貴香園

營業中

休息中

其實香港有好多唔同嘅麻辣米線，都已經唔知道邊個係雲南米邊個係四川味😂😂不過唔緊要啦佢最緊要就係夠香夠麻夠辣！貴香園呢間舖食咗好多年，但都係冇變過！味道非常之好，每次我都會食麻辣米線小辣加豬大腸，最特別係呢間係唯一間米線我會飲埋佢啲湯嘅，因為真係太好飲嘅湯底！！！湯底唔算好辣，但係夠曬麻，而且唔會飲到口乾呀或者即刻飲凍嘢，每次叫個杯凍奶茶都係食完曬之後先飲同埋我最鍾意佢係幼米線，“淋”得嚟又唔會一“皮”嘢咁，而豬大腸都好足料，唔會得兩三件！每一次經過旺角都要去貴香園幫襯同埋值得一讚嘅係佢到而家都仲keep住有下午茶時段，一至禮拜六都會送嘢飲真係好抵食

每次來到旺角，想食米線的時候我就會想起這架，因為她實在太正了，喜歡濃味的你一定要試吓。每次必點酸辣米線，都會點豬腩肉，喜歡他的湯底酸辣適中，而且有大量的肉碎莞茜等配料，還有多款小食選擇👍

次次黎旺角，諗唔到食咩既話都會黎貴香園食一碗米線/紅薯粉😋😋去到多數都唔使等，但地方就比較逼，台同台之間既距離都好近其實我覺得佢係我食過最好食既一間米線鋪！多數黎親都係叫:川味紅薯粉！可以自選辣度:最細係bb辣配料有芫茜、葱、肉碎，唔鐘意可以走左佢佢既湯底十分濃郁，每一碗都係獨自炮製，符合各自個人口味！有時我都會飲曬佢地d湯，因為實在太好味配料方面，我食過蘿蔔清甜無渣👍🏻👍🏻另外下午茶時段有豆漿送

酸麻辣魚蛋金菇菜米線 （多麻小辣） $38早前有天下午來了這家米線吃個late lunch，每隔一段時間就會來光顧，每次總是會叫酸麻辣湯底，因為不是間間米線店都有呢，通常都只是有酸辣和麻辣！酸麻辣湯底味道好唔錯，好香濃， 雖然真的蠻油膩，而且應該有味精（因為吃完會口渴），但味道真的頗惹味，重口味的人應該會喜歡吃！我比較喜歡麻辣重一點，所以會特別要求多麻！ 配料有： 炸醬，芽菜，酸菜，韭菜，芫茜，蔥花，炸醬份量有不少而且大多是肥豬肉碎，也許是令湯底肥膩的源頭吧。米線口感也不俗，軟硬適中，下次也會試試薯粉吧！

前排係旺角返工，近近地行幾步見到有間米線鋪，於是就快手行咗去食個lunch啦😆晏晝食飯時間都幾多人咖， 好彩碗米線都幾快嚟到😚#沙嗲米線 ($26)😋好味指數：(7/10)+芝士腸 $6+腩肉 $7通常去食米線一係就嗌酸辣或者麻辣🌶見到有沙嗲湯就即刻嗌嚟試下😚沙嗲湯一啲都唔辣， 不過飲落去就好香濃，都ok同喎😆腩肉分量適中， 食落去肉質軟淋😛米線食落去就比較淋，仲有幾條菜添😎#豆漿 (+$7).⭐溫馨小提示📌 下午茶時段飲品有優惠(14:30-18:00)

已經第二次食呢間米線，雖然係好油，但係我都覺得好好味。我食咗豬頸肉蘿蔔薯粉，豬頸肉燒得好香，咬落夠彈牙，蘿蔔就唔夠甜，不過都好味，啲薯粉好煙韌，仲要面頭有花生同埋芫荽，撈埋一齊食，就好夾，所以我一個人食晒成碗薯粉。

This restaurant is famous for its sweet potato noodles, especially No.2!!It's just good that I've once had lunch in this restaurant for five days in a row LOLSo glad I could dine in this restaurant againOrdered a satay soup rice vermicelliThe satay soup is thick, flavorful and addictiveYet, its noodles has been overcooked and way too softFor those who couldn't eat spicy stuff, this one would be a good choiceAlways so crowded with students during peak hours, will be back again for No.2 noodles on

放學同同學去食宵夜，好熱鬧，我地一行6人，等了大概10分鐘才有位。但店員呀姨十分幫忙，主動幫我們點菜及安排座位。叫了沙嗲湯，很香又不會辣，再點了花枝捧和雞翼，好好味。

因為要行花墟年宵，所以我同另一半近近地去呢度食個晏。嗰日都一點幾先入去，遲少少都要等位。其實呢間都食過好多次，最好味係麻辣牛柏葉，今次都有叫。呢碟牛柏葉唔係好似其他四川菜餐廳做涼拌，而係熱嘅。啲牛柏葉唔細塊，每舊都好爽口。啲麻辣汁好惹味，辣多過麻。我同另一半都叫四川酸辣薯粉，我哋都有叫豬頸肉，印象中豬扒都係好食嘅。但佢嘅四川酸辣，酸味辣味係有少少嘅，不過佢成個湯底好甜呀其實佢啲豬頸肉都係，炸得幾好，但醃料都偏甜，另一半一向嗌開麻辣，佢覺得唔好味，以後都係唔叫酸辣。

次次去親旺角行街一定會食貴香園既米線，佢係我食過咁多間米線最好食既一間，湯底濃厚不在話下，真係連湯都可以飲埋，每次都會叫佢地既小鍋米線，配料會有葱，韭菜，酸菜，肉碎，芫荽等等，而我每次必點豬潤，份量好多，而家好軟滑，一啲都唔會老身，其次係雞絲，帶有麻油味又唔鞋，仲有就係腸仔，兩條打孖上，一啲都唔吝嗇，其他湯底未試過，剩係小鍋米線每次食都唔會厭，惟一就係坐得有啲迫，午飯時間可能要等等，上菜速度都叫快既，經開旺角不妨一試

一直認為佢地嘅酸麻辣紅薯粉好正😌相隔成年再去試，叫左豬潤同山根🙂豬潤依然軟滑但無左以前入味的感覺😩但是山根超吸湯，湯是十分濃厚的🤤雖然味精係不在話下嘅但實在太惹味😛可惜闊別呢段時間，唔知係換左紅薯粉牌子定煮耐左🤔⋯薯粉完全無左口感😩😩明明以前是煙靭有咬頭的⋯好味指數😋：7/10翻啅指數🙆🏻：7.5/10人均消費💰：10-99服務態度👨🏼‍🍳：6.5/10 乾淨指數🌝：6.5/10

尋日下午茶時段一個人入左去食叫左碗牛栢葉豆卜熱伴薯粉配豆漿仲叫左碟青瓜, 下午茶時段做特價, $10一碟 5點9落單,等到6點1都未有得食,遲過我嗌既兩枱客都已經食緊 (但佢地全部都係湯米線/湯薯粉),可能個姐姐見我都好疑惑, 佢行埋黎同我講: 就快有啦 唔駛心急errrr 真係唔知比咩反應佢好 最後碗薯粉6點09分到食左半碗 碟青瓜都未黎今次真係問姐姐啦佢無行埋黎, 直接係收銀位到大聲講:知道 爭你條青瓜 而家做咩叫而家做啊 我明明5點9就嗌真係唔明佢地咩玩法 最後成碗薯粉清哂碟青瓜先上枱

一直都愛食雲南米線，食黎食去都係米線，但黎到太子除左大連鎖店之外，其實呢間都好好味，又唔肥膩，大大個夠飽肚😌下午茶2:30開始，送豆漿或者加錢轉茶餐廳飲品，仲可以加$10小食。我緊係揀熱氣到爆瘡的雞翼，好邪惡！小鍋米線足料，配菜都唔小，唔會好似出面車仔麵果種hea走你❤️我自己本身都接受到淋豬皮，咁先索曬啲味咖嘛👍🏼如果你要食爽既，提提你，咁就唔好係呢間叫啦！另外腩肉係我朋友必叫既，但我覺得另外有一間醃得好味啲啦🙊

個人平時食米線只會叫麻辣好少會食酸辣今次試呢間平民米線無其他連鎖咁出名但味道絕對唔輸蝕最重要有豬肚豬耳呢d餸可以叫麻辣湯底真係會食到個口麻左但係個湯底好正 濃得黎唔係得個鹹字

行完街見到呢間嘢好多人入嚟試下啦麻辣米線好正呀 辣度適中 牛丸又好味 雞絲 又好味 再加多杯少冰嘅凍檸茶 正 下次嚟一定要試下嗰個炸腐皮角 同埋香蒜小青瓜 不過佢哋嘅花芝棒就麻麻哋另外仲有春卷都可以