越男仔

營業中

休息中

之前試過呢度既椰汁湯覺得好香，所以今次點返椰汁湯檬。原來呢度煮雞都出神入化！🥢鎮店四鳥：四鳥即係炸雞皮、炸雞扒、手撕雞同滑雞件。趁新鮮食炸雞皮先，好似送酒豬皮咁香脆🤩！手撕雞有少少煙薰味，唔會啖而有味。另外兩款雞都幾滑幾好食。🥢3 course set dinner：$92就有沙律🥗+小食+主菜+湯，好豐富！🥢手撕雞㩚紙卷：因為手撕雞夠惹味所以紙卷唔會好淡。🥢去骨海南雞飯：雞肉厚而唔粗糙，温度控制得好。🥢冇骨鳳爪：味道似白雲鳳爪，好開胃。味道：🔅🔅🔅新鮮：🔅🔅🔅衛生：🔅🔅🔅分量：🔅🔅🔅🔅速度：🔅🔅🔅

由於天氣太熱，冇咩胃口食飯，所以想食湯麵之類的食物，呢間越南餐廳好有多時都要排隊，由於時間尚算早，所以好快就排完隊可以進入餐廳。法式流心蝦多士： 每件都充滿著芝士，食落口非常香脆，蝦膠有爽滑口感，但冇咩蝦味。雞撕扎肉椰汁酸湯： 湯底有淡淡的椰汁味 ，飲落口酸酸地，令人胃口大增 ，扎肉彈牙。越式生牛肉湯河：半生熟牛肉， 牛肉好滑有牛味，個湯好有牛味及好鮮甜。

行到腳仔軟，轉入呢條街覓食先；p見到越南餐廳，好耐未食過，決定give it a try😬越南仔海南雞雞髀配椰汁酸湯檬粉雞脾肉好嫩滑，肉質鮮美，雞皮望落去鮮黃色，其實皮下零脂肪，值得一提的是湯底酸而不膩，不會哽喉嚨，飲一啖先會食出椰汁味，然後舌頭主要留下酸味，跟檬粉很夾，引起食慾，即使不吃辣、沒有機會食過酸菜魚，呢個店家推薦值得嘗試👍🏻無骨鴛鴦雞配黃薑飯飯餐送湯，選了濃味雞湯，鴛鴦兩款分別海南雞和蒜蓉牛油雞扒，海南雞嫩滑不在話下，炸雞塊份量足，黃薑粉很好下飯。法式芝士蝦多士（4件）流心芝士賣相吸引眼球，跟平時食開的不一樣，多士面潵滿白芝麻，脆上加脆，中間釀了彈牙蝦蓉+芝士，芝士味較淡，沒有喧賓奪主，蝦部分也有相當厚度，作為飯後小食卻仍然吃得下😍

每次經過都見到人龍，今日就算過咗午市時間都係，門口擺滿餐牌介紹，仲有個午市十大推介🤣原來呢度假日都有套餐，食完仲可以儲印花當錢用，認真抵食👍🏻|I------🍴5-Course Meal Lunch Set LA ($89)------I|⋄ 2小食⋄1餐湯⋄1主食⋄1餐飲 ⋄🥗無骨鳳爪沙律唔係平時白色嗰種泰式鳳爪，而係炸過嘅啡色鳳爪，醃咗秘製醬汁，口感較軟身🙈🐓手撕雞檬紙卷檬紙卷十分煙靭，包住調味左嘅手撕雞同青瓜絲，配搭酸甜醬汁唔錯☺️🐂牛骨湯清甜唔太鹹，入面仲有啲生菜👍🏻🐥招牌無骨雞配黃薑飯呢到嘅雞份量十足，啖啖肉之餘，仲有隻大雞髀😍食落好嫩滑，配上大量蔥油，點埋佢地嘅秘制醬汁，酸酸地辣辣地咁好惹味；黃薑飯偏乾身，撈埋醬汁食又唔錯🤤🍍越男仔冰凍水果茶 (原價$32; 午市+$12)店員遞上餐飲時提醒要篤埋啲青瓜同薄荷葉先好飲，一飲果然好清新😍成杯飲品唔會係死甜，因為入面嗰啲係新鮮菠蘿嚟，食落鮮甜得嚟仲好解膩！|I------🍴Lunch Set W20 ($89)------I|⋄ 1主食⋄1餐飲 ⋄🦪椰汁酸湯生蠔湯檬粉第一次食越南粉見到呢個湯底，當然要試下！橙黃色嘅湯底望落好fre

🇻🇳自從去完越南旅行，一直都想尋找返當地既味道，成日經過都想去試，但又無試過既越南餐廳☕️漏漏啡 係越南滴漏咖啡係好普遍，杯既底層係煉奶，啡啡味偏甘，唔算太香濃，溝埋煉奶有少少偏甜🥩越男仔生牛肉湯河湯底係牛骨湯，味道鮮甜但唔夠濃味，湯底夠熱，能夠浸熟啲牛肉，牛肉厚薄適中，份量都算多，牛肉唔會韌，河粉唔會好碎難夾🥢皇牌3+2撈檬 3+2姐有5樣配料(手撕雞,豬頸肉絲,脆豬肉,扎肉絲,烤牛肉)，撈檬有驚喜，烤牛肉甜甜地幾好食，手撕雞有少少黑椒既味，脆豬肉超脆，就算少淋左撈檬汁都仲係脆🫔皇牌小食拼盤 酸辣無骨鳳爪沙律，越式素春卷，手撕雞檬粉卷，每樣兩件，兩個人岩岩好，份量唔會太多，鳳爪唔係白雪雪個隻，沙律係木瓜沙律，味道偏甜，個人鍾意泰式鳳爪多啲，春卷好足料外皮炸到好脆，粉卷無乜味，味道偏清淡

💛 其實我都幾鍾意食越南菜😁 今次去到越男仔試吓先~💛 飯餐免費送牛骨湯或者雞湯，兩款都好飲！仲有啲生菜喺入面 💛 招牌 去骨海南雞配 黃薑飯 $76超鍾意食海南雞!! 雞肉嫩滑，配埋醬汁好好食😋 另外仲有超鍾意食嘅黃薑飯👍🏼💛 招牌越男仔蔥油三味 (豬頸肉, 豬扒, 燒扎肉) $79嗌呢個餐可以試到三款豬肉🐽 豬頸肉同豬扒都好惹味，連扎肉都燒過，唔係就咁煮熟👌🏼 都係配黃薑飯😍💛 法式芝心蝦多士 跟餐$49, 單點$65黎到餐廳必點啊‼️ 蝦多士淡淡蝦肉，多士表面沾滿芝麻，炸得香脆，中間仲有芝士！邪惡又好食😈

熟悉我既朋友都知道我特別鍾情於湯粉🥰😋，自從去過越南旅行之後，對越南菜更加係不能自拔。星期六既晚上要去睇演唱會🎤，所以早小小同朋友去食個early dinner 先。朋友帶左我去試位於旺角好景後方既越車仔。佢話呢間人氣餐廳有第2 d越南餐廳食唔到既野，而且價錢十分親民😆👍。餐廳格局不大，位置唔多，都頗為逼狹，但仍然無阻一眾食客前來覓食，我地未到6點就去，剛好有位，遲小小先到既話就要排隊了。法式芝心蝦多士 $45 🧀🍤一客4件，外皮炸得金黃香脆，蝦膠份量很多，食落爽口彈牙，中間充滿流心既芝士😈，配埋特製既酸辣汁，食落無咁油膩。雖然好邪惡，但仍然令人忍唔住一口接一口😚。唯獨蝦味唔夠濃，或者係因為芝士味太濃，所以食過有小小唔夠過癮。🧐🤔手撕雞檬紙卷 $39 一份都係有4件，卷皮十分煙韌唔會太厚，入面包住大量雞絲和生菜。雞絲預先已經調味，唔係普通白烚雞🤭，而且撕得夠幼細，淋上特式醬汁再一口食晒佢，好fresh 好開胃！唔錯。👍蒜香牛油雞翼 $29一份3隻，我覺得雞翼比較平平了一點😕。炸皮太厚而且索左好多油，蒜香味亦不足😞。不過價錢不貴，試下無所謂既。🤗椰汁酸湯生牛肉湯河 $69 🥥🥥🥥🐂🐂🐂🍜

路過油麻地突然想食下越式食物，就順路黎到呢間越南仔試試佢哋既lunch set，一個set除咗主食之外，同其他餐廳唔同既係可以揀兩款小食以及一款餐湯，咁啱好今次有人陪同，一於試晒4款小食sin！🤩🤩✨主食今次揀咗河內蔥油三味配黃姜飯，三味包括了扎肉、豬排以及豬頸肉，其中覺得最好食既係豬頸肉，餐廳喺豬頸肉上餐之前仲會用火槍輕輕燒一燒🔥，令到豬頸肉既香味更加突出，搭配埋蔥油以及濃味既黃姜飯，一口下去令人覺得幸福。🤤第二款主食選擇咗豬+牛PHO紅蕃茄湯檬粉，第一眼見到就覺得湯底點解可以咁濃，以至於每一條檬粉都掛著番茄的味道。食食下仲可以加埋店家提供既調味三寶 ，包括新鮮既指天椒🌶️、新鮮青檸以及蝦油蒜頭，呢度想特別推薦蝦油蒜頭，落咗之後成碗粉既味道更加突出，鍾意濃湯同埋番茄湯🍅既朋友一定要黎試試！絕對唔會後悔😍✨小食4款小食入面，最鍾意既係無骨鳳爪沙律以及手撕雞檬紙卷。前者既鳳爪唔似平時見開既泰式鳳爪咁係白色既，而係輕輕炸過，令到個皮微微脆，重口味的醬汁搭配新鮮的沙律啱啱好。而後者既紙卷十分煙韌，搭配酸酸甜甜的醬汁一口下去，口感豐富的難以想像！ 見到有法式芝心蝦多士，就忍唔住落埋單啦，多士炸得

喺旺角廣華街嗰邊有一間未到OK及價錢唔會好貴嘅越南餐廳🫶🏻🫶🏻🍜🍜我個人比較喜愛食沙嗲串燒，所以我就叫咗一個自家製沙嗲串燒加湯檬❤️成個餐一共有三串串燒，分別有豬肉牛肉雞肉，可惜佢嘅串燒係冇得另外上，一定要放喺碗湯上面，所以個湯底係會有少少沙嗲味，如果串燒有得分開上嘅話，咁就更加好啦！至於味道方面，我整體都幾好食嘅，入得口🍜🍜🍜串燒燒得啱啱好，又唔會太乾身，加上佢哋自家製嘅沙嗲汁，令到成個串燒都加咗唔少分✅ 而我朋友就叫咗一碗皇牌3+2撈檬，入面有好多唔同嘅材料，包括手撕雞、豬頸肉絲、扎肉絲、脆豬肉及烤牛肉，一碗麵滿足你五個願望😂⭐️皇牌3+2撈檬 💰$69⭐️自家製沙嗲串燒（牛豬雞）湯檬 💰$68

火炙薄燒牛拼脆雞＋撈檬🐮足料薄燒牛，燒得好香❤呢一間越南菜，當然最鍾意嘅係佢哋嘅清涼朦粉，而佢哋嘅配料選擇都好多😙今次試咗牛肉都非常之入味，而且更加有特色香料香味，配埋起身好夾！秘製香茅薑蜜🍯飲品甜蜜清涼，而且好養生！甜甜哋嘅蜜糖，配上香茅同薑香，超好入口😍龍眼花蜜茶🍵更有大大粒龍眼肉，少少蜜糖的甜味，非常吸引。dinner menu非常滋味，而且價錢親民抵食，性價比高，同friend嚟一試推薦！

星期日dinne time同朋友經過旺角shopping，🥰見到呢邊都有間人氣越南菜，夏天熱辣辣，想轉個口味，當然是個好選擇❤雙生蝦配滑雞，🥥配椰汁酸湯檬粉🦐蝦的造型都好用心，而且有幫手切開，蝦腸都洗埋乾淨，🤓所以食得更滋味。越式秘製豬頸肉🐷份量十足，非常抵食，而且燒得好嫩滑，面頭嘅焦糖色，😍真係非常吸引。蒜香牛油脆雞翼🐤香脆嘅雞翼，做小食就啱啱好，上邊都有好多蒜蓉，🧄配上炸雞翼好香。

一直都好想試呢間越南菜，見佢咁多好評，但次次都大排長龍，今次5點幾就去啦，唔洗排隊任揀位!豬頸肉手撕雞椰汁酸湯湯河($83)海南島為老家既我見到椰汁2隻字已經比佢吸引住，仲要係酸湯，呢D咁炎熱既天氣食就岩晒! 椰汁味夠重，食落有椰香味，但好酸既我同朋友就嫌唔夠酸，落左勁多粒青檸，夠晒開胃!蒜香牛油脆雞翼($29)雞翼就普普通通啦，炸粉過厚，入口覺得好油，我比佢既評分都係平平~手撕雞米紙卷($39)上面有大量既手撕雞，而且有別於一般手撕雞，佢係撕得好幼而且用調味粉調過味，加埋酸汁食好fresh，有heart!法式芝心蝦多士($45)外皮香脆，入面包住好厚既蝦膠同流心芝士，芝士味係勁重，所以蝦味就蓋過晒啦。

今日叫咗三樣嘢食：雞絲扎肉椰汁酸湯$69窩蛋火車頭$88蝦多士$45鹹檸七$15🦐多士係必食推介，除咗較特別之外，佢入面仲有邪惡嘅芝士，外面炸到金黃鬆脆，表面亦都鋪咗芝麻。我平時個胃食啲好油膩嘅嘢會好容易唔舒服，但係我食完蝦多士完全冇呢種感覺。佢完全唔油膩，反而非常之入味，而且上枱係有一種即刻炸完比你食嘅感覺。至於個窩蛋火車頭，有大大嘅一隻生蛋擺咗喺上面，再將佢連埋其他食材同湯一齊食，別有一番風味。材料亦都非常之充足，湯亦都清甜入味。雞絲扎肉椰汁酸湯酸湯一入口椰奶再加埋佢少少香茅香檸味呢就好似一個冇辣嘅冬陰功咁。湯底嘅味道已經好surprising。另外一樣令我好驚艷嘅係佢嘅雞絲，普通食嘢雞絲可能係好平淡嘅白灼雞絲，如喺呢度食嘅係一種有醃製過嘅鹹香雞絲，當然再加埋彈牙嘅扎肉，呢一碗粉一定係夏天必食首選。食物質素 🌟🌟🌟🌟價錢🌟 🌟 🌟 🌟 🌟環境🌟 🌟 🌟 🌟

同朋友係旺角行行下街，佢話想食越南野，就諗起呢間之前已bookmarked 的越男仔入面唔算大，眼望大概坐到20人左右👀Lunch set選擇有好多，差啲選擇困難症發作🤣上餐速度算快，大概5-10分鐘就有野食· 皇牌3+2撈檬 (手撕雞+豬頸肉絲+脆豬肉+札肉絲+烤牛肉）生菜蘿蔔絲係新鮮既，可能太多款料，豬頸肉絲，脆豬肉同烤牛肉唔係好食得多分別🤣都係脆脆地既肉咁😂手撕雞同札肉絲就易分啲，肉味道唔差，份量好多，好抵食· 越男仔生牛肉湯河粉湯底清透，夠熱熱熟啲生牛肉，牛肉好滑，一樣好足料，另有配埋越南三寶（辣椒，青檸，蒜），我地鐘意酸酸地所以落左好多青檸😆好多鋪頭都係比1粒仔，今次任拎好開心· 牛油雞翼牛油好香，皮唔厚，雞翼好多肉汁·春卷係素春卷黎，都幾大條，味道ok，抵食

肥C9覓食記《越男仔》今晚同朋友仔行行下旺角去到廣華街發現依間一直都好想食既《越男仔》吾洗排隊😆所以9秒9衝左入去攞位先啦，正正🤩一坐低就比佢地個menu嚇一嚇親🥶因為 太！多！選！擇！啦！我同朋友見到個menu都吾輸蝕，叫左兩個套餐（其實每個套餐已經有2款前菜、1款主食）之餘仲叫多左6件雞翼加一人一杯飲品🙈🙈枱面多野食到引起隔離左右枱既關注🤫🤫餐廳每款食物都好有特色，因為佢地做緊既係越南🇻🇳fusion菜，部分餐食都加入左港式元素😆好特別呀！我地一邊食，一邊回味返以前去越南🇻🇳旅行嘅開心回憶，我發現每去一個地方旅行，都係關注夥食既問題😆我係好典型既行到邊食到邊既隨心所欲型😂而朋友仔就係計劃+影相型🤣🤣所以同佢去旅行，我除左食之外咩都吾洗做吾洗諗🤪諗起都爽YY吾知你地又會係咩類型呢😆😆