越棧越式湯粉專門店 (已結業)

想起也激氣，如果不是要去囝囝學校參加家長會，囝囝威逼利誘都不肯同在下吃午飯。中午時段，有所謂二人用的卓越河套餐，已包含兩杯飲品。而河粉的配料有生牛肉、牛腩片、牛札肉、牛脷、雞絲及札肉。基本上已蓋滿整個碗面，但當時心想，在下一個都可以消滅了。可以說的是，幾款配料都無乜味道，就連河粉都是碎濕濕，唯一可取的，就只有湯底，總算是幽香，喝起來也帶點牛味。試過就算，無必要無須再來了,除非囝囝肯同我食飯。

一個人的周末，如果要說對吃沒講究，倒不如說沒得對吃有講究？始終在衝擊營業額的周末，一位的客人從來是不受歡迎的。而且一點才收工，食店早已坐滿的坐滿，排隊的不知排多久了。結果，又是去越棧吃下午茶。很奇怪最近的越棧下午茶吸引力好像大不如前，往日因為便宜而坐滿全場的客群不復見，大概只餘下像我這種沒有約、或不願等位的食客。札肉金邊粉 $36最近吃得紅肉多，轉轉口味吃札肉，湯粉則仍是金邊粉。由點餐到奉桌只需90秒，出餐之快速令人咋舌。不過嘛，求其將五片札肉丟到淋了熱湯的湯粉上，說到底90秒其實算慢了。金邊粉吸收了湯汁後仍夠香口細滑，與札肉的爽口形成鮮明對比。凍橙梳打 (特飲+$4)貪得意加錢點了一杯特飲，結果一臉中伏的無奈。這杯特飲固然沒有插在杯邊的一片橙，味道更加是橙味難求。喝了一半只感到梳打的存在，平日不太浪費食物的我也放棄了半杯。特飲，特別難飲也！

今晚我們去咗大埔超級城嘅「越棧越式湯粉專門店」食晚飯！我們叫咗個四人套餐「牛扎肉拼香茅鷄翼湯河、生牛肉拼香茅豬扒湯河、香茅豬扒拼鷄絲湯河、香茅鷄翼拼扎肉撈檬、越式雜錦大拼盤、越式蒸粉包、上湯浸生菜」另外再單叫咗牛肉撈檬、咖喱鷄紅米飯同香茅串燒「豬，鷄」！牛扎肉都幾爽口彈牙！生牛肉同牛肉都係淡而無味！香茅豬扒同香茅鷄翼都只得香茅味，無肉味！河粉一啲都唔滑，非常粗「階」！越式雜錦大拼盤嘅炸蝦餅炸得金黃香脆，肉質彈牙！春卷炸得好香口同好足料！越式蒸粉包嘅粉皮超厚，唔嫩滑！上湯浸生菜應該改叫滾水浸生菜，完全無味同煮得過熟，賣相極之唔得！咖喱鷄紅米飯嘅咖喱汁都算濃郁，但鷄肉就淡而無味！香茅串燒「豬，鷄」，燒得過咗火，令到肉質硬實實！真係令我們覺得好失望！

基本上對越棧已經大失所望，不過陪朋友就冇辦法啦(朋友勁愛@@)呢位朋友強推蝦餅撈檬，咁就試試啦！個蝦餅又幾fit, 香口但唔會太油膩， 咬落彈牙！ 不過敗筆點同之前食ge 一樣， 個撈檬好碎好散又乾身， 落咗汁都解決唔到ge 問題， 大 fail!

頹頹地， 就食吓連鎖野， 坐得舒服又穩陣！> 春卷撈檬春卷炸得啱啱好，內涵有d 絞肉，外脆內軟， 惹味得嚟又唔會太滯， 撈檬就唔駛講， 真係少少hea, 好碎同口感有啲硬。 基本上成碗我只係食晒d 餸， 撈檬就真係唔多入到口~

同朋友夜晚找東西吃 又想食粉面的食物 就見到越棧 心諗越南食物都唔錯呀 就十左去 環境十分乾淨 又夠大 同朋友一起食也不會覺得局促的感覺 而食物方面 河粉值得一讚 湯底看似很清 但味道卻濃厚 像是燉了很久的牛肉清湯 飲起來十分鮮甜 加上一些越南的調味料 十分讚而豬排炸得也很不錯 不但不油膩 更是軟硬適中 但飲品卻是不太讚，椰汁本應十分好渴 但配上粟米的咸味 使它變得十分奇怪但大家都可以試下其他特飲xxddd整體都算唔錯

呢碗越式春卷撈檬粉份量都算多，春卷岩岩炸起熱辣辣，又辣咀又脆，正。春卷入面都算足料。檬粉上面加左好多炸蒜片，撈檬粉既汁可以任加，鍾意加幾多都得，咁就唔驚檬粉太乾黐埋一齊啦。青瓜絲生菜絲紅蘿蔔絲再加埋洋蔥食落好爽口清新。

一直都好中意食越棧，唔貴又好味，但大埔呢間反轉左我一直對佢既印象。叫左個二人餐，一個生牛肉湯河，一個金邊粉，其實粉同河都冇時，但個湯冇其他店咁濃味，配料如生洋蔥同豆芽得幾條。豆芽仲好大陣冇洗既味。小食豬扒 ，豬頸肉正常既味。咸檸7先最差，得小半個咸檸，咸檸又唔夠咸，差啲叫佢加鹽，當加4蚊飲普通七喜。

今日去越棧食個招牌菜。健康三色紅米飯加凍飲要$60。等咗大約10分鐘，送來一碟有豬扒、雞翼、扎肉、蝦片同紅米飯。單看個賣相超正。我加入甜酸汁，開胃又醒神。豬扒、雞翼同扎肉好乾身。乾身好難入口。要飲凍茶送口。個豬扒好鬆軟。扎肉好爽口。個雞翼比較難食，因為個雞翼係瘦肉。 乾身鞋習習。個紅米係混入白米飯。任何人都可以食。如果單單紅米就唔係人人都適合入口。杯奶茶D冰唔算大塊。碎冰無沖淡杯奶茶原味。個餐唔算太抵食，貴咗少少。

好耐無食越棧，今次要食撈檬。點咗個蝦餅撈檬加杯凍奶茶。埋單要成$60。好貴，個撈檬到咗之後我加入撈檬汁。個汁做得好，混入個湯麵好有越南風味。個蝦餅切開四片。好熱，爽口彈牙。伴菜有碎花生同青瓜。重有蕃茄。個賣相好睇。個蝦餅好食。用最上等蝦肉。蝦肉鮮嫩易入口。撈檬同個麵，凍食涼伴加生菜。好爽口。杯奶茶都唔錯。但係真係好似貴咗D。

今日同朋去食越棧，去到係下午茶時段，我地兩個都叫左一個下午茶。其實下午茶同正餐無什麼分別，去到都係食撈檬，湯河等等，只不過下午茶少了一碟小菜所以便宜10蚊。有特飲，只係加兩蚊，呢樣抵讚。我地叫左雞翼同豬排撈蒙，味道一般般，不算好吃，而且粉很少，食完不覺飽。最難頂的是叫了一杯耶汁紅豆冰，雖然整杯白色，但係耶汁味好希，仲有d紅豆好硬，未飲食過咁硬的紅豆冰。整體上我覺得還是吧

天氣熱唔知想食咩突然想起這越南餐廳。正與上午飯時間入到去只餘近收銀的加枱因為不想等所以就坐這張兩個人叫了：1) 咖喱牛脷紅米飯～咖喱汁很濃香料味夠香 濃不辣牛脷煮得夠軟熟有薯仔，紅米飯煮 得剛好。2) 小食拼盤～有香茅豬扒、蝦餅、越式春卷 扎肉蝦片。伴隨有生菜豬扒炸得夠香夠香 茅味，蝦餅看得出有蝦吃落有鮮味彈牙， 春卷炸得香脆香透不太油膩不錯，扎肉蝦 片蝦片上有粉絲、扎肉加花生碎味道不過 不失。飲品要了：咸檸檬七喜、香芒特飲在天氣熱沒有胃口的日子可以多到這越式餐廳吃飯之前吃過多次凍檳粉、湯粉等等出品不錯下午茶時間有茶餐供應。商場夠冷氣但午飯時間人較多坐得頗迫！

某日行過見佢個牌介紹下午茶，覺得幾抵食，係度又見幾多好評，今日特登去試下，但餐廳都好多人，要撘枱，所以無影相。1.我既豬頸肉撈檬，豬頸肉5片好正，花生碎同蒜片都好香，我叫左走蔥，但佢淨係走左洋蔥，去開其他越式食店，有時都怕魚露太酸，但呢度既魚露的肯酸味適中，而且好香，但呢個下午茶既檬粉份量，我諗男仕食就會有少少唔夠喉。2.家人食香茅雞翼湯檬及札肉湯河，湯真係好香，有濃濃九層塔味，飲落就唔似多味精，但雞中翼得2隻，札肉有5片，我覺得芽菜都太少，粉面份量都係略少。餐飲有多款特式飲品可選，我要左綠茶咖啡，綠茶味幾香，反而無乜咖啡味，而且好似落少左糖，好淡。另兩杯椰汁紅豆冰，椰汁味夠，紅豆好少，味道都唔錯。總括係唔錯，$34包特飲，但假日會1500先開始下午茶，要試就留意時間。

越棧是我們的大埔飯堂之一, 年頭裝修完之後，環境比以前更為舒適。它的生牛肉河是我的最愛, 濃郁的湯底配上几片薄薄而鮮嫩的牛肉片, 非常鮮味! 你可以選擇走芽菜, 葱, 洋葱片, 甚到全走, 因個人口味而落單。而河粉也算是細滑，雖然是湯河, 我也喜歡加上撈檬的酸甜汁, 食起上黎寧舍醒胃。餐飲加錢叫左特飲大話七，即係話梅加７喜，再有少少糖醬响底, 甜甜酸酸的, 非常解渴。越棧水準一向保持得到, 不會有太大既落差...

雖然家住大埔，但以往喺大埔多間食肆用膳後，都唔記得寫食評，於是一有機會就寫番先, 最近一口氣都寫咗好幾篇。大埔中心呢間越棧，幾年嚟都可以保持水準，難怪經常都客滿，特別晚飯時候。呢度嘅下午茶幾抵，$32可選粉麵飯，仲包冷熱飲品或特飲一杯。~香茅豬扒金邊湯粉~ 每次都會飲一陣湯先食粉，因為佢嘅湯冇油好好味，帶有好多香料同魚露香味。香茅豬扒醃得好夠味，煎得又香又淋，金邊粉份量又唔會太少，下午茶啱啱好！~香茅豬頸肉撈檬~ 上檯時望到好多塊熱辣辣嘅豬頸肉，正呀！而且每片都唔會見到肥膏(外面好多餐廳都會將豬頸肉連肥膏上架！)，面層舖滿炸花生碎、炸蒜片，仲有好新鮮嘅生菜絲墊底，雖然檬粉唔多，但下午茶都夠嘅。椰香雜會特飲：唔會太甜嘅椰汁，加上紅豆、綠豆同栗米 ，味道幾好！意式紅豆奶茶特飲：紅豆+凍奶茶，味道0K！越棧各樣香茅、咖喱食品都唔錯，唯獨佢嘅牛脷處理得唔好，好多次食佢嘅牛脷都只係白焯(雜錦大湯粉餐必定有架)，食到成口都係好強烈嘅騷味，有次仲要吐番出嚟呀！希望佢嘅師傅留意吓，或者上檯時煎一煎先啦！