貴香園

營業中

休息中

不要看他一間在太子內街的小店，進入時已見到不少人在進食。我點了酸麻辣紅薯粉配上了豬軟骨和響鈴。因第一次來吃，生怕他很辣，所以叫了檸檬七喜，降降火。紅薯粉上來的時候，賣相已很吸引。先喝一口湯頭，本以為很辣，但非如此，湯頭的層次很夠，除了能感受到肉的鮮味外，還能夠喝到香辣的味道，我很是喜歡。紅薯粉彈牙，很滑，配上湯汁一起吃，很美味。豬軟骨也煮了很久，咬一口便散開，軟骨也很很林淋，還帶有肉香，很是美味。

之前見到幾多人 ..新嘗試之下第一次走入去呢間雲南米線 ..辣度小小都已經覺得啱比例 ..至於酸度湯底唔夠酸 ..可能係酸菜比例相對較少而突出唔到，有待改善！自選米線揀左紅腸、瘦腩肉、粟米餃配酸辣米線 ..紅腸略微厚而硬 ..瘦腩肉偏比較似牛腩一樣 ..粟米餃就硬身而未太熟 ..至於米線軟身反而入口唔錯 ..整體黎講係份量足夠，但餸同湯底嘅質素係有待改善！相對平民價錢黎講，可能會首選其他雲南米線！

之前食過對面個間雲XX風味 ，今次終於有機會試埋尼間。麻辣炸醬響玲米線($41)+凍檸茶(+$7)我揀左中小辣，辣度係幾辣，係比較純粹既辣，似X 哥，唔似雲南風味個款麻辣。但係加左成碟炸醬($7)之後，湯底馬上變得好惹味，比未加炸醬前好食好多，加分，但炸醬有碎骨，扣左少少分。響玲($7)就正常。(唔記得影落哂炸醬既湯底)(個人口味S: 3/5)無炸醬(個人口味S: 3.4/5)有炸醬醉辣豬頸肉火腿米線($45)+凍檸茶(+$7)“友人”揀左小辣，辣度剛剛好，湯底幾惹味。豬頸肉($12) 有4件，炸過又柴又硬，唔好食。火腿($6)比較鞋，唔係滑身個隻火腿，麻麻地。(見隔離枱既豬扒係另上又好大塊，好似幾吸引)(個人口味E: 3.4/5)差唔多7點去到，餐廳都有7成客人，已經見到有幾枱客都係等緊野食，心知不妙。由落單到上菜再到埋單，完全感受佢地緩慢既節奏…… 等15分鐘先上第一碗米線，未必有下次。

雖然疫症橫行，但都要搵食！ 我們一行兩個人，天氣涼涼地，至岩食辣辣地的雲南米粉！食咗雲x香好多次，即管試吓隔離呢間貴香園，點知一試愛上！先講價錢：我們分別叫了兩碗粉，其中一碗加了豬軟骨，還另外了一碟蒜泥白肉，加埋都100蚊有找，價錢相當親民！再講份量：粉面的分量十足，如果叫川味，炸醬的肉碎也非常多，即使不另外加餸，對普通女生而言絕對夠食！而蒜泥白肉，一碟有十幾塊，都算不錯！仲有味道：味道非常好，湯底不會過咸過濃，不會食完整個下晝還是覺得滿口酸辣味；但如果你喜歡吃酸，可能會嫌不太夠酸。✔️總結而言：不論價錢份量味道令人滿意，回頭率極高！

成日食譚仔三哥同南記太多次喇，都想試吓啲新野呀,今次路過位於花園街附近嘅貴香園😎😎見到好多種類選擇呀，又有沙嗲湯底又有麻辣酸辣等等，仲可以轉做薯粉，超正!首先揀咗個湯底先，就係熱拌紅薯粉😋😋😋熱拌當中包括咗肉碎、花生、酸菜等,酸酸辣辣嘅感覺好開胃，而且有我最鐘意嘅花生粒粒，係多層嘅口感。薯粉唔似我地平時係三哥食果d,係好肥大又彈牙嘅粗薯粉，熱拌咗一齊，正呀!另外揀咗豬扒同埋韮菜餃，豬排係有炸過架，好香脆，好淋好好食。而韮菜餃就唔係幾夠熱，但餡料都好豐富架。我一定會再食，因為太好食喇

推薦指數:🤩🤩🤩🤩鐘意食米線的我~貴香園可以話係我心水之選!每次黎旺角/太子呢邊,都總係會心思思想食呢間米線~如果你鐘意濃湯底,較為重口味的,咁呢到的米線實岩你呀!豬頸肉豬潤小窩米線 (中辣) 呢到的小窩米線超足料,有芽菜,豆皮,肉碎,酸菜,九菜...呢D配料配埋個湯底!確定係正湯底好濃好香，中辣味道剛好，帶有少少酸，酸辣麻香齊全！米線彈牙,配料好足~~豬頸肉全部都大大塊,又JUICY!豬潤更加係數一數二的好食~出面好少有好食的豬潤,呢到食過幾次都覺得唔錯~~

今日又好難得唔使帶個細嘅出街，只係帶住個大咁就方便好多。搭正食晏時間我地貿到旺角，一定好多人🙈今次好好彩，人係多，但係我哋唔使等位就可以了入去食👍🏻。入到去見其他人食嘅嘢全部碗麵都係紅卜卜😲，我地基本上唔食得辣，坐低望一望個menu，好彩都有清湯嘅。不過嚟得呢啲舖頭食就挑戰一下，姨姨話少少辣其實都唔辣嘅，咁我哋就好放膽去試咗川味紅薯粉🍜。除此之外我仲叫咗阿大最鍾意食嘅豬耳。🍲其實等食嘅時候，阿女都好驚真係好辣。 點知嚟到食下，一啲都唔辣，佢仲係咁話要添啲湯，攞嚟試下飲下喎。😜我哋叫咗嘅餸有豬大腸粟米餃🌽同埋蟹子丸🍢呢啲都係阿女好鍾意食。總括嚟講粟米餃喺舖頭推介但係我就覺得啲粉比較厚冇咁好味😐豬大腸好入味👍🏻好好食。蟹子丸就同平時差唔多冇咩特別驚喜。反而覺豬耳仔有啲驚喜，本身已經係爽口加埋佢嘅汁好嘢未😋，囡囡差唔多成碟食曬。我覺得呢間👌🏻下次可以再encore😆試下再辣少少睇下得唔得💪🏻

咁啱有次撞到個朋友，喺旺角，行下街嘅時候噉就醒起大家都係時候可以食個晚飯。其實大家都無意見你都冇心水唯有去到邊搵到邊。咁啱見到一掛，桂香園，嘅辣麵鋪。我估大家都會，覺得好親切因為呢啲鋪頭都開到成行成市純粹係睇個菜色同埋個口味。基本上我都知道佢開咗好耐所以水準我相信，有返咁上下嘅。基本上打開餐牌好多嘢都係辣味或者係有辣味成分，所以外來嘅朋友真係可以諗諗。是次點菜:小辣 雲南辣米線 豆卜来少冰 香草單难翼3 雲南袋辣米線 走非莱 午餐肉 山根  日本蟹子丸(餐)雪碧 (餐)凍檸茶抵食 Value: ok la if you have normal budget , 一分錢一分貨衛生Hygiene: normal la, 都開左好耐了服務Service: 正常咁款, 環境 Décor: normal la, 都係個D野味道Taste: 重重地口味, 有點辣, 可以去挑戰下

每次到旺角想食米線的時候，第一時間就會想起貴香園(◍˃̶ᗜ˂̶◍)ﾉ" 比起其他連鎖米線店鋪，他們更有另一番風味。平時會食酸辣熱拌紅薯粉，這次點了沙嗲米線，濃而不咸的湯底，配料有生菜、肉碎等，另外加了肥牛及韮菜餃，整體的配搭很夾。韮菜餃是他們自家製，最喜歡一路食一路倒沙嗲湯入去一起，別一番風味。每次必點的涼拌木耳絲，很清新的感覺，可以促進腸蠕動，底下還有點芽菜。單山雞翼（麻辣），每次也是新鮮炸起，不要看它好像用了很多炸粉，食下去是脆卜卜，炸粉一點也不厚！而且真的很有特式~(˘▾˘~)

每次到旺角，也不其然想到近太子花園街的貴香園！這晚也跟男朋友放工去吃，大概晚上9點半，店裡也是經常的滿座。配料方面，我們很愛吃這店的豬頸肉及自製餃子！每次都點！小吃方面，我們希望每餐都吃點蔬菜的關係，也會點香蒜拍青瓜(另設有辛辣口味)，和蒜泥白肉也是我在香港吃過覺得首一二名的排位！非常切口我們的口味。蒜香很不單一，也滲入了肉。每次的米線份量也很大，配料也很多。要特別提及的是這店的酸辣湯底！每一口都覺得很美味，夠酸夠味，感覺很足料。是每次到旺角的必吃米線！

星期日晚10點半的late dinner和朋友隨意的走進了這家店店內座無虛席有各款米線及薯粉選擇，有set好的，也有自選配搭另外也有涼拌類小食等等～～我選了熱拌紅薯粉，加一款配菜，鮮肉韮菜餃我們也叫了碟香蒜小黃瓜分來吃～～熱拌紅薯粉，本身配炸醬﹑酸菜﹑芫茜和花生整碗的份量都好多，薯粉及配料都好足！薯粉粗身，但質感較軟身，不過都能吸滿醬汁的味道炸醬及酸菜都好夠味，拌薯粉就剛剛好～～炸醬帶點微辣，令薯粉惹味～～配鮮肉韮菜餃加$8，有4隻韮菜餃夠飽滿，皮不會太厚，韮菜與肉的份量平均，算不錯！香蒜小黃瓜，小黃瓜爽口蒜泥的量都算ok但整體好普通小小的店，座位都較為狹迫食物味道都算可以35元左右就有一碗一餸麵食，CP值算是可以～

喺花園街行咗陣 諗住去始創搵嘢食 但入到去全部都係連鎖式餐廳反而見到西洋菜街地舖其實好多選擇 見到街口有間食雲南米線 dinner time比我想像中多人 不過啲姐姐都勁快安排到位俾我哋！呢度嘅選擇都幾多（我平時好少食米線）原來除咗雲南小鍋米線，原來仲有酸辣粉、涼拌米線其他食法一般食米線都係叫餸加湯底 呢度都唔係例外啦我就叫咗腐竹、腐皮角（魚肉）嘅雲南酸辣米線 個湯底酸辣適中勁開胃～大贊呢度嘅portion!配料超多 毫不吝嗇！配菜都好多：芽菜、芫西 蔥一樣都唔少 每樣仲大大份！朋友叫咗：鮮蝦雲吞、豬軟骨、金菇涼拌米線 我覺得夏天食都幾好啊 撈麵底一樣唔差！兩條友口痕 仲嗌咗個麻辣牛柏葉小食呢個辣汁係Fix嘅超～級～辣～不過有時越辣越過癮 個種辣到你條利勁麻既feel真係幾正嘅

Hidden away from Nathan Road, it is a good place for Sichuan noodles. This place was packed. I was there around 6:30pm and there was a line outside waiting for tables.Menu offers the most extensive list of items to choose from. I chose tripe, turnip, chives and chives dumplings. All very good !!! For soup base, I had numb and spicy - extra 🌶. The noodles made from sweet potato flour was cooked just right. Will definitely go back if I am in the neighborhood!!

下午茶時間叫咗貴香園嘅優惠下午茶（2:30-6:00）沙嗲米線及單山雞翼。沙嗲米線湯底超級濃郁，應該加咗花生醬，米線口感剛好， 不太林不太硬，個湯底值得飲埋佢，因為實在太好味啦， 建議米線份量可以多一點。重點推介單山雞翼，外觀非常吸引，炸到金黃色，上面有少少麻辣粉，外賣都仲係十分香脆，超級好食。凡叫米線都可以加$14有兩隻。散叫都係$23 有3隻 ，但係如果叫外賣嘅話記得要提早一個鐘叫定 ，佢哋一碗都送，但係要帶兩個餸，超好，誠意推介!!

下午茶時間叫咗貴香園嘅優惠下午茶（2:30-6:00）沙嗲米線及單山雞翼。沙嗲米線湯底超級濃郁，應該加咗花生醬，米線口感剛好， 不太林不太硬，個湯底值得飲埋佢，因為實在太好味啦， 建議米線份量可以多一點。重點推介單山雞翼，外觀非常吸引，炸到金黃色，上面有少少麻辣粉，外賣都仲係十分香脆，超級好食。凡叫米線都可以加$14有兩隻。散叫都係$23 有3隻 ，但係如果叫外賣嘅話記得要提早一個鐘叫定 ，佢哋一碗都送，但係要帶兩個餸，超好，誠意推介!!