影片
更多
2022-11-07
286 瀏覽
越發越南菜聞名不如見面，天天氣涼涼地，今日放工7:40去排隊，已經被告知係最後一台客人啦，入座時間為9:15。越南熱情果梳打($29): 自己個人口味，本身都好鍾意熱情果，所以見到有佢嘅嘢都會嗌。口味正常，真係如其名咁樣熱情果+梳打水。自己覺得冇其他人吹捧得要必飲。招牌牛柳牛丸粉($99): 去過越南嘅都知道，其實如果以呢個價錢係當地已經食到幾碗，不過喺香港質素都真係有啲參差嘅。佢嘅牛丸咬落去有肉汁流岀幾好味，本身肉質都會較實。牛柳係手切牛柳，睇得出係新鮮嘅，湯都夠熱，兩三下已經由血紅色變到粉紅色。 湯底亦都鮮甜，而且飲完唔會覺得喉嚨好乾好想飲水。香露牛柳撈檬($88): 自己就覺得正正常常，牛柳嘅調味冇乜話好特別，有驚喜嘅係香露應該係自己調製嘅，起碼唔係喺出邊平常見到一咋俾你任倒嗰啲。入邊仲加咗酸蘿蔔，係開胃之選。越發牛油雞翼($78): 自己私心推介係呢一個！ ！本身以為係平時人地用牛油煎雞翼，但係上菜聞到香蜜味，雞翼上面有一粒粒以為係花生碎，點知原來係脆乾蒜，中正哂我嘅最愛。一啖咬落去會食到蜜糖，乾蒜同埋雞翼，呢個組合喺出邊好似印象中冇乜食過。而且蜜糖同埋蒜落得好多，喺碟上面仲
越南熱情果梳打($29): 自己個人口味，本身都好鍾意熱情果，所以見到有佢嘅嘢都會嗌。口味正常，真係如其名咁樣熱情果+梳打水。自己覺得冇其他人吹捧得要必飲。
招牌牛柳牛丸粉($99): 去過越南嘅都知道，其實如果以呢個價錢係當地已經食到幾碗，不過喺香港質素都真係有啲參差嘅。佢嘅牛丸咬落去有肉汁流岀幾好味，本身肉質都會較實。牛柳係手切牛柳，睇得出係新鮮嘅，湯都夠熱，兩三下已經由血紅色變到粉紅色。 湯底亦都鮮甜，而且飲完唔會覺得喉嚨好乾好想飲水。
香露牛柳撈檬($88): 自己就覺得正正常常，牛柳嘅調味冇乜話好特別，有驚喜嘅係香露應該係自己調製嘅，起碼唔係喺出邊平常見到一咋俾你任倒嗰啲。入邊仲加咗酸蘿蔔，係開胃之選。
越發牛油雞翼($78): 自己私心推介係呢一個！ ！本身以為係平時人地用牛油煎雞翼，但係上菜聞到香蜜味，雞翼上面有一粒粒以為係花生碎，點知原來係脆乾蒜，中正哂我嘅最愛。一啖咬落去會食到蜜糖，乾蒜同埋雞翼，呢個組合喺出邊好似印象中冇乜食過。而且蜜糖同埋蒜落得好多，喺碟上面仲有一嚿嚿掛唔到上雞翼身嘅，識落係好痴人，但係好過癮。如果鍾意呢個組合嘅一定要試！
總結：搵日如果真係有時間嘅又唔使排多過30分鐘嘅話，我諗我會為咗呢個雞翼再黎嘅。
張貼
