超羣麵包西餅 (已結業)

紫薯大福($8)🍠紫薯蛋撻($9)，雖然已經出左一排，不過真係好搶手啊，我下午5點幾去左兩次都買唔到，原來要一早去先有😂紫薯蓉味道天然足料，不過我覺得蛋撻比較好食，大福既糯米皮略嫌太厚了🤔

自從超羣推出了抹茶和紫薯系列後，我便常常來光顧，港九新界的分店都去過了。上次吃過紫薯大福後念念不忘，得知逢中午十二時半出爐，便在下午一時來買，殊不知大福已經賣光了！！才半小時！！塞翁失馬，意外發現新推出的紫薯芝士蛋糕和紫薯黃金蛋糕， 相當吸引，可惜前者亦賣光了。幸好店員告知紫薯黃金蛋糕即將出爐，令我不至白走一趟。等了五分鐘左便看到店員端出一盤盤淡紫色的紫薯海綿蛋糕，我花了零點一秒拍照後（已經少了兩件），馬上買了一件，總算不用空手而回。紫薯黃金蛋糕 $25雖說是新鮮出爐，卻不是熱騰騰的，只是室溫，感覺是放涼了才端出來，難道這才是最佳的食用溫度？蛋糕面層鋪了不少紫薯粒，賣相吸引；蛋糕非常非常鬆軟，口感濕潤，可惜只有甜味，沒啥紫薯味。吃過紫薯系列中的蛋撻、糯米糍和海綿蛋糕，這件紫薯黃金蛋糕算是最失色的一種，紫薯味淡，如能在蛋糕中混入紫薯蓉或紫薯粒會好一點。期待下次買到紫薯芝士蛋糕～

生意要成功，最緊要求變。零售業要變，餐飲界要變，麵包店也需要變。超羣，又一個兒時常見的名字。記得它曾經風光，也記得它曾經清盤被收購，轉眼十年，又有幾多人記得昔日超羣的高高低低？這天去完威爾斯探望親人，與家人來到沙田第一城午餐。回家之時眼尾瞧見瑟縮一角的超羣，毅然想起我家那位提及過的蛋撻新品。推出新口味的蛋撻不是甚麼新鮮事，但麵包店與KitKat合作推出朱古力撻，似乎有點教人喜出望外呢！KitKat朱古力撻 $9看著那堆在蛋撻面的KitKat碎，咬了一口，蛋漿雖夠細滑，惟整體味道就是蛋撻與KitKat一起吃而已。滿以為這個朱古力撻的味道如斯平平無奇的時候，再吃一口，咬到的是藏於蛋漿底的柚子醬及柚子絲！酸甜清新的柚子香氣，為味蕾帶著一絲絲的衝擊，也中和了朱古力的偏甜感，心思之作！以價錢來說，朱古力撻的性價比尚算適中，但教人驚喜的是每買一個KitKat朱古力撻均附送KitKat朱古力一包，還要是有夠慷慨的4條裝！相對於某雪糕牌子在甜筒裡插一根KitKat朱古力，這次$9便能吃到一個有心思的朱古力撻，還送您一包超市價$8.9的朱古力，超划算！

今日係網上見到超羣推出左期間限定新口味嘅蛋撻 kit kat朱古力香橙味蛋撻 超羣嘅蛋撻就出哂名高質架啦咁岩今晚有朋友仔上尼我屋企gathering 所以就趁下晝有少少時間 豬小姐就出去買比大家一齊試試啦去到下晝四點左右 見到係cashier前面嘅蛋撻熱櫃得原味蛋撻 嘜都無 我就係咁望下望下 裝下裝下 突然cashier姐姐就問我 靚女~係咪要朱古力撻呀？ 我心諗 佢又知咁犀利嘅？我就即刻點哂頭咁話係呀係呀 姐姐就叫我等多陣 仲有五至十分鐘就出爐 就問定我要幾多 嘩！新鮮出爐嘅蛋撻實好正啦 越等越想食 係咁吞口水 等嘅期間見到姐姐都幾忙碌 其實都幾多生意架 終於等到佢地出爐啦 姐姐好快好純熟咁將我嘅半打朱古力蛋撻pack入紙盒 每買一個朱古力蛋撻仲會送一包kit kat mini 我乘機問姐姐尼款蛋撻好賣嗎？佢話自從上左網之後就好多客尼買啦 證明網絡嘅威力係十分強勁的至少我都係因為咁嘅原因尼幫襯 整個購買過程係好愉快嘅 姐姐好笑容好服務 好抵讚呀！紙盒大方簡潔 ''超''字仲有個蛋撻仔係度 擺到明就話比您聽蛋撻就係超羣生招牌本身諗住拎番屋企等埋班friend先食 但sorry 我太為

食完吉野家火鍋 , 周圍o係商場逛下 , 見到地下o個層有間 Maria's一家睇起黎好摩登o既面包店 , 認真一望 , 原來係超羣餅店 ,第一個反應係 , 乜原來仲有超羣餅店o家咩 ? 變得咁潮添 ?除左面包西餅 , 仲多左曲奇同糯米糍賣 , 仲有得訂 3D 蛋糕添心感好奇 , 睇睇下仲揀左一袋紅豆吐司用黎聽日早餐食 ~$ 11 有五片厚身吐司 , 十分經濟 , 仲係意想不到咁好食 中間紅豆餡即足料又有水準 , 粉甜具豆香 , 粒粒圓渾 面包本身無乜味 , 紅豆再多都唔會過甜 , 頂度 d 芝麻好香口仲諗住唔夠味要加練奶食添 , 所以簡單o既食物都可以有驚喜o家## 細看超羣資料 , 原來當年並無全線結業 , 等我仲大驚小怪 xd

吸引咗小朋友好耐嘅大波波終於山長水遠買咗番嚟, 小朋友一定係等唔切要立刻食, 好、好、好, 等我影埋相先啦無諗過會有專用盒子盛裝, 幾靚呀~6個大波波糯米糍分別是奶黃、芝麻、花生、朱古力、藍莓、紅豆外皮軟熟煙韌, 內餡特別...奶黃餡好香, 芝麻餡好濃、花生糖餡果仁味重、朱古力餡酸嘅???、藍莓餡得少少藍莓醬, 最初以為拿錯了芝麻餡、紅豆餡普通啦, 大家你一啖, 我一啖, 一樂也

一向都幾喜歡超群的糯米慈，不過經次一役，會減少了。事完買了三個回家，會到家後立刻吃了一個花生的。依舊有大量花生椰絲餡和軟熟的外皮。不過第二天呢，綠茶的完全變成一團不似糯米慈型的東西。不果紅豆的呢，又沒有問題。應該是綠茶的皮為了有綠茶味而加入了一些物質，令皮比平常軟。另外的蛋撻，皮是餅皮，不果蛋就一點也不滑。失望。

由於第二朝要上大陸, 驚朝早買唔切早餐, 所以早一晚買定麵包先, 但放工時間好多麵包都賣哂, 唔多款式選擇, 所以最安全都係買大麥包, 而且冇餡, 唔驚放到第二朝會變壞...............第二朝一路搭車一路食個包, 雖然隔咗一晚, 而又冇翻叮過, 但個包都仲好軟熟, 如果新鮮果陣會仲正~ 不過我覺得佢唔夠提子乾, 多D會好食D~~

10蚊3粒糥米糍買左2粒芝麻1粒奶皇幾大粒不過有好多椰絲唔係好中意個皮質地較軟淋左少少芝麻味一般,唔算好濃反而奶皇味好食D幾香奶味又唔太甜食過唒佢D MUFFIN(原味,朱古力,藍莓)$6.5一大個好抵食唔會太乾同太油原味同藍莓較好朱古力得個顏色冇朱古力味不過對我黎講比較甜食完要飲好多水

我林我心血來潮既時候非常多，一下子又想去吃蛋撻，就特登行去第一城度幫襯超群啦。碰巧下午4點幾，蛋撻剛剛出爐，而且仲有繼續做緊。我同個Waitress講要2只，跟住就要去排隊俾錢啦。好多人排隊。好彩收銀既姐姐好快手啊，話咁快就可以挪到熱辣辣既蛋撻啦，燙手啊。雖然我唔系好多中意吃牛油皮既蛋撻，好彩依個唔算太油，而且入面既蛋唔甜，剛剛好，4蚊算系咁啦，比起泰昌，我會選擇超群咯。

自己一個，等車買的蛋撻，大大件，蛋黃好多，夠滑夠熱，同泰昌同價4蚊，味道其實有的fight！同埋一個人食2-3個真係夠飽！

每次黎開第一城一定要買超群蛋撻黎食，因為曲奇皮底鬆化，蛋厚身得黎香嫩，好味到難以形容。另外，呢到另一出名既 "天下第一飽" 都唔錯，醬爆既流沙餡加上埋中層似麻薯既煙奀口感好正！但有時唔夠熱，內里既流沙餡硬身左，應該放係熱盤上保持 "第一飽" 的最佳口感。

之前話原味,朱古力同blueberry味三件$16大大件本身只試了朱古力同blueberry味覺得朱古力最正但之后仲try了原味覺得原味是最正宗的很香的牛油味好有口感同埋blueberry都很不錯的每次都是買三個味每次都唔知吃邊個先好!!!

落親第一城gathering都少不免要食呢度既蛋撻做tea上次就順手買多個香草包黎啃 $4.新鮮出爐的 勁脆卜卜!!*V*好多rosemary係入面好香濃rosemary味 我勁中意!!其實呢間d麵包都ok架只係佢隔黎有2間大型連鎖麵包店 佢先好似失色左d

食一次 讚一次呢度d蛋揵真係勁好食!!我覺得佢好過泰昌添囉其實.4蚊1個 22蚊半打 41蚊一打我地family gathering多數都買夠一打食唔晒就我拎返屋企做第二日早餐**不過注意!!呢個蛋撻要即食先最好味 隔夜就not good la佢下午既時候會不停出爐前幾日又食左個已經凍左少少放落微波爐熱15sec出黎已經香噴噴!!一咬落去仲出煙!!勁香的蛋勁香的牛油撻皮加埋真係無得頂!呢樣係其中一樣就算肥都應該食既野!!