越男仔

營業中

休息中

第一篇食評，介紹下自己先90後，普通打工仔一族，鐘意同男朋友周圍食下野，嗜甜窮遊指數都幾高不過唔會咩都話好食跟住所謂Openrice食評/IG搵野食中曬伏，尢其新XX，全部廣告，所以就決定把心一橫寫下"真"食評，等大家認清真面目，希望揀得真實D黎到旺角，當然要支持下黃色經濟圈，又唔想食太貴就黎試下呢間越南野。黎到門口，都有條小人龍，一路排隊店員都俾定menu我地落order，望入去坐位都唔算多，加上疫情下每張枱都有塊板隔住，感覺比較迫夾~鋪頭內外都有不少文宣，塊板上面仲可以隨便寫野是次叫佐 Set L B: 越男仔葱油三味配黃薑飯+無骨鳳爪+椒鹽脆蛋魚柳+越式拉茶，男朋有友就叫佐招牌手撕雞拼雞肉，椰汁酸湯湯檬粉+椰香拉茶野食一黎到，個畫面都幾豐富，一個飯有5樣小食，扎肉豬頸肉豬扒每樣2塊，可以一次過淺嘗唔同既野食，試到味道又可以同人share。講下個飯先，一食落口感覺比較黏身，黃薑味唔重。個人唔係太重口味，覺得扎肉都比較鹹，豬頸肉更鹹，仲好油膩~豬扒就普普通通，中間無咩味同比較乾。反而個鳳爪有驚喜，酸酸地又有小小辣，加埋D沙律菜食好開胃，清清味覺~手撕雞拼雞肉椰汁酸湯湯檬粉值得high

今日早收工約女朋友去旺角行街，女朋友話附近有間越南野想食，而且黃店，所以就去試吓。估唔到去到要排隊，店員為咗節省時間，都會事先提供餐牌比客人先落order，等咗大約20分鐘左右就入得去，裏面間隔不是十分闊落，也難怪的香港地全金尺土，再過多10分鐘左右飯就到了。我點了個三拼黃姜飯，女朋友就點左無骨雞黃姜飯，味道不過不失，也不是吃了會特別想再來的味道，價錢每位大約$100，相信門口要排隊主要是黃店效應吧。

知道越南仔搬左鋪 係旺角行到個人好攰所以特突行過黎廣華街食越男仔下午茶不嬲都知道越男仔係黃 但係無諗過係咁黃 基本上成間鋪每個角落都有文宣貼係呢到係呢到食野既時候忍唔住不斷欣賞呢到既文宣 實在太正下午茶都算多選擇 可惜未有影低餐牌 我地點左生牛肉湯河 牛肉煮得岩岩好黎到時候我地再浸下已經食得 肉質嫩滑湯底偏淡唔算太過濃味 河粉份量以下午茶黎講係非常充足手撕雞紙米卷配柚子沙律 整體黎係講好味的 紙米卷必定要點魚露食 會倍增成個紙米卷既鮮味如果唔點魚露的話就會偏淡 柚子沙律個味較得好好食 唔會太過酸

一路都好想試㗎啦！果然冇令我失望😋⁣⁣招牌手撕雞椰汁酸湯濛粉（$56）⁣呢個湯底都幾特別，幾重椰香味，又有啲酸酸地，好夾👍 手撕雞見到表面佢又燒過，都幾嫰滑既，但撕得都真係幾碎下😂⁣⁣越式豬頸肉撈濛粉（$49）⁣撈濛酸酸地好開胃，值得大讚嘅係呢間餐廳嘅豬頸肉‼️應該係我食過數一數二嘅豬頸肉🤤 皮脆內軟，肥瘦適中，超好味😋⁣⁣蒜香牛油雞翼 （$19 兩件）⁣好邪惡啊👻 一路見到啲油嗶緊出嚟😂 炸得好香脆，但冇咩蒜味，如果可以重味啲就好啦～ ⁣⁣呢間回頭率極高💯 一定一定要食佢嘅豬頸肉！遲啲會想試埋食越南野唔少得嘅生牛肉河😍⁣⁣

某日朋友相約在旺角，專誠去一間越南風味既餐廳 — 越男仔。還好，時間尚早，餐廳裏沒有什麼人，我們便很快坐下。看看餐單，太多很好的選擇，熟悉我的話都會知道我是一個有選擇困難症的人，不過以我的性格，如果想不到吃什麼東西，就來一個「大雜燴」吧！我選擇的是越南火車頭河，因為河粉裏面全部東西都是我最喜歡吃的，例如有：「生牛」，「牛筋」，「牛丸」，「烤牛」，「牛柏葉」。不消一會兒餐廳同事便為我奉上這一個餐，老闆還走過來跟我們說明一下吃的方法，就是要把特製辣的青檸辣椒加進河粉中。辣，是我最喜歡的味道，因此我也加了很多，而且這些辣是酸酸辣辣的，我更喜歡。首先第一好吃的是要試試他們的湯底，湯底很清甜，而且不會很膩，第二口才是嘗試他們的河粉，河粉有很多種，最重要的是不要煮得太淋，麵身要有咬口不黏口才算是一碗好的河粉。配料方便，不得不讚牛柏葉真的很入味而且不會很難咬開，其他牛的配菜味道也恰到好處，特別要說一下的是餐飲方面，我選了樽裝有汽水，在冰底的加持下倍添爽快！

叫咗個撈檬lunch set上菜速度慢到以為漏單個皇牌撈檬雖然味道唔算差但無咩肉食到叫餐飲叫熱檸茶同凍奶茶15分鐘都未有食快餐都一小時。。。。速度一般以後唔會再黎

叫左個雞排燒牛肉撈檬，點知個基本上係生嘅，仲要好鹹... 盛惠88蚊男朋友叫左個招牌海南雞飯，蔥油完全冇味，d雞又唔新鮮要又唔嫩滑，個飯正正常常了，有d黃色咁lor... 盛惠78蚊再叫左個蒜蓉雞翼，個皮係鹹到覺得食完即刻有腎結石，但雞肉反而係完全冇味😑未飲過咁難飲嘅雙檸紅茶 （檸檬茶），總結，就係唔凍嘅糖水... 衛生環境十分差，冷氣不停滴水，餐具又有明顯污跡，疫情嚴重，食得真係膽顫心驚終結：食到嬲住走

位於旺角的「越男仔」，沙田都有分店。店鋪內外都貼了很多文宣，FB有表明立場，沙田分店亦係《夠薑YELL CARD》 既寄賣點！⁣越男仔十週年優惠，一個月內儲夠5個印仔當$20使用，10個印仔就當$40使用，兩間分店可同時使用。⁣⁣🔸招牌手撕雞椰汁酸湯檬 $56⁣這款是招牌菜之一，手撕雞有鹽焗的味道，湯底椰汁味濃有微微的酸，檬粉爽滑。⁣⁣🔸凍越式拉茶 +$3 ⁣正正常常不過不失似香港凍奶茶。⁣——————————————————⁣⛳️越男仔 (旺角)⁣旺角廣華街2-20號翠園大樓二期地下5號舖⁣⏰星期一至日 11:30-23:00⁣⁣⛳️越男仔 (沙田)⁣沙田沙田圍路1-7號勵城花園地下1號舖⁣⏰星期一至四 11:30-23:00⁣⏰星期五至六 11:30-01:00⁣⏰星期日 11:30-23:00⁣

咁岩去果一日原來係舊鋪最後一日，之後就準備搬新鋪了所以食評係新地址呢道寫支持一下小店因為去既時候仲早所以唔駛等位就有得食點左一個招牌手撕雞札肉椰汁酸湯湯檬同3＋2撈檬，同埋2款雞翼招牌手撕雞札肉椰汁酸湯湯檬果湯味道好正濃郁既椰子味雖然話係酸湯原本以為會唔會好似冬陰功咁但原來唔會既佢都係椰子湯既清甜居多手撕雞同札肉都份量好多甚至比圖片還要多3＋2撈檬（掛住食唔記得左影相）份量足夠有札肉，烤豬肉，牛肉，手撕雞，豬肉絲配埋魚露一流金蒜脆雞翼上菜時仲出緊煙新鮮熱辣襯熱食一咬肉汁咇哂出黎差d淥親條脷但性價比唔算太高跟餐都要加29蚊但只係2隻有d貴蒜香牛油雞翼味道冇前一個咁濃郁略為普通都係一樣跟餐加29蚊所以唔係好抵

之前想黎呢間餐廳食，但係真係好多人排隊所以冇食到。今日再特登去，終於唔係好多人，可以食!入到去睇完餐牌見到款式都幾多，主力係食越南粉~然後係餐牌見到有個叫椰汁酸湯的菜式，真係未食過，見好似幾得意真係要試下!!等左一陣，上到台賣相都唔錯! 試一啖湯，都幾好飲，不過唔夠酸同椰汁味唔夠濃....不過又咁..我都冇係越南食過呢樣野，可能佢真係咁既味只係我唔知....有機會去越南試下再俾真COMMENT....同行友人就叫左皇牌3+2!入面有曬佢招牌的肉類，試左幾樣唔同的肉，發現牛肉係最好食。因為醃得好夠味，的牛肉又唔會好柴...燒完味道岩岩好!!見佢可以加小食，當日都加左~ 有無骨鳳爪同手撕雞檬紙卷!份量算多~ 只係無骨鳳爪酸過頭....同行友人食左兩舊之後要放棄..味道真係唔錯...只係可以醃耐左....酸過頭....手撕雞檬紙卷就真係同出面一般的差唔多!!總括黎講呢間鋪頭都算唔錯...可以再黎試!!

#黃店系列位於旺角的「越男仔」，沙田都有分店。店鋪內外都貼了很多文宣，FB有表明立場，沙田分店亦係《夠薑YELL CARD》 既寄賣點！⁣越男仔十週年優惠，一個月內儲夠5個印仔當$20使用，10個印仔就當$40使用，兩間分店可同時使用。⁣⁣🔸招牌手撕雞椰汁酸湯檬 $56⁣這款是招牌菜之一，手撕雞有鹽焗的味道，湯底椰汁味濃有微微的酸，檬粉爽滑。⁣⁣🔸凍越式拉茶 +$3 ⁣正正常常不過不失似香港凍奶茶。⁣

未搬之前都經常食，那時候開放式廚房，坐位未算寛闊，可是待應有禮親切。日前光顧新鋪，坐位舒適了，可是待應態度只能用惡劣形容...黃店是想支持，但貼錢還要受氣可不了。

如果是"朋友介紹",  通常都會有所期望, 所以很多時候都是有所失望, "越南仔"的食物很多都在水準之上 (除了撈檬真的需要改善), 不過就是因為抱著期望的心情去試食, 所以沒有太大驚喜. 

估唔到肺炎期間嘅平日兩點，旺角黑布街附近嘅黃店都坐滿哂人，於是尋尋覓覓間搵到呢間空無一人嘅黃店。佢哋食物款式都幾多，花多眼亂。招牌椰汁酸湯唔會太酸有淡淡椰香味都幾爽口又開胃，而手撕雞撕得真係有點碎，但睇到有啲焦喺上面應該係有燒過。而以煉奶取代鮮奶嘅越南咖啡好易入口，好啱我呢啲怕苦嘅人！其實間嘢味道唔錯，但相較隔離同是黃店但人頭湧湧嘅台灣嘢，越南仔就顯得好安靜喇！若要壯大黃色經濟圈，分散投資亦係非常重要呢！

大約8點左右去到呢個,就試試佢啲品質~店員主動介紹及邀請入內...今晚我哋一人2人🙂嗌左個Set A{無骨雞配黃薑飯}雞飯set會附送上一碗雞湯/牛湯一上台個賣相令我有意欲影相個雞係皮香肉滑,黃薑飯恰到好處飯望上有啲乾身但食落係不差的配跟兩個小食{無骨鳳爪}+{脆炸魚柳}鳳爪一小碟有3隻,底有配菜魚柳一小碟有4舊{一口魚Size},用作避風塘風味炒飯制作~另嗌左個芝士沙爹雞扒焗紅米飯不過我就唔食紅米飯所以要求轉白飯底即叫即焗,上到枱賣相吸引到我要影相🤫有青瓜絲,生菜絲,醃左酸既胡蘿蔔絲圍邊~用細細木方盒盛載小鐵窩送上,好新穎😳雞扒嫩滑唔{鞋}口配上個汁撈飯食,好味~但覺得可以再多小小醬汁去焗個飯梗好🙂小食:四色檬紙卷{原來係4舊紙卷,每一卷個面有一款送}有四款口味,{海膽，牛炸醬，手撕雞，三文魚}餐飲:凍檸檬茶{甜味不夠要另外落多啲糖水}餐飲:椰汁冰