越．男

營業中

休息中

灣仔一向都多好野食，係利東街附近特別多正宗既東南亞菜食✨ 今次介紹一間正宗得黎又高CP值既越南菜，只此一間分店，連廚師都係越南人，夠哂地道😍餐廳裝修幾有心思，掛左唔少越式燈籠，牆身壁畫充滿會安特色，不禁諗返起以前去過會安旅遊，真係似層相識幾有feel🇻🇳 店舖唔算好大間，勝在乾淨企理，仲有Open kitchen見到廚師準備菜式，好有親切小店feel。點餐方面就好似快餐店咁，採用自助形式，先比錢後送餐。♢ 🥩會安生牛肉湯河+小食+飲品 $80冬天最岩黎一碗熱辣辣既Phở！牛骨湯頭清澈，帶有濃郁牛骨味，同時充滿九層塔芳香。生牛肉被湯輕輕灼熟，保持嫩滑口感，簡直無得彈！河粉口感都幾特別，滑溜得黎又有煙韌口感，同坊間食開既河粉唔同。♢ 🐓海南雞湯河+小食+飲品 $80一上菜就聞到香噴噴既雞湯味，雞味非常濃郁！海南雞已經起哂骨，肉質好嫩滑，份量都唔算少，男仔食都好夠飽肚~♢ 🐖脆燒腩法包 $70法包焗得外脆內軟，唔洗用力咬得咁辛苦~ 脆豬腩燒到脆卜卜，塊皮夠爽脆，充滿油脂香味。餡料仲有青瓜﹑蘿蔔絲﹑芫茜﹑洋蔥，口感豐富，整體感覺好refreshing！最正係個醬，原來係餐廳自家製火雞肝醬，鹹鹹

【越．男】上次去利東街影完相夠鐘食晚飯係附近行咗個圈發現咗呢間勁有越南風味嘅 @com_banh_mi見價錢又唔係好貴就入咗去試下🇻🇳.🍴會安生牛肉湯河 (套餐) - 💰80最怕有時d越南餐廳叫生牛肉湯河上菜時d牛肉會熟曬老曬，但呢間d生牛肉上菜時仲係半生熟，肉質偏嫩，有4️⃣大塊左右，唔會好厚又唔會太薄；牛肉湯都好香濃，河粉都算大碗又彈牙👍🏻鐘意既仲可以自己加小米辣、青檸同香蒜粒，係係香港食到幾好味既一碗Phở🍜🍴香茅豬頸肉撈檬 (套餐) - 💰80豬頸肉有6️⃣大塊，超厚肉，肉質口感無誇張到真係煮得超軟熟，唔會痴牙🐷檬粉超級彈牙，仲有好多扎肉絲、青瓜絲、生菜絲同蘿蔔絲🥕每次食撈檬都必落甜酸醬同魚露，全部夾埋簡直絕配🌟🍴香蒜牛油雞翼 (追加小食) + 💰20食過最香蒜頭同牛油香既炸雞翼🐔雖然好多油好邪惡，但炸到外脆內軟，超好食！就算擺耐咗凍咗都唔依然係好脆好多肉，簡直係惹味又香口🤩🍴鮮蝦扎肉米紙卷 (追加小食) + 💰30食越南野必叫小食🌱米紙薄薄地唔會包到好厚，煙煙韌韌，餡料似檬粉，大蝦彈牙，好清新既感覺🦐🧋檸檬特飲 (套餐)檸檬酸酸甜甜又開胃，食食下覺得好肥膩又可以中和一下，好fresh

灣仔地道越式小店 • 推介卜卜脆燒腩法包🇻🇳 —🥖脆燒腩法包 $90法包烘得香脆 唔係咬到上顎痛嗰種😆脆燒腩層次分明 類似中式嘅燒腩仔🐷 油香十足🤤同傳統嘅越式法包一樣 配料有肝醬 酸蘿蔔 扎肉 芫荽🌱 如果再加啲辣就更加正🔥.🥗木瓜沙律 $20套餐加$20就可以要一份小食✌🏻沙律材料好豐富☺️ 有青木瓜 青瓜🥒 紅蘿蔔🥕椰菜絲同粉絲 醬汁酸酸辣辣好開胃😋—評分📈味道 7.5/10性價比 7.5/10—🏠越．男📍灣仔大王東街28號地舖

越南菜最鍾意食就係Phở😚去開灣仔行街見到呢間好多人食見到食物吸引而且價錢又幾合理🤩決定入去試吓睇吓好冇食😎🐔 海南雞湯河粉套餐 $80套餐係包埋飯品$80✨越南嘅Phở係用大米製成濃郁湯底配上生芽菜同香葉Phở口感嫩滑有咬口海南雞肉質鮮嫩結實🐮 會安生牛肉河粉套餐 $80牛肉湯味濃郁惹味重牛骨味睇得出用咗好多時間熬製牛肉肉質偏嫩可口配上口感豐富嘅Phở🤩令人食指大動😋✨🫔 越式春卷 +$20套餐加$20有四件都幾抵食外脆內軟嘅酥炸春捲內餡有各種配料如蘿蔔絲肉絲木耳豐富口感味道酸甜開胃😋

囍帖街旁邊大王東街隱世越南蜆港會安風味小店牆身仲有手繪越男壁畫老闆專登由越南運來紅色燈籠做店舖裝飾門口有電單車經過真係有啲越南feel食物可以叫餐 灣仔區囍帖街附近價錢算好抵食會安生牛肉河越式春卷西柚汁越式去骨海南雞飯鮮蝦扎肉米紙卷熱香茅檸水老闆搵左當地最好味嘅海南雞食譜返黎海南雞肉質鮮嫩每一隻海南雞都係會特別浸雞加上特別醬料 完全唔同泰式食法十分特別 值得一試

🧡越·男🧡呢間越南餐廳位於灣仔大王東街算係一條比較清靜嘅內街夜晚一枱頭望就見霓虹燈招牌💈裝潢行越式嘅Vintage風入面有平時嘅坐枱或者高枱高櫈兩位廚師都係正宗越南人偷聽到佢哋同老闆娘用越南話講嘢食物方面叫咗六點有優惠嘅set有一個主菜一個小食同埋一杯飲品1·越式香茅豬扒湯河2·蒜香牛油雞翼3·檸檬特飲香茅豬扒湯河嘅份量唔算多豬扒亦都比較細碟 唔係好食到香茅味🥹湯入面都有好多唔同嘅香料但味道偏小鹹 好彩夠熱辣辣河粉都好夠滑有咬口反而蒜香牛油雞翼好食😋粒粒蒜頭仔加香濃牛油味🧈炸得剛剛好 又惹味又香口肉啱啱好離骨唔鞋 而且仲係大大隻！檸檬特飲🍋酸酸甜甜幾好飲配搭湯河小食可以中和返解膩上面仲有2小枝香茅做裝飾總結呢度坐得舒服唔趕客以灣仔新開發地段嚟講晚餐set $80算係咁下次想試埋佢地嘅招牌越式法包😉😙

最近囍貼街有市集, 行完去附近開餐再去酒吧睇世界盃就岩晒話晒世界盃有咁多場, 日日出去食飯飲野好高消費架嘛今日去呢餐廳絕對係BUDGET首選, 人均100蚊鬆D已經有一大碗粉/越式三文治+小食呢個價錢係灣仔既晚市黎講真係相當抵食粉麵/飯/ 越式三文治有超過12款選擇今日試左脆燒腩湯河, 會安生牛肉湯河湯頭濃而不膩, 仲好清澈牛肉質素唔差河粉份量超多, 一個正常女士食量會食唔晒脆燒腩比起廣東式燒味既燒腩仔硬身少少調過味, 再配埋台上面既辣醬, 好正!小食叫左越式春卷 & 香蒜牛油雞翼兩樣都炸得鬆脆唔油膩飲品係椰青水, 檸檬特飲台上面有兩款食湯河可以落既醬, 曾經睇一個YOUTUBER教落好多醬好似腸粉咁食大家可以試下, 落左係甜辣甜辣咁. 個湯既層次會唔同左有D似椰子雞湯加青檸咁, 有D化學作用係當中另外,店員非常有耐性落單同埋介紹絕對會再ENCORE番黎呀!!

適逢就嚟聖誕節，利東街有限定燈飾擺設，超多人喺度打卡。經過大王東街見到呢間越南舖頭，睇落幾有特色，於是入去試吓。我同朋友點咗兩個set，分別跟一份主食、一份小食同一杯飲品。<脆燒腩撈檬/越式春捲/西柚汁> $90撈檬加咗啲魚露，再將啲配料同埋醬汁撈勻，食落味道清爽，解熱一流。脆豬腩爽脆不油膩，點埋甜酸醬有種港越fusion感覺。春捲有驚喜，食落索索聲。<香茅豬扒法包/木瓜絲沙律/椰青水> $80香茅豬扒很貼心地為客人去骨，方便食用。不過我覺得豬扒份量有啲少。至於木瓜絲沙律味道正常。總括黎講，食物味道不錯，而且老闆娘都好熱情介紹菜色，如果想食越式嘅嘢係一個唔錯嘅選擇。

食過呢一間越南餐廳覺得質素唔錯所以今次再黎！叫咗個會安牛肉湯河湯底係屬於清清甜甜地嘅味道比較少喺香港嘅越南河粉食到邊味道幾唔錯而且飲落好舒服食完唔會好口乾😌另外叫咗個雞飯飯底係有微微既油香加上佢既雞肉算幾新鮮整體配搭味道我都覺得幾滿意😇

灣仔修頓球場附近有條街都幾多野食，今次呢間越南餐廳嘅裝修唔係好起眼，但簡簡單單，畀人感覺更加似越南當地嘅餐廳，而店員好似都係越南人，有個姐姐講英文，但都識啲中文。今次試咗2款撈檬套餐，每款都係HKD80連越式飲品，加HKD20至30仲可以有4款小食揀添，包括木瓜絲沙律、越式春卷、香蒜牛油雞翼及鮮蝦扎肉米紙卷。✍🏻 /香茅豬扒撈檬▫️椰青水▪️價錢：HKD80▫️香蒜牛油雞翼+HKD20▪️美味指數：♥♥♥♥♡豬扒略略煎炸過，醃得好惹味，而個粉就有啲似粗米粉，食落都幾彈牙，仲有扎肉、生菜絲、蘿蔔絲同青瓜絲，再撈埋啲魚露，唔錯！而且跟餐仲有得飲原價HKD30嘅清甜椰青水，加錢配炸到好香嘅香蒜牛油雞翼2隻，滿足😙✨✍🏻 /海南雞撈檬▫️熱香茅青檸水▪️價錢：HKD80▫️鮮蝦扎肉米紙卷+HKD30▪️美味指數：♥♥♥♥♡呢個配料同上，唯一唔同就係豬扒轉咗海南雞，海南雞肉質十分滑，同行朋友都讚滑！而個鮮蝦扎肉米紙卷都好味，皮夠曬薄，餡料有啲似撈檬啲配料，但多咗隻蝦🍤✨

夜晚既利東街，真係好靚！閒時黎逛逛，有時會有d巿集仔，感覺都幾chill、幾似去左旅行架！附近好多餐廳，行過隔離2條街，有間裝修別緻有風格既越南餐廳小店，都幾好坐！晚巿套餐$80（脆燒腩套餐就$90），套餐包括一個主菜、一個飲品。主菜有齊越南檬粉／河粉／越式法包／飯既選擇。飲品可揀檸檬特飲／橙汁／西柚汁／椰青水／汽水／香茅青檸水／越式煉奶咖啡。都幾富有越南風味特色。🥩🍜會安生牛肉湯河會安(Hoi An)係越南中部、近峴港嘅地方，有著名既“世界遺產”歷史古鎮，最出名就係生牛肉湯河。呢度既生牛河有無會安既咁好食就唔確定，不過味道尚算不錯既。河粉幼細柔軟，上台既時候牛肉都係半生熟，浸住熱辣辣既湯，吃時生熟度掌握得剛剛好！湯頭亦鮮甜味濃，飲完都唔會口渴！店內仲有青檸、辣椒、蝦乾提供伴面食，服務不錯！🐔🍜海南雞湯河雞肉嫩滑，雞湯清甜！🌯越式春卷 跟餐+$20兩件熱辣辣、脆卜卜，春卷入面包住肉碎、芋蓉，芋蓉好香！好味！🐤香蒜牛油雞翼 跟餐+$20兩件好香牛油香蒜味，雞翼都大大隻！總括呢度環境舒服，服務好，幾好坐，以灣仔地區黎講，晚巿套餐$80，價錢親民！

大王東街一帶都多選擇🤎 小店林立今次同朋友 行過見裝修唔錯 就去會一會晚市有套餐優惠 主食配一杯飲品脆燒腩法包 $90 🌟首選推介🌟係勁惹味 燒到脆卜卜的燒腩仔 其油脂好香😋仲配上札肉 加入不同菜類 同自家製醬汁成件事好夾🫶 包身真係外脆內軟 所以唔會咬到好攰😂香茅豬扒撈檬 $80豬扒炸得幾香 而且麵量好足👍🏻 仲大方配左 札肉絲😉 佢哋的撈檬汁 相對温和 有時我都怕太偏鹹或偏酸🙈另外仲配左啲小食鮮蝦扎肉米紙卷 $30 老實唔就特別 但口感清爽🤗香蒜牛油雞翼 $20超級邪惡😎 好香蒜蓉牛油 值得一試💕飲品就叫左 西柚汁🫢 有少少帶西柚的澀味 反而覺得天然啲熱香茅青檸水😍 揀熱飲的話 私心推薦 香氣獨特🫶

漫無目的咁行下灣仔一圈🚶‍♀️🚶，有香港地道特色嘅灣仔街市，又有充滿異國風情嘅囍帖街，囍帖街好多美食，不過價錢比較貴😅，行遠少少，就發現有一間充滿越南情懷嘅小店，價錢合理，決定入去試下😃大部分套餐都係＄80，只有脆燒腩套餐係＄90，套餐包飲品一杯，我哋叫左兩個餐👇🐽🥖香茅豬扒法包法包外脆內軟，餡料當然有豬扒，配上扎肉、醃酸紅白蘿蔔絲，青瓜及芫茜，法包除左沙律醬之餘仲有自家製火雞肝醬，濃厚、鹹香惹味，加埋充足嘅餡料相互配搭，食多個都冇問題😋🐔🍚越南去骨海南雞飯成碟飯嘅色彩好靚，除咗主角海南雞之外，仲有醃酸紅白蘿蔔絲，紫洋蔥絲，青瓜及薑蔥蓉，雞肉爽口嫩滑，配合薑蔥蓉perfect match，調味架上面亦有專屬海南雞嘅黑油醬🍵跟餐熱香茅青檸水聞落清香，飲落清爽健康，無糖解膩另外，套餐加＄20可加配小食一款，我哋加左兩款👇🥢香蒜牛油雞翼雞翼大大隻，炸得熱辣辣，皮脆肉嫩，濃香牛油味，並且帶有淡淡嘅蒜蓉味🥢木瓜絲沙律清新爽脆嘅木瓜絲，酸酸地 好醒胃，我比較鍾意酸啲，所以自己唧咗每枱都有擺放嘅青檸角此小店乾淨企理，而且非常大方及貼心，每枱都有放置調味架之外，仲有青檸角、辣椒粒及炸乾蔥，可以按照個人喜

套餐加野飲就$80今次我就無叫到套餐，就咁叫左個海南雞飯$60啲雞係去左骨，好香雞味同好滑😋每張枱都有醬汁比你自己選擇灣仔地段黎講，60蚊嘅晚餐性價比已經好高啦👍🏻👍🏻

香茅青檸水， 香到你唔信，一聞就知道飲完清熱解毒！係越南嘅飲品！我好鍾情於東南亞嘅地區！灣仔都唔少好西，哩間最有越南味帶嚟獨特嘅文化！成副牆都係綠色，裝飾應該係嗰班文族風！好多單人位！每一格都有調味醬調味料！佢哋好落唔同醬料撈嚟食！meun好容易睇，比起其它越南餐廳 非常user friendly！海南雞飯套餐好抵！又滑又大份！我鐘意撈d越男豉油，雞要夾住雞蓉蔥一齊食～～～～越式法包係必不可少嘅一道小食，睇我眼中法包好硬，我鐘意軟少少嘅包！！最後都有嗌小食想講超想蒜蓉味！極度吸引！環境👍👍👍👍👍服務👍👍👍👍👍美食👍👍👍👍👍friendly👍👍👍👍@灣仔越男