越北牛肉粉專門店

營業中

休息中

喺屋企附近想食越南野，多數我會去越北，飯/湯粉同小食都多選擇，加上有時收工收得夜，佢收10pm(Last order9:30pm)，我都仲趕得切食到。14/11無端端多咗日風假，同屋企人嚟食下午茶，都幾抵~下午茶餐包飲品，點咗順化香茅豬扒飯同河內烤豬肉撈檬，其實下午茶份量同正餐一樣咁大碟👍🏻豬扒夠香而且都好軟稔🐖佢有個配菜係蛋+肉碎+木耳粉絲咁，幾有特色。而檬粉配菜有生菜，青瓜，蘿蔔絲，落埋汁酸酸地夠開胃。都要讚下烤豬肉，肥瘦相間，配嘅汁又係勁香，出面比較少有。另外加$20就有個小食河內炸春卷兩件~仲單點叫咗個牛油雞翼🐔平時都食開，大隻香脆，牛油味加蒜蓉味濃郁👍🏻同埋堂食都幾舒服，環境乾淨舒適，同埋裝修都好越式~幾靚！

今日去咗位於大角咀大全街22-24號地下嘅「越北」lunch ……..越南餐館，店舖不大，簡簡單單，店員亦很好禮貌🤭🤭而且下午茶幾抵食，又可以追加小食都只是$20不錯！順化湯檬（牛展，扎蹄，扎肉，牛肉丸）……..雖然是下午茶但份量都不少！湯底夠熱，味道不錯！蕃茄蟹肉扎蹄豬頸肉湯檬………蕃茄湯底味道都濃郁，蟹肉都不少豬頸肉夠爽口！追加小食春卷雞翼也不錯，春卷夠香脆！下午茶跟餐送飲品特飲都只是加$8！

呢排成日係大角咀收工，次次經過呢間越南野都心思思想試下，撞啱今日無飯局，就可以去食！叫左一個生牛肉牛丸河粉，泰式酸辣鳳爪同埋越南精餾咖啡～生牛肉好軟滑，浸係熱湯多一陣粉紅色就啱啱好～牛丸雖然細細粒，但又估唔到幾有牛味，有油香！酸辣鳳爪夠酸，夠凍！如果辣D會更好xd！好鍾意精餾咖啡嘅豆味，加上我再走甜，杯啡好醒神！環境上都係主要木系，舒服得黎簡樸，又幾越南feel！座位之間都好闊落，唔會同隔離檯逼埋一齊🤣🤣良好體驗，如果可以同時兩個人食多幾款小食就好！

香茅豬扒湯檬粉真係好味！湯底清香濃郁，香茅的味道令人一試成主顧，帶來獨特的風味。豬扒煮得剛好，肉質嫩滑，咬下去好鮮美，搭配檬粉更添口感。檬粉吸收咗湯汁，香氣四溢，令人食得津津有味。整碗菜式色香味俱全，份量適中，特別適合喜歡濃郁湯品的朋友，真係非常推薦！

去開大角咀想食啲酸辣嘢，朋友推介，朋友話食過好食，就入嚟食碗越南檬粉。未夠12點入座，所以就有位同朋友都係叫咗越南豬扒湯檬，我就點咗越南滴漏咖啡凍嘅，朋友叫做紅豆冰，一路食都好多入嚟，未夠一點都已經滿座，可能這裏都比較旺，似乎好多返工寫字樓嘅朋友都經常嚟幫襯，坐在門口位眼見好多外賣，相信一定有好多捧場客。講返我碗豬扒湯檬粉，檬粉一般般，但豬扒脆脆地都仲有好多汁，下次可以再試。另外我都叫咗炸春卷$20得一條切開兩隻真係有啲貴，但幾好食。至於凍滴漏咖，下次可以叫少啲煉奶就Perfect啦。

大角咀嘅晚市店舖，基本上都係九點last order， 9:30收舖……呢間就可以夜少少……所以今晚九點入座，都有一個鐘頭進食…… 晚上10點關門試咗咖喱牛腩煲 + 蒜蓉包 ～ 蒜蓉包真係要食……香脆口感，蒜香味濃郁，配合咖喱牛腩煲係絕配J04綜合牛肉湯河粉～牛肉保持六成熟，浸落河粉嗰度，香味四射酸辣無骨鳳爪～ 酸味啱啱好，唔太辣芝心蝦多士 ～呢個係本人嘅誠意推介，脆卜卜嘅多士，入面係芝心流晒出嚟，勁香口馬拉盞炒通菜～ 蝦醬味，色香味俱全凍奶茶，呢個就比較一般，而且太多冰，沖淡咗奶茶的香味食物，全部都好好食……值得一試

朋友話想食生牛肉河，甘我哋就揾左一間越南菜 — 越北。舖頭裝修好雅致同乾淨，卡位同四人方枱比例大概五十五十，我哋比較早到，所以好彩有超舒服卡位！見到餐牌嘅一人combo大概$86至$92，包一款麵食、一款小食同一杯飲品，都算幾抵又啱食就叫咗兩個餐。越北生牛肉牛腩片湯粉（$90套餐）有生牛肉片同牛腩片兩款肉，生牛肉喺熱湯入面輕輕灼熟，入口好軟嫩，蘸是拉差辣醬食就更加惹味！香濃湯底配上青辣椒同青檸，感覺更清新！峴港蝦頭膏酸辣海鮮湯檬（$92 套餐）配料有青口、蜆、墨魚仔同腸仔，酸辣湯底入口幾鮮甜，比我想像中辣，但啱晒重口味同鐘意刺激辣味嘅朋友。

又到星期五唔知食乜好，同事就提議食越北，皆因好耐冇食，我就叫左個豬頸肉湯濛，一上來發現d豬頸肉份量好似比以前少左咁，不過味道保持到，而個湯還OK好味。不過不失，上菜都算快。

越北生牛肉河 (熱檸茶) $62 牛骨湯濃沌但鮮甜順喉；牛肉有質素有份量，可惜上枱時已熟透，錯過最好嘅口感；河粉煙靭完整不散爛，蘿蔔鮮甜入味無渣，除了洋蔥香葉蔥外，再篤篤附上嘅辣椒粒同唧唧青檸，成件事變得錦上添花。以連鎖店黎講算係唔錯嘅牛肉河選擇！

這間越北餐廳 ，也是我一個月會進去 食返一兩次 。其中我必定會叫的是 香茅豬扒飯 ，加一杯凍飲品 。我通常下午茶時段進去， 比較平啲 ，大約60元。 豬扒炸得好味 ，再配上酸辣汁， 特別開胃。

每次去都會點越北綜合湯河，真係非常具有越南风味既料理！湯底鮮美濃郁，搭配著魚醬和各種香草調味料，帶來獨特的風味和濃厚的香氣。湯河本身的口感非常豐富，寬而厚實的河粉配上鮮嫩的肉片、蝦和青菜，每一口都讓人愛不釋口。非常大碗又足料！不過生牛肉上黎比較生，但個湯頭夠熱可以將佢整煮到剛剛好！加埋辣椒同少少青檸汁，一流！給整道菜增添了更多層次和口感！係令人覺得滿足既一餐。味道：8/10環境：8/10整體分數：8/10

身為大角咀街坊，夜晚唔知食咩個陣都會揀越北牛肉粉黎食，原因都係佢價錢唔係貴，而且食物質素都幾穩定。今日同朋友黎食，叫左幾樣野食。生牛肉湯河粉 (餐)佢地晚上都會有套餐配小食同飲品，今次生牛肉湯河粉，上枱個陣牛肉大約30%熟，湯好夠熱可以令到牛肉煮熟。另外河粉份量都好，而且唔係煮到好爛個D，不錯!香茅雞翼湯河粉  ($62) 單點雞翼好夠味，炸到個表皮有少少脆身，入面亦唔會好乾。蒜蓉包  ($38)有少少口痕叫左個蒜蓉包，反而係有驚喜。包烘得好脆身，蒜蓉份量落得唔少，食落十分香口!椰汁斑蘭糕 (餐)餐跟左2件斑蘭糕，食落口感唔會好重粉味，有少少椰汁斑蘭味，重點係佢唔係超甜，好夾倒我食野少甜嘅習慣。

今天要食自己其實沒有很餓不吃也是無關係的但是那嘴饞的欲望就驅使在下去吃餐好的回到家附近找找看愛熱熱濕濕的在下選了越南餐來一碗咖喱生牛肉湯金邊粉 $68味道還不錯 更越吃越濃越入味面層滿滿的菜 下面有微辛洋蔥再下面是不小心熟的的牛肉😅說起來真的好久沒有吃到生牛肉了對上一次都已經是兩年多前在尖沙嘴吃到的雖然是全熟了但因為肉切片得很薄不會太韌太難咬所以啊 在下還是覺得okay 的下面是金邊粉有時真的不太會分金邊粉和河粉金邊粉是更幼身的在沒對比之下在下眼中看來基本是一樣哈..不是日本餐食材在下不懂就不追究了反正也是一樣好吃就足夠吃到接近完成小食香茅酸辣蓮藕曲 $42就到了制作有點久？還是這裡能做到讓客人吃完一道再出第二道？👍🏻也因等了點時間在下好像飽了🤣會吃不完..而讓在下驚喜的是這冷盤有點辣耶這使在下想加點飲料又或是是廚房水吧人手不足還是等待中的時間就是慢長的關係辣辣的口腔等得好苦加上現沖的出來熱辣辣的根本就是欺負我貓舌啊瞬間有著灰階感唯有把未吃完的蓮藕苗玩一玩來消磨點時間熱青檸酸梅茶 $13雖然聞落味道不討好可飲下去是另一種感受本來就愛梅的在下是滿喜歡的整體而言有點太飽食物質表水平好服務周

冇嚟 越北 呢一排 分店多咗 地方多咗menu又多咗選擇多咗 好多依家有勁抵食嘅一百蚊內晚餐 有前菜 主菜同飲品 物超所值之前已經試過佢個牛骨湯牛嘅湯底 非常清甜晚市食咗個套餐set小菜有烤豬頸肉 分量好多簡直抵食 出面淨係呢碟餸都可能六十蚊 主菜點咗咖哩牛腩湯河粉 咖哩湯好濃味 牛腩好香口雖然係好heavy 不過好夾好襯 好飽肚 下次可以另外試過飯 飲品點咗個下火嘅青檸梳打 唔會算好甜 好清新好新鮮 夏天飲凍嘢下火是常識吧 100蚊內食三樣嘢好飽 仲好有質素嘅晚餐 真係啱曬budget

中午去了大角咀買嘢，行行吓覺得肚餓，剛好路經大角咀大全街22-24號地下B1B號舖越北牛肉粉專門店，看見室內的裝修好有越南feel，於是就入去諗住食午餐，但原來已經差不多兩點，侍應很好提我們兩點可以食下午茶餐，於是我們就叫了兩個下午茶餐，仲可以以優惠價追加小食和飲品。初初以為下午茶餐份量會少啲，但原來同午餐一樣咁大碗。越北綜合牛肉湯河粉$63生牛肉夠嫩滑，牛腩片夠淋，牛丸夠彈牙，好味。越式烤豬頸肉湯金邊粉$63豬頸肉烤得微微焦脆，肉質爽口，不肥不膩，不錯。大頭蝦膏通菜$23第一次食通菜用大頭蝦膏炒，好特別，通菜好有蝦味。蜆港炸蝦餅（細）$32炸蝦餅香脆可口，食得滋味。黑糖薑早茶及蜂蜜玫瑰柚子茶跟餐每杯只需加$8，抵飲又好飲。