咬落去冇膻味，反而有一種香醇嘅口感。牛腩肉質嫩滑，湯汁滲透入肉裡面，口感美味。至於牛筋，咬落去彈牙軟冧冧，味道亦好香。最後，加咗個小食麻辣鴨血，味道麻辣適中，唔食得辣嘅我都覺得好野味，鴨血滑嫩又大件，伐配上車仔麵真係絕配。飲品我就跟餐價叫咗凍豆漿。無論係車仔麵嘅配料定係鴨血，份量都超多又好食😋

一家四口中環尋美食，原本去健康工房拉麵，可惜下午落場，誤打誤撞試了水記旁邊的車水堂車仔麵，食得出每樣食物都用心做。最出色係籮白，好甜無渣，豬紅有滷過，好入味，豬腸係瘦腸，晤太肥，鹵水雞中翼都好正。魔鬼辣油好吸引，食過會翻尋味! *啤酒 $18.00, 好抵!唯一缺點全用高櫈，碗用了日本拉麵高身碗，小朋友比較難坐及進食。注意星期日係定休日。

中環打工仔嘅福音！車水堂係上班族嘅恩物,超大碗嘅車仔麵,抵食之餘仲環境舒適,完全同出面嗰啲大排檔形成鮮明對比。午餐時間去到, 感覺似置身於一個有冷氣、有靚靚裝潢嘅車仔麵餐廳,真係幾舒服！💼🍜佢哋嘅【招牌麵】真係必試！秘製辣醬湯底夠香濃,辣得嚟又唔會搶味,而配料更加係一絕: 秘製阿根廷新魷魚爽脆得嚟仲保留住魷魚獨有嘅鮮味;滷煮豬腸同爽脆豬皮夠彈牙;牛腩一層瘦一層肥,入口即化;再加埋吸晒湯底精華嘅蘿蔔,真係冇得輸！😋如果鍾意辣嘅話,可以試埋【港式咖哩湯底】🔥,湯底超惹火,配滷煮豬腸、爽脆豬皮同牛栢葉,辣味層次豐富,夠晒刺激！另外,加9蚊仲有新鮮豆漿,性價比爆晒燈！小食方面,麻辣鴨血係MUST TRY！麻辣汁濃郁惹味,辣味直衝味蕾,仲未食完已經諗住下次試埋佢既麻辣湯底！魚皮亦係鮮味滿分,唔油唔膩,好啱浸湯食想喺中環搵個好地方食車仔麵？車水堂一定係你嘅首選！🚶‍♂️🚶‍♀️

車水堂的環境簡潔舒適，雖然空間不大，但店舖同一時間也能容納二十多位！當天是假日中午時間幫襯，都全店滿座！車仔麵選擇豐富，從湯底，麵底，配餸及醬汁都可自選味道，應有盡有！另外見到可自行加重醬汁。叫了兩碗五餸車仔麵！牛腩+腐皮魚卷+蘿蔔+豬軟骨+魚皮配沙嗲湯底沙嗲醬是分開附上的，先試了原味的湯底，可能是叫了牛腩的關係，飲上極著牛湯；油麵麵條口感彈牙；牛腩肥瘦適中，軟腍的；蘿蔔十分清甜，沒有根，煮得非常入味；豬軟骨咀嚼有彈性，魚皮香脆！蘿蔔+豬紅+豬皮+雞翼+豬腸配秘製辣醬所有內臟類都處理得十分乾淨，沒有任何腥味，令我食得放心！而且配上秘製辣醬的湯，非常入味！所有配料好足料，食到一半都已經飽啦！另外叫了2個冷盤小食：秘製辣魷魚+沙嗲金錢肚爽口！以中環地段，呢個價錢食到甘多個餸又甘高質的車仔麵，係性價比極高！

中環竟然開咗一間勁好味嘅車仔麵 真係打工仔嘅福音收工好攰，經過見到呢間新開嘅車仔麵裝修光猛 環境舒適一於就試吓佢呢度嘅餸全部都貴價足料我同朋友每人叫咗一個五餸嘅麵我叫咗蘿蔔、雞翼、金錢肚、牛筋同埋豬大腸每樣餸都係水平以上特別係牛筋雞翼同埋蘿蔔蘿蔔軟腍入味牛筋非常軟滑，充滿骨膠原而雞翼都非常入味 肉質仍然保持鮮嫩紅薯粉煙靭，非常有口感 鍾意煙靭嘅一定要試朋友就嗌咗撈麵推薦一定要叫佢哋嘅秘製辣醬 另加沙茶醬 超級香濃另外小食都非常唔錯叫咗麻辣鴨血 一上枱出晒煙 麻辣鮮嫩嘅鴨血非常正另外叫咗牛柏葉嫲嫲辣辣 吸晒啲汁 正呀👍🏻凍檸茶叫咗少甜 甜度適中用嚟解辣就一流啦👍🏻下次喺Office都一定會叫佢哋嘅外賣再嚟試埋其他嘢😜

碗麵裏面嘅餸全部都係唔熱，個蘿蔔唔熱。秘製魷魚嘅味道亦都唔夠。豬軟骨舊骨係硬嘅。然後朋友+8蚊嗌咗凍柚子蜜 係暖的。秘製辣椒醬可能個人口味，但係唔係特別香亦都唔夠辣。最後亦有同侍應反映話啲餸唔熱，佢嘅回覆係而家已經9點11分 我哋正常應該收舖。聽完都真係呆咗😂其實如果你覺得我哋阻你收舖你大可以唔接我哋生意，因為真係唔知道你收幾點。如果你就嚟收舖，其實我哋入座前你可以話我哋知，又或者直頭同我哋講其實過咗last order唔做生意。而唔係同我講呢個係你啲嘢食唔熱嘅理由，但係阻住你收舖都同你講句對唔住啦🙂‍↔️反映你知秘製辣醬唔夠辣，而且有苦澀味，你同我講叫我下次試吓你枱面其他辣椒油。。。其實都唔會有下次了🙂

<車水堂> 📍中環🔸鬧市中的地道車仔麵🔸價錢貼地，打工仔飯堂放工頹頹哋，為求快食晚餐，早啲返屋企休息 😴 就去咗平時食晏都會去嘅車仔麵。餐廳環境適合獨食，自己一個食頹頹哋都唔會尷尬。識食一定係食油麵 🍜 返工咁辛苦，放工絕對唔能夠唔能夠待博自己，五餸：咖喱魷魚、金錢肚、鮮豬紅、蘿蔔和豬軟骨 😌中辣湯底的辣度恰到好處，唔會掩蓋食材本身的鮮味。個人推薦咖喱魷魚 & 金錢肚，鍾意佢夠晒脆口感，增加左成碗麵嘅層次。鮮豬紅的肉質鮮美，車仔麵必選！仲有白蘿蔔，無根又清甜，食晒成碗麵都唔會覺得油膩。全清，爭啲連湯都飲埋 😆買單都唔使$100，中環嚟講算係好抵食啦～

🔎🔍🔎🔍今日與老公行中環~經過這家位於士丹利街82號車水堂車仔麵就入店舖試一試！🪑🪑🪑🪑簡單的高櫈給人一種親切的感覺，店面不大，牆壁上貼著菜單，色彩鮮豔，寫滿了各種麵食和配料的選擇！顧客們可以坐在高櫈上，隨意聊天，享受美食。食客可以QR Code及彩色手寫餐單落單，方便快捷及清楚！兩小食：秘製辣魷魚，沙爹金錢肚🦑🦑1)秘製辣魷魚 ＄38：是一碟令人垂涎的美食，魷魚經過精心處理，外表金黃爽脆，內裡鮮嫩多汁。它的秘製醬料融合了香辣的辣椒、蒜香和獨特的調味料，讓每一口都充滿了濃烈的風味。吃了一口，微微的辣味隨即襲來，伴隨著魷魚的彈性口感，讓人忍不住一口接一口。這道美食不僅適合作為下酒小菜，也是聚會的必備佳品！2) 沙爹金錢肚 ＄35：是色香味俱全的美食，通常以嫩滑的豬肉或牛肉為主料，搭配香濃的沙爹醬。這道菜的肉質鮮嫩，散發著誘人的香氣，內裡則保持著多汁的口感。讓人回味無窮，沙爹金錢肚通常會搭配生菜和其他蔬菜，色彩繽紛，增添了菜品的視覺吸引力。凍檸茶及凍奶茶＄88 照牌麵：秘製辣魷魚、滷煮豬腸、爽脆豬皮、牛腩、蘿蔔這碗招牌油麵，充滿了色香味俱全的魅力。秘製辣魷魚鮮嫩多汁，香辣的味道直逼味蕾；滷

這天來到中環一條好旺嘅食街食車仔麵我哋其中一個叫咗豬骨湯菜底，加咖哩汁我哋揀咗幾個餸，包括：秘製辣魷魚幾入味，唔太辣，大大啖入口好正牛腩：味道濃郁，近牛筋嘅位置幾好韭菜餃嘅菜餡都幾香，餡料好多溏心蛋都幾入味，蛋黃晶瑩剔透，好香漢堡扒都好大塊另一個車仔麵選了豬骨湯油麵，加沙爹汁揀咗嘅餸包括：蘿蔔：好大嚿超入味，好淋咖哩魚蛋：咖喱味道香濃，少少辣牛筋丸：彈牙高質，牛味香濃台灣黑椒腸：黑椒味都好出，鹹鹹香香幾好味蝦餅有彈性，味道幾好另加小食炸魚皮超級香脆，唔會太鹹，好乾身！好高質！另一個小食沙爹金錢肚好入味， 份量都幾多凍咖啡係港式茶餐廳嘅感覺，唔錯而豆漿嘅豆味都幾香整體嚟講，呢間係絕對穩陣，唔會令人失望嘅車仔麵店😊

本人喜歡吃車仔麵，特意試試這間。價錢不平回到家中，那些油麵很硬，要自己再煮。店員沒有什麼禮貌？我說外賣自取只是手指指。跟OpenRice的描述不同。平日夜晚晚上6:30店內只有一人，怪不得這麼冷清。款式多選擇,，店內衛生情況很好。但是還是上環的車仔麵很好吃。牛肚也不淋，幸好我還年輕牙齒還咬到下去，腐皮春卷正常。腩汁很清淡。韭菜餃好吃也很香。我在app叫很多餸菜都要另外加錢。如果相比銅鑼灣靚靚車仔麵更加冇得比。不過不失吧！

I had an exceptional dinner in Central. While cart noodles in Hong Kong are often associated with crowded and chaotic settings, this restaurant breaks the mold. Situated right next to a dai pai dong, it boasts a modern and clean atmosphere, featuring high tables and wooden chairs—truly delightful!The staffs are generous. We ordered below:🔸Yellow noodles（油麵）with 5 toppings HKD73👉🏻pig oviduct（生腸）+HKD4👍🏻👉🏻radish （蘿蔔）👍🏻👉🏻soft boiled egg (溏心蛋）+HKD4👉🏻Pork and Chive Dumplings （韮菜餃）👉🏻beef tendon (牛筋）+HK

I m very happy for gathering, but we are not enjoys the show. Waste our time & money. food is ok. Environment is normal, please don’t singing any sad songs in Christmas Day.

今日中環做完嘢 見到呢間車仔好似唔錯咁就入去一試！入面光猛乾淨 坐得舒服！揀左自選5餸車仔面（咖哩魚蛋、玻璃魷魚、生茶、溏心蛋、蘿蔔）米線加秘製醬汁配凍檸茶 米線係我鐘意既口感 唔會太淋一pat 野但好易入口 湯底好似係滷水汁 甜甜地加埋d餸又幾夾！溏心蛋好好味 早知叫多隻🤤5個餸入面最推薦係蘿蔔！好甜好大舊又無渣 好耐冇食過咁大舊既蘿蔔啦 仲要煮得咁入味！魷魚都唔錯 彈牙得黎唔會老 配埋醬汁 愈食愈滋味下次想再黎試下佢其他餸！

中環新開車仔麵店，Lunch就去試試位置方便，好易搵到環境乾淨，坐得幾舒服餐牌都好多選擇豬骨湯底，油麵配香濃沙嗲汁豬骨湯幾清香，沙嗲汁好香濃，入口好順滑，幾惹味叫咗5個餸滷水豬腸、牛腩、牛筋、金錢肚、溏心蛋配料份量好充足，大大碗！☺️豬腸好香濃，非常入味，洗得乾淨，冇腥味，正🤤牛腩炆到好腍，肥瘦均勻，好快就食晒牛筋同金錢肚都炆到好腍，香濃掛汁，易咬糖心蛋香濃流心，一整個流心蛋，好滿足小食叫左秘製辣魷魚😋魷魚新鮮，爽口彈牙，特製醬汁好惹味，味道好夾！豆漿香濃順滑，甜度啱啱好，幾好飲！中環區車仔麵，價錢算平民，大大碗，配料多，份量十足，味道唔錯！

依日去中環覆診，覆完診有啲肚餓想食少少嘢又唔想太飽，經過依間車仔麵就入咗去~我叫咗個菜底嘅五餸麵，因為唔想食太飽。首先講個湯底先！佢哋嘅豬骨湯唔會太咸，我仲加多個濃香沙嗲醬，個醬濃味得嚟又有少少辣，好惹味呀！佢哋啲配料真係幾足料，成碗嘢$73就有成五樣配料。牛柏葉唔煙韌，爽口易咬，加上又掛湯~牛腩煮到勁腍，一啲都唔柴！肥瘦相宜，口感咬落去亦都唔錯。另外金錢肚同埋特製嘅豬紅都好好食，豬紅好入味，一啲腥都無，我最怕豬紅無味！最正係佢個菜底同埋蘿蔔，勁入味，又無渣，睇相都知佢勁好食😋至於個豆漿就係來貨嘅，不過都唔會過甜。今次食得好飽，叫唔落小食，睇圖就好吸引，下次一定會再試！整體來講依間佢喺中環鬧市嘅車仔麵，價錢平民，而且用料充足，大碗夾好食，所以經開附近或者平時喺附近返工都好建議過嚟大家食返碗車仔麵，夠方便！