越男仔

營業中

休息中

難得嚟開旺角行街食野，今次試左一間fusion 嘅越式餐廳🥰由於都係一個人肚餓搵野食，所以都係食得比較hea🤣🤣叫左一個餐炸😂🥢無骨鴛鴦雞配黃薑飯 (海南雞+蒜蓉牛油雞扒）佢地個海南雞好滑同好大舊，仲要係無骨，食落啖啖肉不過啲雞皮都多左啲，食落去有啲油膩感至於個蒜蓉牛油雞扒，蒜蓉牛油味好重，食完包口臭🤣🤣🤣🤣不過可能炸嘅關係，個皮好厚，比較油😅跟餐仲配左個牛骨湯個牛骨飲落比較咸，但so far 都好湯，入面仲有d 生菜，有啲咬口，唔會得水咁😃餐廳入面其實都仲有其他比較fusion d 嘅菜式嘅，不過因為今次得一個人食，食唔到咁多，下次會再encore 試下其他菜😋

見好耐無食越南嘢，晏晝行開旺角就試咗呢間🤤胡志明市🍅紅蕃茄四寶湯檬粉($66)四寶包括豬扒、豬頸肉、脆豬肉同扎肉，一塊豬扒一開二，有豬頸肉絲、一粒粒嘅脆豬肉同薄片扎肉，檬粉同餸嘅份量都好多，好大碗，啱晒啲食肉獸🤗！🍅蕃茄湯好濃，係鮮甜嘅蕃茄味唔會覺得好咸，啲檬粉索晒啲湯，好開胃🥰！皇牌3+2撈檬($68)相比之下撈檬較為普通，魚露唔算好濃味，同樣檬粉同餸嘅份量都好多，包括手撕雞、豬頸肉絲、脆豬肉、扎肉絲同烤牛肉，夠晒大碗，食到後尾雞絲、豬頸肉絲同扎肉絲已經混為一體😂佢有好多唔同嘅款式選擇，下次想試佢嘅椰汁酸湯☺️環境﹕7/10抵食﹕7/10味道﹕8/10回頭指數﹕7.5/10

💛#黃店位於旺角廣華街阿木台灣麵隔離！一間越南餐廳！但明明大家都係黃店，阿木勁長人龍，但 越男仔入面坐得唔滿☹️Lunch set👓無骨雞配黃薑飯 送清雞湯 $65雞肉都幾嫩滑肥美，唔會乾架無味，灑上蔥油拌有甜醬油。黃薑飯所以黃澄澄，但當中亦有少許雞油香，係個唔太肥膩嘅油飯。依個價錢包碗湯同飲品，覺得都經濟~評分：7.5/10👓河內蔥油三味配黃薑飯 $69豬扒、豬頸肉、扎肉。豬扒都香脆入味；豬頸肉普通，覺得可以再燒得香口啲；扎肉就普通扎肉啦。整體吾錯偏多肉，雖然依款吾算非常特別。評分：7.5/10👓秘製豬頸肉配撈檬正常撈檬底青瓜酸蘿蔔絲清涼，約6塊豬頸肉，不過同樣覺得可以再香燒香口啲。評分：7.5/10👓越式素春卷兩件 $19跟餐炸得都香脆夠脆卜卜！但廿蚊好似貴左少少😅

🍜招牌椰汁酸湯滑雞湯濛粉💰$79😈入到越男仔緊係試下招牌野🤤，個湯酸酸地，幾開胃，啲雞件份量好大舊份量好多🤤自問都幾食得但d檬粉都食極仲有😰不過個酸度對我嚟講有啲酸😢不過都係個人口味為主。🐔招牌無骨海南雞配黃薑飯💰$89 (轉鴛鴦雞+$5)👿朋友仔就試食海南雞飯，但就認為味道一般，咁岩又可能凍左😢好彩雞件不太鞋口，而炸雞個個就無咩特別😳反而個黃薑飯就加返分。🍸咸檸七💰$15 (跟餐價)😈食泰國野越南野就必叫既，實無死👍🏻

見到都坐無虛席所以試下，叫左招牌椰香酸湯濛粉。豬頸肉幾香，做法無hea你。椰汁湯好濃，都算真材實料。略嫌價錢貴左d同份量少，但味道ok。價格定得都比較進取，無野飲包同小食定價都貴

夜晚係旺角肚餓，去廣華街原本想食隔離間台灣麵，但實在太多人排隊，於是去左呢間越南野度食下粉，選擇困難就揀左店家推介。點左鎮店四鳥（雞脆皮+手撕雞+滑雞件+香脆雞）配椰汁酸湯檬粉（$88，要加一），原本覺得價錢偏貴，但一上枱就見份量十足，如果係細食嘅人可能兩個share食都得。四種雞堆埋一齊，唔算好確定邊樣打邊樣，炸雞皮非常香脆，雞件算滑，有雞絲用火槍炙燒過，我估係手撕雞？湯底飲落有椰香，有少少酸，開胃得黎都可以解下滯，可惜我最後都係食唔晒。

旺角呢頭好少黎，路經就過黎試試。▧ 招牌 越南仔 手撕雞 椰汁酸湯 檬粉椰汁酸湯未聽過，好奇心好大，用左必死既決心黎試。椰汁酸湯如其名，係椰汁＋酸味，岩岩試個陣奇奇怪怪咁，但食多陣又開始覺得幾好食，好神奇。▧ 自家製 沙爹串燒 撈檬粉沙爹串燒包左包括豬，牛，雞，正正常常，唔叫好食唔叫難食。▧ 法式芝心蝦多士餐牌佢寫係 2015 台灣高雄啤酒節得獎菜，咁把炮，當然要試。佢同一般食開既蝦多士外皮唔同，好脆，上面灑左d芝麻，勁香口。中意芝麻必試。除左食物，呢度環境唔錯。員工態度都幾好，牆上啲裝飾都幾好睇。

今日黎越男仔食咗個豬頸肉蕃茄湯檬粉。分量依然都非常足夠，幾大碗，豬頸肉就有三舊。蕃茄湯都算香濃，50幾蚊都算還可以，另外小食就食咗個蒜蓉雞翼，嗰日$10有四隻，非常之抵，但係就好鹹，我要撥開晒上面啲蒜蓉先食到。環境而言就非常一般，坐得比較迫。衛生情況都一般，經常都有烏蠅飛。

餐牌既選擇多到我又選擇困難症發作, 因為樣樣都想試🙃鎮店四鳥椰汁酸湯檬粉🐓🥥($78)基本上每次食越南野我都係會揀檬粉, 今次都係揀檬粉, 不過就係特別少少既湯檬粉🤤 湯底除左夠酸之外仲有濃濃既椰香, 真係會令到人愈食愈開胃😂 四鳥呢個名咁霸氣, 其實係炸雞皮, 手撕雞, 咖哩雞, 炸雞🍗 上菜既時候真係有少少俾佢既擺盤嚇親, 好彩最後都係食得曬既✌🏽 主角檬粉既份量都幾多, 夠曬爽口彈牙, 再配埋個湯簡直係一流😍 香茅豬扒配椰汁酸湯檬粉🐖($65)除左上面啲配好左既款式之外, 想自己選配料都得👍🏽 首先有7款底俾你揀, 之後再揀配料, 每款底跟一個$9既餸, 想食多啲既就加錢, 如此類推🙂 今次我地都係揀左椰汁酸湯檬粉, 不過就係配香茅豬扒🐷 豬扒肉夠嫩, 唔會好乾身, 再加埋淡淡既香茅味, 簡直係一大享受😎龍眼花蜜茶🧆($29)跟餐叫就係$29 單點$38, 冇諗過佢都幾真材實料, 龍眼肉既份量都幾多, 仲要涼浸浸唔太甜, 呢啲天氣飲真係透心涼❄️冇諗過係香港都可以食到啲令人滿意既越南菜, 其實只要俾心機搵, 真係可以搵到啲令你意想唔到既味道🥰 呢間餐廳除左旺角之外沙田都有分店嫁💛

路過廣華附近，見到呢間越南🇻🇳餐廳🍴好多人排隊🚶🚶🏻‍♀️🚶🏼‍♂️🚶🚶🏻‍♀️🚶🏼‍♂️，就即管試試係咪咁高質咁正🤔.店員服務態度非常好，勁殷勤，未入座已經可以點餐，一入座就有得食，係幾好嘅安排，不過食物質素好更重要🤔———————————————————————————🥢生牛肉湯河🍜💬其實生牛河應該係最基本，如果唔達標準其實都好難接受。感覺普通，唔太好食，牛肉有點碎，湯底亦唔濃郁🥺.🥢串燒撈檬🍜💬三條串燒都係又乾又硬，overcooked到一個點，沙嗲汁又淋滿晒入啲檬粉度，再加入酸醋汁撈檬又變得奇奇怪怪咁🥺.🥢小食拼盤💬店員話可以用一個優惠價點選小食，其實個優惠價都真係「幾優惠」，當中包括兩隻雞中翼、一條切開一半嘅春卷、同埋四隻鳳爪，價值$73 🥺

旺角抵食越南餐廳！已光顧過數次，今次叫既食品都係第一次叫，幾特別，蝦多士更係有驚喜，所以想介紹推介下！▧ 招牌 越南仔 手撕雞 椰汁酸湯 檬粉呢個菜式係其他地方無見過，好好奇椰汁酸湯係咩味，膽粗粗叫左黎食。椰汁酸湯如其名，係椰汁＋酸味，味道好視乎個人喜好，個人覺得幾特別，一開始無咩好感，食食下又覺得幾特別同開胃(˶‾᷄ ⁻̫ ‾᷅˵)▧ 自家製 沙爹串燒 撈檬粉沙爹串燒一共3串，包括豬，牛，雞，應該唔係即叫即燒，係翻燒既關係，所以比較乾身(o_0）撈檬粉就係水準之內，不過不失。▧ 咸檸七夏天飲一流既飲品，解渴消暑。▧ 法式芝心蝦多士呢餐最驚喜既食物！見佢寫係 2015 台灣高雄啤酒節得獎菜，一於試吓！跟餐價$39，一共4件。新鮮滾熱炸出黎，多士薄薄的，非常香脆，上面仲有芝麻，勁香口♪(´ε｀ )內餡的蝦肉頗厚，仲有邪惡既芝士，好推薦大家一試！▧ 整體來說，店員”遮啫”親切，係旺角黎講係幾抵食既餐廳。

椰子湯濛湯底超好味。原來可以問取越南香草增加香味；上餐無放出黎，但可以問佢攞。好友善的服務態度。希望下次空調有改善老板門囗已落定單，流水式運作，坐低一陣，食物已送上。快、靚、正。

知道旺角有好多💛好好味又出名既食店lunch時間好多間都排長龍 😍 💪🏻今日天氣咁熱 梗係食啲清涼 飲啲爽氣既 #越南仔 👧🏻 窩蛋牛肉清湯金邊粉 + 菠蘿梳打冰湯底清甜 足料 半熟蛋撈埋牛肉一齊食 真係絕配👍🏻 菠蘿梳打冰既菠蘿肉粒佔成大半杯 😋 超哂值👦🏻 古法鴛鴦烤肉撈檬 + 利賓納青檸梳打香香既烤肉 份量足 配上酸汁 好清爽今次👩🏻👦🏻👧🏻食咗$154有5個印花 下次黎食有得減$20 😍沙田圍分店都用得 👍🏻........越男仔 (旺角)旺角廣華街2-20號翠園大樓二期地下5號舖

平時路經都會多人排隊, 難得今日十二點度去食個lunch, 就入去試下~ 越式生牛肉牛骨湯河粉@$59店內的服務唔錯, 好少有湯河有埋一set任加既配料(呢個吸引(´∀｀)) , 不過河粉有啲失望, 份量泥講係唔多夠, 味道泥講都有啲越式風味, 加青檸同醬料味道更濃郁~ 湯底唔係太熱, 不過啲生牛河幾嫩滑~~ 整體泥講還好不過唔係幾食得飽(*´Д｀*)

下午叫左個lunch set超大份超抵食！套餐包1個主食、2個小食、1杯野飲，如果係飯餐仲會有埋餐湯！首先講個主食：牛+豬PHO蕃茄湯檬。超大碗！個茄湯好香濃，又有蕃茄又有洋蔥好多料！肉方面有生牛肉、烤牛、豬頸肉、豬扒。略嫌豬扒炸完再浸住啲湯淋左冇咁好食，其他都各有特色！正呀，又大件😋😋😋 仲有配料比你任加～小食都十分出色，沙律爽口又開胃，而紙卷口味都好豐富！因為每樣野食份量都好大，結果食唔晒，兩個人share埋個小食就會好好！而且呢個價錢好抵，有咁多野食而且高質👍🏻👍🏻👍🏻會再食！