越萊 (廟街)

營業中

休息中

今日約佐朋友去佐敦，知道有間好食既越南野餐廳，一於去試下！位置都方便，大約由地鐵站行5分鐘都到。去到既時候唔算繁忙時間，所以好快都安排到座位👍🏻🤣餐廳裝修好特色，好似真係去越南咁🤣🤣略嫌張枱細佐少少（因為後尾唔夠位擺野食😂)不過都坐得舒服既！👍🏻我地叫佐碗生牛肉河粉，小食拼盤，油菜同埋特色飲品👍🏻以兩個人黎講會多佐少少，因為份量都大，食到一半都有少少飽😂生牛肉河粉有少少失望，唔知係咪個湯唔係十分熱，生牛肉都係浸到變半生熟（雖然半生熟牛肉又反而幾好食)😋小食拼盤都算驚喜，份量大得黎，味道都好好食，米紙卷同蝦餅都係推介之選！油菜就比較普通🤣下次再黎會試下其他粉，見佢有大大份既牛河粉，岩曬我地呢d牛控🤣

聽講佐敦有間越南嘢幾好食，就睇試下佢個外賣，以前都有堂食嘅不過而家變哂淨係做外賣。見到個menu 都好多選擇，樣樣都想食都幾難揀越南野多數生牛肉河，但我就麻麻地，反而我中意食d香茅味既野，同埋食肉為主，所以就決定叫個越萊經典撈檬。有三個餸，分別係香茅牛肉，厚切豬扒同埋豬頸肉，再配檬粉，真係好多餸而且個檬粉嘅份量都好多因為叫左午市套餐有得加$12就有份小食，咁就試左河內蝦仁米紙卷，一份有兩件，蝦仁都好爽口，如果有多兩件就好之後叫多兩個小食，叫左越萊蒜香牛油雞翼同埋海防炸蝦餅。蒜香牛油雞翼中規中矩，冇乜特別，正常發揮。而海防炸蝦餅就好似啲炸蝦滑咁，口感偏實，都係不過不失。總括嚟講，個撈檬可以一試，比起其他越南店出色。小食就睇下自己想食邊隻就叫，不過同其他越南店舖都不太大分別，如果有堂食都想試埋佢個越式三文治

呢間之前都食過，不過外賣就未試過，就得呢間性價比好高，依家外賣免加一之外仲有9折，真係抵試加抵！。🐒牛萊了(生牛肉，牛腩，牛筋，牛展，牛丸x2)(全日套餐)💰$72+$5轉菜底+熱柑桔蜜轉菜底真係好正，因為我想食啲餸但食面又太多，轉菜底又可以食多啲菜，又食到我想食既餸，一舉兩得🤩牛萊了入面全部都係牛，份量好多，每款at least有2舊，全部都肥瘦適中，不過生牛肉因為外賣所以變左熟牛😂但味道都好正，落埋配菜青檸汁，酸辣清爽。🐒沙沙汁魚柳包(下午茶餐)💰$42跟一款小食+飲品(凍越南滴漏咖啡)好貼心可以醬另上，舊魚拎到番去都仲脆，沙沙汁入面有落左青瓜番茄，有唔同口感👉🏻海防炸蝦餅(一件)拎埋個沙沙汁點呢個蝦餅，好match🤣蝦餅係成塊都係蝦膠，食落外脆肉彈牙，如果岩岩炸起食應該會好食好多🥤杯咖啡值得一提，雖然甜但咖啡味好濃郁，男朋友誇到話齒頰留香🥴。🐒河內蝦仁米紙卷(2件)💰$26每次餐廳有做米紙卷就會嗌，呢度嗌全日套餐有得+$12就有2件，必加！塊皮係煙韌，入面有啲脆蒜，食落更香口

顧名思義，見到間餐廳叫pho bo當然要入去試一下，越南文翻譯即係越南最出名嘅其中一樣 - 牛肉河😜同朋友兩個人入去叫左2樣野諗住share一齊食，兩個分別嘅分量一上台真係嚇親我地🤣真材實料到我覺得我地係食緊四人分量！🍴越萊精選火車頭呢個係雜錦乜都有啲，啱晒選擇困難症嘅我哋，但一上到枱，佢嘅分量係絕對驚人🤣超級多！一個大碗仲要滿一滿！牛骨湯嘅湯底好濃郁，配料都無馬虎，每樣都有三四件，最驚喜應該係牛丸、牛筋、牛腩，好入味，食得出真係煮左好耐，配埋牛骨湯真係呢🤤🤤🤤！另外牛丸一咬落去就爆汁，好驚喜！不過美中不足就係生牛肉煮得有啲過熟啦🤭🍴胡志明綜合拼盤本身想嗌多一樣小食嘅我哋，實在揀唔到要嗌邊款，因為樣樣都好吸引，所以就揀咗個拼盤諗住乜都試小小！嚟到真係分量十足！首先一定要講蝦餅，蝦味好足夠，口感扎實🤤然後就係蘿蔔，估唔到咁出色，因為真係煮得好入味又好冧！其他都唔錯，無失望😋🍹咸檸七 鹹鹹甜甜，會令人係想咁飲🤣🍹青檸梳打青檸偏酸，整體小甜，朋友就覺得啱啱好👍🏻

👦🏻👧🏻都係鐘意食越南野🇻🇳，天氣咁凍，梗係整番碗Pho啦🔥。今次黎到Pho Bo，試下佢既Pho質素如何先😂！🌟越萊精選火車頭牛肉河因為👦🏻無食早餐，所以就叫左足兩人份量既越萊精選火車頭牛肉河。牛肉河非常足料，牛骨湯底濃厚，重牛味，牛腩、牛筋同豬軟骨夠入味，腍得黎唔會無左口感。但係生牛肉太熟，可能浸得太耐變得鞋口🥲🌟越萊經典撈檬 份量大！大！碗！不論不論檬粉/餸菜都好足料。香茅豬扒幾厚身，煎得夠香又唔會太肥。🐷豬頸肉都煎得脆口，有咬口。香茅牛肉用香料醃過之後，食落比較嫩滑，炒得唔會乾身，保持到掛汁既口感。配上甜酸魚露，酸酸甜甜，開胃到可以食哂成碗😲。

Pho Bo👦🏻👧🏻都係鐘意食越南野🇻🇳，天氣咁凍，梗係整番碗Pho啦🔥。今次黎到Pho Bo，試下佢既Pho質素如何先😂！🌟越萊精選火車頭牛肉河因為👦🏻無食早餐，所以就叫左足兩人份量既越萊精選火車頭牛肉河。牛肉河非常足料，牛骨湯底濃厚，重牛味，牛腩、牛筋同豬軟骨夠入味，腍得黎唔會無左口感。但係生牛肉太熟，可能浸得太耐變得鞋口🥲🌟越萊經典撈檬 份量大！大！碗！不論不論檬粉/餸菜都好足料。香茅豬扒幾厚身，煎得夠香又唔會太肥。🐷豬頸肉都煎得脆口，有咬口。香茅牛肉用香料醃過之後，食落比較嫩滑，炒得唔會乾身，保持到掛汁既口感。配上甜酸魚露，酸酸甜甜，開胃到可以食哂成碗😲。

晚市禁堂食之後， 好少可以6:00之前係餐廳走到，今日早咗放工，見呢間野好似幾抵食，一於試下。六點前仲係’午餐’，叫左個豬扒撈檬($48)，送熱柑桔蜜，可以揀加個小食($12)，試左蒜香牛油雞翼。豬扒較薄身，食落去好似有啲甜甜地，好入味，而且分量都多。檬粉都好大份，之前驚食唔哂，己經叫左扣底，都仲好大碗，一個女仔正常食量應該唔會食得哂。配料都係嗰啲，青瓜絲生菜絲紅蘿蔔絲。蒜香牛油雞翼上面真係有啲蒜蓉，而且炸得好趣，好惹味。我食完個陣己經坐滿哂八成位，都幾爆場，但係待應態度好好，好有耐性，而且會唔該前唔該後☺️好鐘意餐枱枱邊位置有個掛鉤，可以放袋，好貼心。可以再試！✌🏻

上堂上到半夜三間, 超級肚餓, 好在朋友事先嗌左越萊嘅小食拼盤外賣俾大食妹<潘良帶子明蝦配茄子>泰式拼盤裏面有茄子都係第一次見茄子水份飽滿, 可惜帶子同明蝦冇咩味<鮮蝦仁米紙卷>鮮蝦仁米紙卷就咁食冇咩味, 點左泰式醬汁, 清新開胃<炭燒豬頸肉>炭燒豬頸肉份量唔多, 但口感爽口, 而且充滿炭燒香味<牛油雞翼>牛油雞翼就相對重口味, 蒜蓉混合牛油嘅調味, 非常唔錯<雞湯浸蘿蔔>雞湯浸蘿蔔蘿蔔又大又充滿水份真係雞湯裏面又幾好食啵

之前係佐敦返工，今日舊地重遊又肚餓，開 Openrice睇下有咩食時見到 Pho Bo，自己又有段時間無食越南嘢，就去試一試。去到門口，已經有人等緊位，不過等咗一陣就有位。為咗唔浪費時間，係等位時已經揀好食咩 ，所以一坐底就馬上叫餐（餓鬼上身咁叫咗份生牛肉河，撈檬 and 一d 小食）上餐都好快，轉個頭就上曬，影完相就正式開始 Pho Bo 嘅生牛河係同外面一般嘅生牛河有少少唔同，佢地標明「安格斯生牛肉河」，食得出用嘅牛肉同一般嘅生牛河係唔同，真係鮮嫩好多。

自從去過一次越南旅行之後，成日都念念不忙當地啲食物，今日路過見到有間越南餐廳，即刻入去回味下！入面裝修都好似越南咁，用左好多竹同木，好有feel野食選擇都多，飯、麵、包、小食通通都有，而家價錢仲好親民添朋友叫左個雞扒飯，好足料，亦都好靚，最緊要係雞扒嫩滑多汁，飯配埋啲汁同配料食亦唔會覺得好乾難以下咽，高質！食越南野，春卷一定唔少得呢到啲春卷好香脆，仲要係手工自製炸豬扒包，就咁望落去都流晒口水，一睇就知塊包烘到脆卜卜，勁有咬口，中間炸豬扒有沙律醬調味，唔會覺得好乾好熱氣乳豬拼盤，有通菜同米紙卷。主角乳豬層皮好脆身，似足係酒樓食個啲，但一啲都唔貴，平時出面食隻乳豬都要幾舊水，呢到百幾蚊就食到，勁抵食！

越萊 Pho bo 📍佐敦站步行至廟街，見到Pho bo 招牌即至一直都知廟街好多野食🤗禁堂食既最後一晚就黎左呢間餐廳食越菜😋去到大約6點半左右，餐廳鋪面唔算好大，都已經有唔少人係度好好彩我地都唔洗等位就入到D裝飾同燈都好靚😆每個位都好貼心有個勾比你掛袋，好細心💗我地叫左一個越式湯河，佢係好似車仔麵既形式😆🔸兩餸越式湯河（牛骨湯·河粉·生牛肉+手撕雞絲）湯底好濃呀，唔係一般味精湯白蘿蔔好清甜，夠淋而且冇渣👍🏻生牛肉夠滑手撕雞幾爽口，同埋真係一絲絲唔係一舊舊🌟另外見到佢餐牌寫+$5可以粉麵轉菜底😳好適合唔食碳水/唔想食咁heavy 既人✨🔸越萊經典撈檬（香茅牛肉·厚切燒豬扒·豬頸肉）叫左個湯既，就叫返個經典撈檬😋佢既撈檬汁係另外有一個兜裝比你唔係公家share！夠衛生！呢碗撈檬好抵食，淨係個碗都大過我塊面🤣D餸又多~香茅牛肉好濃味，配左芝麻突出左牛肉味豬扒真係好厚，唔痴牙～豬頸肉條邊係脆既，食落口超級香✨大大塊仲有好多塊🤤🔸馬拉盞炒通菜 $24呢個菜真係幾抵食，價錢超親民但係又唔會份量少汁比較多但係味道都夠👍🏻🔹熱柚子蜜（跟餐送）跟餐會有熱柚子蜜送😆好正呀醬好多～每啖都有豐富柚子味😙唔會

今日黎到呢日pho bo越萊食晚餐，見面口都幾多人排隊，時間尚早但入面已經坐滿晒人盞等位既時候唯有睇下門口menu有咩食，估唔到餐廳望落好細間，但原來有咁多款野食朋友叫左個雞扒煎蛋飯，價錢同一般茶餐廳差唔多，但淨係睇賣相都已經高幾個級數，配料又足，絕對抵食！一上枱第一時間望到既係隻靚蛋，中間半生熟流心，蛋白一啲燶都無，不得不讚廚師好手勢雞扒亦好香好嫩滑，唔錯我叫左炸豬扒包，中間已經切開左一半，食起上黎唔會太大舊好狼狽，食到一半啲餡跌晒出黎豬扒勁脆身，咬落去隔離枱都聽到聲呀入面大量沙律醬，味道十足！越南春卷，新鮮炸出黎熱辣辣，搞到我差啲淥親個嘴配埋個醬食好正乳豬配馬拉盞炒通菜、米紙卷，份量十足，乜都有乳豬脆得黎唔會硬，不過係有少少肥米紙卷入面包左好大隻蝦仁，好解既蝦味，食到勁滿足！

喺佐敦地鐵站行過去唔使5分鐘就到，好方便！未到6半已就嚟坐滿，要等位！都幾誇張，可能店面唔算大，得10幾個位！不過外賣單就不停keep住有，一路食一路出貨!!見佢menu價錢又唔算貴咼！啲野食又好似好吸引hehe油菜健康之選!!今次係菜心，都新鮮嘅唔會淥到好林👍🏼👍🏼喺街食飯都要食得健康🙈小食拼盤好抵食！有春卷，大蝦米紙卷，蝦餅，串燒各2款！新鮮熱辣出爐，脆卜卜🥳略略覺得如果串燒有多啲汁會更開心！但其實4個人分享都絕對夠哂👍🏼👍🏼高質！牛萊了唔洗70蚊有齊牛腩，牛丸，生牛肉，牛筋，牛𦟌！食肉獸必點👍🏼一定滿足哂！味道唔會好騷好硬啲牛！而配湯一齊食，好好食👍🏼👍🏼整體來講我覺得都好高質，價錢亦都唔算貴！值得再encore🥰

我好鐘意食越式菜今日又凍冰冰，最岩食返碗暖笠笠嘅湯河上次行過呢間餐廳，見到超多人排隊，今日過嚟食個lunch先好多野想食～豬扒撈檬，雞扒飯，湯河都好吸引，不過咁凍，都係飲啖湯啦老公想叫一碗「牛萊了」，而我本來諗住叫碗「火車頭」 因為火車頭好多配料，樣樣都好想食，只係$88咋但個侍應哥哥好好人～～同我講碗火車頭好大碗，夠兩個人食好彩佢提醒我哋，唔使浪費食物最後叫咗碗牛萊了 同 三餸湯河呢碗係牛萊了，牛丸好彈牙又juicy，牛腩同生牛肉都好有味原來普通湯河已經好大碗😆我呢碗係三餸牛骨湯河！只係$52咋！豆卜好大粒！朔晒啲湯汁但豬軟骨未係完全淋嘅狀態，仲係有一條條軟骨係到，不過味道正常嘅呢碗份量比我平時食嘅多一半，我好努力食到肚都脹卜卜，都係食剩少少😛配料夠鮮，河粉夠滑，牛滑湯夠味，唔會飲到人口渴，唯一一樣要輕輕彈一彈係個湯嘅熱度～唔係唔熱，但可以再熱少少，可能放咗啲配料同生牛肉，個湯稍為走咗啲熱度😛下次去佐敦都會再食～平靚正午餐，點解我我公司附近無🥲

平時lunchtime門外總係大排長龍，於是一路無機會試，但次次提起同事都讚不絕口，今日難得早放工，就襯下午茶時段去幫襯。店舖位於佐敦同柯士甸站之間，空間唔算大，甚至有少少逼，但裝修幾有越南feel。下午茶同午餐既menu都有得嗌，下午餐平到有少少surprised,38蚊包檬粉/扎肉包+小食+飲品，真心食到飽。午餐貴少少但都經濟實惠，加十蚊可以加小食。新年慰勞下自己，於是叫左一枱餸。食物到既時候立即後悔！因為太大份！叫左三餸麵，其中一個餸係蘿蔔，竟然有五舊蘿蔔omg 真係一d都唔慳料。米紙卷味道恰到好處，粉絲細條分明，非常開胃。鳳爪又係大大份，爽得黎唔會太酸。最後馬拉盞炒通菜，賣24蚊真心抵，份量無減，但略嫌有d濃味。