越萊 (廟街)

營業中

休息中

呢間小店食過兩次午餐，但每次都唔會失望⋯⋯今次時間過了2:30是下午茶時段，多選擇，價錢十分便宜，雞絲湯粉加小食蝦餅再加埋一杯檸檬梳打都係$38，冇聽錯係$38蚊⋯真係唔少選擇有法包有撈檬有湯粉⋯🤔午餐選擇亦多，另外在餐牌仲有其他套餐選擇不能盡列呢個係買卷優惠，如果喺附近做嘢又中意嚟呢度食都係可以考慮和同事大家share呢個雞絲河雞絲都唔少最重要個湯底係好正，河粉又滑，另外仲有一啲薄荷葉芽菜等完全唔會因為下午茶而欺場👍係好正宗嘅越南湯河仲有小食蝦餅炸得熱及非常之爽甜，$38蚊，一個下午茶連蝦餅青檸梳打咁嘅價錢真係冇得挑剔,超級抵食，而且越南風味十足，如果唔介意舖頭細左小小，鍾意食越南嘢嘅你係值得去試吓嘅👍

今日早左放工，同朋友行左落佐敦睇吓有咩食，原來都幾多嘢食，我地今次揀左呢間越南菜，我地五點幾就入去食，因為驚晏啲落雨同打風，餐廳雖然唔大，但坐位都算坐得舒服，裝修都幾有心機，牆上有越南帽做裝飾，甚有越南風味。呢度都幾多選擇，有撈檬，串燒，小食，仲有越式三文治。我地叫左碗湯粉，一個菜，一個小食同兩杯飲品。粵式自選湯粉 - 大碗抵食，我地揀左三餸，有手撕雞絲，豬肉丸同埋蘿蔔， 河粉都幾爽滑，豬肉丸爽口彈牙，蘿蔔夠入味，冇渣。西貢馬拉盞炒通菜 - 蒜香味濃，炒得好惹味。潘良帶子明蝦伴茄子🍆 - 呢個好好食，我喺出面啲越南餐廳冇見過，黎到千其唔好錯過。凍越南咖啡☕️ - 香濃幼滑，推介！鹹檸七 - 佢唔係成個鹹檸檬，剛剛好，唔會過鹹！

豬頸肉蛋飯豬頸肉多，係烤香過，唔太肥又唔太瘦，好味道牛骨湯底生牛肉蘿蔔湯河湯底香濃，河粉夠滑，蘿蔔好入味，生牛肉都唔少，仲有好多香草同芽菜比你選擇加唔加。炸蝦餅即叫即炸，食時小心熱親個嘴仔，蝦餅爽口彈牙。無骨鳳爪係我的至愛，無骨可以大大啖食，酸酸甜甜，十分開胃，配上少許芫荽同青瓜絲，令鳳爪更加fresh 熱柑咭蜜呢杯我覺得係鎮店之寶，唔係平時沖開的韓國柑咭蜜，呢杯係喉嚨痛飲開嘅鹹柑桔，但冇咩鹹味，但加上蜜糖，唔太甜，仲要係跟餐配送，飲完喉嚨好舒服，超值

好鬼死抵食嘅越南餐廳叫咗一個牛魔王嘅越式湯河，入邊有牛肉牛展牛筋同埋牛丸，個碗超級大，份量亦都超級多，餸菜嘅份量幾乎係出邊嘅兩倍。牛筋炆得好琳好入味，軟身得黎有好有咬口。牛展嘅部位都好靚，肉嘅部份同根嘅部份分布均勻。牛丸亦都好彈牙，唔會好粉。湯底青得來有好濃郁嘅牛骨湯味。另外仲叫咗個鮮蝦米紙卷，隻蝦非常之大粒，再加埋醬汁食口感爽脆非常清新，好適合夏天食用。應該叫咗個通菜，通菜上面嘅醬汁好惹味再加埋一杯青檸梳打，猶如身處於越南嘅環境。

佐敦越南菜小店❤️平時比較少見越南菜餐廳估唔到佐敦都有呢一間小店😱餐牌有好多唔同選擇價錢亦都唔貴👍🏻👍🏻👍🏻而且份量唔少粉面嘅話仲送埋飲品☕️🍵本身係熱柑橘蜜但因為冇貨轉左菜蜜🙈唔太甜都幾好飲☺️～～～～～～～～大部份粉面都～$40-60我叫咗三餸嘅牛骨湯河粉分別係牛肉蘿蔔扎肉三樣都幾好食😋蘿蔔好林好甜❤️而且仲配埋辣椒同青檸檬可以按自己嘅喜好選擇我加啲青檸酸酸甜甜好開胃推薦大家叫🤟🏻而且份量都唔少👍🏻～～～～～～～～個人最欣賞係炒通菜20幾蚊好惹味一人份量啱啱好除咗佐敦見佢深水埗都有分店午市套餐都好抵食🤪🤪有機會經過都會再試下

今日經過 見到門口都唔少人係到等緊位就排埋一份同小朋友一齊試下佢，大約十分鐘到就可以入坐😋店員服務態度好好，好友善食物種類繁多，有越南出名既撈檬、湯河、扎肉包豬扒包、唔同種類既小食，性價比黎講都唔錯因為小朋友食量都唔大 所以就叫左一個撈檬同埋三份小食一齊食。🌟越萊經典撈檬 $60材料有香茅牛肉、厚切燒豬扒同埋豬頸肉材料十分豐富，仲有青瓜同蘿蔔個酸汁就分開一碟碟上，因為鐘意個檬粉多啲汁，所以就叫員工比多份酸甜汁，咁就可以淋到成個檬粉都係汁，檬粉又爽口，食完仲好開胃🌟海防炸蝦餅 2件 $28小朋友雖然唔太鐘意海鮮，不過一見到炸野就最鐘意食，而家蝦餅唔會有海鮮既腥味，仲好彈牙，所以小朋友一啖就食左落肚啦，哈哈🌟越萊自製手工春卷 2件 $24呢個係自家制既春卷，皮薄內脆，入面仲包左好多餡料，再配上旁邊嘅酸味醬油，真係好惹味🌟越萊蒜香牛油雞翼 3件 $26雞翼好重蒜香味，好濃度既牛肉味。而家仲係岩岩新鮮炸出黎，內外都仲好熱辣辣，雞翼個皮仲好香脆，香味十分濃郁，而且內裡既肉仲好滑，真係推介！🍹跟餐飲品：可樂 $6

餐廳裝修己有特色，以藍色為主題，連同餐具擺設都好配合風格。叫咗個月來經典mode，入邊有香茅豬扒燒豬頸肉同埋燒牛肉，一上碟嗰陣時嚇親，因為非常大碗，好多料，肉嘅份量非常之多大概係出邊嘅兩倍，但係價錢只係需要$60，真係好抵食呀。豬頸肉燒得非常香脆，二入邊嘅肉汁唔會乾柴，仲可以保持水份。豬扒亦都煎得好香味道唔錯。另外做要個燒乳豬，同樣地外皮都燒得好香脆，雖然睇落脂肪比例比較多，但係食落都唔會覺得好油膩。

星期六難得偷閑，試了一直有興趣試，但是真的不想排隊的越南粉。天氣炎熱，決定食個下午茶，飲杯凍齋啡啊。吉列豬扒包不是十分油膩，話說炸豬扒沒有油就講笑啦，不過不是”出油”的那種，有菜有蕃茄只差個麵包可以再重身少少(只是個人口味)。這個價錢還有炸雞翼配菜和飲品，冇得輸。不過想說牛油雞翼不是心目中的那款，它是炸完雞翼之後放上蒜粒，可以優化。由於天氣真的十分”危焗”，一杯冰凍的齋啡真的救了一命。以下午茶來說沒有投訴，今次經驗非常好，只是欠缺了餐廳內的一個廁所，聽說要去龍寶酒店先有。😳

今晚行過佐敦，搵間越南餐廳食下，搵左一陣，最後決定食越萊。入到餐廳位置唔多，但我同朋友好好彩一到就有位。餐廳提供嘅食物都好多，除左有基本嘅火車頭、撈檬粉外，仲有自選嘅湯河、同小食，亦有套餐可供選擇。而我地就叫左2碗河粉、同2個小食。第一款係扎肉牛筋湯檬，檬粉除左撈嘅食法外，原來湯食都好正，感覺有少少似湯米線，但係就爽彈d，牛筋都幾冧，湯底重味，但係配搭埋配青檸同芽菜就岩岩好。第二款就係生牛肉扎肉生菜湯河，湯底好熱岩岩好就可以整熟d牛，濃味嘅湯配河粉，河粉吸左d味小食方面第一款就當然係米紙卷，爽口嘅蝦配青瓜同米粉，用米紙包住，點埋個汁，成個卷就好清爽。餐前小食一流第二款小食就係迷你拼盤，有雞翼、春卷、茄子。個茄子有d驚喜，上面有蝦同帶子，食落無普通釀茄子錦油，加上茄子唔會好乾，春卷就一般，但係雞翼就脹卜卜，肉唔會好乾，咬落仲有啲汁，唔錯而餐飲就叫左一杯青檸梳打，同另一杯鹹檸七。整體來講食物都可以，可以搵到d越南嘅味道。

今日早左放工，同男朋友去拍拖搵下好野食😋係openrice 見到呢間越南野d comments 幾好，就一於去試吓🥳🥳 舖頭店面唔算話好大，但裝修簡約、企理，頗有越南味道。佢地既午餐係由1130到1800，所以我地5點幾到都仲可以叫lunch set，套餐粉面都有，包埋一杯熱飲☕️咁我地最尾就叫左個越萊精選火車頭，另加小食春卷，雞翼同蝦餅。🥳🥳炸蝦餅：唔好睇佢細細件。一，佢炸粉比例拿捏得好好，有炸麵包糠嘅脆粒粒口感。二，蝦肉比例頗高，蝦脂感十足之餘，亦都好彈牙（好難得ga喇) 以一間區內街坊食店黎講，絕對係高水準表現💪🏼💪🏼要比較的話，唯有攞九龍城出名泰國鋪嘅炸蝦餅先可以一較高下。佢比起泰式蝦餅，味道相對較清淡，但係彈牙程度應該相對較低🤷🏻‍♀️可以話各有所好🍤👀 8.25/10春卷：唔好睇佢細細卷，而絕對唔得鬆軟。岩岩相反！！！佢細細卷，但係裡面都真心唔馬夫。係外皮脆，而餡料豐富。中間有炸皮隔層，而唔會有油浸住d肉嘅感覺🌯🌯乾身又香口🍻如果外賣黎配手工啤，無論炸蝦餅，定係春卷都真心夾呀~~👅👅7/10仲試咗嗰牛油雞翼：牛油味香，炸得算脆且乾身，我估計外賣到屋企都唔會太淋。堂食可以優先考

位於佐敦廟街既呢間越萊成日都經過，尤其係門口既餐牌講明佢地係有越式法包食👍🏻自從去完越南都好想再食返，見今日想食越南野就即刻諗起呢到，咁就去試吓啦～餐廳既裝修充滿越式風格，令人好似去左越南咁～而今次就揀左坐卡位，細心既係佢會提供埋個勾勾比你掛袋，呢樣係相當之細心既～而今次去到都係晚餐時段，佢提供既越南菜都有好多，有得比你自選想食咩餸配咩湯同粉，咁樣就可以揀選自己鍾意既組合👍🏻而今次就嗌左一碗豬軟骨蘿蔔配雞湯檬粉，另一碗就要生牛河，仲加多左份無骨鳳爪👍🏻兩餸麵（$46）佢既份量好多，絕對夠你食得飽👍🏻👍🏻而豬軟骨既質感咬落十分腍滑，唔會話太韌，蘿蔔亦十分甜同無渣，口感唔會話太硬👍🏻至於檬粉都做得唔錯，同係越南食得到既都好似👍🏻👍🏻👍🏻生牛河（$42）同樣地佢牛河既份量都係好多，牛肉上到枱時唔會話太生或太熟，依然做到令個湯浸熟啲生牛肉，個溫度方面都幾考功夫，而呢度都做得唔錯👍🏻👍🏻而生牛河最重要既個人認為就係湯底，飲落個湯底十分清甜，感覺上係用左大量既牛骨熬製而成，味道唔會太濃，保持到濃而不膩，算係高水平既湯底，至於佢既河粉都好滑，同埋唔會痴埋一舊，食落十分順口👍🏻👍🏻算係水準之上👍🏻酸辣

星期六係佐敦食lunch真係要book 台呀，摸左2間cafe 既門釘之後，我地已經肚餓了，隨意去左一間 越南餐廳PHO BO，排左幾分鐘就入得啦。到我地走果陣都keep 住有人排隊，犀利~隔離位叫左個PHO，味道就港式左D，牛肉湯頭唔夠牛肉味，牛丸OK，生牛肉無咩纖維但牛肉味都係差少少，只能說食過 #brassspoon 真係返唔到轉頭。我叫左個烤雞扒&豬頸肉撈檬，呢個有D驚喜， 烤雞扒同豬頸肉烤過更有香味，真係幾香口。豬頸肉豬瘦適中~雞扒烤過後，仍保持嫩滑。檬粉就正正常常，至於個酸汁略嫌淡口，如果酸少少吊下個味就好啦~

越萊既食物水準高得黎，人均價錢只係$38起，一定要大大力推薦！🥳🥳下午茶有越南包餐（$38），包一款小食同飲品，非常抵食吸引！1.越南傳統豬肝醬手切札肉包配手工春卷2件麵包外脆內軟又乾身，材料有札肉甘荀絲青瓜等，材料中有豬肝醬混合少少沙律醬，非常配合、好味！😋😋2.沙沙汁魚柳包配牛油雞翼2隻同樣地，麵包外脆內軟又乾身，魚柳外皮香脆，入面既魚柳仲好Juicy😋雞翼炸皮薄之餘、又香脆，雞肉嫩滑😋3.越萊經典撈檬($60)配鮮蝦仁米紙卷2件(+$10)用料十足！有香茅牛肉、燒豬扒、大量燒豬頸肉！燒豬頸肉邊脆肉嫩，味道又香，極之出色！💯💯4.飲品-熱柑桔蜜、咸檸七柑桔蜜非常濃味，好潤喉😋總結：性價比極高！真心推薦！😋😋同場加映隔離枱有個麻煩客人，但餐廳員工依然耐心聆聽同服務，值得一讚！👍🏻

佐敦一個美食林立嘅地方，人多車更多。想搵位泊一定冇可能。泊街係唯一出路。泊街食飯最緊要咩，就係快，睇到架車同好食（如果唔係我洗鬼咁辛苦搵位）。依間越南餐廳就做到依3個條件要睇定洗唔洗等位，有時會多人。一冇人就直入。可以睇住條街，有咩事救車都救到。menu 簡單，個個都係叫set.超值同夠快。+$10 有小食野飲。冇可能唔加。依個米紙好fresh,我十分後悔我叫咁小。想再encore.主角撈檬。依個$60嘅撈檬咩都有齊。可以一次過試哂佢。唔食芫茜嘅朋友記得叫走芫茜。豬頸肉夠爽，好彈牙厚切豬扒，好厚，好入味，好大塊香茅牛肉，唔un, 好重香茅味。檬粉份量夠，個汁夠正宗唔洗10分鐘上到比你。唔洗10分鐘清哂，最後飽飽，又唔洗加餸食牛肉乾

佐敦出名多野食，今日被這間越南特式小館吸引，進內麻雀雖小，但menu好豐富，五點多竟然又有午市又有晚市選擇，正。我一直鍾情越南菜，樣樣都想食，點了多款小食+一個撈檬+ 越南咖啡，始終早食，二人都未太餓。厚燒豬扒蝦餅撈檬: 兩餸都炸得好脆口，仲要$52有咁多餸，以油尖旺區計性價比好高。😋 再嚟蒜香牛油雞翼及酸辣無骨鳳爪: 無骨鳳爪略嫌不夠酸，有點失望，沒有越色感。而牛油雞翼就很有蒜香味。😋 帶子明蝦伴茄子: 這個有驚喜，茄子很入味，面頭的明蝦及帶子爽脆惹味，連埋蔥花蒜頭食很得，值得encore。最後來杯越南咖啡，以前飲過那種帶酸味不習慣，今次這款奶味濃，不錯。整體來說，這餐色香味俱全，侍應服務都貼身，會有推介及清理已食完的碗碟，始終地方不大，檯面太混亂食得不暢快😂😂