越棧越式湯粉專門店 (已結業)

間唔中都會黎呢間野食午飯，發現水準愈黎愈差。牛河既牛肉片非常"un"，鞋烚烚，不過D河粉都ok。香茅豬扒算叫做唔錯，但係舊扒好似比以前細件左。所有湯底都非常重味精，返到公司要勁飲水。

生牛肉湯檬 --- 得兩片薄怯怯奀嫋鬼命鞋熠熠的牛肉扎肉撈檬 --- 扎肉都是得兩片薄怯怯奀嫋鬼命早知去大家樂, 大快活, 美心, 各大茶餐廳好過.

不想出去迫, stay 大埔食 lunchorder了一個牛肉湯濛 & 炸蝦餅:牛肉湯濛: 檬粉太多,湯檬應有的配料都齊了.but 魚露味道好淡, 不香不酸牛肉數量只得3,4片 ,牛肉未夠香口,肉味太薄弱.不合格炸蝦餅:切開了有6,7片, 每片有一半手掌咁大塊, 熱辣辣又香口, 炸蝦餅抵食

第1次入呢間食 食下午茶 $26 有碗粉加野飲 都算食得過 叫左雞絲撈檬 (本身想食生牛 ,但本人已介牛 )飲住茶 等左一陣 d 荼幾好飲wor 唔知咩荼呢 … 叫個waitress 加番d 茶 第1次竟然唔記得之後要再叫第2個 加 服務\扣番少少分啦 講番野食 ..碗粉都幾大兜呀撈埋d汁 甜甜酸酸幾好食 d 雞絲雖然少d 但應該係雞脾位置都ok啦 咖啡係即磨ge加左奶精 同cream但我淨係中意飲black coffee 於是比左人飲 總睇, 呢間價錢合理,食物都ok係服務要加強番少少 有下次

訓到好晏先起身，諗住食Tea，揀咗好幾間，最後去咗越棧。入到去，都幾Full。坐低落咗Order，一個豬頸肉撈檬、一個香茅雞翼湯檬、一杯紅荳冰同一杯凍檸蜜。嘢食嚟到，Oh No，豬頸肉撈檬叫咗全走，佢就乜都冇走，菜呀、青瓜呀依然喺度。唉，算啦，落魚露食啦，一倒，成檯都係！做咩咁大間餐廳會用爛嘢架！個香茅雞翼湯檬雖然係下午茶餐$26，但係得兩隻雞翼未免太孤寒喇...個紅荳冰，用匙羹攪完都係白雪雪，椰奶同紅荳完全溝唔埋。成餐係得杯凍檸蜜最正常。另外佢地D服務都好差，落錯單，又圍埋傾計乜都唔做，有一個仲走去用相機影出面個商場Show。我諗我地唔會再幫襯...

首先去到等位,個店員(男的,應該係經理)已經好冇禮貌咁問你幾多位.等到有位,入到去,打算等埋家人前來才落order,期間d店員(一個大嬸和一位妹妹)已經俾d唔好既眼光好似吹我地落單咁. 咟跟住佢地refill個撈蒙汁時,滴到個位濕晒,叫佢俾d紙巾又扮聽唔到 . 等齊家人叫了生牛肉湯粉~得3片牛肉. 我唔係食緊$26下午茶呀!! 我想像唔到下午茶會得番幾多塊.牛腩片湯蒙~牛腩片好o鞋.雞咖哩紅米飯~OK既. 個飯唔硬但唔熱,個咖哩汁內有好多碎骨.差d界損條脷.小食併盤~又係OK的.不過蝦片唔似蝦片,又唔趣就扣咗D分.個春卷又炸得乾得滯.最後當然唔飽啦,但我地4個人一致決定唔再加,寧願轉場再食.

自從越棧開業以來, 我與fiance 去過幾次。 食物味道ok 而且價錢中等，但只得小量種類作選擇。不過其越式咖啡是不正宗的, 只是普通coffee, 非常失望!環境太窄又吵耳, 就連偏瘦的我都坐得不舒適, 侍應及其他customers 行過時常撞到枱及正在食東西的我既手...另外侍應service 差, 我試過2次漏咗落我張單, 我坐係到睇住我fiance 食。

今日早放, 自己一個行過 見到間野~諗起之前同事話好食咁就一個人去食~平時都會好多人等~今日有位~埋左邊位坐 環境幾好 之後叫左個香茅豬扒撈濛~~好快黎到~第一次食~之後落汁~~撈埋佢~ 有個草唔知咩黎~好難食-_-~掉左~之後食~豬扒夠香口~不過太薄~食完飲返杯tea ~幾好~埋單32蚊~價錢一般~可以一試

今日同男友行大埔，行到4點度有d 肚餓，去越棧食Tea，因為我怕食唔到晚反，所以我就叫左迷你下午茶(叫左雞翼)，佢個迷你下午茶真係好迷你，三隻小雞翼加一位凍飲$ 26，都算，d 雞翼仲要係凍ga~ 而我男友叫扎肉蒙都ok~

今日一個人來到大埔中心，見越棧裝修都ok，於是入內吃晚餐。點了蝦餅撈檬（$36）：蝦餅感覺不太油膩，幾香口，不俗。撈檬的材料和賣相也不俗。上湯浸生菜（$22）：生菜因上湯而很有味，不過食完好口渴！以價錢計，份量算少。鹹檸七：跟撈檬點只加$9，都幾好。不過飲完都不能夠中和之前食完香口食物後的口渴。整體來說食物不錯、服務也不錯，偶然食下都ok。

紅叮昨天和朋友出旺角食了一餐越南菜～估不到今日又再吃～因為媽子去了親友家中打麻雀～只有自己一個吃～就去大埔中心食晚餐～本來想去咖喱至尊～但今次就來越棧～７時１５分左右到達見店內沒有什麼位坐～和別人坐在同一張抬不方便～裝修得幾靚，唔似吃越南菜～叫了生熟牛肉湯檬米～炸蝦餅半份～還叫杯粒粒果青蘋果汁。～好快就來飲品和檬米～侍應服務態度唔錯～生熟牛肉湯檬米，份量唔少～一個人吃一碗和飲一杯凍飲其實都覺得飽～味道方面算是好吃，～牛肉再多少少就更好～當我食完檬米，就來炸蝦餅，碟上沒有多餘油，咬一下，都幾彈口，25元一塊,不算平～～粒粒果青蘋果汁,純碎解渴~但真係只有一點點果粒~~吃了66元,感覺唔錯~有機會會再來~

平日不大到大埔中心吃食，要吃寧願到大埔墟，今天實在累了，發覺有一間「新店」, 又是越南食品, 雖然不大有信心, 也就歇一會吧! 差不多是午膳時間, 店也差不多要滿了, 待者也不多說, 把我安置了,放下餐牌,就忙自己的了。肚不怎麼餓,只要了春卷撈檬。待者一貫的一言不發,不久,放下碗筷也就消失了。看見鄰座有一樽碌冧,正盤算著要借用,又有待者不經意地放下一樽, 但主角仍未出場呢! 看著鄰座的套餐好像很豐富,自己一個人不會吃得下...... 春卷檬出場了。賣相不俗, 能嗅到是現炸的, 檬的分量合理, 配以雜菜,等等, 有一小撮香葉!你知道嗎?這撮平常不過的香葉,在沒有預計的情況出現,就像在街角碰見夢中情人一樣。 我搗爛春卷,淋了大量不大夠味的碌冧, 細細摘去香葉的莖,葉片和著春卷,唔,真不錯啊。又惓又下雨的午間, 遇見有新鮮香葉的檬粉, 竟然有100%的感動。

食晏時次次經過都人山人海.今日特登早啲去,十二點三到,已經九成滿(隔離幾間靜英英),開咗咁耐都咁旺場,應該有啲信心.我好穏陣地點了生牛肉湯粉($36包飲品),唔算大碗,牛肉好腍好嫩,湯底幾清,味道算唔錯(飲完晏晝都冇口渴,證明冇咩味精),我俾佢80分.老公要食飯,點咗套餐其中一款咖哩雞($39包飲品),呢個味道都好普通啦,但佢啲飯係糙米飯,算有啲心思.有一點要彈ge係坐低冇耐就叫人轉位,好煩啫.

第二次來試這間店, 頭一次跟男朋友吃,很滿足, 點了豬頸肉撈檬, 豬頸肉的外皮微脆, 肉身很腍很香, 配菜亦很精緻, 不是其他店般給你大堆芽菜和腰果就算,生蒜, 花生粒, 香葉, 青瓜蓄茄鋪得靚一靚先上, 檬汁甜酸度剛剛好, 別忘了放在檯邊的一樽沙茶醬,好冶味, 好食到我落完再落唔捨得停手 =)這個令我回味的下午茶套餐只需$26, 抵到爛, 仲有大大杯凍檸茶添。好啦, 咁貼心, 之後唸住食多一次, 點知第二次去食就中招, 美好既事都係一次就無架喇 =_="當時店內客人不多, 店內滿是空置的二人檯, 但女侍應竟安排我同一位唔認識既中年女仕搭檯 !! (大排檔定茶餐廳啊??? )我為了確定是否有所誤會, 便清楚的告訴她我只是一位, 但她好肯定我的位置, 仲話:"到時要掉位咪仲麻煩?!~"下? ok... 就算你間鋪 tea time 真係將會有好多人食, 但店內仲有位置, 而你間鋪都叫坐得舒舒服服唔係地mou,而我也提出了兩次要求, 總不能這樣對待客人吧...都算了, 我來是為了吃的, 這次想試試個湯底, 就點了香茅豬扒湯河,豬扒很劣, 沒有香茅味不特止, 咬落去有根的, 仲食到少少骨;

上星期六同媽咪來到新開的越棧 ，新開的關係，好多人等位。望望整間店子的環境都幾清潔美觀，不過坐的位就好逼牛。最終點了咖哩雞紅米飯套餐同越式豬扒金邊粉餐。咖哩雞紅米飯的咖哩是不辣的，而且還充滿椰汁香味，不過對我來說都是辣的咖哩好味一些呢!雞件不知是新鮮的還是冰鮮，不過雞肉肉質不錯，不會好鞋!而薯仔亦炆得十分入味!紅米飯份量足夠，煙煙韌韌，用值得一試至於越式豬扒金邊粉是媽食，我亦食左一舊豬扒，食得出是有香茅味，不過就醃得不夠味。總括來說味道可以，價錢合理30多元就有夥飲同食，最緊要不用加一，抵食!不過住位真是太逼了，要改善!共$75(咖哩雞紅米飯套餐$39+越式豬扒金邊粉餐$36)