越北牛肉粉專門店

營業中

休息中

我係用外賣apps買的，包裝非常好乾淨企理重點係個小食拼盤$138有四樣嘢1.牛肉蝦片 2.煎扎肉 3.胡椒豬肉串 4.春卷平時嘅拼盤通常每樣得兩件佢竟然係每樣有四件一個小食拼盤，都分左幾個盒先放得哂仲送咗4塊生菜🥬比你包住食蝦片冧左，外賣關係散左d好厚好大塊嘅煎扎肉，份晒好多胡椒豬肉串都唔錯，唔太咸有驚喜牛油雞翼無得輸，送到來重脆的，不過堂食應該更加好食好味，軟殼蟹仲脆卜卜超厚香茅豬扒總結每一盒都放咗好多配菜，同埋腌蘿蔔絲，乾蔥蒜花生🥜薄荷葉，金不換外賣有呢個質素我比💯重要咁平，以上咁多野只係$280，外賣apps有優惠再平多少少

今日嚟到呢間大角咀嘅牛肉粉食下午茶。下午茶選擇都算幾多，又包餐飲所以就入咗去食啦！座位都算幾舒服啦，闊落嘅。坐有梳化嗰邊就比較舒服仲有少少擺設喺後面。分別叫咗一個雞絲扎肉湯濛同埋香茅豬扒湯濛。幾欣賞佢呢度嘅湯頭，幾好飲，香濃唔油膩，但應該係味精湯啦，飲完會口渴。雞絲方面食到有雪味，又唔多入味就差咗啲啦。香茅豬扒就要一讚，因為真係煎得好香，而且調味好好食好入味，又唔韌，加埋啲炸蒜更加香口。整體不過不失，下午茶算有多間選擇。

這位於大角咀的連鎖式越南菜 性價比極高 晚餐不用一百元 又吃得滿足又有野飲《鮮椰青》$28大大個飽滿水的椰青 喝一口即感受到清甜的椰青水輸入 十分自然 沒有任何添加物的 最健康 最原汁原味 建議喝光了椰青水 再掘椰肉吃 因為一掘便會令到純正的椰青水帶有雜質 失去當中的純潔感 再來 椰肉十分嫩滑 能用匙羹輕易地掘出果肉 正 又解渴 又飽肚 必喝《越北三寶撈檬》$65如果不想雞翼浸濕了 不再脆皮的話 建議於下醬汁前先享用 先說雞翼的香茅味十足 十分惹味 而且微脆的口感 很棒桌上有多種醬汁 讓你自行調味 酸酸的撈檬 十分開胃 扎肉片中有一粒粒軟骨狀 增加當中的口感 豬扒亦很貼心地剪成一條條入口大小 香茅味十足 啖啖肉 必吃十分滿足的一餐 會再來光顧

去開大角咀，想健康外食，越南嘢算健康之選起碼有健康嘢可以點吓 唔係一味煎煎炸炸見餐牌選擇多，價錢合理我們星期五晚約7:00pm到達，不用等位，直入店內人不是太多，2人仍可佔4人檯睇餐牌，一般越南嘢都有齊今晚我們主打少熱氣，唔叫蝦餅呀，春卷呀，串燒了湯河可轉檬都多選擇嘅～～～叫多款小食先，清清地就米紙卷啦另外都有啲期間限定款，啱晒想試新嘢嘅客人而且仲好切合夏天食物都好快上香茅豬扒飯不可貌相，呢個驚為天人（連給2個正）除了有蝦片外，啲豬扒，係堆到成個塔咁多（就咁睇相好似唔覺）撥開面頭嗰層豬扒，下面仲有好多件件件都夠份量份量足都不特止，佢仲要係件件都係咁大件同厚切唔會係紙咁薄，好厲害，份量多到連男人都話好夠份量多，件件豬扒都金黃色，而且仲要超入味㗎！！望見都吸引香茅味唔係表面，你咬落去，係feel到成舊肉都好入味就算浸過檬粉碗湯，啲豬扒都係成件有味，啲香茅味醃晒入去調味好好，唔鹹唔口渴，食到有少少香茅渣係好真材實料香茅去醃肉唔Un，配埋甜豉油撈飯，呢個飯$58直頭超值會安雞絲紮肉湯河（改檬），$55值得吃澎湃的香草，有9層塔，香蔥碎和蔥絲，同埋芽菜多到嚇一跳最鐘意撈埋啲粉來吃下面有勁多雞絲同

今天內地親戚黎探望我地,當然要最地主之誼帶佢地去我最常去既越北試下啦,一坐低我媽就立即叫左3個椰青,因為係我媽既至愛所以都預左佢會叫黎飲但我真係覺得一般,之後就係叫左三寶撈檬同三寶湯河,因為我個人覺得越北既香茅雞翼同豬扒係必食既剛好三寶就滿足曬我地,雞翼炸得外皮香脆得黎又夠香茅味,肉汁又保存到,豬扒肥瘦適中唔會,啖啖肉得黎又夠曬嫩滑,唔會有太老既出現,我食過咁多次都未有失望過,人地話一次半次既好味係唔夠既,保持到水準先係王道...依句話我覺得放係越北既雞翼豬排身上真係剛剛好....

Overall verdict: good place for a quick, tasty lunch. What we ordered:1. chicken and Vietnamese sausage noodle soup2. crab roe and Vietnamese sausage vermicelli in tomato soup3. coconut ice jelly drink and ice lemon teaThis North Viet Pho branch has generously portioned noodle soups for the price. I can barely finish the whole bowl Everytime. This is a good place to grab a quick lunch or dinner with no fuss.On this occasion I had the chicken and Vietnamese sausage noodle soup with pho. there was

今晚收工後去左屋企附近既越北，叫左個越北綜合牛肉河(走青)，大大碗河粉，份量足夠唔馬虎👍🏻有牛丸，生牛肉，牛腩片最正係生牛肉，有好多片之餘仲要係大大片，薄身食落口好爽口牛丸亦算彈牙，唯一要挑剔就係牛腩片比鞋口，另加8蚊叫左杯凍菜蜜，抵食之選

Craved a comforting lunch and this did not disappoint. We arrived mid afternoon to have late lunch and got their afternoon tea set; we both ordered brisket and raw beef pho, one steamed roll, and one pork neck. Pho had a great broth, brisket was tender, beef was ok… pork neck was good and steam roll was tasty. Overall a very enjoyable lunch, will definitely visit again! 2 large bowls of pho, 2 small plates and 2 drinks was a total of 139 dollars, bargain!!

今日lunch食越南野，其實越北有好多野食，除左食pho都仲有其實野食揀咁我今次就係食雜錦牛河，有牛丸，牛腩，生牛肉牛丸就應該唔係買番尼，而係手打的，因為每粒的形狀都唔同，但味道正常，冇話特別好味牛腩就唔同平時粉麵的牛腩咁，因為佢D牛腩係一片片，不過就有少少韌最好味係生牛肉，好入味，我就放佢係個湯入而等到佢熟晒先食!!!麵可以揀河粉，金邊粉，我就揀左金邊粉，不過佢的金邊粉偏碎，食的時候比較辛苦不過碗麵比較貴，好似都要$62，仲要冇野飲

星期六行街街又唔想食得咁heavy~見到呢間叫越北牛肉粉就入去試下啦。店鋪裝修好特色，有D草帽同單車掛係牆上幾特別!講番食物~我點左蕃茄蟹膏蝦丸札肉金邊粉。上菜時聞到好香蟹膏味，而望落個湯底都紅卜卜好吸引~可惜味覺與視覺得唔到同樣享受。湯底睇落濃郁但食落淡味，冇我EXPECT既濃蕃茄既甜味，不過蟹膏味係幾出既!蝦丸札肉同金邊粉就不過不失。老公試既係順化湯檬，牛腩片，扎蒂扎肉同牛丸，牛腩片好薄薄得一片，反而牛丸比較出式，但個人覺得轉為撈檬應該好食D 

越北! 其實呢，以呢個價錢算係幾好食，不過近來好似多左味精，食完有點口渴! 🥛.當我望住 menu 煩惱緊食咩嘅時候，公司個妹妹仔話越北嘅蕃茄湯好過芽莊 🤨 really?? 既然咁講唯有試一試，反正蕃茄蟹肉湯濛一向係我首選! 😋.碗粉一放低，我可以肯定咁講，我個妹係呃我嘅 🙄 比我丙嘅時候佢先發現，以為我講越棧 🙄🙄🙄 越棧同芽莊都可以攪錯，佢其實係咪找死?🤔🤔.看圖識味道，札肉 ok 有咬口，蝦丸爽口不過裡面有葱就有點奇怪，湯稀到一個點! ...完。 “三寶湯粉“! 有炸雞翼，香茅豬扒 & 扎肉! 我偷食左一件炸豬扒，好乾🤔 ..一個坐低就嗌肚餓嘅友人最後食剩1隻雞翼，3件豬扒...🤔 大家應該明啦呵! .

剛巧在附近工作完結，想找地方醫肚，地方不太熟適而且街道有點髒髒的，經過一越式小店門外，探了內裡一下，座位也頗舒適便決定在這𥚃落腳。一個人點不了甚麼東西吃，一碗招牌生牛河加炸越南札肉，如圖，份量不少的，還有我最喜愛的香葉，湯底熱度足夠所以牛肉很快就由鮮紅色變成暗肉色一般吃完越南菜都會非常口乾，這𥚃又不能說完全不會，但之後一兩小姐又沒有特別找水喝啊札肉都是剛炸起，怕熱氣可以泡湯一起吃，本身札肉已經有味道所以店員提供的醬了也沒有沾

呢間鋪名打正旗號叫「越北」，如無意外應該係以越北菜作招徠。一入去格局都算企理，待應哥哥安排我地坐左最埋邊個四人位，坐得幾舒服，當時大約十二點半，由於時間倘早人流不算太多。我點左香茅牛肉飯，因為怕河粉會唔夠飽；同事就點左個紥肉湯河。野食速度算快，個飯充滿越菜特色，用生菜鋪底，牛肉用香茅炒乾，又香又惹味，令人口水直流，香茅牛肉用來下飯簡直一流。白飯上有些少香茅等香料，無咁單調，仲有幾片特式蝦片，整體感覺合格有餘。而同事的紥肉湯河功夫亦見紥實，河粉夠幼身，好似越南少女把頭髮咁柔軟。呢間越北仲有好多野食等住我地去開發，下次一定要拉大隊再黎過！

又番嚟大角咀呢個老家,本身同阿肥入嚟係一心要搵相熟嘅髮型師恤髮嘅,點知一直都打唔通佢個電話,索性鏟過嚟睇吓,原來佢個助手話佢去咗旅行......咁冇法子啦,頭髮冇得整但飯仍然要照食嘅,於是乎我哋又走入嚟嘢食多多嘅大全街周圍望吓邊間啱心水喇呢條街而家上至西餐日本料理,下至茶餐廳都有得揀,但估唔到最近連越南嘢都開埋,見佢價錢都OK同埋食啲濕濕哋嘅嘢都幾好,一於就入去試下啦。未到下午茶時間,都仲可以叫午巿套餐,想睇下佢係咪真功夫,叫番碗最原始嘅河內生牛肉湯粉就可以一清二楚喇,阿肥就揀咗碗越北綜合牛肉湯粉,而每個套餐都可以揀選一款小食,咁我哋就嗌咗越南春卷同埋炸蝦餅,而飲品方面都算幾多選擇,見到佢有滴漏咖啡我都想試下,阿肥就叫咗個鮮椰青,只係呢啲特飲都要加番相應嘅金額喇。本住期望唔係好高嘅心情入嚟,結果出嚟嘅食物味道都令人有啲驚喜喎~呢碗河內生牛肉湯粉($50蚊),上菜嘅時候紅噹噹嘅生牛肉片清晰可見,如果怕食得太生嘅人記得要用筷子將啲牛肉反入一下湯入面等佢淥熟小小喇,牛肉份量都算幾多,起碼我食到底都仲有牛肉食,而牛肉切得好薄所以生生哋咁入口感覺滑溜軟腍,最重要嘅就係個湯底味道濃郁夠香,完全食得

這天由油蔴地特意走路去大角嘴，為的就是一碗越南湯粉。在門外已經看見餐廳明顯加價了，比喻一個生牛肉湯粉加了$4，下午茶來說有點貴！不過今天特意來食，最後我還是內進用膳。我要的生牛肉金邊粉一會就送到，熱辣辣即煮，牛肉湯很香很吸引。送上湯粉時給了一些辣椒粒和青檸。我喜歡加上一點在碗裏，帶點辣又能增加清新的味道，不會因為食牛肉而覺得膩。其實金邊粉好像是幼一點的河粉，吸收牛肉湯的精華很好食，我也有飲他們的湯，不覺得口渴。牛肉的片數不少，送上來的時候帶點生，客人吃著吃著浸在湯裏慢慢變熟，又不會夠熟變得很硬很難咬。最後跟餐要了一杯熱檸水，竟然有三片厚檸檬呢。吃個下午茶要四十多，幸好味道依舊美味，分量也差不多沒有減。越北有幾點分店，試過大角嘴和紅磡的我，覺得大角嘴的食物質素比較穩定和出色。雖然大角嘴附近有很多餐廳可以選擇，不一定要選這連鎖店，但若是想食越南菜，這裡是一個好選擇啊！