越北牛肉粉專門店

營業中

休息中

首先一入門口方面，店員主動提供暖水，濕紙巾，口罩套，真心好貼心👍而座位與座位之間有一定距離，唔會好逼，凳幾舒服好坐😙🌸🌸🌸🌸🌸🌸🌸🌸🌸🌸🌸🌸🍀海蜇呢個小食好爽口，唔會太濃味，好開胃。🍀蝦餅啖啖蝦肉！蔥油香氣滿溢，仲有泰式辣醬令味道豐富！🍀蝦頭膏酸辣海鮮湯檬粉 好大碗，細食人仕記得扣底😂入面有蜆，青口，龍蝦丸，墨魚仔，辣度都足夠🔥青口大大隻，好新鮮！🍀生牛肉牛丸湯湯粉河粉完整，唔碎，同時好咬口，即使浸咗陣都唔會發漲！😙湯偏淡唔鹹，味道適中，唔似味精湯！幾天然！牛丸較細粒，彈牙。生牛肉生熟程度適中，唔錯！🍀三色鹹檸七幾正！咸酸中和，啱啱好！🍀玫瑰花果檸檬好飲，好有驚喜呀！玫瑰味出，唔會太甜！

忍不住要分享一下.........我由新開張一直幫襯到現在, 大大話話都有四/五年, 近呢三年仲平均每星期幫襯一次. 食物水準其實不過不失. 我一向外出用膳都很少有額外要求, 例如少甜, 走青, 走油, 加底扣底, 多汁, 碎上等等…..不過自從呢兩年日日帶口罩令呼吸道過敏, 醫生建議少飲凍野, 以免經常咳嗽. 但我又一向唔習慣飲熱飲, 所以唯有每次都要叫少冰. 我明白大部份餐廳/茶餐廳水吧都未必次次理會, 不過係呢度, 我每周都幫襯一次, 每次都叫少冰, 而仲可以有七成機會送來正常或"多"冰的, 即係叫四次才會中一次少冰. 同樓面經理反映過無數咁多次, 人都換咗五六個, 依然一樣.  如是者都兩年幾, 我依家都費事出聲了, 叫定個碗自己隔開好了.(我明白"少"嘅定義係因人而異, 不過平均裝滿大半碗, 夏天有時仲裝滿一碗, 咁都仲算少）

今日返去舊公司探同事，一齊落去食個快lunch!好彩佢放飯係2點，又可以唔洗咁多人🤣🤣食物綜合生牛肉湯河呢個係一上枱未熟嘅牛肉👇🏻有牛丸(我覺得似牛筋碗，實的的！但好爽口👍🏻大概哥爾夫球咁大粒)👇🏻呢個係熟左之後嘅牛肉，勁嫩滑！😋用熱湯浸熟，個牛肉就啱啱好！👍🏻烤雞扒湯河湯河擺碗勁靚❤️我都唔捨得搞散🥺🥺🥺🤣個湯好好味！好清甜，又有生洋蔥嘅味！仲有種葉好香！但識食唔識講🤣係咪就叫香葉？個雞扒皮烤到卜卜脆！又可以保持到雞肉嫩滑🙈海哲沙律佢唔同市面上一包包個啲軟冧冧，滑lulu個啲，呢個好爽口！最正係佢下面有芹菜、蘿蔔絲、紫洋蔥！同埋佢酸酸的…勁開胃晶凝通透架🤣🤣🤣蝦餅 - 必食！啖啖蝦滑食落去❤️點泰式辣醬勁好食！個醬點烤雞扒都好食呀！呢個仲有葱油味，送飯食都好味呀！綠豆沙冰椰青 - 加$22真係原個椰青咁劈開俾你食！點解加22蚊都走去叫呢？🤣🤣🤣事源係呢排太熱氣，有人俾左枝100%pure coconut water我飲，我又覺得幾好飲喎🤣但肯定有加糖啦。佢就叫我加黎試下有咩分別原來…原來…原來….真係好清甜架！🤪岀面買個椰青都係咁嘅價錢，依家仲有人同你開埋💪🏻抵啦服務個個都好好服務，即使

呢間越南餐廳應該好多人都見過，香港都多過10間🤣今次去咗大角咀嗰間，首先想讚下staff ，因為服務真係好好☺️ 好顧及每一個客，走之前都會提一提我哋記住攞齊嘢。跟餐好抵食, 主菜,side dish 同埋嘢飲八十幾蚊👏🏻好抵食 越北綜合牛肉湯粉細細粒牛丸好爽彈，河粉好滑！配菜多，湯好濃，仲有牛肉，整體上都有啲似我之前喺越南食果啲！ 順化湯檬酸酸地，鍾意食辣嘅朋友都可以嗌，肉嘅份量又啱啱好！我自己本身好鍾意食辣，所以呢樣嘢真係啱晒我胃口，同埋個湯好好飲呢度啲炸春卷好好食，入面好多料😍🤤好奇試咗個軟殼蟹米紙卷。外皮薄軟柔韌，裏面清新爽脆，非常開胃，完全唔會覺得漏。值得嘗試👍🏻☺️

越北喺我經常幫襯嘅越南餐廳，由于工作關係需要周圍去，所以佢哋好多分店，北角，西環水街都有去過，但今次就去左大角嘴果間。越北嘅特色店舖裝修簡潔舒適，餐牌食品價錢公道，而食物出品真係值得一讚。越北嘅越南湯粉，個人認為絕對吾錯，之前由於工作關係經常要去胡志明市，越南果度大街小巷的越南湯粉真係食吾小。在香港，越南餐廳雖然很多，但要揾一間口味接近越南地道的湯粉餐廳，其實都吾容易。越北嘅湯底夠熱有豐富嘅濃湯味道，牛肉份量亦足夠。唯一跟地道越南不同喺吾會有大兜嘅香葉芽菜比你自己加落去。另外叫咗大頭蝦膏通菜同海蜇沙律都好好味👍👍

生熟牛肉湯河:生熟牛肉夠滑，牛腩口感剛剛好易咬口牛肉片份量都多，不會食到雪味，值得一讚。金邊粉軟硬度適中，。最鍾意都係湯底都夠牛味，好濃厚，無咩味精味，可以飲湯底都飲完。小食都好出色:酸辣鳳爪:鳳爪酸酸辣辣好開胃，爽口彈牙。蒜香牛油雞翼: 雞翼都夠大隻，食入口好夠蒜香同牛油味。熱度好夠。仲炸到黃金色香脆。肉質滑滑。(大推)上菜速度都好快滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟🌟

第一次光顧這家餐廳，河粉可口，牛肉味足，環境也清雅。只是我和朋友共三人已入內坐了幾分鐘，部長才過來要我們讓位給四個食客，朋友順得人，我便順其意，搬去一張不方不正的L型枱。但平心而論，部長真的需要為多賺一個客的錢，而要勞動先來的三個客人讓位嗎？難道不可以讓他們守秩序，稍等下一張枱嗎？錢，你是賺到了，但我不肯定還會再來，儘管部長提出要求時有禮貎，但這種待客的方向真不大體。

當取外賣時希望食品多加辣椒絲，而當時員工稱只可加些少，不可以多加，之後我再次要求員工增加多點，然而對方沒有回應便進入廚房位置，惠顧以來堂食及外賣也沒有聲稱不可以增加辣椒，而對方是一位年紀較大的新員工，不久前堂食時已曾向這一位員工詢問增加辣椒而沒有發生這樣問題的。這是什麼公司的不穩定態度呢！

係附近番工，成日都黎呢間餐廳食，覺得幾抵食，味道又幾好。🥰同事們好鍾意黎呢間食，值得推介！我平時就叫開三寶撈檬，D撈檬多到好似食極都食唔完。🤣仲要d豬扒煎得好香口，好好食！😳今日心血來潮就想試下佢嗰咖哩腩飯，一上枱已經覺得咖哩味好香，個椰汁味都好重，佢個咖哩我係超鍾意，小小辣幾過癮。👍咖哩腩都唔差，不過稍為難咬咗少少，如果炆得淋少少就會比較易入口，會更上一層樓！不過56蚊呢個價錢嚟講已經可以接受。另外我仲叫咗杯椰汁紅豆冰，非常好飲🥰🥰👍👍

返工lunch time 又去覓食，想食越苑但無開，就黎左呢間越北。係呢頭咁耐都未幫襯過。😂午市套餐都幾多選擇，湯河，撈檬，飯乜都有，包一杯熱飲。仲可以加錢加小食！$62 西貢咖喱牛腩飯一般，汁香小辣，但牛腩麻麻地。隔離枱食緊咖喱雞好似好味d，係煎過架。$55招牌牛肉丸湯粉 牛丸粒數比平時多，但細粒d，bite size 幾岩女仔喎😂牛丸幾濃味，唔錯$22 清沅蒸粉包 推薦！好食！如果上枱再熱d就perfect! $15 炸春卷 好熱好脆，但$15得2舊仔完全唔夠喉😕除左個牛腩之外其他野都算幾好食，但呢到d waiter就有待改進，淨係我地張枱上菜都上錯左兩次，希望下次黎會好d啦！

夜晚8:00叫一碗外賣牛肉粉，等到8:20問侍應有未，就話「好快，整緊」，直至等到8:30足足等左30分鐘，期間眼見遲黎既堂食客已經上晒菜，湯粉都食緊，而係依半個鐘內有無數個food panda 同我一樣都係等緊，亦都見有同我一樣既等半個鐘等到發火既外賣自取，我先至發火問佢地有未，侍應對我態度好差，話廚房整緊個湯底，我想講你果頭話8:30 last order,果頭話煮湯？你當人地傻架？其實廚房係唔係唔識分咩叫外賣自取同food panda落單？諗住外賣仔有排黎，所以拖人地半個鐘呀？要個客係條街熱辣辣等半個鐘今次真係一個好唔愉快既經歷，依間野幾好食都冇用，冇下次🤷🏻‍♀️

今日去左大角咀食下午茶呢間越北既下午茶幾抵食🤩番茄蟹檬（蟹，蝦丸，扎肉）（$65)湯底香濃帶海鮮味，材料豐富，有蟹、蝦丸同札肉，而且蟹肉係真係連埋殼嘅蟹肉，唔係一般嘅蟹柳，用了十足，非常抵食。街頭香茅豬扒撈檬 ($50)香茅豬扒入味，帶淡淡的檸檬香。色香味俱全，幾開胃。水晶芒果沙冰加咗錢叫特飲，叫咗杯水晶芒果沙冰，味道唔係太甜，面頭嘅水晶有啲咬口，口感豐富。下午茶加配小食下午茶仲可以加錢配唔同嘅小食，價錢都幾抵，所以我都加咗一份

最近天氣炎熱🥵 好想食d開胃d嘅菜式😋 想食越南菜嘅話，第一時間就會諗起越北牛肉粉～越北除咗有多間分店十分方便之外，食物質素唔錯，價錢亦都好實惠。咁啱公司附近有一間分店，所以平時午餐或晚餐都會時不時去食😌 今次我同朋友兩個人就叫咗地道二人餐，套餐包括二人小食拼盤(蝦餅、魚餅、墨魚餅、春卷)同兩碗麵，我地就揀咗越北綜合湯粉(金邊粉)同香茅豬扒湯粉(金邊粉)，仲可以以優惠價加飲品。飲品方面我哋就揀咗薄荷青檸梳打同荔枝洛神梳打。-二人小食拼盤裡面嘅每款小食都有兩件，非常適合兩個人分享嚟食。全部都炸得香脆可口，而我就特別欣賞蝦餅同魚餅。-麵食可自選河粉、檬粉或金邊粉。越北綜合湯粉裡面有生牛肉、牛腩片同牛丸，配料嘅份量亦都幾多。生牛肉片同牛腩片都好新鮮鮮嫩，牛丸幾彈牙。香茅豬扒湯粉豬扒大大件，肉質亦唔會韌。兩碗粉嘅份量都幾多，好抵食👍🏻

一放工，急急腳咁去到大角咀呢邊睇中醫，睇完中醫都七點幾，個肚就開始肚餓啦！自己一個人又唔知可以食咩，咁啱經過見到越南粉面店，就入嚟食個晚飯！入到餐廳店員幫我量體溫，之後就俾咗個紙袋我裝口罩，仲俾埋濕紙巾我抹手添！好窩心見到啲個ABC餐覺得好抵食!有小食+主食+野飲 都係$82我揀咗越式海蜇沙律，生牛肉河粉同埋椰汁冰 都只係$82凍飲係唔使加錢😍生牛肉河粉份量都幾大，生牛肉有五六片，湯底好清甜咁樣出係用牛骨筒同牛骨煲出嚟！飲多兩啖都唔會口渴！海蜇沙律份量都幾多，夏天食啱晒啦！海蜇好清爽，酸酸地！好開胃！

中午時分叫左兩個午餐L14香茅牛肉撈檬,L22三寶撈檬加兩個小食，無骨鳳爪，炸蝦餅外賣回家食。原本話等十分鐘，但等了足足廿分鐘，算了，店員都有就幫手追，回家用餐，味道同份量都唔錯的，個豬扒真係好食，但當食到60%個陣個面入面有粒黑色野，好似炸蒜，但睇真啲，有眼睛有翼的。為什麼最近外賣都是倒楣的（其他餐廳），不是漏這樣那樣就是「加料」。很不快，疫情下多左叫外賣，但每次都不順利⋯現在連打電話去餐廳都不想了，以免令自己更唔開心，就當運氣不好。