越棧越式湯粉專門店 (已結業)

星期六中午，跟E先生到大埔超級城吃午餐，今次吃E先生最愛的越南湯粉。由於時間尚早，只得了數分鐘就能入座了。誰不知入座後，看到餐牌的E先生才突然記起自己這陣子不能吃牛，那麼註定今天他跟他最愛的生牛湯粉確實是無緣了。二人餐份量頗多，我倆應該吃不完，於是點了一人一個越式湯粉套餐，一碗湯粉+一杯飲品，簡簡單單又一餐。 香茅豬扒金邊粉 $45湯底是不錯的，夠味道之餘，金邊粉又夠滑溜，加上醃得入味香茅豬扒，不乾不韌，不錯。扎肉湯河 $45扎肉切得薄，清清淡淡，當然不及牛肉的鮮味及口感，但味道是OK的。

一向都是這分店下午茶常客, 但自從發生新達廣場分店超縮水事件後氣爆,巳近2個月沒吃了!昨天再給他機會吧(反正是大埔中心又下不是新達)又是豬扒湯檬(走蔥走洋蔥)加 凍0 tea好大碗呀!豬扒都算大塊! 粉是之前新達縮水版4-5倍呢! 雖然是回復之前正常份量, 但之前吃過幾次發覺下午茶份量減少左, 所以今次太有驚喜!希望以後都保持到!

今日行過越棧，突然好想食湯檬，看見不用等位，於是打消到 Pizza Hut 食午飯的念頭，立即入去坐下來。午餐除了湯河檬粉，還有糙米飯，價錢介乎$40 - $50，與單點其實分別不大，只是多了一杯飲品。豬頸肉湯檬很快，由落單到上檯不用十分鐘，值得一讚！豬頸肉很入味，但不脆身，可能被湯水浸得太久。湯底味道十足，檬粉口感一般，不過不失啦！三色糙米飯三色包括香茅雞翼、札肉、炸豬扒，味道很好，豬扒很脆口，而且很熱，雞翼就不覺有香茅味。糙米飯本身夠味道，即使不配主菜吃也不覺無味。只收現金有點不便，幸好剛好有足夠 cash 在身，如果有 EPS 或信用卡付款就好了，希望反映一下。

坐到我發爛乍 ﹗要發火喇 ﹗起初位肥侍應阿姐已點我地去個窄到坐唔到既位置，咁我地好自然左去另外一張枱啦，仲要比面色我睇 ﹗最後都要轉返勁細既四方枱仔。迫到爆 ﹗放兩碗河粉配兩杯凍飲再加兩杯茶連埋個調味架仲要放埋張單 ﹗已經好窄好迫，再放多兩碟小食，要縮埋黎食野，點會食得開心呀 ﹗火都黎 ﹗食物又唔係好食，環境又唔係舒服，服務又唔係好，今次係最後一次，再見吧 ﹗生牛河全走，我只要指天椒同青檸就夠喇。闊條河粉不太喜歡，質感又厚。如用幼河粉會更滑，更能帶多些湯汁。薄牛肉不過不失，平平凡凡，接受。湯底有牛味，鮮味欠奉，有點混濁，沒有靈魂，一般程度。湯只暖，唔夠熱又無煙，不熱不燙不出煙，點會好食呀 ﹗扣分 ﹗舖位太細，枱櫈又放到密麻麻，通道只夠一個瘦人通過，再加上有不少食客一家大細推埋 BB 車呢 ﹗湯唔滾唔熱，是否因為怕有意外燙傷食客呢？或係想食客可以食得更快，更快埋單走呢？越式炸蝦餅半份，講左三次要一份，係一齊份呀 ﹗都係要同我落半份既 ﹗肯定唔係即炸，好有微波爐翻熱 feel，只係暖暖地，無煙不燙口。口感硬實，麵粉勁多，不彈牙無鮮味無肉汁，鞋烚烚乾爭爭 ﹗香茅雞翼，香茅？在那裡？食不到半點

今日去左越棧食TEA，唔知幾時開始迷上了吃酸的食物，SO今次就叫了豬扒撈檬，可以勁落魚露~下午茶: 豬扒撈檬+紅豆奶茶 ($32)豬扒啱啱炸起，熱辣辣，加埋D花生碎同魚露，YUMMY杯奶茶叫左少甜都仲好甜，而且紅豆太少了，同幅圖差好遠AR~不過D豆煲得豆好淋，如果唔係咁甜仲好飲~

今日行經大埔去左食下午茶，$32有粉有杯野飲，又唔係話特別平～　不過勝在選擇多！我揀左雞翼凍撈檬，賣相好似唔錯！佢ｄ雞翼真係炸得幾好食，可惜得兩隻太少～食到中期，諗住食舊青瓜，但係食落似苦瓜！！即時扣哂分呀！敗北！個餐飲我揀左芒果特飲，都無芒果味～～

今天來到越棧，二人餐$158生牛肉湯檬：牛肉份量適中，配料有芽菜仔和金不換，檬粉口感不會太腍，湯夠熱，加添酸味味漁露，真開胃。香茅雞翼：三隻，皮炸得脆，肉夠入味。香茅豬扒：一塊切開多件，豬扒貨質屬一般，但算入味。上湯浸生菜：份量約有兩棵唐生菜，上湯不會添加油份，又夠熱，多吃也無妨。

呢間分店成日都見到佢, 竟然今日先第一次幫襯^^ 睇左下歺牌, 決定點兩個下午茶加一個小食！生牛河 - 一碗湯河最重要的當然係湯底, 越棧的湯底真係一流， 入味得來又吾油膩, 我同朋友飲湯底都飲到 lam lam 脷 ^^香茅朱扒捞檬 - 炎炎夏日, 當然食返d開胃野啦, 吾知幾時開始鍾意左食呢味野 個檬粉同出面食開的差不多, 反而係件香茅朱扒, 見佢個樣好似吾多吸引, 不過食落又幾好味喎 ^^蝦餅 - 呢個係最好食ge野啦! 厚厚的蝦餅切成厚片, 咬落外脆內軟, 裏面的蝦肉仲有小小汁的感覺, 超正！最開心係下午茶可跟任何類型飲品, 我地分別點左個椰汁冰同柚子梳打, 夏天飲真係爽到震呀!!!

大埔唯一的越南河 ﹗睇一睇 openrice，原來佢有好多間分店架喎，但係出品強差人意呢，跟我既要求還差一大截。舖位比較細，坐得密麻麻又迫迫夾夾，好唔舒服。第一次幫襯，係門口睇睇個 menu 有咩食先，都好多選擇喎。menu 裡面既照片真係影得好鬼靚，但唔知實物既賣相同味道係點呢？印擦精美既 menu cover 寫住一個湯底的傳說？﹗無錯，越南河既靈魂就在於湯底，您地係咪真係做得到呀？上湯浸生菜，二人套餐可揀生菜或蘿蔔，諗住今晚晚餐有蘿蔔，咁依餐食生菜啦 ﹗又係唐生菜，我想食玻璃生菜啊 ﹗口感味道都鮮爽嫩，配埋上湯，滿意。香茅雞中翼，外皮唔夠脆，味道香口，但似炸滷水雞中翼多啲，肉質有點乾鞋，肉汁欠奉，完全食唔到香茅味道。香茅豬扒，有點乾硬呢，味道偏咸，香茅未見突出，不喜歡。碳燒豬頸肉，juicy 又爽口，真係唔錯。生牛肉河全走，對我黎講最緊要加鮮青檸同指天椒，酸酸辣辣好開胃。湯既溫度只微暖，唔係熱騰騰、唔係出晒煙，咁點會好食 ﹗大打折扣 ﹗佢地既口號係一個湯底的傳說，我就認真係試一試。味道暗淡無光，完全無叮一聲既感覺 ﹗只不過係普通既牛肉骨湯，牛味係有，但一啲都唔香，非常單調，帶不到

自從2007年去過越南旅行後都無再食過越南野喇~ 原因並唔係越南野唔好食~ 而係被當地導遊取巧成功... sell左我買一箱扎肉返香港~ 就係因為咁... 我食足一個月一日三餐都係扎肉~ 食到提起扎肉都怕怕... 今日同男朋友行大埔超級城~ 男朋友話咁耐無食... 而且二人餐都幾抵食~ 不如就食下啦... 服務員態度欣勤~ 因為我地想坐卡位... 亦都特別安排~ 笑容可嘉之餘... 又唔會催促落單~ 真係難得~ 只要你同佢講一聲"唔該"... 店員都會有禮貌地回應一句"唔洗客氣"~ 簡簡單單的三兩句說話... 已經深深感受到餐牌封面的一句"服務從真, 待客由心" 我地就按原定計劃食二人餐...牛展湯檬:男朋友叫左哩個... 牛展食落好有質感~ 而且醃料足夠及入味~ 值得一試 牛腩金邊粉我就食哩個... 真係好多金邊粉 好大碗... 牛腩味濃~ 而且牛腩新鮮... 無雪氣~ 好味 湯底味道清而不淡~豬頸肉扎肉雙併扎肉: 男朋友想食~ 我食左一舊... 好味~ 煙靭度高~不過唔想再係左一舊... 只係因為唔想味蕾觸動到... 食足一個月一日三餐都係扎肉的感受 豬頸肉: 非常好味~ 豬頸肉

星期三係明愛學完電腦後，便和媽媽乘502小巴到大埔買MP3，皆因那兒好便宜，而且得那兒有舊款賣。本來打算買完MP3才吃午飯，但因為被那個小巴司機搞到我和媽媽暈車浪，而且我和媽媽有糖尿病的關係，怕太久會血糖低．所以決定吃了午飯才買吧。二人不用商量，便決定到越棧吃，因為我們好愛吃這兒的東西。我點了：生牛肉湯濛，Ｄ生牛肉不肥，好滑，好好味！媽媽點了：豬頸肉湯濛我們點了：炸蝦餅及上湯生菜！點菜的原因是我們都喜歡吃菜！而服務亦不錯，途中有個伯伯唔見了手機，佢地立刻替他找呢！我會再去的！

六月十八日 (星期六)今晚我們同屋企人一起到超級城搵野食因為中午的BUFFET吃得很飽大家的肚子也沒太多的空間放置晩餐越南菜想是其中一個"解決方案"座位真的頗迫明白老闆想做得多生意,但是都要顧及客人感受呢因為座位太迫,連飲品都倒瀉了幸好店員再給一杯我們,不過心情都破壞了有香矛豬扒,雞翼,春卷和扎肉蝦片品質一般,而且以$88來說份量是比較少雞翼都是新鮮炸的來桌時仍是熱烘烘檬粉很爽,沒有化作一團加上鮮魚露,味道不錯比較一般牛肉不太鮮,比較嚡口湯底雖香濃,但似乎太咸河粉稍欠質感,有點稔越棧吃過數間,這間可算是最差的希望店主能夠好好安排座位問題

今日一個人食一碗生牛河及叫了一杯熱檸蜜, 食物質素中規中矩, 但服務認真差!食完一碗生牛河飲品還沒有到, BAR 枱阿哥仍然係度吹緊水~我決定CANCELL果杯飲品走人, 但係收銀話我無論飲唔飲都係要咁多錢, 原因係我已經落單!!佢地立刻一分鐘唔駛就拎杯飲品嚟我真係想問點解原本無黎到佢要係唔係整緊的嘢都要强行收費?????

是晚"食自己",見到越棧門口有張"一個湯底的傳說",就心動試試叫了一碗生牛肉湯河,一杯凍檸薑先來凍檸薑,喝一口,夠汽,酸酸的,雖然沒有啤味但也不錯,比只得汽水好喝很多主角生牛肉湯河,喝一口湯,果然好味,雖然好像也有少少的味精喊味,但越南香料的味道仍然濃郁,令一想一飲再飲.河粉易夾,即使不用匙輔助仍可輕易吃到一大啖,但當然連湯一起吃更好味!!吃到最後幾口,河粉已浸了一段時間但仍然能保持良好咬口,依然易夾易吃,份量亦充足,夠吃飽到生牛肉,份量可以接受,但若能多加兩塊就更佳.牛肉牛味不足,此價錢是意料中事,但有香料補救,入口仍然香口.不知為何好像其中數片特別滑,整體合格有餘.吃完河粉後,忍不住再喝幾口湯,真的不錯!!服務方面,與一般茶餐廳比較,越棧做得較好,但與同級餐廳比較,則仍有進步空間,例如帶位時應不時留意客人能否跟著走,帶我入座的侍應居然比我快很多,我剛在門口踏出兩步左右,侍應已到了座位,感覺怪怪的收費$41,免加一服務費,提供此質素的食物及飲料足夠得到一個笑面.

早在讀書時期,已經常食越式生牛河,總係對佢有一種莫名的情感.到了進入社會,因工作關係先後去了越南河內幾次,曾經同當地人痞街邊食一蚊美金一碗既河粉.事到如今仲歷歷在目.$26一個下午茶,都無乜好要求,須知一碗好湯底,是要時間慢慢熬,打開門做生意每一分秒都是錢,有人喜歡一二百蚊去酒店扮高級,亦有人唔介意三幾十食得開心.我就無乜所謂,想食就坐低,就係咁簡單.生牛肉金邊粉 : 牛肉切得夠薄,但好鞋好韌,只得三兩片,而且奇怪地無乜味,呷一啖湯,色澤有點深沉,洋蔥味足而且有少少師傅,其實可以更好,撥三兩下金邊粉,等佢吸收湯味,食落滑溜,但有部份淥埋一舊.加點甜酸汁又係無乜味.凍檸樂不用另加錢已經好好,又唔駛加一,雖然未必會再黎,但附近如果無其他越式食肆,下午茶坐下hea下又唔貴都無壞既.