貴緣小鍋米線 (崇潔街) (已結業)

位於紅磡崇潔街嘅貴緣小鍋米線店 位置雖然隱蔽 裝修簡樸 但原來內有乾坤 米線配菜小食包羅萬有 湯底同配菜選擇分分鐘比米線一哥譚仔更為出色 分量亦好大 價錢合理 「大分夾抵食」-🍜鮮茄小窩紅薯粉$69我揀咗四樣配菜 包括有豬軟骨 鮑魚 墨魚丸 蘿蔔 配紅薯粉 薯粉爽口 蕃茄味濃郁鮮甜 豬軟骨入口即溶 鮑魚同墨魚丸都好彈口 口感綿密嘅白蘿蔔吸晒啲蕃茄湯 淡淡蕃茄味 鍾意蕃茄嘅朋友真係不容錯過 -🍲酸辣小窩米線 $66叫咗少少辣 同譚仔六小辣差唔多 朋友鍾意食素 所以配咗冬菇王 甜酸齋 螺旋藻 特別要推薦嘅係芋絲條 今次係第一次芋絲條 口感好似蘿蔔絲 軟熟得來帶點爽口 頗有驚喜-😋皮蛋豆腐 $24豆腐嫩滑 涼拌皮蛋彈口 -🍗重慶口水雞翼 （小辣）$27廚師好細心將雞翼尖切開兩半 令重慶口水汁完全滲入雞肉裏面 更加入味 味道有唔同層次 先有蒜香味再有陣陣麻油味 格外開胃惹味

食米線最緊要係湯底😏，平時食開嘅米線湯底多數都係清湯、酸辣、麻辣為主😌。呢度嘅湯底選擇比岀面嘅多😚。今次揀左特別嘅蕃茄🍅、青花椒🫑。蕃茄湯濃郁到食到粒粒蕃茄湯🤩，青花椒係岀面少有嘅味道，淡淡香嘅辣味啱啱好，唔似得麻辣咁嗆😋。米線質感適中，唔林唔硬👍🏻。兩碗米線都分別叫咗4款餸，螺旋藻🌱、炸魚皮🐟，滷水雞翼🐔、秘製腩肉🐷、豬血、山根、冬菇🍄、豬腸，值得一試嘅係螺旋藻，一片片有少少靱度又帶點爽口😊，炸魚皮勁大份🫢，分開上沾上湯一齊食好鬼正🤪！小食方面，蒜泥白肉十分肥美，辣味同蒜蓉比例啱啱好，食完唔怕口臭🤭，皮蛋豆腐滑嘟嘟，幾過癮😗！🍽 貴緣小鍋米線 (紅磡)📍 紅磡崇潔街20號地舖😋味道: 9/10🤑價錢: 7/10✨環境: 7/10🧹衛生: 7/10👷🏻‍♂️服務: 7/10

最近見到米線關注組有人介紹土瓜灣米線店，決定去試一試。米線湯底以麻辣、酸辣同豬骨濃湯為主。今次午餐時間黎到，門口已經有唔少人排隊同買外賣。店內位置唔係好大，所以坐位比較窄，坐得唔係太舒服🥲🥲🔎 麻辣湯米線($31)麻辣湯本身已經有炸醬、韭菜、芽菜同蔥，湯底味道唔錯，辣度方面我揀左少少辣，但感覺整體辣度比我想像辣🥵配料方面我揀左大家比較推薦既秘制腩肉(+$10)同雞肉絲(+$10)。腩肉炆得入味，而且肥瘦均匀，食落唔會嚡口。雞肉絲就咁食會覺得比較乾身，浸落湯之後先食，就非常好味，因為雞絲會索左啲湯汁~

我好鍾意食麵線,今日同朋友喺紅磡做完嘢之後就過咗嚟「貴緣小鍋米線」食米線!我哋已經6:30嚟,都好多人啦!,呢度落order好方便,上係紙落又得,用最先進嘅QR code落亦得,好快就上野食我地分別叫左酸辣小鍋小薯粉(小小辣) +配料秘製腩肉,豬紅,墨魚丸,豆腐卜+小食蒜泥白肉 ,飲品C+檸檬少少啦，味道啱啱好,唔會因為太難食唔到,豬腩肉肥瘦適中,豆腐卜可以平衡返辣味, 蒜泥白肉可以解辣鮮蕃茄小鍋米線+配料雞翼,冬菇,鮑片,番茄+小食涼拌青瓜 +雪碧鮮蕃茄湯底好健康,連湯都可以飲埋,雞翼好大舊,好好咬,配堆青瓜好仲健康!非常健康配搭!最重要最重要最重要嘅就係佢哋嘅分量十足,如果太細食嘅話梗係,一份兩個人食都得😍

呢間係朋友介紹嘅小鍋米線鋪，上網睇番資料原來都曾經係米線關注組出現過🔥*酸辣米線 中小辣 $31幾欣賞呢度嘅辣度可以每半級咁加上去， 而且成碗滿到好誇張🥳米線軟硬適中，湯底夠濃，酸辣度都幾平衡，唔會好鹹🥰 冇乜油不特止，仲有陣鮮甜味，連我最鍾意嘅雲家米線都做唔到酸辣仲保留到呢種鮮甜😍配料試咗豬軟骨 $10秘製腩肉 $10肥牛 $10雞肉絲 $10魚片頭 $9鹵水雞翼 $9蘿蔔 $8食肉獸嘅我表示最鍾意係蘿蔔😂 因為索咗啲湯汁甜上加甜😋另外仲叫咗兩款小食蒜泥白肉 $27: 幾中意個蒜香唔會好咸，而且豬腩肉唔會好肥👍🏾麻辣豬肚 $31: 好柔和，麻味會係後韻衝出黎🔥整體鍾意佢清得黎又濃味， 不過如果超級重口味嘅人就可能覺得淡咗啲

呢間位於土瓜灣的米線鋪受米線關注組推介、經過土瓜灣便決定要來😝🌶.我們分別點了麻辣小鍋米線🍜和鮮茄小鍋米線🍜兩者的湯底嚐了一口都非常有驚喜✨❣️完全不似其他米線鋪☺️前者香鹹麻辣、帶有香料味、頗有大陸辣條般的味道🤭，香味濃郁得令人欲罷不能！更能品出其豬骨濃湯底❣️大推🥹後者亦非常出色、口感十分濃厚，茄湯鮮香味美、配上中小辣非常夾🌶🌶🔥.配料方面我們滷水大腸、螺旋藻、豬軟骨、雞翼、冬菇皇、豬紅、秘製腩肉。🤤印象最深刻是冬菇皇以及螺旋藻；冬菇本身調味夠而且厚身、但竟然都索湯😻大愛❣️至於螺旋藻果然是人氣之選！軟腍薄身、撈上麻辣米線口感一流🥹至於其他都不錯🥰豬軟骨軟淋入味、豐富膠原蛋白、大腸處理乾淨入味🤙🔥❣.蒜泥白肉$27 / 麻辣豬肚絲$31這裏的小食與坊間不同、也加上了辣條般的香鹹麻辣味、非常特別惹味🤙肚絲亦足爽口彈牙🔥.飲品更有豆漿選擇，總體來說價格親民、味道又香辛惹味、必定會回頭✨🔥

紅磡隱世小鍋米線🍜位於紅磡小巷入面一間小鍋米線估唔到有幾好食喎，超大碗勁足料！！秘製麻辣湯米線🍜炸醬、韭菜、芽菜、蔥🤩秘製腩肉、墨魚丸、豬肚絲、炸響鈴🔔腩肉肥瘦均勻，墨魚丸超彈牙！炸響鈴吸晒湯底嘅精華，值得叫！秘製麻辣湯米線🍜叫咗小小辣，湯底偏鹹，係正宗麻辣嘅口味！雞肉絲、蘿蔔、炸響鈴、生菜🥬雞絲份量超級多！！蘿蔔真係超級鮮甜，食落又唔會好多根食米線梗係要食啲前菜啦！涼拌青瓜 超爽脆！！皮蛋豆腐 皮蛋好彈牙～超中意個麻辣汁📍 貴緣小鍋米線 (紅磡)紅磡崇潔街20號地舖

呢間米線係朋友極力推薦，咁一於嚟試一試😌果然相當唔錯！非常鍾意佢個酸辣湯底非常夠味，又可以揀多酸菜👍，好食過出邊啲連鎖米線店好多～特別一讚叫咗四餸，但份量冇減少到，超級多塞到個碗滿一滿！朋友推薦我一定要叫螺旋藻同雞肉絲仲有秘製腩肉，螺旋藻唔係間間米線店都有得食，但係真係好好食😋口感爽爽地至於雞肉絲可以吸晒啲湯汁，一食落去滿滿嘅湯底精華腩肉本身就好夠味，肥瘦啱啱好另外仲叫咗豬紅覺得幾好味，一啲都怪味都冇口感又唔會軟瀨瀨！鍾意食豬紅嘅必叫貴緣雞絲火山 麻辣味份量真係好多成座山咁，佢都幾辣下勁惹味🌶同埋入邊仲配咗啲酸菜，令到口感更加豐富蒜泥白肉同出邊食開嘅有啲唔同佢嘅腩肉更加爽脆，同埋唔會剩係得蒜味，仲有少少辣味夾埋更加好食😋

土瓜灣紅磡美食攻略2022 隱世米線小店#米線關注組 人氣推介 今日XX關注組搵食人氣店土瓜灣行去七分鐘,近紅磡交界,即係加太賀條街呀!好多野食架喎~呢度有間隱世米線店,老闆每碗新鮮煮,今次食2款濃郁鮮番茄湯,招牌酸辣湯肉丸彈牙,番茄湯有酸味好自然~ 配料有肥牛,索曬湯汁味道豐富蒜泥白肉,夠香夠辣仲有醋味提味,味道複雜而好食帶點辣,食曬連個湯都撈麵個汁拎去拌麵得好食,有得諗做埋拌麵呀!醬油雞翼味道淡少少,無咁重味,雞件大肉多,食得爽另一款招牌酸辣真係好食到癲,雞絲多,索完湯個味道好食好多,絲拆細口感好秘製腩肉出奇地好食,有D甜又D辣,成個味道勁夾湯底食完即刻想買多碗打包~平均消費$100評分9/10 #貴緣小鍋米線 #米線 紅磡崇潔街20號地舖G/F., 20 Sung Kit Street, Hung Hom 每一碗即叫即煮，明火烹調，絕不取巧｜正宗小鍋米線.

朋友成日介紹佢土瓜灣附近有間米線好正，但一直都懶得過去食，今日諗緊食咩午餐個時就醒起依間米線，立即換衫出發。我地都揀左佢地出名嘅招牌酸辣湯米線，不過第一次食，所以唔敢揀太辣，一碗揀左中辣，另一碗揀左中小辣。中辣個碗米線揀左豬軟骨、秘製腩肉、螺旋藻、鹵水大腸。每碗份量都幾多，螺旋藻超夾酸辣湯底，豬軟朋肉質嫰滑。中小辣個碗揀左秘製腩肉-微辣豬紅、魔芋條、雞肉絲，個人幾鍾意依種湯底，唔太油，中小辣嘅辣度唔算太強，魔芋粉會另外分開上，帶點辣入口爽脆，雞肉絲吸汁後勁好味。另外點左兩份小食，甜酸齋和皮蛋豆腐，甜酸齋估唔到和酸辣湯咁夾，皮蛋豆腐香辣細滑。好耐無飲過豆漿 ，爽到震。

好一段日子無無過嚟紅磡搵食啦，就算屯馬開通呢一邊，都喺較少過嚟，唔喺方唔方便，喺習慣性同朋友群嘅因素。今晚同朋友短聚，想話輕鬆食一餐，曾經因一家日本餐廳令「紅磡」嘅「崇潔街」紅極一時，雖然依家不及當年，但「崇潔街」仲有很多卧虎藏龍，而且，更有唔少喺平民美食，選擇嚟「貴緣」食米線，咪睇話米線咋，「貴緣」嘅餸料同小食，一樣有亮點，否則都唔會專誠走一轉過嚟。 一睇就知喺街坊小店，裝修簡單樸實，賣嘅喺質素，講嘅喺人情味，用餐期間，就聽到店員同唔少街坊熟客嘅對談：又無飯開呀！又做私人外賣仔呀！今晚想叫幾多餸呀！要唔要加個小食呀！環境就唔太多嘢講，就講吓餐牌，呢度就以車仔米線形式點餐，除剔紙仔，更可以用二維碼落單。選湯底（$29-$34），選麵底，選辣度，特別喜好，再揀餸（分3個價位：$8、$9、$10），相信喺香港人都無乜邊個唔識，每一類別嘅選擇都多。此外，店家仲有好多特色小食，都喺廿零、三十，值得試試，仲有豆漿、綠茶、汽水供應。  杯裝豆漿 $9、玉露綠茶 $9先嚟兩個嘢飲，小弟就揀豆漿，話晒朝朝早餐都配咖啡，夜晚就健康少少飲豆漿，豆漿唔似喺自家製，不過，豆味都幾夠濃，甜度又啱啱好；友人就揀玉

紅磡一向多美食，但平時都係喺大街附近食，唔識瓹窿瓹罅搵野食。今次跟個住喺紅磡既朋友食野，冇諗到會有驚喜！我地一人點咗碗麵同小食，再加多份飲品。我揀咗豬骨鮮濃湯紅薯粉，四款餸包括豬軟骨、秘製腩肉、紫菜同雞肉絲。秘製腩肉味道微辣，所以辣味唔會喧賓奪主，反而令腩肉增添惹味。朋友點特濃新鮮番茄湯米線，湯底超級濃郁，好足料！四款餸分別係秘製腩肉、魚片頭、炸醬同肥牛，每款都唔錯。除咗麵之外，小食都係誠意之作蒜香醬油雞翼呢款小食有驚喜！雞翼皮爽肉嫩，隱隱散發出蒜香味，蒜味易入口唔會太濃烈，好快就比我地清哂成碟😂蒜泥白肉肉一上碟有少少擔心會好辣，不過食落又接受到，係偏向溫和既麻辣。飲品揀豆漿同茶，豆漿唔太甜，幾好。

招牌酸辣湯 $74（米線，小辣 ，秘製腩肉-微辣，螺旋藻，蘿蔔，魔芋條 ）特濃新鮮番茄湯 走粉（轉芽菜底），小小辣，豬軟骨，甜酸齋，墨魚丸，冬菇皇 皮蛋豆腐 $24孜然涼皮條 $27杯裝豆漿 $9 今日朋友話想去呢間試吓，首次去真喺有少少難搵，佢喺祟志街右手邊嘅小巷仔入面。兩碗麵好高質 ，湯底唔喺單單辣咁簡單，仲多幾分層次，我朋友就話，酸中帶辣，唔喺死辣所以佢好鍾意。以我就飲濃茄湯，辣辣地加有少少麻，我食完咀唇麻麻地，而佢嘅湯底酸中帶點甜，好有番茄味，問過店員，佢話原來呢個湯底花咗唔小心思同時間去做。因為佢哋問咗好多街坊同客人意見，最後製作出呢個新湯底，所以好入味。而我第一次試轉芽菜底，HAHA，原來咁食又幾正。。。啱曬我呢個芽菜控，"索索"聲，食食吓就食完成碗芽菜。秘製腩肉，淋得嚟又易入口，食落真喺唔錯。螺旋藻，只知好啱打卡，因真喺好大碗 ，嘻，我唔記得偷食佢，又忘記問朋友意見。蘿蔔 我真喺幾鍾意，佢好入味，吸曬湯底嘅汁，又去走蘿蔔澀味，真喺想偷食多幾嚿。魔芋條幾彈牙 食落都唔錯。之後就講我自己食嘅 豬軟骨，我真心幾鍾意佢，佢唔使用牙咬都可以分開一半比朋友，你就知有幾淋。之後一咬落

見到米線關注組成日有人推介貴緣小鍋米線 身為紅土之友無理由唔試試佢😛米線最重要就緊係湯底 呢度主打每日用大量豬骨製濃厚湯底 堅持唔用濃縮湯精😗 有五款湯底選擇 辣嘅有招牌酸辣湯 秘製麻辣湯 同新推出嘅青花椒麻濃湯🌶 唔辣嘅就豬骨鮮濃湯 特濃新鮮蕃茄湯🍅 我哋就叫咗招牌酸辣湯米線 (小小辣) 湯底比較偏酸 特濃新鮮蕃茄湯紅薯粉都鮮甜 一啲都唔會覺得口渴/油膩 睇嚟真係無味精！再跟晒啲人氣配料嚟order😛 秘製腩肉 豬軟骨 螺旋藻 雞肉絲 冬菇皇 甜酸齋 滷水雞翼 滷水大腸🤟🏻 首先份量真係絕不欺場 睇吓多到成座山咁高嘅雞絲同大大件豬軟骨就知🤭 腩肉豬軟骨軟腍入味 重點推介冬菇 未見過啲米線嘅冬菇係咁厚身 又索咗湯底精華 好好咬口🍄呢度嘅蒜泥白肉都有啲特別 同坊間嘅唔同 白肉配搭辣味蒜泥更加惹味🐷 另外重慶口水雞翼夠香辣 係單骨雞翼食嘅時候更加方便🐣 除咗汽水 仲有豆漿 解辣一流🥛

Guiyuan Noodle in To Kwa Wan is always packed with customers during lunch hours. Today I went there around 2.30pm and luckily there was a table available.Sliced pork belly with garlic sauce - crunchy thin slices of fatty pork loaded with grated garlic.Cucumber was mixed with chopped garlic and vinegar. Refreshing and good for clearing the palate.Standard bowl ingredients included minced pork, Chinese chives, bean sprouts and spring onions.You may also choose bean sprout base instead of carbs!Bot