貴香園

營業中

休息中

落大大大大雨，有傘都冇用～最好都係搵個地方落腳，食下野～希望出番去細雨d啦～唔駛問，我又係去尋辣吧！今次要試嘅係貴香園～18:30去到，好早，早到未係有太多食客～室內十分光猛，環境普普通通～Manu嘅選擇唔少，有個沙嗲湯底米線好似幾特別，不過麻辣先係我至愛～一如以往唔加餸，專注湯底同配菜，今次叫左大辣～湯底不算油膩！免費配菜份量比較少，至於湯底，個人認為唔夠香濃，唔有淡淡的麻味，唔夠刺激我味蕾～米缐林度適中～今次好醒！叫左少米缐～所以可以清光光，惜食咪做大嘥鬼！Yeah!叫左支豆漿（連麪叫）+$7！睇真d，係香港製造唔係大陸野黎！豆味幾香，甜度適中～如果濃郁度能提升更好～埋單$32，麪食完飲埋豆漿飽到呢⋯出番去，係細雨左wor～

如果依間鋪頭食物有4粒星(5星滿分)，環境同服務最多只有2星~先說食物，有8款米線/湯底讓人選擇，配料亦有40多種，相信可滿足大部分客人口味~叫了個2號酸麻辣紅薯粉，配料要豬頸肉同炸魚片~湯底酸辣平衡，不會過酸/辣，配送的炸醬分量足~ 紅薯粉煮得恰到好處，彈力十足~ 豬頸肉同炸魚片則大路貨色，不好亦不壞~ 整體食物味道不俗~遺憾環境同服務可用劣來形容，座位之間十分峽窄，我會理解不是去高級餐廳食野，但短短食個麵的時間俾待應阿姐撞到幾次感覺真的不好受~而且漏單送錯野時有發生，見到不少客人追問食物/飲品情況，這點希望多加改善

原本想吃連鎖米線的我今天因為這裡的撈米線而來了。結果大為失望。上桌時這個涼拌米線有點出煙，幸好米線是涼的，但餸是熱的米線偏稔，汁也超級咸，吃不到底餸是正正常常的，但其他都是敗筆。總之別貪新鮮啦

個人推介指數分 5 (10分為滿分) – 食物味道倘可, 但人手但嚴重不太足夠, 清潔枱面和上菜時間議要客人等待很久, 趕時間的朋友或許會火滾. 天氣直逼38度, 人在旺角簡直是火燒心, 本來和太太想去食蛋包咖哩飯, 但實在太熱了,完全沒有胃口, 於是 太太提議吃酸辣米線開開胃. 走了兩個街口, 真的忍受不了, 眼前剛好有間米線店, 我們便二話不說衝入 去. 坐位倘萛舒適, 可是滿枱上手留下的碗碟遲遲未有人執拾. 店子只有兩名服務員, 我也明白要兩人服侍當前二十數人是有點吃力, 不過理解還理解, 三吹四請下才有人拾枱, 客人首先的觀感也不太好. 食物價錢也是合理, 像車仔面一樣, 點弓湯底後, 每款食物一樣一樣樣加上去. 湯底上我今天選了涼伴木耳類, 希望能解解温, 太太就點了豬頸肉酸辣紅薯粉.涼伴木耳米線一心以為了涼浸浸, 結果上菜時米線是熱到出煙, 你可以說MENU寫着沒湯就是涼伴, 那為什麼會有個熱伴紅薯粉呢. 放涼了五分鐘我才去食, 因為我實在不想吃太熱的面條. 味道方面, 木耳炸菜加肉碎混在一起是很好的配答, 非常野味, 是今晚唯一的亮點. 豬頸肉酸辣紅薯粉豬頸肉醃得很入味,

去開始創中心拎野，經過見到間食薯粉，就入去試下啦。入到去冇咩人，可能因為下午茶時間啦。叫左個熱拌紅薯粉($24)配腐竹(+$5)雞翼(+$7)走花生，飲凍檸賓(+$6)等左幾分鐘就整好左我個餐，撈埋所有野先。腐竹夠滑，但冇咩味，要撈勻d汁再食。雞翼入味，但係有小小硬，不過都ok嘅，如果可以大隻d仲好。薯粉係普通個隻，如果有寬身個隻就好喇，我覺得烚得軟硬岩岩好，又滑又彈牙，撈埋個汁同小小配菜幾好食。杯凍檸賓超甜-0-，舊檸檬吉到爛晒都係甜到頂唔順，最後冇飲晒埋單42蚊，係杯凍檸賓唔係好值。

雲南食品，選左1號餐($25)，加魚皮餃同午餐肉($7+$7)！可選擇唔同辣度，個人唔太食點辣，所以就簡左小辣，唔算等得耐，好快就有得食，紅薯粉煮得合度好處，好有口感，凐凐銀銀，不過來個陣時太熱，要慢慢食，小辣真係做到小辣，都要讚！午餐肉唔係煎，反以用油炸，所以較乾身，失去午餐肉應有既獨特味道。魚皮餃唔腥，表皮唔會梅同粉，味道不錯湯底反以唔夠酸，如再酸d，效果更佳！

怀孕之后特别喜欢吃酸辣的食物，这家店很符合我的口味！这次吃的云南小锅酸辣米线，不足之处酸辣之中带了比较重的甜味，希望下次试试麻辣米线，肯定更棒，很符合我的口味！

想問清楚個下午茶餐係點計，野食點計，就好唔耐煩咁答人。叫左兩隻香草雞翼，過份地咸，過份地炸叫左兩碗熱伴米線，米線太林，無咬勁，仲有好多湯係底。叫左兩杯熱飲，又唔熱嘅總的，佢就係想你食完快走同下次黎唔黎都無所謂

聽過朋友推介哩間店嘅米線，咁啱經過附近，決定一試。入到門口已經聞到香味，因為唔算太肚餓，只係要咗酸辣米線加山根，牛丸，本身唔食得辣，只要咗小小辣。米線一送上就比d香味吸引，d肉碎好有油香味，首先飲咗啖湯，酸味啱啱好，唔會酸到嗆喉，好濃肉味，d肉碎有滷過，d肉醬帶出成個湯底嘅味。米線煮得有d過軟，不過仲可接受，山根吸曬d湯好好味，最重要係d山根無油億味。牛丸都爽口，無雪味。d湯越飲就越想飲，不過之後都有口喝感覺，應該都係有味精。對比起出面其他連所米線店，我覺得佢地個酸辣湯底好味好多，同埋份量都唔少。

今日八點幾見貴香園唔洗排隊,就決定入去食喇入到去叫左呢到最出名既薯粉,揀左熱拌紅薯粉，係無湯既。薯粉唔係間間米線鋪都有,仲要係熱拌tim今次揀左魚蛋同蝦餃兩個餸，呢到既份量幾足夠，薯粉本身就咁叫既話都已經有齊花生、鹹菜同肉醬既配料，而且料都幾多。至於另加既餸，蝦餃都唔錯,個皮唔會林哂。不過魚蛋就麻麻地喇,無咩彈牙既質感,有D唔係好新鮮既感覺,仲要皮同肉係分離架tim,下次都係唔叫魚蛋喇。不過有肉醬同其他料撈個薯粉已經唔錯,平民米線鋪黎講係性價比幾高既選擇。

下午茶時間去到，坐滿人咁滯，好彩仲有一兩個位剩唔洗等～ 叫左酸麻辣湯底 蘿白米線～小辣多麻～之前試過冇叫多麻，覺得唔係太夠麻香，自此之後次次都有叫～個人覺得真係正d 㗎！不過如果唔係咁重口味既人會覺得鹹左少少～呢度湯底夠濃夠香，每碗即叫即煮，配料和米線份量都足，唯一最唔鍾意就係佢碗米線有好多粒黑色好似燶左既“鑊屎“咁既物體，食過幾次都有，一路食要一路夾出黎，唔知係咪個湯底煲燶過。。。  不過佢米線既質地口感我就真係好鍾意，食得出唔係cheap來貨。除左酸麻辣湯底，呢度仲有比較少見既沙爹湯底，都有幾多人食呀，我第一次黎呢間食就係試佢個沙爹湯底～都唔錯的！

一入去就舉手叫野食個侍應係度執野見到又繼續執大把位又唔係趕住入客點解唔落左單先?唔落 講聲等陣都好呀------------等左15分鐘野食先黎 算耐啦 又唔係多客腩肉碎瘦肉片都叫腩肉? 呃人既同個間連鎖米線店差好遠配菜個間連鎖米線店既配菜係有少少腐竹九菜芽菜唔會好似呢間 得條咁既生菜個沙爹湯又唔係特別得真係唔會再去

過了深夜12點，想找1間專吃米線的沒有太多選擇。到太子這條入夜也有不少食店的街碰碰運氣，遇到這舖便立即走進去。2餸($39)這裏可選的種類不少，有幾十款，最欣賞!這次點了腩肉及響鈴(1客2件)的酸辣薯粉小辣。湯底味道酸辣適中，薯粉偏諗，響鈴是另上，保持香脆。腩肉帶少少辣。麻辣雞翼1客($20，3隻)是炸雞翼配上既麻帶辣的辣粉，雞翼醃得入味，炸漿很脆，即炸熱騰騰很吸引。與平時米線吃到的不一樣，反而像越南餐廳的炸牛油蒜蓉雞翼，不怕熱氣，香口東西必點。飲品跟餐冷熱$7。餐廳小店質素中規中舉，但絕對是深夜過後的不錯選擇。

下午食lunch唔想再食飯，食米線既話，依間既麻辣米線好唔錯。我叫左碗麻辣湯米線，小辣，配雞肉。嘩！一黎到碗面勁大碗，三十幾蚊真係扺。味道方面，湯底非常正，真係名副其實既麻辣，好重麻味，食得耐成個咀會麻痹左。辣味唔係好重，岩唔係好食得辣既人

岩岩收工，夜媽媽十一點幾，想食野又自己一個，又唔想食貴喎，貴香園係個幾好既選擇廿幾蚊有碗今次我叫碗沙嗲湯米線，碗面一上到黎，立即問到沙嗲既香味之後一飲佢啖湯，真係感覺到濃濃既沙嗲味，之前食過其他餐廳既沙嗲米，就感覺唔到有咁濃厚既沙嗲味，而且米線亦非常入味，佢既沙嗲味偏甜，唔似出面咁偏辣，幾適合怕辣既人食