影片
港鐵香港站 E1 出口, 步行約5分鐘
繼續閱讀
電話號碼
62036240
營業時間
今日營業
11:00 - 20:30
星期一至六
11:00 - 20:30
星期日
全日休息
以上資料只供參考, 請與餐廳確認詳情
相關文章
今次去咗中環一間車仔麵店，真係選擇困難症發作！配料多到睇到眼花，足足有成幾十款揀，樣樣都想試～ 我最後叫咗秘製汁米線，揀咗通菜、辣魷魚、蘿蔔同豬皮。個湯底好濃郁，帶少少甜辣，辣魷魚爽口彈牙，蘿蔔煮到好淋好入味，豬皮索晒湯汁超正！小食叫咗辣汁牛柏葉，辣得嚟好過癮，牛柏葉爽脆有嚼勁。朋友就叫咗蘿蔔、雞翼、魚蛋同魷魚秘製汁米線，雞翼滷得好入味，魚蛋彈牙，炸魚皮脆卜卜，浸落湯食仲正！ 兩碗麵嘅份量都夠晒大，女仔食可能會覺得多。飲品跟咗凍檸茶，茶底夠濃，甜度適中，解渴一流！ 總括嚟講，呢間車仔麵店配料新鮮，湯底惹味，價錢合理（中環地段嚟講算抵食），絕對係打工仔午餐好選擇！午市勁多人，最好早少少去霸位啊！
繼續閱讀
今次點左3餸車仔麵小辣，貢丸，豬紅，蘿蔔。麵黎到見冇落辣醬，結果女職員另外比一小碟，問題唔大。跟住咬左一啖貢丸的時候，發現係牛丸，真係吐都吐唔切(因為我戒左牛好多年)。結果女職員要求攞返粒牛丸入去比廚房睇，好明顯廚師自己都唔知比錯食物客人。跟住換返貢丸，貢丸外面暖但入面係凍既(唔係常溫，係凍冰冰)，結果冇食到，同女職員反映問題，佢收左貢丸，但完全冇覺得唔好意思。 我同朋友每個月都幫襯幾次，今次可以話係咁耐以黎最差既體驗！臨走時我望入廚房，見到個高高大大既男廚師，喺度玩電話，唔怪得知連比左啲咩食物個客都冇睇清楚啦。
繼續閱讀
放假同老公嚟到中環剪頭髮，整完之後就嚟食嘢，呢間車仔麵之前有朋友推介過，今次終於有時間嚟食我哋嗌咗一碗正常跟麵，份量都真係幾大！入面有蘿蔔，冇渣超甜又大嚿！仲有啲牛腩，仲加咗響鈴落去食！另外一碗就買咗好少有嘅紅薯粉，然後加咗酸菜一齊食，幾特別架，一定要試佢嘅辣醬，一齊食味道更加豐富。大堆豬紅，so jelly!! 好特別佢有蝦餅，所以嗌左，大大件的我哋仲嗌左麻辣鴨血！重口味之揀🤣通菜就正常，suggest 走醬😉#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies
繼續閱讀
呢日晏晝，中環街頭車水馬龍，陽光猛到成個人差啲溶咗。行經「車水堂」，聞到陣陣濃郁肉香飄出，即刻忍唔住推門入去🔥落單嗰陣毫無疑問揀咗招牌牛腩車仔麵，麵底選幼面，配料要咗蘿蔔、魚蛋。等咗大概十分鐘，頭呈深褐色，牛腩塊塊都見到紋理，蘿蔔切到大大舊，魚蛋仲識得「卜卜」彈添🥢啖湯濃稠，飲落暖笠笠又唔會膩。牛腩簡直係靈魂所在，肉質軟稔但不失韌度，牛筋部分腍到一咬就化，表面吸滿晒湯汁，食落鹹香帶少少甜，真係大件夾抵食！蘿蔔煮到通透，裡面充滿肉汁🤤 魚蛋夠彈牙，豬皮吸滿湯後軟淋淋，配埋幼面一齊食，口感層次豐富到不得了。而且價錢喺中環呢個黃金地段算幾貼地，難怪附近返工族日日都黎報到。真係充滿香港味道 —— 實在、熱鬧、同埋永遠唔會令人失望嘅好味😋
繼續閱讀
吃過這麼多車仔麵 中環區亦然喜歡走到車水堂吃 每次不知道要吃什麼的時候 都會來揾佢它多種的辣醬啊 麵條種類啊 都可以選又有我最愛的魷魚 牛栢葉 金錢肚 所以可以吃得很爽！ ！這次吃的是五餸面選的油麵＋秘製辣醬中辣 辣度對我來說是偏輕手的可能是枱面也有放另一款辣醬 等你想辣點的時候再自己加 剛好很過癮魷魚超爽口的 豬軟骨也很新鮮 羅白亦大舊無渣很清甜金錢肚好入味 牛栢葉厚身大塊款款都好食面也非常大碗 男仔來說份量也足夠值得一贊是店員服務態度很好完全等你慢慢進食 閒聊不像其他店舖吃完趕你走的意思在中環區來說非常難得👍
繼續閱讀