賣豬仔特式燒烤坊 (已結業)

半年之前，一個月黑風高又帶點寒意的晚上，三十只窮鬼入侵深水涉順寧道，目的竟然是捨身賣豬仔？！這樣形容好像有點誇張，其實是多得食友的安排，久違的窮鬼飯局終於重見天日，這晚人均只花一百四十，就能品嚐一系列的港式燒烤，抵吃到暈，也體現了窮鬼的精神，不追求星級服務，只但求性價比高。小店名為「賣豬仔」，招牌當然離不開那頭越南 BB 乳豬，為此，眾人更迫進狹窄的廚房內，現場直擊師傅以大火烤豬的過程。 乳豬全體切件上檯，size 比大中華的炭烤奶豬大一點，入口薄皮香脆，肉質細嫩，最精彩的還有那層連肉的肥脂層，讓整體多了一份誘人的油香，絕對是飯局的亮點，不，容許我說得再白一些，這頭豬，差不多是飯局的唯一亮點．．．原條燒烏頭水準不賴，火喉控制得宜下，魚肉不腥，兼能保持嫩滑質感，而魚肚內放上大量香料，令味道多了一份奇妙變化，比賣相更是優勝十倍。炸子雞和燒鴨不是不好，起碼做到皮脆肉滑，引證師傅的烤功如何了得，問題出在調味之上，雞鹹鴨鹹，完完全全將肉鮮味埋沒，實在可惜，另一方面，亦不禁令我聯想到，店方目的，其實是為了掩蓋那陣雪藏味！其後的燒羊架、燒牛舌全都犯了同樣錯誤，越吃越鹹，難道店方為了抗幅射，積存了大量

當晚是事前預約了枱才去的,因為是星期日個個都可以早到,於是乎開早飯7點集合了, 我們一行六人, 有人餓了一整天就是為了晚上這一餐盛宴,先來燒雞奕6隻,看得出火路均勻,醃得相當入味, 肉質也保持到嫩滑,再來是半隻燒乳豬, 賣相跟酒樓的相似, 皮下脂肪不多, 豬皮燒至剛剛好皮夠脆口, 近豬屁股部份亦很有肉地,是一隻肥瘦分佈平均的豬豬,而份量也很足夠,再來兩串燒雞肉,這個較一般,油菜一碟,因為菜心還是當食的時侯,簡簡單單的”桌”一下已經不錯了,鹵水小豬手, 鹵水味沒有過咸口感不過淋亦不太硬有水準之作,錫箔紙包金菇牛油燒,本應是這店嘅”名物”惜牛油放得過量,連渴油如K君都話見到錫箔紙包那灘牛油都話”怕怕”要隔了油才食,我等平凡之輩更加要隔清才吃,不過看其他食友嘅照片這味”錫箔紙包金菇牛油燒”應該是沒有一摧灘牛油在底的,唔通我們當晚的阿姐跟我們加了料?炸乳鴿三隻,味道OK,燒茄子一條,因為自己喜愛食茄子,所以怎樣處理一樣會密密食,皮燒得有點濃不過唔食皮咪得囉,茄子肉還是很軟滑,加上撒在面的”籽然粉”更加濃味,蔥花也是本人至愛,燒牛舌兩串, 質地較硬身那種肉質欠缺牛嘅”騷味”這個不”pass”,燒

友人提意一試此店. 所以今天到此一嚐無訂位. 六時到. 第一枱客. 原本諗定耍等到六時半先有得食, 但一到已可以落單. 仲可以睇住佢地真係即燒 (BB豬除外). 早知唔駛周圍行, 等夠鐘啦點了:BB豬例牌 $98 - 12件. 皮脆肉嫩, 微溫. 較鹹, 可能唔肥, 所以唔覺有油甘香味 羊架一份 (即一件) $28 : 一上桌, 好有香草味. 但食落肉質偏軟淋. 完全唔覺食緊肉. 燒魷魚筒 $48 - 好味易入口, 有濃郁的魷魚味燒茄子 $25 - 如果沒有蔥蒜, 味道一般可能時間尚早啩, 全場只有二枱客, 一枱仲要未齊人添. 但沒人會主動加茶(係清水咋). 最後要叫罐氣水解渴

21/5 慶祝我的生日 , 我特選此店慶祝(食評太好了)一行11人 , 訂了7:15 , 不用等位 , 我6點10到達 , 已經好多人 , 還有外買 , 心想真的咁好味,7:20分入菜單 , 5分鐘出菜 , 話即燒 , 點解咁快 - 燒豬全隻 - 10個差 , 輕暖 , 皮吾脆 , 無味 - 海浙---現成貨 - 睇個樣吾想食- 酸青瓜 - 可以- 燒雞半隻 - 我叫燒鵝 , 來了燒雞 - 淡- 燒茄子 - 好- 皮旦+酸薑 - 好- 鴨舌- 硬 , 未入味 - 燒雞翼 - 無味- 燒鮮"由" -最好味- 燒烏頭 -OK 食到無心情 , 啤啤聲 , 相都費時影 , 落單有漏 , 查單---無---只有佢地電腦單 , 服務麻麻 食得上半場 , 下半場轉去萬發 .

第一次參與窮鬼飯局，場地是賣豬仔，一間一直在waiting list的小店。一直無試，原因係兩個人唔會叫隻燒豬嘆，一家人又唔會去咁遠，今次多得南瓜兄，令我ko多一個心願。店子很小，難得近三十多位食友完全不介意，個個肩並肩，距離拉近，也食得開懷。店員忙過不停，但加水服務無手軟，抵讚。廢話少講，今天吃甚麼完全不用操心，南瓜兄已經安排好，還有機會進廚房，實地睇下燒豬過程，過癮也。第一碟先上來，是燒茄子。茄子開邊燒，再查上醬汁，茄子燒得熟透，完全吸收醬汁後也十分入味，但茄子皮稍嫌有點硬，也有點燶，單只吃肉，絕對是上品。滷水拼盤不錯，豬腳、鴨舌、燻蹄、牛展，和竟是最好味的青瓜。滷味夠，肉類不錯，但青瓜更是一絕，微酸帶辣入味也多汁，如果要多碟齋青瓜都應能極速消滅。主角燒豬仔登場，為此而來，也沒令我失望。乳豬皮脆肉嫩，大多連皮帶肉，燒乳豬就是要這樣才好吃，只得皮有甚麼好？而且肥膏著實不算多，咬下去「卜卜」聲，脂肪在口裡流，才是過癮。當然小店醃肉應記一功，著實不用點乳豬醬都夠晒味。我地呢一圍大男人居多，幾下已經只剩豬頭，店方也細心地出黎幫我地支解掉豬頭，最後大家連豬都不放過，厲害。燒烏頭又是美味，先把

這家賣豬仔，讓我想起了初出道的阿鴻小吃......先再次謝過南瓜兄的邀請，還有舉辦飯局的勞心勞力。個多月前，在fb見到南瓜兄發起一個名為窮鬼飯局的團體，說到窮鬼，簡直就是為西打而設。朋友和同事常詬病西打，吃過不少好東西，便宜的一定看不上眼。有更可愛的朋友，直接問西打一個月大概花多少錢在飲飲食食之上。說實話，造訪名店或是星星店的感動，遠不及吃到沒沒無聞卻身懷絕技的小店，那種感覺，真的有如發現新大陸一樣興奮。說回窮鬼飯局，想不到第一局便設在年多前到訪過的賣豬仔。聽到賣豬仔這個名字，腦裏立時回想起那片金黃酥香，咬下去滿嘴油香的乳豬皮。二話不說便答允出席！沒沒無聞的賣豬仔，真不希望成為下一個阿鴻.......短短一條順寧街聚集不少臥虎藏龍，單是火鍋店已經不下數家，還要從前只佔一個鋪位的老三火鍋，短短一年間，便進一步拈據賣豬仔旁邊的兩個鋪位。賣豬仔也擴張了版圖，這裏是舊店，新店位於長沙灣。舊店狹小得坐下來差不多肩貼肩，是夜總共三十多位食友，店方交桌後，單是坐好都花了十多分鐘，不過，大家都是為美食而來，絕不為這點小事介意。最想不到，幾十位食友中，只有南瓜和自己有吃過賣豬仔。店中只有個小廚房和稱不上

首次得到主辦單位之邀請老實說燒烤物本身非我所好,由於事先計劃是去另有小菜提供的太子'分店',所以我答應出席.不久,因某突變,最後飯局轉去順寧道'總店'.我再睇'總店'的食評,主打燒烤物,副打也是燒烤物考慮良久加食友K的意見下,最後我還是照去,沒有'甩底'啊,深明白'面是人家給,假是自己掉'整個星期也是好天得很,直到今天下午才開始轉壞,很冷和很大雨世人眾知,我很少在放工後外出,加上這個天氣我更是討厭,步去車站途中其實有回家的念頭(信錯天文台,我著少左衫Orz).唯有沿途不斷自己鼓勵自己,最後比預定早左15分鐘到達餐廳門口.和主辦單位的朋友確認後,等待期間,老闆吉了一張枱給部份人入去坐下,因為外面真的很冷呀我也衝倒入去.好在店方提供熱茶,邊飲著邊看著TVB,人也暖和起來,而精神也好了不小.等食期間睇下菜單,燒烤物種類繁多,價錢並沒有想像中貴另外有粉麵粥飯,怪不得很多食客也可食到點碟頭飯.差不多八點幾,食物陸續上來首先是我最期待的燒茄子,本身好鐘意食茄子,多以烚和快炒.此茄子上佈滿醬料,蒜粒和蔥粒,原來有蒜蓉我也是現在看回菜單先知,因為完全食不出味來.醬汁咸咸辣辣,對我來說太重味,頭幾啖講真

自從上年在順寧道的"賣豬仔",與舊同學慶祝生日之後,便想到何時再來,品嘗其燒乳豬?很多人說我近期懶散,連飯局也闊佬懶理,結果惹來抱怨,今次便以"賣豬仔"重新出發,來個窮鬼小局,是夜有近三十人出席,差不多逼爆此小店.事先除了乳豬之外,其他的也無須預留,乳豬一留便留三隻,平均十個人分一隻.此店除燒味之外,同時亦主力做串燒菜式,還有豬骨粥之閭澱粉質,照顧不同食客之需要,將紅白酒帶來這等地方.當然不收開瓶費,至於啤酒就不得而知,如果連啤酒也可自虧免開瓶的話,大家一定走到去九江街上的士多,買$5支大匯泉,$10支大青島等等.以燒茄子打頭陣,粗俗一點去形容,這條茄子真"大碌",塗上蒜茸,荵粒同燒,味道濃香惹味,茄子完全吸收醬料味道,是叫人吃個不停的頭盤.拼盤四味有豬腳,鴨舌,燻蹄,牛展,最喜愛的還是豬手,肉厚帶有彈性,白鹵水味道清香,同樣是鹵物的鴨舌,同樣好吃.其他兩味燻蹄與牛展,也不錯.尚有綠葉的青瓜條,略帶微辣,青瓜條爽甜多汁.入廚房拍照並不是記者之專利,當店主首肯之下,大家便拿著大小相機,入到廚房內拍下師傅"碌豬"的過程.只見師傅手勢純熟地邊轉邊塗醬.等一會兒,乳豬便燒好,斬件後便上桌.現今

近年深水埗多左好多好野食...加上又就腳..所以係開飯到搵到賣豬仔.....今日決定同相公去食..出左mtr仲要行一段路呀..好彩都識搵冇迷路..大約6:45pm去到唔係太多人....好彩唔洗等位ja.唔洗點諗食咩就叫得la..因為已經做哂功課 乳豬(例) 好貴..真係好貴....$98得12件....不過....................物有所值!!!!!!!真係好好食..好脆...肥瘦適中..加埋個醬真係一流..食到停唔到口~~ 滷水豬腳..非常失望...點解會冇味..佢係淋呀..份量都幾多tim..但有鬼用咩...冇味既..唔係因為個醬lee碟野真係唔洗食呀...究竟係咪唔記得落酒呢????我見其他食家都話有酒香ga woo.但今日真係唔得囉. 燒茄子..本人平時唔多食茄子..但講到咁好食就試下la...食唔出係咩味..辣辣地..係咪咖喱呢...好食woo...但形容唔到係咩味...不過好有衝動再叫多條.. 燒大眼雞..剛剛熟真係燒得好靚..佢又加左d香草入去..加埋個汁辣辣地..如果唔點汁係食到原味..好鮮甜..又唔會燒到好乾...真係燒得好靚...燒既時間控制得岩岩好.

可能太晚去, 乳豬皮唔太脆口了........有點像放左焗爐烘熱 乳豬皮入口唔太脆口, 肉質偏硬唔太juicy, 乳豬皮與肉之間零肥糕, 偏廋, 味道偏咸..... 成件事麻麻.... 唔太有驚喜, 唯一佢係bb豬....

與新婚燕爾的老友食家等老友記聚頭，重點自不然離不開吃。今趟吃飯的地點，就選在以燒烤作主打的"賣豬仔"木佬那裡，實行盡情大啖燒物吧....這兒是明符其實的小店一間，枱與枱之間相當的擠迫，是真的轉個身亦甚感困難，再加上店內的油煙也十分大，似乎抽氣系統是等於不存在的。不過我們一向都是只重食物質素而不太理會環境有多惡劣之輩，所以對此也不大介意.....主角兩夫婦還未到場，與另一pair友人的肚子已餓到打鼓，按捺不住，先行叫了燒蒜香茄子、菜乾豬骨粥及一尾秋刀魚來打打底。前者的硺碎蒜粒及葱粒多至舖天蓋地，夠辣又夠惹味；茄子size夠大之餘亦燒得香口及淰身。但不知何解連燒茄子也要下孜然粉去調味，犯下了現時許多燒烤或串燒店的通病。孜然粉與蒜粒兩者的味配合起來，便尤如火星撞地球一般，毫不相襯....碩大一碗豬骨粥，稠度及綿度皆足；菜乾與豬骨下得極多，十二分的足料。豬骨肉夠鹹香，喜歡啃骨的小弟，真的尤如貓吃魚般，愛不釋手；粥底是異乎尋常的甜究竟是歸究於真材實料還是後天加工所致，一眾人吃完後也解釋不出一個所以然來....秋刀魚燒得有點過了火，外皮變黑且焦得帶苦，連本身甚帶鮮味的肉也被殃及，可惜，可惜....

上網看看除新斗記外，那裡有好燒豬吃，不久就發覺這間小店。和同事（共6人）訂了6時，到達後不用等便可入座。店不大，但尚算乾淨光猛。由於肚餓，狂風地叫了不少菜式：一隻燒BB豬：寫著是越南式燒豬，上桌時還很熱，份量足，買相佳。皮很鬆脆，十分好味；肉也幼嫩及入味；頂級推介！牛「月利」串燒：惹味而柔軟，有日本燒風味。燒雞：熱呼呼的，肉質不俗，皮很脆！燒茄子：也是惹味之選，個人略嫌太濃味。滷水豬腳仔：好味到極，令人回味！雞軟骨串燒：很有咬口的食品，不俗。總括來說，這裡的燒豬和新斗記的各有特色，新斗記的較精細，賣豬仔的較粗獷，但都十分好食。但論價錢，賣豬仔的平很多啊！下次試試外買燒豬看看質素如何

唔知係咪平日關係, 我6點去到只有一枱客人.叫左以下食物:乳豬(例牌) $90好像加價了. 不是下面食評講的$75好脆, 有少少肥. 記住試埋個乳豬醬, 好好味燒茄子 $25這個也很好味. 上面有好多蒜泥, 好香. 但茄子勁吸油. 食左一半頂唔順要叫個白飯一齊食燒雞軟骨 $15很普通, 又很貴, 可以不要.燒羊架 $25我唔食羊, 所以無試.

睇 OPENRICE 食評發現呢間好野兩個人叫咗香草燒雞半隻 $40皮脆肉滑，連胸肉都好滑，好似食緊炸子雞咁燒大虎蝦 每隻$52上檯時香味撲鼻，立即放棄燒雞唔食住，食左佢先 睇相都見到有幾大隻啦，蝦肉好爽，蝦頭又多膏，唔知搽左咩醬呢，非常惹味乳豬飯 $52乳豬有六件，好入味、脆卜卜，而且一d都唔肥唯一要彈係d飯又乾又硬又唔熱，好似隔夜飯咁真係硬得好緊要，坐緊巴士番屋企已經胃痛燒牛油粟米 $15真係唔知點形容，粒粒都好平均熟得泥唔會燒到乾晒，亦唔會生生地有陣青味總之全條生熟程度係剛剛好負責燒烤果位姐姐處理得相當好!zero 兩罐 $16五點半去到 walk-in 無訂位，當時員工食緊飯，都俾我地坐住等原來六點先正式開始營業，六點三有一兩枱客，六點半就坐滿了 我地食到七點，門口已經有好多人等價錢和份量都好合理，絕對有下次!!

之前既一個星期6, 同朋友去左深水步買電腦野啦..行到肚餓豬, 朋友就話附近有間野幾好味去試下..去到一間叫賣豬仔特式燒烤坊. 唔怪得咁熟口面啦..佢之前係起上環街市既木佬燒烤. 搬左過黎都唔知添間舖頭呢有廿幾30個位既, 裝修格局就幾次打冷舖架, 白色膠台布~xddd到野食啦..佢間舖名叫賣豬仔, 梗係要叫下招牌菜bb 豬啦~於是叫左半隻試下先~另外朋友叫左藍妹都係22蚊, 幾抵飲~隻豬仔呢原來係即叫即燒, 所以要等半小時, 黎到個時賣相幾靚..仲有半個豬頭~kaka豬皮燒到脆卜卜, 但係肉呢就一d都唔乾身同鞋, 好嫩好多肉汁~我就唔理食完肥唔肥, 食完先至算~@@另外呢就叫左燒魷魚同羊架~燒魷魚唔會太乾, 喉落都仲有汁~唔錯, 羊架香料重手左小小, 但都幾好食架~^^